Avtomobil yolu

Xoş xəbər: Vətəndaşları narahat edən yol yenidən qurulur

478
(Yenilənib 16:51 24.01.2018)
Layihəyə uyğun olaraq yolun hərəkət hissəsi 7 metr olmaqla, yol yatağının eni 12-13 metr təşkil edəcək

BAKI, 24 yanvar — Sputnik. Kənd və qəsəbələrarası avtomobil yollarının yenidən qurulması ilə vətəndaşların rahat gediş-gəlişini təmin etmək üçün dövlət başçısının tapşırıq və sərəncamlarına əsasən ötən il Bakı şəhərində 10 qəsəbələrarası avtomobil yolu yenidən qurulub. Bu barədə Sputnik Azərbaycan-a Azərbaycan Avtomobil Yolları Dövlət Agentliyinin (AYDA) mətbuat xidmətinin rəhbəri Anar Nəcəfli məlumat verib.

O, bildirib ki, cari ildə 11 qəsəbəarası yolun yenidən qurulması nəzərdə tutulub ki, artıq bu istiqamətdə Azərbaycan Avtomobil Yolları Dövlət Agentiyi tərəfindən müvafiq işlərə başlanılıb.

Yol təmiri, arxiv şəkli
© Photo : PUBLIC DOMAIN

"Bu ilin ilk qəbələrarası avtomobil yolu layihəsi olaraq Lökbatan-Güzdək yolunun yenidən qurulması işlərinə başlanılıb. Yolun uzunluğu 9.1 km təşkil edir. Lökbatan-Güzdək avtomobil yolu 2 hərəkət zolaqlı olmaqla 3-cü texniki dərəcəyə uyğun olaraq yenidən qurulur. Layihəyə uyğun olaraq yolun hərəkət hissəsi 7 metr olmaqla, yol yatağının eni 12-13 metr təşkil edəcək" – deyə Nəcəfli bildirib.

Artıq yolun 4.6 km-lik hissəsində yeni yol yatağı inşa olunub. Yağıntılar zamanı yolun hərəkət hissəsinə suların dolmasının qarşısını almaq məqsədi ilə kənardan xüsusi material gətirilərək yol yatağı ortalama 1 metr hündürlüyə qaldırılıb. Hazırda sözügedən hissədə optimal-qırmadaş və qum-çınqıl qarışığından ibarət yol əsasının inşası işləri aparılır.

Torpaq işləri bitəndən sonra yola 2 qat olmaqla 12 sm qalınlığında yeni asfalt-beton örtük döşənəcək. Asfaltlanma işləri yolun 60 min m2-dən çox sahəsində aparılacaq. Bundan başqa layihəyə uyğun olaraq 3 nöqtədə yolun altından suların ötürülməsi üçün suötürücü borular quraşdırılacaq və 1 ədəd mövcud 5 metr uzunluğunda dörbucaqlı su keçidi əsaslı şəkildə bərpa olunacaq.

Uzun müddət istismar olunması, əsasən ağır tonnajlı yük maşınlarının hərəkəti yolun hərəkət hissəsində dağılma və çökmələr, sürüşmə xarakterli deformasiyalar əmələ gəldiyindən əsaslı təmirə ehtiyac var idi. Yolun yenidən qurulması ilə bu problemlər aradan qaldırılacaq, ən əsası 3 yaşayış məntəqəsinin 43 minə yaxın əhalisinin gediş-gəlişi xeyli asanlaşacaq, yolun birləşdirdiyi qəsəbələrarası yük və sərnişin daşıması rahatlaşacaq.

478
Teqlər:
Avtomobil Yolları Dövlət Agentliyi, avtomobil yolu, təmir, Anar Nəcəfli
Əlaqədar
Bu yolun da təmiri başa çatdı
Daha bir küçə təmirə bağlanıb
Məktəbi kim təmir etdirməlidir: valideyn yoxsa nazirlik?
Daha bir küçəmiz təmir edilir - Sürücülərin diqqətinə
Əhalinin narahatlığına səbəb olan yolun təmiri başa çatır
Qandal, arxiv şəkli

XİN-in üç məsul şəxsi həbs edildi - rüşvətə görə

0
Cinayət işi üzrə Faiq Bağırov və digərləri qabaqcadan əlbir olan bir qrup şəxs halında təkrar rüşvət alma cinayət əməllərinə görə təqsirləndirilən şəxs qismində məsuliyyətə cəlb edilərək, barələrində məhkəmənin qərarları ilə həbs qətimkan tədbiri seçilib

BAKI, 10 iyul — Sputnik. Məlumat verildiyi kimi, Dövlət Təhlükəsizliyi Xidməti tərəfindən Azərbaycan Respublikası Xarici İşlər Nazirliyinin (XİN) vəzifəli şəxslərinin öz səlahiyyətlərindən qəsdən qulluq mənafeyinə zidd olaraq istifadə edib dövlətin qanunla qorunan mənafelərinə mühüm zərər vuran çoxsaylı əməllərə yol vermələri ilə bağlı istintaq-əməliyyat tədbirləri həyata keçirilb.

