Maksim Qorkiy teploxodu

Azərbaycanlı ekspertlər "Stalinin yaxtası"na baxdılar, qiymət danışılır

128
(Yenilənib 10:43 17.01.2018)
Azərbaycan Xəzər Dəniz Gəmiçiliyi QSC "Stalinin yaxtası" kimi tanınan "Maksim Qorki" adlı gəmini öz yubileyinə hədiyyə etmək istəyir

BAKI, 16 yanvar — Sputnik. Azərbaycan Xəzər Dəniz Gəmiçiliyi (XDG) QSC "Stalinin yaxtası" kimi tanınan "Maksim Qorki" adlı gəminin alınmasına dair son qərarı verməyib.

Məlumatlı mənbənin Sputnik Azərbaycan-a verdiyi məlumata görə, XDG-nin ekspertlər qrupu ötən həftə gəmiyə texniki baxış keçiriblər. Hazırda gəminin alınması ilə bağlı danışıqlar gedir.

Xatırladaq ki, yanvarın 15-də Rusiya KİV-ləri məlumatlı mənbələrə istinadən xəbər verib ki, "Moskva çay gəmiçiliyi" ASC "Stalinin yaxtası" adlandırılan "Maksim Qorki" gəmisini satışa çıxarıb.

Potensial alıcılar arasında Azərbaycan da var. Xəzər Dəniz Gəmiçiliyi bu il yaradılmasının 160 illiyini qeyd edəcək və buna görə də "Maksim Qorki" gəmisi dəniz donanması muzeyi üçün eksponat kimi istifadə oluna bilər. Yubiley 2018-ci ilin 21 may, yaxud da 25 iyun tarixində — Dənizçilər Günündə qeyd olunacaq.

Rusiya KİV-lərinin yazdığına görə, alqı-satqı barədə müqavilə tərəflər arasında cari ilin birinci kvartalında baş tuta bilər. Bu isə XDG-nin ildönümünə hazırlığa dair iş planının tələbinə tamamilə cavab verir.

Eyni zamanda, Azərbaycandakı məlumatlı mənbə bildirib ki, "Maksim Qorki" teploxodu Xəzər dənizinin Azərbaycan sektorunda heç vaxt istifadə edilməyib. Gəmi yalnız nadir eksponat kimi alınır. O gəmi üzməyəcək, sadəcə Bakı buxtasında lövbər salacaq. Hələlik yeni alınacaq bu "su muzeyi"nin harada yerləşəcəyi məlum deyil. Amma o məlumdur ki, bu muzey görünməsi əlverişli olan yerdə qərar tutacaq.

Qiymətlərə gəlincə, tərəflər hələlik yekun qiyməti açıqlamayıblar. Rusiya nəşrinin məlumatına görə, teploxodun satış qiyməti təxminən 20 milyon rus rublu civarında qiymətləndirilir. Bu da Azərbaycan pulu ilə 600 min manat edir.

Hazırda "Maksim Qorki" teploxodu "Mosturflot" səyahət şirkətinə mənsubdur. Bu gəmi səyahət üçün nəzərdə tutulub və 1934-cü ildə "Krasnoye Sormovo" gəmiqayırma zavodunda qurulub. Onun uzunluğu 68,8 metr, eni 13 metrdir. Teploxod saatda 30 kilometr sürət yığır. O, 130 sərnişin üçün nəzərdə tutulub.

XX əsrin 60-cı illərinə qədər bu gəmi orta səviyyəli sovet rəhbərlərinin gəzintisində istifadə olunub. 40-50-ci illərdə isə ölkənin birinci şəxsləri — Beriya, Kaqanoviç, Molotov, Malenkov, Xruşşov və başqaları burada istirahət edib. Amma 50-ci illərin sonunda gəminin partiyanın yüksək vəzifəli şəxslərinin səyahətləri üçün istifadəsi dayandırılıb. Dolaşan əfsanələrə baxmayaraq, İosif Stalin heç vaxt bu gəmidə olmayıb. Yazıçı Maksim Qorki də, deyildiyi kimi 1935-ci ildə bu gəmidə istirahət etməyib. 60-cı illərdən başlayaraq, "Maksim Qorki" Moskvadan olan işçiləri şəhərətrafı çimərliklərə aparmaq üçün istifadə edilib. 1999-2003-cü illərdə teploxodda modernləşdirmə işləri aparılıb. Təmirdən sonra gəmidə Stalinin və digər sovet xadimlərinin mum fiqurlarından ibarət muzey açılıb.

Yeri gəlmişkən, "Mosturflot" teploxodun yekun qiymətini açıqlamaqdan imtina edib, həmçinin digər suallara da cavab verməyib.

128
Teqlər:
"Maksim Qorki", "Azərbaycan Xəzər Dəniz Gəmiçiliyi" Qapalı Səhmdar Cəmiyyəti, gəmi, hədiyyə, yubiley, danışıqlar
Əlaqədar
Daha bir gəmimiz xarici sularda istismara buraxılıb
Rusiyanın gəmisi batdı
Döyüş gəmilərinin xoşməramlı səfəri
Bakıda kapitan gəmini partladacağını bəyan etdi

İcra başçısının müavinini maşın vurdu

4
Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

BAKI, 9 avqust - Sputnik. Sabirabad Rayon İcra Hakimiyyəti başçısının müavinini avtomobil vurub. 

APA-nın məlumatına görə, Sabirabad Rayon İcra Hakimiyyəti başçısının müavini - Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

V.Həsənov başından xəsarət alaraq Şirvan Şəhər Xəstəxanasına yerləşdirilib. 

Faktla bağlı araşdırma aparılır.

