CƏMİYYƏT
Cəmiyyətin həyatında baş verən aktual hadisələr

Üç min il əvvəl kəşf edilən möcüzəvi bitkinin faydaları

Abunə olmaq
Təsadüfi deyil ki, ən qədim zamanlarda hazırlanan uzunömürlülük eliksirinin əsas tərkibi əzvaydan ibarət olub

BAKI, 15 fevral — Sputnik. Xalq təbabətində geniş istifadə olunan əzvay (aloe) öz möcüzəvi faydaları ilə illərin sınağından çıxmış bitkilərdən sayılır.

Bir çox xəstəliklərin müalicəsində əzvaydan istifadə etməklə şəfa tapmaq mümkündür.

Sarıkök - Sputnik Azərbaycan
Azərbaycanda bitən bu bitki möcüzələr yaradır

Əzvayın müalicəvi xüsusiyyətləri hələ üç min il əvvəl kəşf edilib. Təsadüfi deyil ki, ən qədim zamanlarda hazırlanan uzunömürlülük eliksirinin əsas tərkibi əzvaydan ibarət olub.

Sputnik Azərbaycan modern.az-a istinadən bildirir ki, əzvay insan orqanizmi üçün vacib olan vitaminlərlə, mikroelementlərlə, minerallarla zəngindir.

Bəs hansı xəstəliklərdə əzvaydan necə istifadə etmək lazımdır?

1. Boğaz xəstəlikləri zamanı əzvay şirəsi ilə suyu eyni miqdarda qarışdıraraq boğaz yaxalanır. Bundan sonra 1 çay qaşığı təzə çəkilmiş əzvay şirəsi içilir.

2. Soyuqdəymə və qrip zamanı əzvay şirəsindən 3-4 damcı burun deşiklərinə damızdırılır. Bunu 6-7 gün təkrar etmək lazımdır. Bu zaman tənəffüs rahatlaşır, qrip virusları məhv olur və xəstəlik qısa zamanda yüngülləşir.

Meşə gilası - Sputnik Azərbaycan
SƏHİYYƏ
Bu bitki pəhrizi əvəz edir və şəkərin dərmanıdır

3. Katarakta zamanı 1 pay əzvay şirəsi 10 pay su nisbətində qarışdırılır və gündə iki dəfə səhər və axşam 1-2 damcı gözə damızdırılır.

4. Mədə və onikibarmaq bağırsağın xorası, qastrit, xroniki qəbzlik xəstəliklərinin müalicəsində yeməkdən qabaq 1 çay qaşığı təzə çəkilmiş əzvay şirəsinin içilməsi məsləhət görülür.

5. Diş ağrısı zamanı əzvay bitkisini kəsib ağrıyan dişin üzərinə qoymaqla ağrıdan xilas olmaq mümkündür.

6. Vərəm xəstəliyinin müalicəsi zamanı 150 qram əzvay şirəsi, 100 qram piy, 100 qram bal, 100 qram kakao tozu qarışdırılır və gündə 2-3 dəfə 1 xörək qaşığı qəbul edilir.

7. Orqanizmin qüvvətləndirilməsi, immunitetin güçləndirilməsi, xüsusilə uzun xəstəlikdən sonra zəifliyin aradan qaldırılması üçün 2 stəkan təzə çəkilmiş əzvay şirəsi, 2 stəkan kəmşirin çaxır, 1 stəkan bal qarışdırılır, 5 gün qaranlıq və sərin yerdə saxlanılır, sonra hər gün 3 dəfə yeməkdən 15-20 dəqiqə əvvəl bir xörək qaşığı qəbul edilir.

Biyan kökü - Sputnik Azərbaycan
CƏMİYYƏT
Azərbaycandakı bu qiymətli bitki nə pul, nə qulluq tələb edir, amma sərvət qazandırır

8. Üz dərisində problemlər yaranan zaman cizvələr və sızanaqlar olduqda 1 çay qaşığı təzə çəkilmiş əzvay şirəsinin üzərinə eyni miqdarda xama və 1 yumurta sarısı əlavə edilir və qarışdırılır. Üz dərisinə çəkildikdən 30 dəqiqə sonra ilıq su ilə yuyulur. Bu maska bir ay ərzində həftədə bir dəfə təkrar olunur.

9. Yaralar və yanıqlar zamanı tənzifi əzvay şirəsində isladıb zədələnmiş yerə qoymaq sağalmanı tezləşdirir.

10. Əzvay şirəsindən gündəlik normada istifadə qan dövranını yaxşılaşdırır və yüksək qan təzyiqindən əziyyət çəkənlərə müsbət təsir göstərir.

Əzvaydan istifadə edərkən mütləq şəkildə bir məsələyə diqqət yetirmək lazımdır ki, bu dəyərli bitkidən qaydasında istifadə edilmədikdə, yaxud normadan artıq qəbul edildikdə sağlamlıq üçün problemlər yarana bilər. Buna görə də əzvay bitkisindən və ya ondan hazırlanmış preparatlardan istifadə etmək qərarına gəldikdə hökmən həkimlə məsləhətləşməyi unutmayın.

Xəbər lenti
0