Narazı sakinlər

Əhaliyə xəbərdarlıq: Olacaqlardan dolayı çox üzgünük

8936
(Yenilənib 10:53 19.02.2018)
Törətdiyin əmələ görə üzrxahlıq etmirsənsə, deməli kifayət qədər peşəkar azərbaycanlı deyilsən

BAKI, 19 fevral — Sputnik. Ümumən, bizim üzr istəməyi bacarmayan, ya da özünə sığışdırmayan fərdlərdən ibarət bir cəmiyyətimiz var. Sürücü piyadanın üstünü isladar, heç nə olmamış kimi yoluna davam edər. Piyada piyadanın ayağını tapdayıb keçər, dönüb geri də baxmaz. Bu, ona "atar", o, bunu "satar", bu biri o birinin bağının meyvəsini çırpışdırar, o biri bu birinin haqqına girər və bütün bunları etməmək lazım olduğu bir yana, etdiyinin qarşılığı olaraq elementar üzrxahlıq nümayiş etdirməz.

Əslində, üzr istəməyi bacarmamaq mədəniyyətsizlik əlaməti olmaqla yanaşı, həm də işbilməzliyin göstəricisidir. Məsələn, törətdiyin (yaxud buna hazırlaşdığın) əmələ görə üzgün olduğunu nümayiş etdirmirsənsə, deməli kifayət qədər peşəkar azərbaycanlı deyilsən. Axı, ölkəmizdə qətiyyətlə üzr istəyib, öncədən özünü sığortalayıb, sonra üzr istədiklərinin başına nə gələcəyini vecinə də almadan bildiyini etmək təcrübəsi var.

Götürək elə biri bizim "Azərsu" Anarı. Nə qədər demək olar, ay eloğlu, bu xəbərdarlığını ikicə gün əvvəl elə, sonra ürəyin istəyən qədər üzr istə. Camaatı olacaqlardan vaxtında xəbərdar etsən, vallah, üzr istəməyə də ehtiyac qalmaz, bunu səndən tələb edən nanəcib olar.

("Fevralın 15-i gün ərzində Bakı şəhərinin Təbriz küçəsi boyunca ərazilərə içməli suyun verilməsində məhdudiyyətlər olacaq. Yaranacaq narahatlıqla əlaqədar "Azərsu" abunəçilərdən üzr istəyir".

15.02.2018, saat 10.00)

"Azəriqaz" İbrahim isə, adamın üstündə Allah var, mənzillərə verilən təbii qazın kəsiləcəyi barədə xəbərdarlığını yuxarıdakı həmkarından fərqli olaraq bir neçə saat qabaq edir. O da bu cür humanistliyinin özünəmükafatı olaraq heç kimdən üzr-filan istəmir.

("Oktyabrın 27-də saat 10:00-dan işlər yekunlaşanadək Xətai rayonu, Gəncə, Babək prospektləri, Kombinat, Şirvani, X.Məmmədov, Əhmədli kəndi, İnqilab İsmayılov və Mehmandarov küçələrinin bir hissəsində təbii qazın verilişində fasilələr yaranacaq. "Azəriqaz" İstehsalat Birliyi yaranmış məhdudiyyətlə bağlı bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir".

26.10.2017, saat 23:35)

Belə baxanda, heç "Azərişıq" Tanriverdinin də üzr istəmək kimi bir vərdişi yoxdur. Yoldaş Mustafayev nə İbrahim Kərbəlayev kimi 5-6 saat qabaqcadan xəbərdarlıq edir, nə də su borusunun kranını bağlaya-bağlaya xəbərdarlıq statusu yazan Anar Cəbrayıllı kimi dilucu da olsa, halımıza acıdığını ifadə edir. Mərdi-mərdanə bildiyini edir, sonra da deyir ki, "xəbəriniz olsun ha, işığınız kəsilib".

("Binənin Sovxoz yaşayış massivində 10 KV-luq yeni elektrik verilişi xəttinin quraşdırılması işləri ilə əlaqədar olaraq 27 dekabr 2017-ci il tarixində saat 10.00-dan 15.00-a qədər Xəzər rayonunun bəzi ərazilərində elektrik enerjisinin verilişində qısa müddətli fasilələr yaranacaq".

