II Vice Mrs. Top of the World-2015 titulunun sahibi, Azərbaycanın Xüsusi Təyinatlı Qüvvələrinin ehtiyatda olan hərbi qulluqçusu Tehranə Bəhruzi

Azərbaycanın “xüsusi təyinatlı gözəli” müdafiə nazirinə kitab həsr edib

179
(Yenilənib 10:12 17.01.2018)
Azərbaycanlı hərbçi model müdafiə nazirinin bioqrafiyasından və hərbi həyatdan bəhs edən kitab çap etdirib

BAKI, 16 yanvar — Sputnik. "II Vice Mrs. Top of the World-2015" titulunun sahibi, Azərbaycanın Xüsusi Təyinatlı Qüvvələrinin ehtiyatda olan hərbi qulluqçusu Tehranə Bəhruzinin "İdeal nazir – Zakir Həsənov" kitabı çapdan çıxıb.

Adından da göründüyü kimi, kitab Azərbaycanın müdafiə naziri Zakir Həsənova həsr olunub. Bəhruzi öz kitabı barədə Sputnik Azərbaycan-a ətraflı məlumat verib.

Kitab bədii elementlərlə birlikdə avtobioqrafik xarakter daşıyır. Nazir haqqında kitab yazmaq ideyası Bəhruzinin ağlına, hələ Azərbaycanın daxili qoşunlarının tərkibindəki "Şimşək" xüsusi təyinatlı qadın qrupunda xidmət edərkən gəlib. Bu layihənin həyata keçməsində hərbçiyə hazırda Moskvada yaşayan və jurnalist işləyən rəfiqəsi Nabat kömək edib. Nəşrin ədəbi redaktoru isə Aneliya Orduxanovadır.

Kitab öz həyatını qətiyyətlə və geri dönüşü olmadan hərbi xidmətə həsr etmiş vətənpərvər qızdan bəhs edir.

"Hər bir insan öz yoluna başlayanda yetkin həyatında onun keşməkeşli yolunu aydınladacaq yolgöstərən ulduzu düşünür. Mənim üçün bu adam Zakir Həsənov olub. Məhz o, Azərbaycanın daxili qoşunlarında mənim xidmət etdiyim xüsusi təyinatlı qadın qrupunu yaradıb və mən hazırda öz həyatımı hərbi xidmət olmadan təsəvvür edə bilmirəm" – deyə Bəhruzi bildirib.

II Vice Mrs. Top of the World-2015 titulunun sahibi, Azərbaycanın Xüsusi Təyinatlı Qüvvələrinin ehtiyatda olan hərbi qulluqçusu Tehranə Bəhruzi
© Foto T.Bəhruzi tərəfindən təqdim olunub
"II Vice Mrs. Top of the World-2015" titulunun sahibi, Azərbaycanın Xüsusi Təyinatlı Qüvvələrinin ehtiyatda olan hərbi qulluqçusu Tehranə Bəhruzi

Onun sözlərinə görə, Həsənov əsgərləri xüsusi enerjiyə yönəltmək, onlara motivasiya vermək, orduda hərbi ruhu gücləndirmək və dəstəkləmək istedadına malikdir. O, qeyd edib ki, hərbi xidmətdə olduğu vaxt nazirin müvəffəqiyyəti, fədakarlığı və öz ölkəsinin bu qədər qızğın vətənpərvəri olması barədə çox şey öyrənib. Bəhruzi Azərbaycan qadınlarına orduda xidmət etmək imkanı yaratdığına görə, Həsənova minnətdardır.

"Bu kitab təkcə nazir haqqında deyil, həm də hərbi xidmət haqqındadır. Mən xidmət zamanı başa düşdüm ki, bizim harada işləməyimiz və yaşamağımız vacib deyil, vacib olan heç nəyə baxmayaraq öz vətənini sevməkdir" – deyə Bəhrizi bildirib.

Hərbçi gözəl qeyd edib ki, gələcəkdə nə baş verəcəyi önəmli deyil, önəmli olan odur ki, o, Zakir Həsənovun sadiq əsgəri olub və olacaq.

İdeal nazir – Zakir Həsənov kitabı
© Foto T.Bəhruzi tərəfindən təqdim olunub
"İdeal nazir – Zakir Həsənov" kitabı

Bəhruzi etiraf edib ki, kitab üzərində işləyərkən heç kəsə bu barədə məlumat verməyib. İstəyib ki, onu nazirin ad gününə sürpriz eləsin. Kitab üzərində xeyli işləmək lazım gəldiyi üçün hərbçi onu lazımi vaxtda çatdırmayıb.

Kitab işıq üzü görəndən sonra Bəhruzi onu Həsənova hədiyyə edib.

Kitabın nəşri ilə əlaqədar olaraq Tehranə Bəhruzi fotosessiya da edib. Bunun üçün o, çəkiliş yeri kimi "Xəzər" universitetinin informasiya mərkəzini seçib. Onun obrazı üzərində vizajist Bəyaz işləyib, şəkilləri isə Nikon fotoart studiyasının fotoqrafları çəkib.

