Məhbus, arxiv şəkli

Az qala, bütün ömrü həbsdə keçmiş adam: "Üç aydan artıq azadlıqda olmamışam"

484
(Yenilənib 11:10 16.02.2018)
Vasif Mütəllimov: "Artıq kimsə mənə sataşsa da, özümü görməməzliyə vuraram"

İradə Cəlil, Sputnik Azərbaycan

BAKI, 16 fevral — Sputnik. Bəzən həyatda möhkəm tutunduğun, uğrunda yaşadığın insanı əlində olmayan səbəblərdən itirirsən. Ondan sonra nə etsən də, mənəvi yükün azalmır. Ruhun əzab çəkdikcə acısını ətrafında olan, qarşına çıxan insanlardan çıxırsan.

Bir də o zaman ayılırsan ki, ömür gedib. Sən yolun sonundasan. Saysız-hesabsız peşmançılıqların olur. Nəyisə düzəltməyə çalışdıqca, daha da batırsan. Gecələr isə ümidlərin bitmir. Həyatda kiməsə lazım olmayan varlıq kimi getmək istəmirsən. Amma əlindən də heç nə gəlmir…

Eynən bu dəfəki qəhrəmanımız kimi. Onunla sığınma evində tanış olmuşduq. Haqqında yazmaq istədiyimizi bildirəndə, razılaşdı. Hamını otaqdan çıxarıb həyatını danışmağa başladı, peşmanlıq və səhvlərlə dolu həyatını.

Vasif Mütəllimovun 54 yaşı var. Əslən Sabirabad rayonundan olsa da, gənc yaşlarından Rusiyaya gedib. Orada ailə həyatı qurub. Və nə olubsa, elə o ailə həyatından sonra olub.

"Bütün ömrüm həbsdə keçib. 1989-cu ildən 2016-cı ilə kimi həbs həyatı yaşamışam. Arada azadlığa çıxsam da, azadlıqda qalma müddətim 3 aydan artıq olmayıb. Sonuncu dəfə azadlıqda 26 gün qaldım. Həmişə eyni maddələrlə mühakimə edilmişəm: soyğunçuluq, xuliqanlıq, bıçaqlama. Sonuncu dəfə bir hərbçini bıçaqlamışdım" — o Sputnik Azərbaycan-a danışır.

Mütəllimovun sözlərinə görə, 1987-ci ildə Rusiyada Katya adlı bir qızla ailə qurub. Lakin övladı dünyaya gələn vaxt Katya 24 yaşında dünyasını dəyişib. Vasifin qara günləri də elə bundan sonra başlayıb.

"Mən Katyanı sevirdim. Onun üçün evdən də qaçmışdım. Valideynlərimiz ailə həyatı qurmağımıza razı deyildilər. Onu itirəndən sonra elə bildim ki, dünyam alt-üst oldu. Və mən həyatda yolumu itirdim" — deyir müsahibimiz.

Katya ilə rəsmən ailə həyatı qurduqlarını qeyd edir: "Elə-belə qız tapıb yaşamamışdım. Mən ailəmlə birlikdə Azərbaycana da gəlmişdim. O vaxtlar cavan idim. 1984-cü ildə əsgərlikdən gəlmişdim. 1985-ci ildə isə Rusiyaya getdim. 21 yaşım var idi. Mənimlə yaşıd idi Katya. Valideynləri çox imkanlı idi. Ruslar çox gözəl millətdir. Onlarla dost olmaq, onlarla bir yerdə yaşamaq gözəldir".

V.Mütəllimov bildirir ki, o, Katya ilə ailə həyatı qurmağa hazırlaşanda hər iki tərəfin valideynləri narazı olub bu izdivaca. Amma sonradan Vasifin anası ilə Katyanın anası rəfiqə olublar. Mütəllimov deyir ki, hazırda oğlu Rusiyada, Katyanın ata-anası ilə yaşayır, hətta nənəsigil ona ev də verib.

Vasif Mütəllimov
© Sputnik / Irade JELIL
Vasif Mütəllimov

Vasif son həbs cəzasını da Rusiyada çəkib. Həbsdən çıxandan sonra Azərbaycana deportasiya edilib və burada bir müddət kirayələrdə qalıb. Sonradan yaxınlarının məsləhəti ilə Əmək və Əhalinin Sosial Müdafiəsi Nazirliyinin nəzdində olan, 18 yaşından yuxarı şəxslər üçün müvəqqəti sığınma evinə pənah gətirib.

Dediyinə görə, bir arzusu var — Rusiyaya gedib ömrünün son günlərini oğlunun yanında keçirmək: "Mən bu gün onun yanına getmək istəyirəm. Amma təəssüf ki, Rusiyaya girişimə 2022-ci ilə qədər qadağa qoyulub. Neçə vaxtdır oğluma teleqram göndərmək istəyirəm ki, "oğlum, mən varam". Amma imkan tapa bilmirəm".

"Oğlumu 29 ildə cəmi bir dəfə görmüşəm. 2009-cu ildə Azərbaycanda azadlığa çıxıb oğlumun yanına getdim və orada həbs edildim. Onda oğlumun 20-21 yaşı var idi", — deyən həmsöhbətimiz kədərli gözlərini bizdən gizlətməyə çalışır.

