Depressiyada olan adam

Bunların olacağı yuxumuza da girməzdi, amma oldu - ƏCƏL ZƏNGİ

1854
(Yenilənib 11:20 12.02.2018)
Biz hələ də heç nəyin fərqində deyilik

BAKI, 12 fevral — Sputnik. Qabaqlar bu cür olayları əcnəbi filmlərdə, seriallarda seyr edərdik. Dərhal da yumruqlarımızı sıxaraq "səni nə əzişdirərdim" deyə onu törədən şəxsin ünvanına ürək sözlərimizi yağdırardıq. Hirsimizi soyutmaq üçün isə, "yaxşı ki, bizdə belə iyrəncliklər baş vermir" şükranlığı ilə qəlbimizi ovundurardıq.

O zaman hansısa Amerika filmində orta məktəb şagirdlərinin partanın üstünə çıxıb cinsi əlaqəyə girdiklərini görmək bizim üçün fantastik dərəcədə inanılmaz və ağlımızın ucuna belə, gətirilməyəcək qədər qorxunc idi. Yaxud, Braziliya serialında məktəblilərin tualetdə marixuana sümürməsi səhnələrini izləyib, əsəbdən gözlərimiz yaşarardı. "Kurtlar Vadisi"ndə "okulların önündə uyuşturucu sattırmayacaz" deyən Çakır-Polat tandemi gözümüzdə həm də bu səbəbdən qəhrəman idi.

Və beləcə o dalğanın bizə, bizim də o dalğaya yaxınlaşdığımızı hiss etmirdik. Hiss etmirdik ki, bizim parçalamaq istədiyimiz sinif otağında sekslə məşğul olan həmin cütlük, yan otaqda o səhnəni izləyən övladımız üçün cəlbedici gəlməyə başlayır. Eləcə də ekranlarda dumanlanan tüstünün qoxusunun, "ağ ölümün" dadının gənc nəslimizi get-gedə məst etdiyinin fərqində deyildik.

Narkotikə savaş açan "Vadi" qəhrəmanlarının o zəhrimarın adını dönə-dönə çəkməklə, onun biznesinin böyük sərvət qazandırdığını ifadə etməklə, həm də bu bəlanı reklam etmiş olurdular. Biz bu məqamı da gözdən qaçırırdıq.

Ötən həftə iki orta məktəbimizdə, ayrı-ayrı müstəvilərdə, lakin eyni dərəcədə ağrılı, təhlükəli, həyəcan siqnalı hesab olunacaq hadisələr baş verdi. 138 saylı orta məktəbdə yaşanan birinci hadisənin üstünü məktəbin direktor müavini açaraq dərhal polisə məlumat verib. Nəticədə məktəbin 10-cu sinif şagirdinin öz məktəb yoldaşlarına güclü təsir edən psixotrop maddə satdığı faktı ortaya çıxıb.

Bu hadisənin nə qədər qorxunc olması ilə yanaşı, ona yönəlik davranış biçimi kifayət qədər adekvat və problemin həllinə hesablanmış idi. Məktəb rəhbərliyi məsələdən xəbər tutan kimi polisə məlumat verdi, haqlı olaraq adı ictimaiyyətə açıqlanmayan təqsirli şagird saxlanıldı və bəlanın köklərinin hara gedib çıxdığı araşdırılmağa başlandı.

Səbail rayonunda yerləşən 132-134 nömrəli Təhsil Kompleksində qeydə alınan ikinci olay, cəmiyyət üçün təhlükəlilik dərəcəsi və doğuracağı acı nəticələr baxımından heç də birinci faktdan geri qalmır. Film-seriallarda qəzəblə izlədiyimiz daha bir arzuolunmaz səhnəyə — iki məktəblinin intim əlaqəyə girməsinə tam həyatımızın içində şahid olduq.

Və təkcə şahid olmadıq, həmin görüntünü tirajlamağa, kimliklərini qurdalamağa, cəmiyyəti daha dərindən yaralamağa başladıq. "Ay haray" çəkib, o iki məktəblini və onların ailələrini el-aləmlə bir etdik.

