Əlində iynə olan həkim

Ağır xəstəliklərlə bağlı qərar verilir: Paketə daxil ediləcək

112
(Yenilənib 09:55 23.01.2018)
Nikahdan öncəki icbari müayinə üçün xəstəliklərin siyahısı artırıla bilər

BAKI, 22 yanvar — Sputnik. "Bir neçə il bundan öncə Ailə Məcəlləsinə çox vacib bir əlavə və dəyişiklik olunub. Nikaha girən şəxslərin bir neçə xəstəlik üzrə nikahdan öncəki icbari müayinəsi artıq tətbiq olunur və olduqca da gözəl nəticələr var. Bu da gələcəkdə sağlam nəslin doğulmasında və formalaşmasında çox böyük töhfə olacaq".

Sputnik Azərbaycan xəbər verir ki, bunu Milli Məclisin Səhiyyə komitəsinin sədr müavini Musa Quliyev komitənin bugünkü iclasında deyib.

Millət vəkili təklif edib ki, hepatit B və C qruplarından olan hepatitlərin də icbari tibbi müayinə paketinə daxil edilməsi üçün Ailə Məcəlləsinə dəyişiklik olsun: "Səhiyyə Nazirliyi ilə əlaqə saxladıq və prinsipcə etiraz yoxdur. Ola bilsin ki, əlavə müayinələr üçün müəyyən xərclər tələb olunacaq. Amma bir var ki, biz xəstəliyi başlanğıc mərhələsində, yaxud infeksiyanın hələ xəstəlik formasına keçməmiş mərhələsində az vəsaitlə qarşısını alaq, bir də var ki, artıq formalaşmış hepatitlə, yaxud da serroz ilə rastlaşaq. Onda xərclər dəfələrlə artıq olacaq. Müvafiq qurumları da bu işə cəlb etməklə parlamentin digər komitələri ilə birgə bu məsələni müzakirə etmək faydalı olar".

112
Teqlər:
Ailə Məcəlləsi, Səhiyyə komitəsi, Milli Məclis, xəstəlik
Əlaqədar
Mövsümi xəstəliklərdən qorunmaq üçün sadə üsul
Əsnəmək xəstəlik əlaməti ola bilər
Ölkəmizdə 131 cütlükdə ağır xəstəlik aşkarlanıb
"Eurovision"un qalibi ağır xəstəlikdən vəfat etdi
Onlarda elə xəstəliklər aşkarlandı ki...

Prezidentin köməkçisi vətəndaşlara müraciət etdi

1
"Vətəndaşlardan xahiş edirik ki, sosial gigiyana qaydalarına əməl etsinlər və maskadan istifadə etsinlər"

BAKI, 15 avqust - Sputnik. “Dünya üzrə koronavirusa yoluxma sayı 21 milyondan çoxdur”.

Bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın bu gün keçirilən brifinqində deyib.

“Azərbaycanda son günlər ərzində rəqəmlərdəki müsbət dinamika hər birimizi sevindirir. Bu rəqəmlərin aşağı düşməsi vətəndaşların məsuliyyətli davranışı və karantin qaydalarına əməl etməsi nəticəsində əldə olunub. Vətəndaşlardan xahiş edirik ki, sosial gigiyana qaydalarına əməl etsinlər və maskadan istifadə etsinlər”, - o bildirib.

1
Yatmış qız, arxiv şəkli

Yuxu dərmanları öldürə bilər - Həkim

83
Duyğuları, diqqəti, yaddaşı zəiflədən yuxusuzluq doğru qərar ala bilməkdə çətinlik, diqqətsilzik, depresiya kimi ciddi nəticələrə səbəb olur.

BAKI, 15 avqust — Sputnik. Həkim məsləhəti olmadan qəbul edilən yuxu dərmanları xroniki yuxu və psixoloji pozuntulardan ölümə qədər ciddi fəsadlara səbəb ola bilər.

Sputnik Azərbaycan xarici mətbuata istinadla xəbər verir ki, professor Muhammet Emin Akkoyunlu bildirib ki, həkim tövsiyəsi olmadan qəbul edilən yuxu dərmanları həqiqi yuxunu təqlid edən yalançı bir yuxu deformasiyasına səbəb olur.

"Yatmamışdan əvvəl televizora və komputerə baxmaq, beyində kortizon kimi stres hormonlarını yaradaraq yuxunu dağıdır. Duyğuları, diqqəti, yaddaşı zəiflədən yuxusuzluq düzgün qərar verə bilməkdə çətinlik, diqqətsilzik, depresiya kimi ciddi nəticələrə səbəb olur" - deyə həkim bildirib.

Həkimin fikrincə, dərmanla yuxuya getmək beyində film izlmək kimi bir görüntü yaradır.

"Yuxu real və rahatlıq verici olmalıdır. Bununla yanaşı əlavə bir xəstəliyiniz varsa, yuxu dərmanları sizə zərər verə bilər. Əlacə xəstəliyiniz olmasa belə, nəfəs almağa çətinlik yaradan bu dərmanlar ölümə qədər bir çox problemlərə yol aça bilər. Bu səbəbdən yuxu dərmanlarını dost tövsiyəsi ilə qəbul etməyin. Yuxu dərmanlarını istəklərinizlə qəbul etməyin. Keyfiyyətli yuxu gigiyena qaydalrına əməl etməkdən keçir. Yata bilmək üçün qaranlıq bir yer hazırlayın və özünüzə zaman verin. Buna baxmayaarq yata bilmirsinizsə, həkimə müraciət edin" - deyə o vurğulayıb.

83