Bitkoin

Ukrayna polisinin başağrısına çevrilən “Lotu Quli”: Adam oğruluğuna görə bitkoin alır

914
(Yenilənib 10:35 08.02.2018)
Ukrayna polisi azərbaycanlı kriminal avtoritet Nadir Səlifovun iştirakı ilə adam oğurluğu cinayətlərinin artdığını bildirib

Ramella İbrahimxəlilova, Sputnik Azərbaycan

BAKI, 7 fevral — Sputnik. Ukrayna Milli Polisi “Lotu Quli” ləqəbli azərbaycanlı "qanuni oğru" Nadir Səlifovun yerli kriminal dairələr üzərində artan nüfuzundan narahatdır.

Sputnik Azərbaycan-ın məlumatına görə, Ukrayna Milli Polisi rəhbərinin birinci müavini Vyaçeslav Abroskin özünün "Facebook" səhifəsində yazıb ki, "qanuni oğru"nun hərəkətləri cəmiyyətin həyatına təsir edir.

Onun sözlərinə görə, 25 il həbsxanada yatmış Nadir Səlifov Türkiyədə oturaraq ətrafına cinayətkar klan toplamağa başlayıb və paralel olaraq Ukrayna ərazisinə də öz təsirini yayır.

"Onun azadlığa çıxmasından dərhal sonra Ukrayna ərazisində meyvə-tərəvəz bazarında ticarətlə məşğul olan müxtəlif millətlərdən olan (erməni, ukraynalı) şəxslərin oğurlanmasına başlanılıb. Nadir Səlifov çox müasir cinayətkardır, hansı ki, pulu bitkoinlə tələb edir" – deyə Abroskin yazıb.

Polis qeyd edib ki, Səlifov MDB ölkələrinin bütün göyərti bazarlarını işğal etməyə cəhd göstərir. İlk baxışdan bu, xırda görünür, amma bunun arxasında böyük pullar dayanır. Səlifov göyərti bazarını ələ keçirmək üçün qətl törətməkdə şübhəli bilinir.

Bununla yanaşı, polisin verdiyi məlumata görə, “Lotu Quli” Ukraynadan Türkiyəyə kriminal elementlərin axınını təşkil edir. Abroskin söz verib ki, kriminal avtoritetlərin ayağının Ukrayna torpaqlarına dəyməməsi üçün əlindən gələni edəcək.

Fevralın 7-də Abroskin “Realist” nəşrinə müsahibə verib və bildirib ki, bu il bir sıra "qanuni oğru" sfarişli qətllər törətməyə və adam oğruluğuna görə saxlanacaq.

Hazırda Ukraynada mütəşəkkil cinayətkarlıqla mübarizə idarəsini əvəz edəcək mütəşəkkil cinayətkarlıqla mübarizə dəstələrinin yaradılması üzərində iş gedir. Abroskin bildirib ki, əsas problemləri kriminal avtoritetlərin günahlandırılması üçün dəlillər bazasının zəif olmasıdır. Bunun üçün cinayətkar şəbəkənin üzvləri idarənin əməkdaşlarına tanıdılacaq və onlar gizli iş aparacaqlar.

Onun sözlərinə görə, hazırda ABŞ və Avropadan olan həmkarları ilə paralel iş aparırlar. Nəticədə sözügedən Ukrayna "qanuni oğrular"ı onların da qara siyahısına salınır. İndi "qanuni oğrular" Yunanıstan, Avstriya, Çexiyadakı bahalı villalarına gedə bilmirlər. Çünki onlara Avropaya giriş qadağandır.

Bununla belə, Abroskin Səlifovu ən qəddar cinayətkarlardan biri kimi xarakterizə edib. Polisdə olan informasiyaya görə, girovların azad edilməsi üçün adam oğruları 1 milyon dollar və ondan daha çox pul tələb edirlər. Lakin hələlik Ukraynada heç kəs açıq-aşkar Səlifova qarşı çıxmaq barədə düşünmür.

Qeyd edək ki, "qanuni oğru"lar müntəzəm olaraq Ukrayna ərazisinə daxil olurlar və onlar əsasən Şimali Qafqaz və Zaqafqaziyadan olan kriminallardır.

