Günay Nuriyeva

Azərbaycanda 16 yaşlı möcüzə-qız

972
(Yenilənib 11:11 23.01.2018)
"Özümə o qədər güvənirəm ki, respublika üzrə, hətta dünya üzrə yarışlarda da iştirak edə bilərəm və hamıya qalib gələrəm"

Rahim Zakiroğlu, Sputnik Azərbaycan

BAKI, 23 yanvar — Sputnik. Masallı rayonunun Həsənli kəndinin 16 yaşlı sakini Günay Nuriyevanın hərəkətləri görənləri təəccübləndirir. Təəccübə səbəb isə, etdiyi hərəkətləri yox, Günayın özüdür. Çünki Günay 5 yaşına kimi nə yeriyə bilib, nə də danışa.

Sputnik Azərbaycan-ın bölgə müxbirinə danışan Günay özü haqqında bunları deyir: "Bu anadangəlmə xəstəliyin olması məni çox sıxırdı. Elə o vaxtdan belə hərəkətlər etməklə özümdə təsəlli tapırdım. Sanki əylənirdim öz hərəkətlərimlə, elə bil oyuncağım idi. Anam işə gedərdi, evdə qardaşımla ikimiz qalardıq. Anam evə qayıdanda həmişə görərdi ki, mənim dizlərim və əllərim yara olub. Yeriyə bilmədiyim üçün həyətə də düşə bilmirdim təbi ki. Pilləkənləri düşmək istəyəndə yumurlanıb yerə yıxılırdım. Qardaşım məni qaldırardı, ya da oturdardı".

Günay Nuriyeva
© Sputnik / Rahim Murad
Günay Nuriyeva

Günay bildirir ki, o, artıq 9 yaşından yavaş-yavaş yeriməyə başlayıb: "Anam həmişə təəccüb edərdi ki, bu qız yeriyə bilmirsə, niyə əli-dizi yara olur. Bir dəfə anam məni gizlicə kənardan izləyəndə görüb ki, mən gah ayağımı qaldırıb çiynimə qoyuram, gah da başımı ayaqlarımın arasından çıxarıram. Doqquz yaşıma kimi belə davam etdim, ondan sonra isə artıq divarları tuta-tuta yeriməyə başladım. Düzdür, yaxşı yeriyə bilməsəm də, cəhd edib 2-3 addım atırdım. Həm də ayaq üstə çox qala bilmirdim. Belim arxaya qatlanırdı".

Günay Nuriyeva
© Sputnik / Rahim Murad
Günay Nuriyeva

"Bir dəfə Sumqayıtda yaşayan dayım gəlib anama dedi ki, "Bu uşağı belə vəziyyətdə saxlamayın. Aparın Bakıya, ya masaj etsinlər, ya da məşq etdirsinlər, bəlkə bu uşağın beli düzəldi". Beləcə məni gətirdilər Start İdman Kompleksində bədii gimnastika üzrə məşqçi olan Sevil müəllimin yanına. Sevil müəllim məni məşq etdirməyə başladı və bu məşqlərin köməiyi ilə mən sağaldım, peşəkar idmanla məşğul olmağa başladım", — qız danışır.

Günayın diplom və medalları
© Sputnik / Rahim Murad
Günayın diplom və medalları

G.Nuriyevanın sözlərinə görə, onu anadangəlmə xəstəlikdən gimnastika ilə məşğul olması xilas edib. Məşqlər tez zamanda bəhrəsini verib: "10-11 yaşım olanda müəllimimin etibarını tam qazanmışdım və o, məni artıq yarışlara da çıxarırdı. Bakıda, Gəncədə keçirilən bədii gimnastika üzrə yarışlarda bir neçə dəfə iştirak edib 1-2-3-cü yerlərə sahib oldum".

© Sputnik / Rahim Murad
Hərəkətləri ilə hər kəsi heyrətləndirən azərbaycanlı qız

Gənc idmançı bu sahədə rastlaşdığı çətinliklərdən də danışıb: "Hər bir peşəkar idmanda olduğu kimi gimnastika da idmançı zədəsiz ötüşmür. Bir dəfə sol qolum sındı. Qolum sınandan sonra bərpa prosesi keçmək üçün məşqlərə ara verməli oldum. Müalicədən sonra dərhal məşqlərə başladım. Bu dəfə isə alətli hərəkətlər edərkən sol ayağım ciddi zədələndi. Ayağımın zədəsindən sonra 2 il məşq edə bilmədim və evdə qalmalı oldum. Zədəmi sağaldandan sonra bir dəfə məşq etməyə cəhd etdim. Dedim görüm edə biləcəyəmmi? Nəticə özümü də təəccübləndirdi. Əvvəlkindən də yaxşı edirdim bütün hərəkətləri".