4

Pandemiyanın ən çox ziyan vurduğu sahə - Burada çalışanların yoluxma riski daha böyükdür

235
(Yenilənib 22:32 09.08.2020)
Bütün dünyanı bürüyən bu pandemiya təəssüf olsun ki, ölkəmizdən də yan keçməyib və daxili turizm böhran ilə üzləşib.

İradə Cəlilova, Sputnik Azərbaycan

BAKI, 9 avqust — Sputnik. Koronavirus pandemiyası bütün sahələrə təsir etdiyi kimi turizm sahəsindən də yan keçməyib. Bölgələrə gediş-gəlişin məhdud çərçivədə olması, bəzi bölgələrdə istirahət mərkəzlərinin, restoranların, otellərin fəaliyyətinin dayandırılması turizm sahəsini demək olar ki, dondurub.

Turizm eksperti Ramin Zamanovun fikrincə, pandemiya dövründə turizm sektoru arxa planda qalıb. Onun sözlərinə görə, bu sahədə çalışanların virusa yoluxma riski də böyükdür. Otellərdə, restoran və istirahət mərkəzlərində yoluxma ehtimalı daha böyükdür.

Ekspert deyir ki, rayonlara gediş-gəlişin məhdudiyyətlərlə olması, ölkədə koronavirusun yayılma səviyyəsini azaltma məqsədi daşıyır. Onun fikrincə, bəzi rayonlarda virusa yoluxma faktının az olması məhdudiyyətlərin nəticə verdiyini göstərir və daha uzun müddət davam etməsinə əsas yaradır.

"Rayonlarda olan otellərin əksəriyyəti demək olar ki, fəaliyyətini dayandırıb. İşlə bağlı regionlara üz tutanlar xüsusi icazə ilə həmin otellərdə qala bilər. Rayonlara istirahət məqsədi ilə gedib, oteldə qalmaq isə mümkün deyil" – o vurğulayıb.

Millət vəkili Malik Həsənov Sputnik Azərbaycan-a açıqlamasında bildirib ki, pandemiya təkcə bizi yox, bütün dünyanı iflic edib, 6 aya yaxındır bütün dünya ölkələrinin sərhədləri bağlıdır, sərhədlərin pandemiyadan əvvəlki vəziyyətə qayıtmaq ehtimalı hələ yoxdur: "Bəlkə də ən çox itki, ən böyük böhran ilə üzləşən turizm sektoru olub. Nəinki Azərbaycanda, bütün dünyada tarixdə belə hal olmayb".

Onun sözlərinə görə, pandemiya səbəbindən daxili turizm böhranla üzləşib.

Millət vəkili Azərbaycanda koronovirus pandemiyasının qarşısının alınması üçün görülən tədbirləri təqdirəlayiq hesab edir: "Koronavirusa qarşı mübarizədə imzalanan sərəncamlar, həyata keçirilən operativ və təxirəsalınmaz tədbirlər nəticəsində ölkəmiz koronavirus pandemiyasına qarşı səmərəli mübarizə aparır. Ölkə başçısı pandemiyaya qarşı mübarizədə hər zaman vətəndaşların sağlamlığını ön planda tutub. Bu səbəbdən də bir sıra önləyici tədbirlər görülüb. Vətəndaşların sağlamlığını düşünərək, ölkə ərazisində xüsusi karantin rejimi tətbiq edilib və ölkə daxilindəki epidemiya demək olar ki, idarə olunan vəziyyətə gəlib".

M. Həsənov qeyd edib ki, bunun bariz nümunəsi son günlər yoluxma sayının azalması və sağalanların üstünlük təşkil etməsidir. Bütün bunları nəzərə alaraq ölkə əhalisinin sağlamlığı turizm sektorunda olan problemlərlə müqayisədə daha önəmlidir.

235
Musiqi qulaq asan şəxs, arxiv şəkli

Musiqi ilə məşq edin, o zaman...

0
Bu, musiqi ilə məşq etməklə yaranan müsbət əhval-ruhiyyənin təkcə insanın xarici görkəminə deyil, həm də idrak qabiliyyətlərinə təsir etdiyini göstərən ilk araşdırmadır.

BAKI, 9 avqust — Sputnik. Tsukuba Universitetinin tədqiqatçıları 33 gəncin idman məşqlərini bitirdikdən sonra əhval-ruhiyyəsini qiymətləndirib.

Sputnik Azərbaycan xarici mətbuata istinadla xəbər verir ki, məşqlər zamanı onlara musiqi və bir sıra səs siqnalları dinləndirilib. Musiqiyə qulaq asanların daha yaxşı əhval-ruhiyyədə olduğu və beyin testlərində daha yaxşı idrak performansı göstərdiyi məlum olub.

Alimlər iddia edirlər ki, insan fiziki işlə məşğul olan zaman musiqi dinləyərsə, bu onun əhval ruhiyyəsini yaxşılaşdırar.

"Musiqi ilə rəqs, səs siqnalları ilə müqayisədə həyat gücünü daha da artırır", - deyə qeyd edilir.

Əvvəlki tədqiqatlar göstərir ki, məşq beynin müəyyən bir hissəsində dorsolateral prefrontal korteks (DLPC) fəaliyyətini artırır.

Müəyyən edilib ki, beynin bu sahəsi aktivləşdirildikdə düşüncə, diqqət və qısamüddətli yaddaşa yol açır.

Bu, musiqi ilə məşq etməklə yaranan müsbət əhval-ruhiyyənin təkcə insanın xarici görkəminə deyil, həm də idrak qabiliyyətlərinə təsir etdiyini göstərən ilk araşdırmadır.

Bir müddət əvvəl isə dietoloqlar yemək zamanı sakit musiqi dinləməyin qidalanma prosesini yavaşlatdığını açıqlamışdı.

0