Bakı sakinləri, arxiv şəkli

Hökumət işsizləri xaricə göndərəcək, amma necə?

522
(Yenilənib 00:52 13.01.2018)
"Azərbaycanda müəyyən işsizlər ordusu formalaşıb ki, onlar ixrac imkanlarına sahib deyil"

Xalid Məmmədov, Sputnik Azərbaycan

BAKI, 12 yanvar — Sputnik. Azərbaycan xarici ölkələrə işçi qüvvəsinin ixracına başlaya bilər. Bu barədə ötən ay jurnalistlərə açıqlamasında əmək və əhalinin sosial müdafiəsi naziri Səlim Müslümov deyib.

Nazir qeyd edib ki, bu gün Azərbaycanda işçi qüvvəsinin sayı ona olan tələbatı üstələyir: "Bizim qarşımızda bu işçi qüvvəsinin məşğulluğunun təmin edilməsi məsələsi dayanır. Yeni iş yerlərinin yaradılması və ya onun xaricə ixrac olunması. İkinci halda bu işçi qüvvəsi dünya bazarında rəqabət qabiliyyətli ola biləcəkmi?"

S.Müslümov, həmçinin qeyd edib ki, artıq işçi qüvvəsi problemini təkcə yeni iş yerlərinin açılması ilə həll etmək olmaz: "Bu məsələni bir sıra proqramları icra etməklə — frilanser fəaliyyətinin, növbəli işin təşkil olunması, özünü məşğulluq proqramlarının yaradılması və işçi qüvvəsinin ixtisasının artırılması ilə onun xaricə ixracını təşkil etməklə həll etmək mümkündür".

Məsələ ilə bağlı Azərbaycan Dövlət İqtisad Universitetinin (UNEC) dosenti Elşən Bağırzadə Sputnik Azərbaycan-a açıqlamasında müstəqillik dövründə Azərbaycanın xaricə kifayət qədər işçi ixrac etdiyini deyib: "Bu gün də Azərbaycanın bir sıra ölkələrdə əmək qüvvəsi var. Söhbət Rusiyadan, Ukraynadan, Türkiyədən, Fars körfəzi ölkələrindən və s. gedir. Yəni dünyanın müxtəlif ölkələrində Azərbaycanın işçi qüvvəsi çalışır və bu proses son 10 ildə müəyyən qədər səngisə də, daim davam edir".

"Hətta intellektual baxımından zəngin olan, daha yüksək insan kapitalını özündə birləşdirən işçilərimizin belə, önəmli hissəsini Avropa ölkələrində, Türkiyədə görə bilərik. Bu proses hər ölkədə olduğu kimi, Azərbaycanda da daim davam edir" — ekspert bildirib.

Onun sözlərinə görə, işçi qüvvəsinin ixracı məsələsinə mal və xidmətlərin ixracı kimi baxılmamalıdır: "Bu, kifayət qədər insana bağlı məsələdir. Unutmaq lazım deyil ki, dünyada mal və xidmətlərin, maliyyə axınlarının qarşısında maneələr kifayət qədər minimuma endirilsə də, işçi qüvvəsi axını qarşısında kifayət qədər maneə var. "İşçi qüvvəsi ixrac edəcəyəm" deyə istənilən ölkəyə işçi qüvvəsi göndərə bilməzsiniz. Burada yaşamaq icazəsi və s. məsələlər var".

E.Bağırzadə qeyd edib ki, bu məsələ uzun müddət dünyada protokollar, razılaşmalar ilə həyata keçirilib: "Məsələn, 60-cı illərdə Türkiyə ilə Almaniya arasında, Əlcəzair ilə Fransa arasında belə proses yaşanıb. Bu, dövlətlərarası protokol idi. Həmin ölkələrdə işçi qüvvəsi çatışmırdı deyə, bu ölkələrdən alırdı. Yəni, hazırda belə bir məsələ də yoxdur ki, hansısa ölkə bizdən işçi qüvvəsi tələb etsin".

Bunun iqtisadi tərəfinə gəlincə, dosent deyib ki, bu gün Azərbaycanda izafi işçi qüvvəsi mövcuddursa, bunun həllinin ən başlıca yolu ölkəmizdə qeyri-neft sektorunun, məşğulluq tutumlu sahələrin inkişafıdır: "Bir sözlə, Azərbaycanın iqtisadi böyüməsidir. Yəni, iqtisadiyyatımızı daha çox böyüdə biləriksə, işçi qüvvəsini məşğulluqla təmin edə bilərik".

"Azərbaycan tam məşğulluq baxımından pik həddə gəlib çatmayıb. Azərbaycanın iqtisadi artım imkanları hələ də var. Dövlətin, hökumətin həyata keçirdiyi iqtisadi siyasət elə buna istiqamətlənib ki, yeni iş yerləri açılsın, yeni sənaye sahələri yaradılsın. Yəni bunu o vaxt danışmaq olar ki, Azərbaycan iqtisadiyyatı tam məşğulluq səviyyəsinə gəlib çıxsın. Tədqiqatlar da göstərir ki, Azərbaycan iqtisadiyyatı tam məşğulluq səviyyəsində deyil. Ona görə də artıq işçi qüvvəsi varsa, Azərbaycanda onları yeni iş yerləri ilə təmin emək mümkündür" — həmsöhbətimiz diqqətə çatdırıb.