"Daha sonra anamın başında xəstəlik tapıldı. Anamın müalicə olunması üçün rayonumuza qayıtmalı olduq. Buna görə də o gündən evdə fərdi şəkildə məşq edirəm. Amma mən ev şəraitində məşq etmək istəmirəm. İstəyirəm, mənim etdiklərimi bütün dünya görsün və bilsin. İndi mən özümə o qədər güvənirəm ki, respublika üzrə, hətta dünya üzrə yarışlarda da iştirak edə bilərəm və hamıya qalib gələrəm", — deyə Günay bildirir.

"Azərbaycanımızın adını, bayrağını beynəlxalq arenalarda ucaltmaq istəyirəm. Prezidentimiz İlham Əliyevdən və Mehriban xanım Əliyevadan xahiş edirəm, mənə köməklik göstərsinlər ki, peşəkar şəkildə məşq edim. Mənim üçün şərait yaradılmasına köməklik göstərsinlər. İstəmirəm evdə oturum, istedadım batıb getsin", — deyən müsahibmiz bu məqsədindən dönməyəcəyini, sona qədər bu idman növü ilə məşğul olacağını əlavə edir.

972
Teqlər:
Günay Nuriyeva, Masallı rayonu, gimnast, ayaq, əl, Həsənli kəndi, qız, yarış, xəstəlik, idman
Əlaqədar
Qaçqın düşərgəsində böyüyən azərbaycanlı qız dünyanı silkələdi – VİDEO
Bakının ilk qız diceyi: "Toylar gecə klublarından daha təhlükəlidir"
Azərbaycanlı qız "yeddinci hiss"ini kəşf edib
Altı yaşlı qız görənləri heyrətə salır
Qarabağ klubunun futbolçuları, arxiv şəkli

"Qarabağ" qardaş Türkiyəni seçdi

2
(Yenilənib 17:48 21.10.2020)
Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarının neytral ərazidə keçirilməsi ilə bağlı qərarından apelyasiya şikayəti verib.

BAKI, 21 oktyabr — Sputnik. Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarını keçirmək istədiyi ölkənin adını açıqlayıb.

Sputnik Azərbaycan "Report"a istinadən xəbər verir ki, Avropa Futbol Assosiasiyaları İttifaqının (UEFA) İcraiyyə Komitəsi dünən Azərbaycan və Ermənistanın Dağlıq Qarabağdakı hərbi əməliyyatlarla əlaqədar ölkələrində UEFA-nın himayəsi altında ev oyunlarının keçirilməsinə qadağa qoyulması barədə qərar qəbul edib.

"Qarabağ" klubunun direktoru Emrah Çelikel bəyan edib ki, bu halda komandası ev oyunlarını qardaş Türkiyədə keçirmək istəyir.

"İndi üç neytral ərazi var – Kipr, Macarıstan və Polşa, ancaq bizim alternativ seçim təklif etmək imkanımız var. Avropa Liqasının qrup mərhələsindəki rəqiblərimizi Türkiyənin şəhərlərindən birində qəbul etmək istəyirik", – deyə E.Çelikel bildirib.

Komandanın bu seçimini əsaslandıran klub direktoru qeyd edib ki, Avropa İttifaqı ərazisindəki oyunlar üçün futbolçulara viza almaq lazım gəlir, bu prosedur isə xeyli vaxt tələb edir. Türkiyə ilə Azərbaycan arasında vizasız-gediş gəliş sistemi qüvvədə olduğundan, oyun qardaş ölkənin stadionlarından birində keçirilsə, sənədləşmə işlərinə əlavə vaxt lazım gəlməyəcək.

E.Çelikel klubun UEFA İcraiyyə Komitəsinin qərarından apelyasiya şikayəti verəcəyini də vurğulayaraq bildirib ki, Avropa kuboku oyunlarının Bakıda keçirilməsinə heç bir təhdid yoxdur.

Qeyd edək ki, "Qarabağ" klubu oktyabrın 22-də Avropa Liqasının qrup mərhələsi çərçivəsində ilk oyununu Tel-Əvivdə yerli "Makkabi" klubuna qarşı keçirəcək. Bir həftə sonra isə futbolçularımız Bakıda İspaniyanın "Villarreal" komandasını qəbul etməli idi.