27.12.2017, saat 10:18)

Üzr istəyirəm, az qala, AYDA Anarı (Avtomobil Yolları Dövlət Agentliyi) diqqətdən qaçırmışdım. Onun da özünəməxsus üslubu var. Bu qardaş sanki, nə olursa olsun, üzr istəməyəcəyinə dair kiminləsə mərcə girib. Məsələn, hər gün hansısa küçə-prospekt bağlanmalı, tıxaclar şəhəri bürüməli və vətəndaş günlərlə zülm çəkməlidir. Bunun qarşılığında cənab Nəcəflidən hər hansı təəssüf ifadəsi eşitmişikmi? Eşitməmişik! Ya da aylarla bir küçəni eşələyib asfaltladıqdan sonra bəlli olur ki, ustanın laqundası torpağın altında qalıb. Ya Allah, küçəni təzədən sökürük. Və AYDA heç "ay daaa" peşmançılığını da özünə rəva görmür.

Hər bir halda unudulmamalıdır ki, üzr istəməyi bacaran adam, ən azından qarşısındakıların ürəyindən keçən təsirli sözlərin müəyyən qismini zərərsizləşdirə bilir (əlinlə yandırdığın tonqalın üstünə su çiləmək kimi) və az-maz mərhəmət sahibi kimi görünür. Allah xasiyyətimizi kəsməsin, onsuz da əqrəb kimi qarşımıza çıxan hər kəsə ziyan vurmadan yaşaya bilmirik. Heç olmasa, imitasiya edək, guya ki, belə olmasını istəməzdik, amma indi bir işdir də oldu.

Bu taktika uzun illərin sınağından çıxıb və artıq öz faydalılığını sübuta yetirib. İnanmırsınızsa, Hacıbala müəllim örnəyini xatırlayın. Hörmətli BŞİH başçısı illərdir paytaxtın dörd bir tərəfini hasarlayır, qazır, söküb-tikir. Lakin onun adı gələndə gözlərimiz qəzəbdən bərəlmək əvəzinə, təbəssümdən dodağımız qaçır. Niyə? Çünki adam hara gedirsə, göz yaşları ilə qələmə alınmış "Müvəqqəti narahatlığa görə üzr istəyirik" plakatını yanında daşıyır. Düz 17 ildir…

8936
Teqlər:
üzrxahlıq, üzr istəmək, AYDA, Avtomobil Yolları Dövlət Agentliyi, "Azəriqaz" İstehsalat Birliyi, Anar Cəbrayıllı, Tanrıverdi Mustafayev, İbrahim Kərbəlayev, "Azərsu", xəbərdarlıq, işıq, su, "Azərişıq" ASC, Allah, Anar Nəcəfli, mədəniyyət, mənzil, qaz, küçə, ev
Əlaqədar
Bu ərazilərdə su olmayacaq
Bakı sakinlərinin nəzərinə: Su olmayacaq
İşinizi ehtiyatlı tutun: Sabah qaz olmayacaq
Bakının bu ərazisinə təbii qaz verilişi dayandırılacaq
Bu ərazilərdə saatlarla işıq olmayacaq
İşıq və qazın qiyməti qaldırıldı
Güllər, arxiv şəkli

Şəhid övladlarının üzünü güldürən güllərlə bağlı hesabat açıqlandı

5
Şəhid və qazilərin övladlarının təhsilinə dəstək olan "Simurq Təhsil Fondu" 2021-ci ilin ilk üç ayı ərzində gördüyü işlərin hesabatını ictimaiyyətə təqdim etdi.

BAKI, 21 aprel — Sputnik. "Simurq Təhsil Fondu" ilk üç ayın hesabatın təqdim edib. Bu barədə fonddan Sputnik Azərbaycan-a məlumat verilib.

