Milli Məclisin deputatı Azay Quliyev

Azay Quliyev: "QHT-lərə ayrılan vəsaitləri azaltmağa məcburuq"

85
(Yenilənib 14:48 26.01.2018)
Şura sədri: "Bir QHT bir il ərzində 1200-1300 manatla nə edə bilər?"

Xudabaxşiyeva Təranə, Sputnik Azərbaycan

BAKI, 26 yanvar — Sputnik. Bu gün Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2017-ci il fəaliyyətinin yekunlarına dair hesabat konfransı keçirilib. Sputnik Azərbaycan xəbər verir ki, hesabat konfransında QHT üzvləri, media nümayəndələri və digər şəxslər iştirak edib.

Hesabat konfransında çıxış edən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyev jurnalistlərin suallarını da cavablandırıb. A.Quliyev xarici QHT-lər ilə bir çox layihələrin həyata keçirildiyini bildirib.

"Bu layihələrin bəziləri mətbuata açıq olub, bəzi hallarda isə milli maraqlarımızın təminatı baxımından donorun kim olduğunun qabardılmasını istəməmişik. Prezident vaxtilə belə layihələrin maliyyələşdirilməsi üçün vəsait ayırıb. Təəssüflər olsun ki, iki ildir xarici QHT-lərin proqramlarını maliyyələşdirməyi tamamilə dayandırmışıq" — o deyib.

Şura sədri quruma ayrılan vəsaitlərin az olduğunu da dilə gətirib: "Milli Məclisdə müzakirələr zamanı bu məsələni qeyd edirəm. Təsəvvür edin ki, Şuraya QHT-lərin fondu üçün illik ayrılan vəsait 5 milyon manatdır. Bu gün Azərbaycanda 4 minə yaxın QHT fəaliyyət göstərir. Biz həmin fondu riyazi olaraq 4 min QHT-yə bölsək, 1200-1300 manat pul düşür. Şuraya dövlət büdcəsindən QHT layihələrinin maliyyələşdirilməsi üçün ayrılan vəsait kifayət etmir. Bir QHT bir il ərzində 1200-1300 manatla nə edə bilər?"

Qurum rəsmisi buna görə də QHT-lərə ayrılan vəsaitin azaldılacağını qeyd edib: "Məcburuq ki, QHT-lərin layihələrinə ayrılan vəsaitin həcmini azaldaq. Biz maksimum bir layihəyə 10 min manatın ayrılmasını nəzərdə tuturuq. Amma QHT-lərin hamısının layihəsinə 10 min manat ayıra bilmirik, bəzilərinə hətta 5-8 min manat ayırırıq. Bu, bizim üçün əsas problemlərdən biridir. Ümid edirəm ki, növbəti ildə mütləq şəkildə bu məsələyə baxılacaq".

Azay Quliyev onu da əlavə edib ki, Şura özəl sektoru, bu və ya digər şəkildə QHT-lərin layihələrinin maliyyələşdirilməsinə cəlb etmək istəyir: "Biz Şuranın tərkibində bu məqsədlə ayrıca bir fond, hesab yaratmağı düşünürük. Həmin hesaba maraqlı ideyaların maliyyələşdirilməsi üçün müxtəlif donor təşkilatlarının, yəni kommersiya qurumlarının cəlb edilməsini nəzərdə tutmuşuq. Çox istərdim ki, mətbuat da bizə dəstək versin ki, kommersiya qurumlarını bu təşəbbüsə cəlb etmək daha asan olsun".

"Onu da deməliyəm ki, alternativ maliyyə mənbələri olmadan QHT-lərin fəaliyyəti günü-gündən çətinləşəcək. İstərdim ki, həm hökumət, həm də özəl sektor QHT-lərin nəcib fəaliyyətinə dəstək versinlər, bir çox layihələrin maliyyələşdirilməsi mümkün olsun", – deyə Azay Quliyev diqqətə çatdırıb.