DTX-dan Sputnik Azərbaycan-a verilən məlumata görə, aparılan cinayət işi üzrə davam edən araşdırmalar zamanı XİN-in Konsulluq idarəsinin rəisi Faiq Bağırov tərəfindən Konsulluq məsələləri və sənədlərin təsdiqi şöbəsinin üçüncü katibi İlqar Əliyev, Konsulluq hüquq şöbəsinin müdiri Nurupaşa Abdullayev və tabeçiliyində işləmiş digər şəxslər vasitəsilə viza proseduru üzrə çoxsaylı xarici ölkə vətəndaşlarının adlarına Azərbaycan Respublikasına dəvət edən tərəfin vəsatətlərinin qısa müddətdə təsdiqi, habelə Azərbaycan Respublikası və xarici ölkə vətəndaşlarının təqdim etdikləri rəsmi sənədlərə şəhadətnamənin (apostilin) verilməsi, sənədlərin konsul leqallaşdırılmasının, eləcə də onun prosedurlarının tezləşdirilməsinin təmin edilməsi müqabilində əvvəlcədən müəyyən etdiyi konkret məbləğlərdə pul vəsaitlərinin müntəzəm surətdə rüşvət olaraq alınmasına əsaslı şübhələr müəyyən edilib.

Cinayət işi üzrə Faiq Bağırov və digərləri qabaqcadan əlbir olan bir qrup şəxs halında təkrar rüşvət alma cinayət əməllərinə görə təqsirləndirilən şəxs qismində məsuliyyətə cəlb edilərək, barələrində məhkəmənin qərarları ilə həbs qətimkan tədbiri seçilib.

0
Əlaqədar
XİN-də həbs edilənlərdən biri məşhur müğənnimizin atası imiş - FOTO
DTX Xarici İşlər Nazirliyində əməliyyat keçirir
DTX Xarici İşlər Nazirliyinə kim üçün getmişdi? - VİDEO
Sərhəd Xidmətinin 6 yüksək rütbəli zabiti həbs edildi
Ağstafa polisində kütləvi təmizləmə - Rəhbər heyət işdən çıxarıldı
Koronavirus testi, arxiv şəkli

Koronavirusa yoluxub sağalmış şəxslərlə bağlı vacib məqam

1
(Yenilənib 18:42 10.07.2020)
"Koronavirusa yoluxub sağalan şəxsdə xəstəliklə bağlı immunitet yaranır. Həmin şəxslər rahatlıqla öz işlərinə davam edə bilərlər"

BAKI, 10 iyul — Sputnik. Koronavirusa yoluxub sağalmış insanlar yoluxdurucu sayılmır. Sputnik Azərbaycan-ın məlumatına görə, bu sözləri bu gün Nazirlər Kabineti yanında Operativ Qərargahın brifinqində "Tibbi Ərazi Bölmələrini İdarəetmə Birliyi"nin (TƏBİB) şöbə müdiri Yaqut Qarayeva bildirib.

O deyib ki, koronavirusa yoluxub sağalan şəxsdə xəstəliklə bağlı immunitet yaranır: "Belə şəxslərin 21 gündən sonra təkrar test verməsi tələb olunmur. Həmin şəxslər rahatlıqla öz işlərinə davam edə bilərlər".

1
Mövzu:
Azərbaycanda koronavirus: son xəbərlər
Əlaqədar
Azərbaycanda koronavirusla bağlı son durum: 526 yeni yoluxma və 8 ölüm
Avstraliya və Honkonqda koronavirus məhdudiyyətləri bərpa olunur
Ölkəmizdə kimlər daha çox risk altındadır? - Koronavirusa yoluxanların yaş qrupları
Rusiya koronavirus vaksininin sınaqlarının yekun mərhələsinə başlayıb
Koronavirusa qarşı yeni dərmanlar tapıldı