Deyir ki, "içəridə" həyatın necə keçməsi insanın özündən asılıdır: "Azadlıqda normal yaşayan adam həbsdə də yaşaya bilir. Bircə fərqi var ki, azad olmursan. Hər şeyi icazə ilə edirsənsə, bu, yaxşı ola bilməz. Həbsxana heç də yaxşı yer deyil. Həyatda o qədər peşmançılıqlarım var ki. Bütün cavanlığım gedib. Mən cəmi 3-5 il gün görmüşəm".

Həyatın hər üzünü görmüş müsahibimiz bu gününə də şükür edir: "Azərbaycana qayıdanda ölkəmizin necə dəyişdiyini gördüm. Mən Azərbaycanı belə görməmişdim, ancaq sovet dövrünün Azərbaycanını görmüşdüm. İndi küçədə qalmadığım üçün şükür edirəm".

Sığınacaq sakini gecələr daha çox düşündüyünü dilə gətirir: "Düşünürəm ki, görəsən, nə qədər vaxtım qalıb? Görəsən, oğlumu görə biləcəyəmmi? Mən var ola-ola ölmək istəmirəm. İstəmirəm ki, öləndə ardımca "türemşik olub da" desinlər. Mən normal yaşamaq istəyirəm. Rusiyaya gedə bilsəm, bu dəfə halal yolla qazanmağa çalışacağam".

O, bizi bir daha cinayət törətməyəcəyinə də ianandırmağa çalışır: "Kimsə mənə sataşsa da, özümü görməməzliyə vuraram. Görsəm belə, üstünə getmərəm ki, "mən türmədə yatmışam mənə, ilişmə". Çalışaram ki, uzaq olum cinayət aləmindən. Kimsə soruşsa, düzünü deyərəm. Çünki yalan danışa bilmirəm".

Demək olar ki, bütün ömrünü həbsdə keçirən Vasif Mütəllimov azadlığın nə demək olduğunu da başa düşə bilmir. Arzuları var, ümidləri var. Deyir ki, "Bəlkə ailə quraram, bəlkə oğlumun yanına gedərəm, heç kim heç vaxt həbs həyatı yaşaması ilə fəxr etməməlidir. İnsan dünyaya bir dəfə gəlir, o həyatı da azadlıqda insan kimi yaşamaq lazımdır…"

P.S. Öz istəyinə uyğun olaraq V.Mütəllimovun fotolarını təqdim etmirik.

484
Teqlər:
Katya, Vasif Mütəllimov, oğul, həbsxana, azadlıq, ailə, həyat, insan, Rusiya, Azərbaycan
Əlaqədar
Məhbus yemək üçün həbsxanadan qaçdı, sonra qayıtdı
O uşaqlar həbsxana şorbasına oxşayan yeməyə baxmağa məhkumdurlar...
Bakıda əməliyyat: axtarışda olan şəxs həbsxana qarşısında tutuldu
Qızını öldürən qadın ömrünü həbsxanada keçirəcək – Hökm oxundu
Məhkumlara xoş xəbər: Əfv olacaq
Keçmiş məhkum Bakıda polislərə silahlı müqavimət göstərib
Həblər, arxiv şəkli

Hər birimizin köməyinə çatan dərmanlarla bağlı qorxunc xəbərdarlıq - öldürə bilər

9
(Yenilənib 16:21 26.11.2020)
"Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır"

Zülfiyyə Quluyeva, Sputnik Azərbaycan

BAKI, 26 noyabr — Sputnik. Azərbaycanda antimikrob dərmanların apteklərdə əhaliyə sərbəst satışı qadağan olunmalıdır. Bununla bağlı dövlət qurumları lazımi dəstək verməlidir. Bunu Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı deyib. Onun sözlərinə görə, bu preparatlara əlçatanlığını azaltmaq lazımdır. "İnsanların antibiotiklərə qarşı davamlılığı ölçülməlidir. Bunun üçün Azərbaycanın lazımi laboratoriyaları var. Həmçinin, maarifləndirmə də olmalıdır. Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi".

Qeyd edək ki, antibiotiklər yüngün soyuqlama zamanı hər birimizin köməyinə çatır. Ona görə də antibiotiklərin reseptlə satılması əhali tərəfindən birmənalı qarşılanmır. Sputnik Azərbaycan antibiotiklərin reseptsiz satışının fəsadlarını araşdırıb.