2
Teqlər:
qrup mərhələsi, Avropa Liqası, Türkiyə, Qarabağ futbol klubu
Əlaqədar
UEFA rəhbərliyi Bakının AVRO-2020 siyahısından çıxarılacağını istisna etmir
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"

Hikmət Hacıyevdən Paşinyana cavab: Münaqişənin danışıqlar yolu ilə həllini dəstəkləyirik

11
(Yenilənib 18:14 21.10.2020)
Ermənistan baş nazirinin bu açıqlaması iki ölkənin xarici işlər nazirlərinin Rusiyanın təşəbbüsü ilə Moskvaya işgüzar səfərindən dərhal sonraya və ABŞ-ın təşəbbüsü ilə Vaşinqtonda xarici işlər nazirləri səviyyəsində keçiriləcək görüşdən öncəyə təsadüf edir.

BAKI, 21 oktyabr - Sputnik. Ermənistan Baş nazirinin münaqişənin diplomatik həlli yoxdur deyə açıqlaması növbəti dəfə onu nümayiş etdirir ki, Ermənistan danışıqlar yolu ilə münaqişənin həllində tamamilə maraqlı deyildir. Bu açıqlama ilə Ermənistan rəhbərliyi özü etiraf edir ki, Ermənistanın məqsədi Azərbaycanın işğal olunmuş ərazilərini işğal altında saxlamaqdır.  Bununla, rəsmi Yerevanın münaqişənin danışıqlar yolu ilə həlli barədə açıqlamalarının riyakarlıqdan başqa bir şey olmadığı bir daha öz təsdiqini tapmış olur. 

Sputnik Azərbaycan bildirir ki, bunu Azərbaycan Respublikası Prezidentin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyev deyib.

O qeyd edib ki, Ermənistanın baş naziri məsuliyyətsiz şəkildə və öz siyasi ambisiyaları naminə bütün mülki hakimiyyət orqanlarını, mülki insanları total silahlanmaya çağıraraq hərbi əməliyyatlara sövq edir. Ermənistanın bu rəsmi mövqeyi humanitar atəşkəs rejiminin kimin tərəfindən pozulmasını sübut edir və regionda vəziyyətin daha da gərginləşməsinə xidmət edir.    

Azərbaycanın Gəncə şəhərini SCUD tipli ballistik raketlərlə, digər şəhər və rayonlarının sakinlərini raket və artilleriya ilə daim atəşə tutmaq barədə əmr verən şəxs tərəfindən bu kimi açıqlamanın verilməsi əslində təəccüb doğurmamalıdır.  

Ermənistan baş nazirinin bu açıqlaması iki ölkənin xarici işlər nazirlərinin Rusiyanın təşəbbüsü ilə Moskvaya işgüzar səfərindən dərhal sonraya və ABŞ-ın təşəbbüsü ilə Vaşinqtonda xarici işlər nazirləri səviyyəsində keçiriləcək görüşdən öncəyə təsadüf edir.

Prezident İlham Əliyev tərəfindən beynəlxalq mediaya verdiyi son müsahibələrində və açıqlamalarında Azərbaycanın danışıqlara və münaqişənin diplomatik yollarla həllinə hazırlığını dəfələrlə bəyan etmişdir.    

Azərbaycanın münaqişənin həlli ilə bağlı konstruktiv mövqeyinin fonunda beynəlxalq ictimaiyyət, xüsusilə ATƏT-in Minsk Qrupunun həmsədr ölkələri Ermənistan rəhbərliyinin bu açıqlamasından nəticə çıxarmalıdır. Ermənistan rəhbərliyinin bu açıqlaması eyni zamanda münaqişənin diplomatik yolla həlli istiqamətində beynəlxalq ictimaiyyət tərəfindən atılan addımlara hörmətsizlikdir.  

Azərbaycan Respublikası BMT Təhlükəsizlik Şurasının qətnamələrinə əsasən mövcud yol xəritəsinə uyğun olaraq münaqişənin danışıqlar yolu ilə həllini dəstəkləyir. 

11
Teqlər:
Nikol Paşinyan, diplomatiya, Hikmət Hacıyev, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Paşinyandan etiraf: Azərbaycan bizim kapitulyasiyamızdan başqa heç nəyə razı deyil
Paşinyan: "Hazırkı mərhələdə Qarabağ məsələsinin diplomatik yolla həlli yoxdur"
Paşinyan indi də İranı Qarabağ münaqişəsinin həllinə çəkmək istəyir
Vəziyyətləri qəlizdir - Bütün keçmiş prezidentləri görüşürlər
Ermənistan xarici işlər naziri yenə Moskvaya gedib - son on gündə üçüncü dəfə