Zakir Həsənov 1985-ci ilə qədər Almaniyada sovet qoşunlarında xidmət edib. Altı il ərzində Sibir hərbi dairəsinin Altay komissarlığında işləyib. 1993-cü ildən 2003-cü ilə qədər Milli Təhlükəsizlik Nazirliyinin Sərhəd Qoşunları Baş İdarəsində xidmət edib. Sonra Azərbaycan Dövlət Sərhəd Xidmətinin Beynəlxalq münasibətlər İdarəsinin rəisi təyin edilib. Daha sonra daxili işlər nazirinin müavini, daxili qoşunların komandanı olub. 2013-cü ildən AR-nın müdafiə naziridir.

179
Teqlər:
Tehranə Bəhruzi, Zakir Həsənov, hədiyyə, kitab
Əlaqədar
Türkiyə müdafiə nazirinin səfəri zamanı ajiotaj
Müdafiə naziri orduya tapşırıq verdi
Müdafiə naziri döyüş bölgəsində ordunun hazırlıq vəziyyətini yoxladı
Azərbaycanın keçmiş müdafiə naziri həbs edilib
Ali Baş Komandan müdafiə nazirini cəbhə zonasına göndərib
Məktəb, arxiv şəkli

Uşaqlar hansı yaşdan etibarən maska taxmalıdırlar?

14
Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisləri belə hesab edirlər ki, 12 yaşdan başlayaraq uşaqlarda virusa qarşı həssaslıq yaranır.

BAKI, 24 oktyabr — Sputnik. Bütün dünyadan koronavirus epidemiyası yayıldığı gündən bu yana hansı yaşdan etibarən uşaqların maska taxmalı olduqları məsələsi də ən çox müzakirə olunan mövzulardan biridir. Rusiyalı ekspert bu suala dəqiq cavab verib.

Sputnik Azərbaycan RİA Novosti-yə istinadən bildirir ki, mütəxəssislər 12 yaşdan etibarən bütün uşaq və yeniyetmələrin maska taxmasını tövsiyə edirlər. Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisi belə hesab edir ki, bu yaşdan başlayaraq uşaqlarda virusa qarşı həssaslıq yaranır. Mütəxəssisin sözlərinə görə, bununla belə, uşaqlar COVID-19 virusunun aktiv daşıyıcıları hesab olunmurlar. Müşahidələr göstərir ki, bu virus əksər hallarda uşaqlara böyüklərdən yoluxur.

14
Koronavirus modeli, arxiv şəkli

Koronavirus daha tez öldürməyə başlayıb

27
Alimlər eyni zamanda SARC –CoV-2 –nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

BAKI, 24 oktyabr — Sputnik. Koronavirus pandemiyasının ikinci dalğasında virusun ağırlaşmış formasında olan xəstələr birinci dalğa ilə müqayisədə daha tez ölür.

Sputnik Azərbacan Rusiya mətbuatına istinadla xəbər verir ki, bu barədə Britaniyanın fövqəladə hallar üzrə elmi məsləhət qrupunun hesabatında deyilir.

Alimlər bütün ölkə üzrə xəstəxanalarda olan 76700 sakinin məlumatlarını təhlil edərək bu nəticəyə gəlib.

Belə ki, avqustun 1-nə olan dövr ərzində koronavirusn əlamətləri müşahidə edilən gündən etibarən ağırlaşaraq ölümlə nəticələnmə 13 gün ərzində baş verirdi. Hazırda bu dövr qısalıb və ölümlə nəticələnmə bir həftəyə baş verir.

Alimlərin fikrincə, bu neqativ dinamika xəstəliyin müalicəsinin inkişafı ilə əlaqəlidir. Belə ki, hazırda həkimlər daha çox xəstənin həyatını xilas edə bilir. Xəstəlikdən ölənlər isə digər sağlamlıq problemləri olan zəif orqanizmi olan şəxslərdir.

Alimlər eyni zamanda SARC–CoV-2–nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

27
ABŞ bayrağı, arxiv şəkli

ABŞ-ın Bakıdakı Səfirliyi terror təhlükəsi haqda xəbərdarlıq edib: Bu otellərdən uzaq olun

23
(Yenilənib 22:35 24.10.2020)
Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

BAKI, 24 oktyabr — Sputnik. ABŞ-ın Azərbaycandakı Səfirliyi, "Abşeron J.W. Marriott" kimi otellər də daxil olmaqla, potensial olaraq Bakının digər yerlərində ABŞ vətəndaşlarına və xarici vətəndaşlara qarşı baş verə biləcək terror hücumları və qaçırmalar barədə etibarlı məlumatlar əldə edib.

Sputnik Azərbaycan səfirliyin rəsmi saytına istinad edərək xəbər verir ki, ABŞ vətəndaşlarına amerikalıların və ya əcnəbilərin toplaşa biləcəyi yerlərdə çox ehtiyatla davranmaları tövsiyə olunur.

Xəbərdarlıqda aşağıdakı tədbirlər qeyd edilib:

- Ehtiyatlı və sayıq olun.

- Kütlənin çox olduğu yerlərdən yayının.

- Öz profilinizi büruzə verməyin.

- Ətrafınızdan xəbərdar olun.

- Əcnəbilərin sıx olduğu yerlərdə diqqətli olun.

- Yerli mediayanı diqqətdə saxlayın.

Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

Qeyd edək ki, bir müddət əvvəl Azərbaycan Dövlət Təhlükəsizlik Xidməti ölkəmizdə gözlənilən erməni terroru ilə bağlı vətəndaşlara xəbərdarlıq edib.

23