Lənkəranda yerləşən istirahət mərkəzlərindən biri

Qiymətlərdə 15 faiz endirim edilir: Lənkəran turistlərə qucaq açır

667
(Yenilənib 10:07 12.02.2018)
2017-ci ildə Lənkərana 30 minə yaxın turist gəlib və bunların 20%-ni əcnəbilər təşkil edib

Rahim Zakiroğlu, Sputnik Azərbaycan

BAKI, 11 fevral — Sputnik. Yeni il qabağı insanların əksəriyyəti dincəlmək və əylənmək üçün istirahət zonalarına üz tutdu. 2016-ci ilə nisbətən 2017-ci ilin sonunda Lənkərana gələn turistlərin sayında artım olub. Onların arasında isə əcnəbilər üstünlük təşkil edib.

Fuad Nağıyev
© Sputnik / Murad Orujov

Lənkəranda yerləşən istirahət mərkəzlərində dincəlmək istəyənlər üçün yeni il qabağı xüsusi paketlər təklif edilib. Lənkəranda fəaliyyət göstərən istirahət mərkəzlərinin birinin nümayəndəsi Qənbər Abbasov Sputnik Azərbaycan-ın bölgə müxbirinə bildirib ki, çalışdığı mərkəzdə turistlər üçün qiymətlərdə 10-15% endirim edilib.

"Bu il bizim istirahət mərkəzində dincələnlər çox oldu. Gələn turistlərin çoxu xarici turistlər idilər. Rusiyadan, İrandan, Türkiyədən və Ərəbistandan gəlmişdilər. Turistləri mərkəzimizə daha çox dəvət etmək üçün endirimlər olundu. Standart 40-50 manata olan nömrələri 30-40 manata, 100-150 manata olan nömrələri isə 80-100 manata təklif etdik. Yerli turistlər arasında isə paytaxtdan gələnlər üstünlük təşkil etdilər" — deyə o bildirib.

Lənkəranda yerləşən istirahət mərkəzlərində
© Sputnik / Rahim Murad
Lənkəranda yerləşən istirahət mərkəzlərində

Q.Abbasov onu da əlavə edib ki, çalışdığı istirahət mərkəzinə gələn qonaqlara ən çox yerli mətbəxə aid olan yeməklər təklif edilib və onların Cənub zonasında gəzmələri üçün turlar təşkil edilib.

İran İslam Respublikasından Lənkərana təşrif buyurmuş Teymur Kamrani 5 gün müddətində ölkəmizin demək olar bütün yerlərini gəzdiyini və buraları çox bəyəndiyini deyib: "Azərbaycanı çox bəyəndim. Gürcüstan sərhədini, Gəncəni və başqa yerləri də gəzdik. Təbiətiniz də, insanlarınız da gözəldir."

Lənkəranda yerləşən istirahət mərkəzlərində
© Sputnik / Rahim Murad
Lənkəranda yerləşən istirahət mərkəzlərində

İranlı digər turist Hatəmi isə mətbəximizdən çox razı qaldığını vurğulayıb: "Azərbaycan çox gözəldir. Burada ağsaqqalları və ağbirçəkləri görəndə elə bilirəm ki, öz vətənimdəyəm. Bura həmişə bayramlarda ailəlikcə gəlirik. Dilimiz, dinimiz, adətimiz birdir. Elə ona görə də ailəmizlə gələndə elə bilirik ki, vətənimizin bir az uzaq şəhərinə gəlmişik. Yeməklərdən ən çox Lənkəran yeməklərini bəyəndik. Bizim, yəni Cənubi Azərbaycanın yeməkləri ilə buranın yeməkləri fərqlidir. Balıq və toyuq ləvəngisini çox bəyəndim".

Qeyd edək ki, 2017-ci ildə Lənkərana 30 minə yaxın turist gəlib və bunların 20%-ni əcnəbilər təşkil edib.

667
Teqlər:
endirim, mətbəx, Lənkəran, qonaq, turist
Əlaqədar
Bu qəza ölkənin turizm bölgəsinə gedən yolu bağlaya bilər
Turizm cənnətində qadınların psixologiyasına nə təsir edir?!
Məşhur turizm cənnəti içməli su ilə təmin edildi
Allahverənov: “Turistlərin sayının artmasında turizm şirkətlərinin rolu var”
"Halal turizm" nədir və o, Azərbaycana nə vəd edir?
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

2
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

2
Kürdəxanında çirkab sular

Kürdəxanıda çirkab suları dənizə axıdılır, nazirlik öz işini görür, nəticə isə yoxdur

7
(Yenilənib 20:12 17.01.2021)
Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

İradə Cəlilova, Sputnik Azərbaycan

BAKI, 17 yanvar — Sputnik. Bakının Sabunçu rayonu Kürdəxanı qəsəbəsində uzun illərdir ki, dənizə kanalizasiya suları axıdılır. Qəsəbə sakinlərinin sözlərinə görə, qəsəbədə kanalizasiya sistemi olmadığı üçün vətəndaşlar kanalizasiya sularının axıdılması üçün xüsusi qazılmış "şambo"lardan istifadə edir.

