Cinayət Məcəlləsi

Direktorun "nəslini kəsən" aktyor barədə: "Vəzifəli şəxsi təhqir təhdid edib"

803
(Yenilənib 16:06 08.02.2018)
"Aktyor həm də bu əməli ilə vəzifəli şəxsin qərar qəbul etməsinə də təsir etməyə çalışır"

İradə Cəlil, Sputnik Azərbaycan

BAKI, 8 fevral — Sputnik. Bir neçə gündür ki, aktyor Rza Rzayevin Bakı şəhəri 220 nömrəli məktəb-liseyində qeydə alınmış video-görüntüləri sosial şəbəkələrdə müzakirə edilir. Müzakirəyə qoşulanların bəziləri aktyoru haqlı çıxarır, məktəb direktorunun isə "aktyorluq" etdiyini düşünürlər.

Rza Rzayev
Rza Rzayev

Bir qism sosial şəbəkə istifadəçiləri isə həmin video-görüntülərin aktyordan xəbərsiz çəkildiyini, daha sonra gizlin şəkildə sosial şəbəkələrə ötürüldüyünü idda edirlər. Digərləri isə aktyorun qanun pozduğunu, təhqir və təhdidə yol verdiyini bildirirlər. Bəs qanun nə deyir?

Bakı Şəhəri üzrə Təhsil İdarəsinin (BŞTİ) mətbuat xidmətindən Sputnik Azərbaycan-a bildirilib ki, hazırda baş vermiş hadisə ilə bağlı araşdırma aparılır. BŞTİ-dən qeyd olunub ki, yanvarın 29-da özünü 220 nömrəli məktəb-liseyin direktor müavini Zeynəb Rzayevanın qardaşı kimi təqdim edən Rza Rzayev direktor Tural Mirzəliyevin otağına daxil olaraq, heç bir səlahiyyəti olmadığı halda, məktəbin işinə kobud şəkildə müdaxilə edərək, ifadə edilməsi mümkün olmayan olduqca nalayiq ifadələrlə direktoru təhqir və təhdid edib.

Hadisə digər şəxslərin şahidliyi ilə baş verib. Direktorun xidməti otağında açıq şəkildə quraşdırılmış video kameradan görüntülər və hadisə barədə müvafiq akt hüquq-mühafizə orqanlarına təqdim edilib. Yəni heç də video görüntülər gizlin şəkildə çəkilməyib, bundan aktyorun xəbəri olub.

Hüquqşünas Tağı Hüseynov
© Photo : PUBLIC DOMAIN
Hüquqşünas Tağı Hüseynov

Məsələni Sputnik Azərbaycan-a şərh edən hüquqşünas Tağı Hüseynov R.Rzayevin qanun pozuntusuna yol verdiyini deyib: "Videodan göründüyü kimi, aktyor məktəb direktorunu təhqir edir. Bu da direktora əsas verir ki, birbaşa məhkəməyə müraciət etsin. Məsələ Cinayət Məcəlləsinin 148-ci maddəsi ilə tənzimlənə bilər. Şahidlər var, kamera var. Hamı görür ki, aktyor direktoru təhqir edir".

Hüquqşünas onu da vurğulayıb ki, burada ağırlaşdırıcı səbəblər də var: "Vəzifəli şəxsi verdiyi qanuni əmrə görə, nəyəsə məcbur etmək, təhqir etmək ağırlaşdırıcı səbəb ola bilər. Hansısa incəsənət nümayəndəsinin vəzifəli şəxsin iş yerinə gedərək ona hədə-qorxu gəlməsi düzgün deyil. Bəlkə də hisslərini cilovlaya bilməyib, amma kiməsə fikrimizi bu formada bildirməli deyilik. Davranış qaydaları var və hamı buna əməl etməlidir".

Hüseynov əlavə edib ki, aktyor həm də bu əməli ilə vəzifəli şəxsin qərar qəbul etməsinə də təsir edir: "Hər bir halda, direktor məhkəməyə müraciət edib haqqını tələb edə bilər".

Hüquqşünas baş vermiş hadisənin videosunun yayılmasına da münasibət bildirib: "Deyirlər ki, video yayılmaqla şəxsi məlumatlar yayılıb. Videoda heç bir şəxsi məlumat yoxdur. Videodan göründüyü kimi, aktyor deyir ki, "istəyirsən, səsimi də yaz". Bu, şəxsi həyat sirri deyil. Hadisə insanlar arasında baş verib. Aktyor videoda açıq şəkildə direktoru təhqir edir və "nəslini kəsməklə" hədələyir. Aktyor bu məsələyə görə həbs də edilə bilər, ona cərimə də tətbiq edilə bilər".

"Direktorda da müəyyən günah var. Videodan görünür ki, direktor-işçi münasibətləri pozulub. Direktorun hansısa işçisinə "adının mənası oddur, alovdur" deməsi normal deyil. Ona deyiləndə ki, sən belə demisən, o, inkar etmədi, dedi ki, "lap demişəm". Bu da düzgün addım deyil. Direktor özü də işçi-rəhbər qaydalarını pozub", — T.Hüseynov deyib.

803
Teqlər:
220 nömrəli məktəb-lisey, Rza Rzayev, Tağı Hüseynov, video-görüntü, direktor, təhqir, BŞTİ, hüquqşünas, Bakı Şəhəri üzrə Təhsil İdarəsi, Sputnik Azərbaycan, təhdid, aktyor, sosial şəbəkə, müzakirə, araşdırma
Əlaqədar
Direktoru "nəslini kəsməklə" hədələyən aktyor barəsində araşdırma başladı - VİDEO
Azərbaycanlı aktyor Hollivud filmində rol alıb
Azərbaycanlı aktyor: "Bu işdə işlədiyim üçün qohumlarım məni döydülər"
Tanınmış aktyor evini satışa çıxardı

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

13
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

13
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

7
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

7