Ötən ilin sonlarından fəaliyyətə başlayan Fond keçirdiyi kampaniyalarla 400 dən çox uşağa təhsil üçün dəstək olub. Fondun 8 Mart Beynəlxalq Qadınlar Günü münasibətilə "Hədiyyən təhsil olsun" adlı kampaniyasında hədəf 100 ədəd gül olsa da, bu günə qədər artıq 400 ədəddən çox gül satılıb. Güllərin hekayəsi hər kəsin diqqətini özünə cəlb etməyi bacardı.

Belə ki, güllərin hər biri II Qarabağ döyüşü uğrunda şəhid olan qardaşlarımızın qız övladlarının adını daşıyır. Güllərin satışından əldə edilən gəlir də şəhid və qazilərimizin ailə üzvlərinin dərs ləvazimatları (geyimlər, illik dəftərxana ehtiyacları və s.) xərclərinin, eləcə də hazırlıq kurslarının, repetitorların ödənişlərinin qarşılanmasına sərf olunur. Gül kampaniyasından əldə edilən gəlir ilə 104 uşağın təhsil xərcləri qarşılanıb.

"Simurq"la tanışlıq çərçivəsində 800-dən çox kitabdan ibarət bağlama özəl bir məktubun müşayiəti ilə Fondun himayəsində olan 300 uşağa çatdırılıb.

Fonddan bildiriblər ki, bu işdə onlar tək deyillər. Xeyirxah işlər üçün bir araya gələn könüllülər ordusu, cəmiyyətin gələcəyinə biganə qalmayan yardımsevər insanlar, onlarla tərəfdaş olan şirkət və qurumlar böyük bir amal uğrunda - təhsilin hər bir Vətən övladı üçün əlçatan olması üçün birləşiblər.

Bundan başqa, "Simurq Təhsil Fondu" tərəfindən Seymur İlyasovun "Nokia. Qərbdən doğan bir günəşin Şərqdə süqutu" kitabı da həmin platformada satış üçün yerləşdirilmişdir. Müəllif öz kitabını Fonda bağışlamaqla dəstəyini ifadə etmişdir. Belə ki, kitabın satışından əldə olunacaq gəlirin hamısı "Simurq"a ianə ediləcək. Güllərin və kitabın satışı hazırda Azexport.az platformasında davam etdirilir.

Nəzərinizə çatdıraq ki, Fondun fəaliyyəti yalnız Bakı şəhəri ilə məhdudlaşmır. "Simurq Təhsil Fondu"nun demək olar ki, ölkəmizin əksər bölgələrində nümayəndələri var və onların hamısı könüllü əsaslarla fəaliyyət göstərirlər.

Fondun fəaliyyət istiqaməti şagirdlərin məktəb ləvazimatları xərclərinin, o cümlədən abituriyentlər üçün hazırlıq kurslarının (repetitorların) ödənişlərinin qarşılanmasını, onların ixtisas seçimi, şəxsi inkişaf, peşə seçimlərinə uyğun mentorluq proqramlarının tətbiqini, müxtəlif yaş qrupları üçün elmi, texniki və bənzəri düşərgələrin həyata keçirilməsini və s. əhatə edir. Bundan başqa, şəhid və qazilərin ailə üzvləri üçün peşəkar mütəxəssislər tərəfindən psixoloji dəstək də göstərilir.

Məlumat üçün qeyd edək ki, "Simurq Təhsil Fondu"nun əsas missiyası Aprel döyüşləri, Tovuz döyüşləri və II Qarabağ müharibəsi zamanı ölkəmizin ərazi bütövlüyü uğrunda döyüşən şəhid və qazi övladlarının (yaxınlarının) təhsilinə maddi və mənəvi cəhətdən dəstək göstərməkdi.

Hesabatla daha ətraflı tanış olmaq üçün linkə daxil ola bilərsiniz: https://bit.ly/3mVJWiL

 

5
Tibbi sığorta

İşsizlərə şad xəbər: İcbari Tibbi Sığortadan onlar da yararlana bilərlər

4
(Yenilənib 22:05 21.04.2021)
İcbari Tibbi Sığortanın təminat verdiyi tibbi xidmətlərin toplusu da Xidmətlər Zərfidir. Xidmətlər Zərfində 2500 sayda tibbi xidmət mövcuddur ki, əhali bundan pulsuz istifadə edə bilər.