914
Teqlər:
Vyaçeslav Abroskin, meyvə-tərəvəz bazarı, Lotu Quli, Ukrayna, polis
Əlaqədar
Şeyx Həmzət və "Lotu Quli" qarşıdurması milli münaqişəyə çevrilə bilərmi?
Kriminal aləm və xüsusi xidmətlərin diqqəti orada: "Lotu Quli"nin taleyi həll olunur
"Lotu Quli" beynəlxalq axtarışa verildi
"Lotu Quli" klanı Rusiya bazarlarına nəzarəti itirir
“Lənkəranskinin adamları - Lotu Quli” qarşıdurmasının görüntüləri yayıldı – Video
Koronavirus testi, arxiv şəkli

Azərbaycanda son sutkada 714 nəfər koronavirusa yoluxdu - Yenə rekord

0
(Yenilənib 15:17 21.10.2020)
Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

BAKI, 21 oktyabr — Sputnik. Azərbaycanda bu gün koronavirus infeksiyasına 714 yeni yoluxma faktı qeydə alınıb, 176 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 7 nəfər COVID-19-dan vəfat edib. Hazırkı dövrədək ölkəmizdə 46 min 593 nəfərin koronavirus infeksiyasına yoluxması faktı müəyyən edilib. Onlardan 40 min 448 nəfər müalicə olunaraq sağalıb, 642 nəfər vəfat edib. Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

0
İlham Əliyev, arxiv şəkli

Dövlət başçısı: Hər gün bayrağımız yeni bir yaşayış məntəqəsində ucaldılır

36
Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

BAKI, 21 oktyabr — Sputnik. "Öz doğma torpaqlarını görməyən, işğaldan sonra dünyaya göz açan hər bir azərbaycanlı həmin torpaqlara qayıtmaq arzusu ilə yaşayıb".

Sputnik Azərbaycan xəbər verir ki, bu barədə Azərbaycan Prezidenti İlham Əliyev öz "Twitter" hesabında yazıb.

Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

"Hər gün bayrağımız yeni bir yaşayış məntəqəsində ucaldılır. Budur Azərbaycan dövlətinin, Azərbaycan xalqının gücü", - deyə o əlavə edib.

36
Mövzu:
Azərbaycan və Ermənistan arasında müharibə
Türkiyənin İpsala qəsəbəsində TANAP qaz kəmərinin Avropa ilə birləşən hissəsinin açılış mərasimi

Azərbaycan Türkiyə birgə daha bir uğura imza atdı

0
TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub.

 

BAKI, 20 oktyabr — Sputnik. Trans-Anadolu Qaz Boru Kəmərinin (TANAP) layihə idarəçiliyində qazandığı beynəlxalq uğurlara yenisi əlavə edildi. Layihə, proqram və portfel idarəçiliyi üzrə dünyanın ən böyük peşəkar birliklərindən olan, mərkəzi ABŞ-da yerləşən Layihə İdarəçiliyi İnstitutu (PMI – Project Management Institute) TANAP-ı "İlin layihəsi" kateqoriyasında layihə idarəçiliyi sahəsində nüfuzlu mükafata layiq gördü. Bu barədə SOCAR-dan Sputnik Azərbaycan-a məlumat verilib. Qeyd olunub ki, Azərbaycan və Türkiyənin ən böyük birgə iqtisadi layihələrindən olan və Cənub Qaz Dəhlizinin əsas seqmentini təşkil edən TANAP qürurverici uğurlara imza atmağa davam edir. Dünya üzrə qəbul olunmuş standartlar, sertifikat proqramları, peşəkar icma fəaliyyətləri, elmi araşdırmalar və kurslar vasitəsilə böyük bir şəbəkə yaradan, layihə, proqram və portfel  idarəçiliyi sahəsində peşəkar standartların inkişafını dəstəkləyən, mərkəzi Amerika Birləşmiş Ştatlarında yerləşən Layihə İdarəçiliyi İnstitutu (PMI – Project Management Institute) tərəfindən "İlin layihəsi" kateqoriyasında mükafata layiq görüldü.

TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub. Bu sahədə 50 ildən artıq bir müddətdə fəaliyyət göstərən PMI dünyada müxtəlif sahələr üzrə 2,9 milyon peşəkar üçün texnoloji dəyərlər yaratmaqla yanaşı, layihə idarəçiliyi proseslərində müəyyənləşdirdiyi standartların tətbiqi proseslərində yüksək təşkilati nəticələrə nail olan və cəmiyyətə müsbət təsir göstərən layihələri mükafatlandırır.

 

0