Bakıda əcnəbi turistlər

Kim daha çox xərcləyir: Buradakı əcnəbi, yoxsa xaricdəki azərbaycanlı?

226
(Yenilənib 15:00 29.01.2018)
"Turistlərin nə qədər vəsait xərclədiklərini dəqiq hesablamaq çətindir"

İradə Cəlil, Sputnik Azərbaycan

BAKI, 29 yanvar — Sputnik. 2016-cı ildə Azərbaycana gələn əcnəbi turistlər adambaşına orta hesabla 690 manat, xaricə ölkələrə turist kimi üz tutan həmvətənlərimiz isə 570 manat xərcləyib. Ümumilikdə, əcnəbilər burada 1,411 milyard manat, Azərbaycan vətəndaşları isə xaricdə 1,97 milyard manat xərcləyiblər.

Xarici ölkələrə gedən Azərbaycan vətəndaşları, ölkəmizə gələn əcnəbilər və vətəndaşlığı olmayan şəxslər arasında Dövlət Statistika Komitəsi (DSK) tərəfindən aparılan sorğunun nəticələrinə əsasən, ölkəmizə 2,2487 milyon əcnəbi gəlib. (2016) Onlardan 90,9 faizi, yəni 2,044 milyon nəfəri turizm məqsədilə gələn əcnəbilər olub. Əcnəbi turistlərin xərclədiyi pulun 45,1 faizi nəqliyyata, 28,9 faizi yerləşməyə, 20,9 faizi qidalanmaya və 5,1 faizi digər xərclərə sərf olunub.

Turizm eksperti Bahadur Bilalov Sputnik Azərbaycan-a açıqlamasında bildirir ki, 2016-cı ildən fərqli olaraq 2017-ci ildə Azərbaycan turizmində müsbət saldo yaranıb: "2017-ci ildə ilk dəfə olaraq ölkəyə gələn turistlərin sayı, ölkədən xaricə gedən turistlərin sayından çox olub. Manatın 2 dəfə devalvasiyaya uğramasından sonra ölkəmiz faktiki olaraq həm xarici turistlər, həm də yerli turistlərimiz üçün cəlbedici olub".

"Belə ki, ölkəmizə gələn turistlərin gündəlik xərclədiyi pulun həcmi Avropanın əksər ölkələrindəki günlük xərclərdən xeyli azdır. Yəni yeməyin, taksinin, əyləncələrin qiymətləri ölkəmizdə daha ucuzdur. Bu baxımdan, son zamanlar ölkə turistləri də istirahət üçün Azərbaycanın regionlarına daha çox üstünlük verirlər" — Bilalov deyir.

Ekspert qeyd edir ki, xarici ölkələrə gedən vətəndaşlarımız əvvəlki illərdə olduğu kimi, Gürcüstana getməyə daha çox üstünlük verirlər: "Gürcüstanın açıqladığı statistikaya görə, 2017-ci ildə 1 milyondan çox Azərbaycan vətəndaşı qonşu ölkəyə səfər edib. Bunun bir sıra səbəbləri var. Bir çox Azərbaycan vətəndaşı daha ucuz aviauçuşlar üçün Tbilisi və Kutaisi aeroportundan istifadə edir. Bizim aviaşirkətlər bu amili göz önünə almalı və çalışmalıdır ki, həmin vəsaitin ölkədə qalmasına nail olsunlar".

Digər turizm eksperti Ramin Zamanov Sputnik Azərbaycan-a danışır ki, turistlərin nə qədər vəsait xərclədiklərini dəqiq hesablamaq çətindir: "Azərbaycana gələn turistlərin harada gecələdikləri, nə qədər xərclədikləri hesablanmadığı üçün azərbaycanlı turistin xaricdə, əcnəbinin Azərbaycanda nə qədər xərclədiyini müəyyənləşdirmək mümkün deyil".

"Beşulduzlu hotelə gələn turistlə üçulduzlu hotelə gələn turist eyni pul xərcləmir. Bunun hesabatını aparmaq çox çətindir" — o bildirir.

Mütəxəssisin sözlərinə görə, ölkədəki "xərc tələb edən yerlərin" fərqinə də fikir vermək lazımdır: "Məsələn, xaricdə elə yerlər var ki, orada xərclər minimum 100 mindən başlayır. Bu səbəbdən azərbaycanlı turistin xaricdə, əcnəbinin Azərbaycanda xərclədiyi pulu hesablamaq çox çətindir. Ancaq nəzərə alsaq ki, Azərbaycana ərəblər çox gəlir, hələ ki, orta statistikaya görə, onlar burada çox pul xərcləyirlər. Ərəblər xərcləməyə meylli xalqdır".

226
Teqlər:
Ramin Zamanov, xaric, Bahadur Bilalov, Sputnik Azərbaycan, əcnəbi, vətəndaş, turizm, ekspert, Azərbaycan, xərc, turist
Əlaqədar
Rus turistləri rekord vurur
Hoteldən təkzib gəldi: "Ərəb turist otaqda tək olub"
Qar uçqunu təhlükəsinə görə on mindən artıq turist təxliyyə edildi
Küveytli turist Bakıda üç fahişənin gözü önündə ölüb
Turistləri ən çox cəlb edən məkan qapılarını bağladı
Xəstəxanaya yerləşdirilməkdən imtina edən turist vəfat etdi
Turist avtobusu aşdı, ölən və yaralananlar var
Netflix şirkətinin loqosu, arxiv şəkli

Çağatay Ulusoyun "Netflix"dəki filmindən ilk treyler - VİDEO

9
(Yenilənib 23:01 02.03.2021)
Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

BAKI, 2 mart — Sputnik. Türkiyəli aktyor Çağatay Ulusoyun baş rolu oynadığı növbəti "Netflix" filmi "Kağıttan hayaller"in ilk treyleri yayımlanıb.

Sputnik Azərbaycan xəbər verir ki, 12 martda yayımlanacaq ekran işi 190-dan çox ölkədə, 204 milyondan çox istifadəçiyə göstəriləcək.

Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

9
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

5
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

5
Teqlər:
Formula-1 yarışı, Formula 1
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

375
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

375