85
Teqlər:
hesabat konfransı, donor, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası, vəsait, Azay Quliyev, manat
Əlaqədar
"Bir ildə 1000-1300 manat vəsaitlə QHT-lər hansı işlər həyata keçirə bilərlər"
QHT-lər bu şərtə əməl etməsə...
QHT rəhbərləri prezidentə müraciət etdilər
İcraçı direktor: “Dövlət QHT-lərin güclənməsini istəyir”
QHT-lərin problemləri müzakirə olunub
QHT-lər çirkin kampaniyaya etiraz etdilər
Azərbaycan bayrağı

Məşhur türk sənətkarının ifasında "Qarabağ türküsü" səsləndirildi

4
(Yenilənib 12:02 21.10.2020)
Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir.

BAKI, 21 oktyabr — Sputnik. Son günlər Azərbaycan Ordusunun aparığı uğurlu əməliyyatları nəticəsində Cəbrayıl, Fizuli və Zəngilan şəhərləri və bir sıra kəndlərimizin işğaldan azad olunması xəbəri Azərbaycan xalqı ilə yanaşı, qardaş Türkiyə xalqını da sevindirib. Azərbaycana dəstək məqsədilə Türkiyənin ən məşhur bölgələri Azərbaycan bayrağına bürünüb.

Bundan başqa qardaş ölkənin sənət adamları da ölkəmizə dəstək olublar. Bu dəfə bu axına Türkiyənin məşhur saz ifaçısı, müğənni Əsəd Kabaklı da qoşulub. Sputnik Azərbaycan xəbər verir ki, məşhur ozan Qarabağda davam edən vətən savaşı üçün mahnı ifa edib. Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir. Sözügedən mahnının sözləri İntiqam Yaşar, musiqisi isə Əziz Əlibəyliyə məxsusdur.

4
Mövzu:
Azərbaycan və Ermənistan arasında müharibə
Emin Şəkinski, arxiv şəkli

General Emin Şəkinski vəfat etdi

31
E.Şəkinski Bakı şəhəri Baş Polis İdarəsinin Cinayət Axtarış İdarəsində şöbə rəisi, Yasamal RPİ-nin 26-cı polis bölməsinin rəisi, Xətai RPİ-nin rəis müavini, DİN-in Daxili Təhlükəsizlik İdarəsinin rəisi, Baş Cinayət Axtarış İdarəsinin rəisi vəzifələrində çalışıb.

BAKI, 21 oktyabr — Sputnik. Daxili İşlər Nazirliyinin Nəqliyyatda Baş Polis İdarəsinin rəisi, polis general-mayoru Emin Şəkinski vəfat edib.

Sputnik Azərbaycan xəbər verir ki, general - mayor uzun sürən xəstəlikdən dünyasını dəyişib.

Şəkinski Emin Əkrəm oğlu 1960-cı ildə Bakı şəhərində anadan olub. 1982-ci ildə Bakı Dövlət Universitetinin tarix, 1993-cü ildə hüquq fakültələrini bitirib.

1985-ci ildən daxili işlər orqanlarında xidməti fəaliyyətə başlayıb.

E.Şəkinski Bakı şəhəri Baş Polis İdarəsinin Cinayət Axtarış İdarəsində şöbə rəisi, Yasamal RPİ-nin 26-cı polis bölməsinin rəisi, Xətai RPİ-nin rəis müavini, DİN-in Daxili Təhlükəsizlik İdarəsinin rəisi, Baş Cinayət Axtarış İdarəsinin rəisi vəzifələrində çalışıb.

31
Xarici İşlər naziri Ceyhun Bayramov, arxiv şəkli

Ceyhun Bayramov Moskvaya səfər edib

0
Xatırladaq ki, Ermənistan xarici işlər naziri Zöhrab Mnatsakanyan da Rusiyaya qısamüddətli işgüzar səfərə gedib.

BAKI, 21 oktyabr — Sputnik. Azərbaycan Respublikasının Xarici İşlər naziri Ceyhun Bayramov Rusiya tərəfi ilə məsləhətləşmələrin həyata keçirilməsi məqsədilə Moskva şəhərinə işçi səfər edib. Bu barədə Sputnik Azərbaycan-a Xarici İşlər Nazirliyinin mətbuat xidmətindən məlumat verilib.

Xatırladaq ki, Ermənistan xarici işlər naziri Zöhrab Mnatsakanyan da Rusiyaya qısamüddətli işgüzar səfərə gedib.

0