BAKI, 21 aprel — Sputnik. Hazırda ölkədə həm işləyən, həm də işsiz vətəndaşlar İcbari Tibbi Sığortanın tibbi xidmətlərindən istifadə edə bilərlər. Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin Marketinq və ictimaiyyətlə əlaqələr departamentinin rəhbəri Aynurə Əhmədova deyib.

Onun sözlərinə görə, işsiz vətəndaşların sığorta haqqı dövlət tərəfindən ödənilir: "İcbrai Tibbi Sığorta əhalinin tibbi yardım almaq hüququnu təmin edən bir sistemdir. Hazırda əhali İcbari Tibbi Sığorta çərçivəsində tibbi xidmətlərdən istifadə edir. İcbari Tibbi Sığortanın təminat verdiyi tibbi xidmətlərin toplusu da Xidmətlər Zərfidir. Xidmətlər Zərfində 2500 sayda tibbi xidmət mövcuddur ki, əhali bundan pulsuz istifadə edə bilər.

Hazırda İcbrari Tibbi Sığortadan həm sığorta haqqı ödəyən, həm də ödəməyən hər bir vətəndaşın istifadə imkanı var. Belə ki, 2024-cü ilə qədər sığorta haqqı ödəməyənlərə güzəştlər edilib və onların sığorta haqqı dövlət tərəfindən ödənilir".

4
Mazda CX-30

"Mazda" şirkəti CX-30 modelini elektromobilə çevirib

0
(Yenilənib 23:03 21.04.2021)
Yeni avtomobil "Changan Automobile" və "Mazda Motor"un birgə müəssisəsində yığılacaq. Onun satışına ilin ikinci yarısında başlanacaq.

BAKI, 21 aprel — Sputnik. "Mazda" şirkəti Şanxaydakı avtomobil sərgisində CX-30 modelinin elektrik mühərrikli variantını - CX-30 EV versiyasını nümayiş etdirib. Sputnik Azərbaycan Rusiya mediasına istinadən xəbər verir ki, daxili yanma mühərriki əvəzinə e-SkyActiv tipli elektrik mühərriki ilə təchiz olunmuş yeni model tanınmış yapon markasının Çin bazarına təqdim olunmuş ilk elektrokarıdır.

Elektrik mühərrikli CX-30 şirkətin ilk kütləvi istehsal olunan Mazda MX-30 elektrokarı ilə eyni SVA (SkyActiv Vehicle Architecture) platforması əsasında qurulub. Hələ ki şirkət "yaşıl" krossoverin mühərriki barədə məlumatı açıqlamayıb. Lakin yəqin ki, onda da MX-30 modeli ilə yeni mühərrikdən istifadə olunacaq.

143 at gücündə olan elektrik mühərriki həcmi 35,5 kilovatt/saat olan və həm sabit, həm də dəyişən cərəyan şəbəkəsindən doldurula bilən litium-ion batareyasından qidalanır.

Lakin bu batareya birbaşa cəmi 200 km məsafə qət etmək üçün bəs edir. "Mazda"nın mütəxəssisləri avtomobili qəsdən kiçik batareya ilə təchiz etdiklərini bildiriblər. Belə ki, daha iri batareyalar ətraf mühitə ciddi ziyan vurur.

Qeyd olunur ki, yeni CX-30 EV öz yanacaqla işləyən sələfindən təkcə mühərriki ilə fərqlənmir. Belə ki, krossoverin zahiri görünüşündə də dəyişikliklər baş verib. Avtomobilin banı bir qədər daha hündürdə durur, qabaq bamperdə əlavə "dodaq", ayaqaltılar və təkər kəsiklərinin daha da relyefli olması krossoveri bir az da cazibədar edir.

Mazda CX-30 EV bu şirkətin Çin bazarna təklif olunan ilk elektrokarıdır. Yeni avtomobil "Changan Automobile" və "Mazda Motor"un birgə müəssisəsində yığılacaq. Onun satışına isə cari ilin ikinci yarısında başlanacaq.

0