Professor Adil Qeybulla Sputnik Azərbaycan-a açıqlamasında antibiotiklərin reseptsiz satışının məhdudlaşdırılması ilə bağlı təklifləri dəstəklədiyini bildirib. A.Qeybulla deyir ki, apteklərdə antibiotiklərin reseptsiz satışı qanunda olan boşluqdan irəli gəlir. Onun sözlərinə görə, xarici ölkələrdə antibiotiklər reseptlə satılır:

"Antibiotiklərin həkim təyini olmadan istifadəsi çox risklidir. Bu, hətta ölümə belə gətirib çıxardır. Koronavirusun müalicəsində antibiotiklərdən istifadə məsləhət görülmür. Çox təəssüf ki, insanlar evdə müalicə zamanı kortəbii antibiotiklərdən istifadə edirlər. Bu isə anafilaktik şok, allergik təsirlər göstərə bilər. Antibiotiklərdən həkim təyinatı olmadan istifadə qulağı kar edə, böyrək problemlərinə səbəb ola bilər. Sovet dövründə antibiotiklərdən istifadə geniş yayılmışdı. İndi də bəzi insanlar həkim təyinatı olmadan antibiotikləri alaraq istifadə edirlər. Təbii ki, buna son qoyulmalıdır".

Səhiyyə Nazirliyinin İctimai Səhiyyə və Sanitariya-Epidemioloji Nəzarət Şöbəsinin müdiri Nəzifə Mürsəlova Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunmuş virtual mətbuat konfransında bildirib ki, hazırda antibiotiklər reseptlə buraxılan dərmanlar sırasındadır: "Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi. Bu məsələ qanunvericilikdə tənzimlənir, təəssüf ki, bu tənzimlənmə kağız üzərində qalır. COVID-19 dövründə problem daha da artdı. Bu qanunvericiliyin yerlərdə işləməsi istiqamətində işlər gücləndirilməli, ona nəzarət artırılmalıdır. Dövlət səviyyəsində bu məsələyə sərt nəzarət olmalıdır".

Koronavirusdan ölüm artır - Səbəblər virusun özü qədər qorxuludur>>

Milli Məclisin Səhiyyə komitəsinin üzvü, deputat Müşfiq Məmmədli Sputnik Azərbaycan-a açıqlamasında bildirib ki, antibiotiklərin satışı "Əhalinin sağlamlığının qorunması haqqında" qanunla müvafiq qaydada tənzimlənir:

"Bu, qanunvericilikdə olan hər hansı boşluq yox, qanunun icrası ilə bağlı problemdir. Qanunların icra müxanizmi NK-nın müvafiq qərarları ilə tənzimlənir. Ola bilər ki, bu məsələ də icra mexanizmində yaranan anlaşılmazlıqla bağlı ola bilər. Qanun antibiotiklərin satışını kifayət qədər tənzimləyir. İşçi qaydada təlimatlarla bu məsələyə baxılmalıdır", - deyə deputat bildirib.

M.Məmmədli bildirir ki, antibiotiklərin kortəbii təyini mənfi təsirə səbəb ola bilər. Koronavirusla mübarizədə isə bu, daha təhlükəlidir: "Çünki koronavirusa yüngül yoluxmada müalicə əsasən orqanizmin gücləndirilməsi, immun sisteminin möhkəmləndirilməsi ilə bağlı aparılır. Antibiotiklərdən istifadə isə orqanizmi, immun sistemini zəiflədir. Bu, o demək deyil ki, xəstələrə antibiotik ümumiyyətlə təyin olunmamalıdır. Sadəcə olaraq bunun üçün tibbi göstəriş olmalıdır. Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır. Bu, beynəlxalq təcrübəyə əsaslanır. Antibiotiklər həkimlərin təyinatı ilə resept əsasında satılmalıdır".

9
Teqlər:
Müşfiq Məmmədli, Nəzifə Mürsəlova, Adil Qeybulla, antibiotik, Koronavirus, epidemiya, COVID-19
Koronavirus testi, arxiv şəkli

TƏBİB Azərbaycanda koronavirus testlərinin bitməsi barədə məlumatlara aydınlıq gətirdi

10
(Yenilənib 19:41 26.11.2020)
Bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

BAKI, 26 noyabr - Sputnik. Azərbaycanda koronavirus (COVID-19) ilə əlaqədar aparılan testlərin bitməsi barədə yayılan məlumatlar həqiqəti əks etdirmir.

Bu barədə Sputnik Azərbaycan-a TƏBİB-dən məlumat verilib. 

"Bildiririk ki, ölkəmizdə koronavirusun diaqnozu üçün kifayət qədər test ehtiyatı mövcuddur. Sadəcə olaraq, gün ərzində götürülən testlərin sayı çox olduğundan bu, laboratoriyaların iş gücünə təsir göstərir. Nəticədə, təbii olaraq testin nəticələri bir qədər gecikmiş olur", - TƏBİB bildirib.

Məlumatda o da qeyd olunub ki, bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

"Hazırda ölkədə 37 laboratoriya mövcuddur. Bu laborotoriyalarda gündəlik 10 000 testin aparılması nəzərdə tutulurdu, artıq müraciətlərin sayı çox olduğundan gün ərzində laboratoriyalara daxil olan test nümunələri nəzərdə tutulduğundan 2 dəfə (19178 test) artıb", - deyə məlumatda bildirilir. 

10
Teqlər:
test, korona virusu, Koronavirus, epidemiya, COVID-19, Tibbi Ərazi Bölmələrini İdarəetmə Birliyi, TƏBİB

Rusiyalı sülhməramlılar Laçın dəhlizində təhlükəsizliyə necə nəzarət edirlər video

0
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

0