Müğənni Mina

Müğənni Mina sirrini açdı: "Əsl adım..."

1541
(Yenilənib 23:48 14.01.2018)
Artıq böyümüşəm və əsl stilim budur

Təranə Xudabaxşiyeva, Sputnik Azərbaycan

BAKI, 14 yanvar — Sputnik. Bir neçə il öncə bir gecənin içində "Hər şey istəyirəm" mahnısı ilə məşhurlaşan müğənni Mina bir müddət sonra səhnədən uzaqlaşdı. Uzun müddət yaradıcılığına fasilə verən ifaçı indi yenidən səhnəyə qayıtmaq qərarına gəlib.

Həm ifası, həm mahnıları, həm də imici ilə fərqlənən Mina Sputnik Azərbaycan-ın qonağı olub və suallarımızı cavablandırıb.

— Mina xanım, səhnəyə ilk çıxdığınız zaman tamaşaçılara fərqli üslubda, şıltaq qız kimi təqdim edilmişdiniz. Bu obraz nə üçün lazım idi?

— Həmin obrazım düşünülmüş idi. Bəzi sözlər var idi ki, onlar xalqa çatdırılmalı idi. Həmin obraz ilə bunu edə bildik. Mən bu obrazı sevdiyim üçün təklifi qəbul etdim və müqaviləyə imza atdım. Amma balaca bir qız üçün mahnıda dediyi sözlər çox ağır idi. Və təbii ki, illər sonra bu obrazda qala bilməzdim. Şıltaq Mina obrazından çıxmağıma sevinirəm.

— Amma elə o imic və o sözlər də sizi tamaşaçıya sevdirdi…

— Bəli. Ancaq maddi cəhətdən böyük dəstək lazımdır ki, o layihəni davam etdirmək mümkün olsun. Mina da Azərbaycan gəncləri adından bütün problemləri hər kəsə çatdıra bilsin. Dəstək olmadığı üçün bu obrazdan vaz keçdim.

Müğənni Mina
© Sputnik / Murad Orujov
Müğənni Mina

— Musiqilərin sözlərini özünüz yazırdınız?

— Mən ilkin versiyanı yazıb daha peşəkar birinə verirdim. Onlar isə daha yaxşı redaktə edirdilər. Dəstəksiz elə mükəmməl alınmazdı.

— Ailədə ilk musiqiçisiniz, yoxsa ailə üzvlərinizdən musiqi ilə məşğul olanı var?

— Elnarə Xəlilova xalam qızıdır, Nailə Mirməmmədlinin əmisi nəvəsiyəm, xalq artisti Əlibaba Abdullayevin qardaşı nəvəsiyəm.

— Niyə səhnədən anidən getdiniz və uzun müddət görünmədiniz?

— Müqavilə bitdi və mən dəstəksiz fəaliyyətimi davam etdirə bilmədim. Bir müddət sonra bir şirkət ilə müqavilə bağladım. 7-8 ay fəaliyyət göstərdik, amma heç bir nəticə əldə edə bilmədik. Bu zaman mənə Türkiyədə filmdə çəkilmək təklifi gəldi. Mən də müqaviləni pozub filmdə çəkildim. Və bundan sonra bir müddət yaradıcılıq işlərinə ara verməli oldum.

— Şıltaq qız imicindən xanım-xatın obrazına keçmisiniz. Səhnədə bu stildə çox sayda xanım müğənnilər var. Uğur qazanacağınıza inanırsınız?

— Artıq böyümüşəm və əsl stilim budur. İnanıram ki, tamaşaçılar məni belə də qəbul edib sevəcək.

— Əsl adınız necədir?

— Əsl adımın tamaşaçılar tərəfindən bilinməsini heç vaxt istəməmişəm. Amma "Son məktub" filmində rejissorlar məni Nərmin kimi təqdim ediblər. Adım Nərmindir. Mina isə səhnəni partlamaq kimi təqdim edilmişdi.

1541
Teqlər:
imic, şıltaq, Mina, sirr, müğənni
Əlaqədar
Müğənni Röyanın qayınatasının cinayət işi ilə bağlı yeni xəbər
Tanınmış müğənninin əmisi oğlunu öldürdülər
Azərbaycanlı müğənninin qızı görün hansı yolla pul qazanır
Məşhur müğənni bütün sərvətini dövlətə bağışlayacaq
Məşhur müğənni özünü belə biabır etdi - FOTO

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

16
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

16
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

8
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

8