Bunun meydana çıxaracağı daha ağrılı prosesləri: məktəblilərin və onların ailələrinin aqibətini, digər məktəblilərin baş verənlərdən necə nəticə çıxaracaqlarını və bundan sonra onların ailələrinin aqibətini, öz övladlarımızın bu əməlin "dadına" baxmaq fikrinə düşüb-düşməyəcəklərini və bundan sonra öz aqibətimizi… düşünmədik!

138-də sərgilənən ən doğru yanaşma tərzini, 132-134-lə bağlı nümayiş etdirdiyimiz vəhşiliklə alt-üst etdik. O hadisəni bütün çılpaqlığı ilə yayımlamaqla hər cür əxlaq və hüquq normalarını aşdıq. Demək ki, biz hələ də heç nəyin fərqində deyilik.

P.S.

132-134 saylı Təhsil Kompleksində zorakılığa məruz qalan 7-ci sinif şagirdi ictimaiyyətin qınağından sonra intihara cəhd edib. Fevralın 10-da "Instagram" sosial şəbəkəsində canlı yayıma çıxan qız damarlarını kəsməyə başlayıb…

1854
Teqlər:
yanaşma, sinif, seks, səhnə, məktəbli, şagird, serial, məktəb, film, həyat, narkotik, təhlükə
Əlaqədar
Bakı məktəbindəki zorlama hadisəsi ilə bağlı açıqlama verildi
Qalmaqal: Şagird məktəbə striptizçi qız çağırıb
Valideynlər məktəbdəki uşaqlarına telefonla baxacaqlar
Rusiyalı oğlan məktəbdə qanı su yerinə axıdıb
COVID-19 virusundan ölən şəxs

Bu aralar QİÇS-dən ölənlərin sayı kəskin arta bilər

6
(Yenilənib 00:13 03.12.2020)
BMT xəbərdarlıq edib ki, COVID-19 pandemiyası ilə əlaqədar olaraq QİÇS-dən ölənlərin sayı 150 minə qədər artıra bilər.

BAKI, 3 dekabr — Sputnik. BMT-nin QİÇS-lə bağlı ortaq proqramı olan UNAİDS-in hesabatına görə, COVID-19 pandemiyası 2022-ci ilədək, yəni təkcə növbəti ildə 300 minə yaxın yeni QİÇS yoluxmasına, eyni zamanda da 150 minədək QİÇS-dən ölümə səbəb olacaq.

Sputnik Azərbaycan-ın Türkiyə mediasına istinadən xəbərinə görə, yaranacaq vəziyyətin qarşısının alınması, ölümlərin sayının azalması, eləcə də QİÇS-lə mübarizə məsələsində ölkələr yeni hədəflər müəyyənləşdirməlidirlər.

Qeyd edək ki, hazırda dünyada 38 milyon insan QİÇS-lə yaşayır, onlardan 12 milyonu müalicəsini gözləyir. Statistikaya görə, təkcə ötən il 1,7 milyon şəxsdə ilk dəfə olaraq QİÇS aşkarlanıb.

6
Teqlər:
Koronavirus, epidemiya, COVID-19, Respublika QİÇS-lə Mübarizə Mərkəzi, QİÇS virusu, QİÇS, BMT
Haluk Levent

Müğənni koronavirusa görə işsiz qalanlar üçün xeyriyyə aksiyası keçirəcək

7
(Yenilənib 00:07 03.12.2020)
Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

BAKI, 3 dekabr — Sputnik. Türkiyəli müğənni Haluk Levent növbəti xeyriyyə işi ilə gündəmə gəlib.

Sputnik Azərbaycan xəbər verir ki, Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

O, 20 min ailəyə qida paketləri paylayacağını söz verib. Qeyd edək ki, Haluk Levent AHBAP adlı (Anadolu Halk ve Barış Platformu) xeyriyyə təşkilatının lideridir.

Müğənni olmaqla yanaşı, yardıma ehtiyacı olan insanlara kömək kampaniyaları ilə də məşhurdur. O, hətta ötən il Azərbaycanda xərçəng xəstəliyindən əziyyət çəkən Surə Nadirovanın müalicəsi üçün xeyriyyə konserti təşkil etmişdi.

Sənətçi bundan başqa, ötən ay İzmirdə baş verən zəlzələ nəticəsində sahibsiz qalan və yaralanan heyvanlara da yardım edib.

7