Adətən çirkab sular dənizə axıdılır. Bununla yanaşı Kürdəxanı və Pirşağı qəsəbələrində kanalizasiya sularının axıdılığı göllər də var. Bu problemin qarşısını almaq üçün qəsəbələrə kanalizasiya sistemi çəkilməlidir. Ötən il Bakı qəsəbələrinə kanalizasiya sisteminin çəkilməsi üçün qərar verilsə də, görünən odur ki, qeyd olunan qəsəbələrdə hələ heç bir iş görülməyib.

© Sputnik / Irade JELIL
Kürdəxanında çirkab sular

Memarlıq və İnşaat Universitetinin (AzMİU) dosenti Fərzəli Həsənov Sputnik Azərbaycan-a açıqlamasında bildirib ki, Bakı qəsəbələrinə kanalizasiya sisteminin çəkilməsi planda olsa da, yəqin ki, bundan sonra məsələyə birbaşa məsul olan qurum "Azərsu" ASC işğaldan azad edilmiş ərazilərdə müvafiq işlər görəcək. Bakı qəsəbələrinə kanalizasiya sisteminin çəkilməsi məsələsi hələ bir müddət qalacaq. Çünki bu gün əsas prioritet məsələ işğaldan azad edilmiş torpaqların bərpasıdır.

Onun sözlərinə görə, Pirşağıda Cənubi Koreya şirkəti tərəfindən kanalizasiya sularının təmizlənməsi ilə bağlı stansiya tikilir. Stansiya istifadə verildikdən sonra Mehdiabad, Ceyranbatan və s. yaxın qəsəbələrin kanalizasiya boruları həmin stansiyaya qoşulacaq.

© Sputnik / Irade JELIL
Kürdəxanında çirkab sular

F.Həsənov qeyd edib ki, kanalizasiya suları təmizləndikdən sonra dənizə axıdılmalıdır: "Qonşu Türkiyədə kanalizasiya suları təmizləndikdən sonra dənizə axıdılır. Kanalizasiya suyu o qədər təmizlənir ki, Azərbaycanda olsa, içməli sudan fərqləndirmək mümkün olmaz. Bu qədər təmizlənməsinə baxmayaraq, həmin sular xüsusi borularla dənizin daxilində 5 kilometr məsafəyə buraxılır".

Professor bildirib ki, içməli suyun bir litrində 1 qram, Xəzər dənizinin suyunun 1 litrində 13-15 qram duz var. Kanalizasiya suları təmizlənib dənizə axıdıldığı təqdirdə, dənizin suyunun tərkibinə təsir etmir. Təmizlənmədiyi halda isə kanalizasiya suyunun tərkibində olan zərərli maddələr dəniz suyuna qarışır. Belə olan təqdirdə həmin ərazilərin çimərlik kimi istifadə edilməsi sağlamlıq üçün təhlükəlidir.

© Sputnik / Irade JELIL
Xəzər dənizinin suyunun 1 litrində 13-15 qram duz var

"Çirkab sularının birbaşa təmizlənmədən dənizə axıdılması müxtəlif dəri, mədə-bağırsaq və s. xəstəliklərə səbəb olur. Vətəndaşlar sağlamlıqları üçün bu ərazilərdən çimərlik kimi istifadə etməməlidirlər", - deyə F.Həsənov bildirib.

Dövlət Ekoloji Təhlükəsizlik xidmətinin rəis müavini Ramal Bağırovun sözlərinə görə, Ekologiya və Təbii Sərvətlər Nazirliyi 2007-ci ildən bu günə qədər 17 ədəd su təmizləyici qurğu quraşdırıb.

Bu problemin qalmasının səbəbi isə müvafiq ərazilərdə kanalizasiya sisteminin olmamasıdır. Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb. Nəticələr barədə "Azərsu" ASC-yə məlumat verilib.

© Sputnik / Irade JELIL
Kürdəxanında çirkab sular

Ekoloq Telman Zeynalovun fikrincə, çirkab və kanalizasiya sularının dənizə axıdılması insan sağlamlığı ilə yanaşı, Xəzərin biomüxtəlifliyi üçün də təhlükəlidir. Onun sözlərinə görə, Kürdəxanı ərazisində dənizə çirkab sularının axıdılmasına nəzarət yerli icra orqanları və Ekologiya və Təbii Sərvətlər Nazirliyindədir. Belə ki, qurumlar həmin ərazilərdə mütəmadi olaraq monitorinqlər aparmalı, bu kimi vəziyyətləri açıqlamalı və müvafiq tədbirlər görməlidir.

Məsələ ilə bağlı "Azərsu" ASC ilə əlaqə saxlamaq mümkün olmadı. Ancaq qurumun rəsmisi Şöhrət Süleymanov yerli mətbuata açıqlamasında bildirib ki, bu ərazilərdə mərkəzləşdirilmiş kanalizasiya sistemi mövcud deyil: "Abşeron yarımadası üzrə Master Plana uyğun olaraq Pirşağı hövzəsi üzrə müasir standartlara uyğun bioloji tullantı su təmizləyici qurğusunun inşası aparılıb. Hazırda tamamlanma işləri aparılır".

© Sputnik / Irade JELIL
Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb

Qeyd edək ki, Xəzər dənizinə antropogen təsir göstərən axarların qarşısının alınması və çirkab suların təmizlənərək Xəzər dənizinə axıdılması məqsədilə Bilgəh, Mərdəkan, Novxanı, Buzovna, Sumqayıtın Xəzər sahili ərazilərində ETSN tərəfindən onlarla modul tipli lokal təmizləyici qurğu quraşdırılıb.

Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

7