CƏMİYYƏT
Cəmiyyətin həyatında baş verən aktual hadisələr

Diqqətli olun: Paytaxtda avtobusun hərəkət sxemi dəyişdi

© Photo : BNDAvtobuslar
Avtobuslar - Sputnik Azərbaycan
Abunə olmaq
Dəyişiklik edilməsi haqqında qərar sakinlərin müraciətləri əsasında aparılan təhlillərə uyğun olaraq qəbul edilib

BAKI, 1 fevral — Sputnik. 125 nömrəli müntəzəm marşrut xətti üzrə avtobusların hərəkət sxemində dəyişiklik edilib. Bakı Nəqliyyat Agentliyinin mətbuat xidmətindən Sputnik Azərbaycan-a verilən məlumata görə, bu marşrut üzrə avtobuslar "Lökbatan" Nəqliyyat Mübadilə Mərkəzinə gedərkən 20-ci sahədəki dairədən geri qayıdaraq yeni salınan yoldan "Bibiheybət yolu"na çıxmaqla ("Jurnalistlər binası"nın qarşısındakı yol) müəyyən edilən xətt üzrə hərəkətinə davam edəcək.

Dəyişiklik nəticəsində "Bibiheybət yolu" ətrafında çoxsaylı yaşayış binalarının sakinlərinin, Bakı Ali Neft məktəbinin kampusunun müəllim və tələbə heyətinin, eləcə də həmin ərazidə olan iaşə obyektlərindən istifadə edən əhalinin müntəzəm marşrut xətti ilə "28 May" metrostansiyası – "Lökbatan" Nəqliyyat Mübadilə Mərkəzi ilə əlaqələndirilməsi təmin ediləcək.

Məlumat üçün qeyd edək ki, dəyişiklik edilməsi haqqında qərar, "Bibiheybət yolu" ("Jurnalistlərin binası") ətrafında məskunlaşan sakinlərindən Bakı Nəqliyyat Agentliyinə daxil olan çoxsaylı müraciətlər əsasında aparılan təhlillərə uyğun olaraq qəbul edilib. Belə ki, Su İdman Sarayından "Bibiheybət yolu" ("Jurnalistlərin binası") ilə Bibiheybət məscidinə qədər marşrutun olmaması ərazidə məskunlaşan sakinlərin yaxınlıqdakı dayanacağa piyada gedişində çətinliklər yaradır. Belə ki, 20-ci sahədəki dayanacaqdan "Bibiheybət yolu" ətrafındakı yaşayış binalarına (Jurnalistlərin binası) qədər piyada gediş məsafəsi 840 m təşkil edir.

Qeyd edək ki, 125 nömrəli müntəzəm marşrut xətti üzrə avtobuslar 03.02.2018 tarixindən yenilənmiş sxem üzrə hərəkət edəcəklər.

Xəbər lenti
0