Sosial-Strateji Tədqiqatlar Mərkəzinin rəhbəri, sosial sahə üzrə ekspert İlqar Hüseynli isə Sputnik Azərbaycan-a açıqlamasında deyib ki, işsizlər heç yerdə, heç kimə lazım deyil: "Azərbaycanda müəyyən işsizlər ordusu formalaşıb ki, onlar ixrac imkanlarına sahib deyillər. Ona görə ki, dil bilmirlər. 90-cı illərədək olan gənclər Sovet dönəmində hərbi xidmətdə olublar və rus dilini mənimsəyiblər. Bunlar üçün rusdilli məkanda işləmək kifayət qədər rahat idi. Amma bundan sonra gələn müəyyən nəsil formalaşıb ki, nə rus, nə də digər dilləri bilir. Ali təhsillilərin bir hissəsi isə onsuz da xaricdə yaşamağa və işləməyə üstünlük verirlər. Statistikaya görə, xaricə gedib təhsil alanların əksəriyyəti – 80 faizi geri qayırtmır".

Onun sözlərinə görə, əgər hazırda səhiyyə sisteminin vakansiya elanlarına baxsaq, Azərbaycanın bütün rayonlarında ən az 60-70 həkimə ehtiyac olduğunu görərik: "Ən ucqar kəndlərimizdə müəllim çatışmır. Bunları ixrac edəkmi? Azərbaycan Tibb Universitetini bitirən tələbələrin əksəriyyəti rayonlarda, regionlarda işləməyə getmirlər. Çünki əmək haqqı aşağıdır".

Ekspertin firkrincə, ölkəmizdə ünvanlı sosial yardım (ÜSY) almaq üçün müraciət edənlərin sayı durmadan artır: "Amma bunu almaq da çətindir. Ünvanlı sosial yardım almaq üçün o qədər baryer, mərhələli prinsiplər qoyublar ki, buna da insanların əli çatmır".

"İşçi qüvvəsini ixrac etmirlər. Dünyada "işçi qüvvəsi bazarı" deyilən bir şey yoxdur. Bu, könüllü aksiyadır. İnsan istəsə, xaricdə iş axtara bilər. Amma xaricdə işə qəbul zamanı qoyulan normativlərə işaxtaranın kriteriyaları cavab verirmi? Məsələn, dil bilgisi cavab vermir və s. Ümumiyyətlə, dünyada işçi qüvvəsi alqı-satqısı ilə məşğul olan mexanizm yoxdur. Konkret olaraq hədəflər göstərilməlidir" — İ.Hüseynli vurğulayıb.

522
Teqlər:
işçi qüvvəsi, xarici ölkə, dosent, İlqar Hüseynli, iş yeri, dil, Sputnik Azərbaycan, Elşən Bağırzadə, işsizlik, Səlim Müslümov, ixrac, ekspert, insan, Azərbaycan, açıqlama
Əlaqədar
Prezident yeni iş yerlərinin açılışını edib
Təhsil Nazirliyi işçi axtarır
Bakı Nəqliyyat Agentliyi işçi axtarır
İşəgötürənlər qarşısında tələb: İşçilərə pulsuz qida verin!
"Apple" şirkətinin rəhbəri öz işçilərindən az qazanır
Bakı Metropolitenində işçilərin işdən azad edilməsi nə ilə bağlıdır

Əsgərlərimiz hərbi parada hazırlaşırlar - VİDEO

30
(Yenilənib 18:03 05.12.2020)
Paradda həmçinin Vətən müharibəsi zamanı Azərbaycan Ordusunun darmadağın etdiyi düşməndən ələ keçirdiyi hərbi qənimətlərin bir qismi də nümayiş olunacaq

BAKI, 5 dekabr - Sputnik. Dekabrın 10-da keçiriləcək Vətən müharibəsində qələbəyə həsr olunmuş hərbi parada hazırlıq məşqləri davam edir.
Sputnik Azərbaycan Müdafiə Nazirliyinə istinadən bildirir ki, Azadlıq Meydanında keçiriləcək hərbi paradda 3000 nəfərdən artıq şəxsi heyət, 150-dək hərbi texnika, o cümlədən silahlanmaya yeni qəbul edilmiş müasir hərbi texnika, raket və artilleriya qurğuları, hava hücumundan müdafiə sistemləri, eləcə də hərbi gəmi və katerlər nümayiş etdiriləcək.
Paradda həmçinin Vətən müharibəsi zamanı Azərbaycan Ordusunun darmadağın etdiyi düşməndən ələ keçirdiyi hərbi qənimətlərin bir qismi də nümayiş olunacaq.

30
Teqlər:
video, hazırlıq, Müdafiə Nazirliyi, hərbi, parad
Təyyarə, arxiv şəkli

Ermənistan Azərbaycanın hava məkanından istifadə etməyəcək?

22
(Yenilənib 16:35 05.12.2020)
"Qeyd etmək lazımdır ki, yeni işlənmiş qalxma və enmə sxemləri Azərbaycanın hava məkanından istifadəni nəzərdə tutmur"

BAKI, 5 dekabr — Sputnik. "Sünik" Qafan hava limanında təmir işləri başa çatıb. Sputnik Ermənistan xəbər verir ki, artıq hava limanı müvafiq lisenziya alıb.

Mülki Aviasiya Komitəsinin mətbuat xidmətindən verilən məlumata görə, uçuş zolağının səthi tamamilə təmir olunub, yeni sərnişin kompleksi tikilib və beynəlxalq standartlara cavab verən yeni hasar çəkilib.

Məlumata görə, sertifikatlaşdırma prosesi qanunvericiliyin tələbinə və beynəlxalq standartlara uyğun olaraq həyata keçirilib. Hava limanından L-410 kimi 19 nəfərlik tutumu olan təyyarələr istifadə edə bilər.

"Qeyd etmək lazımdır ki, yeni işlənmiş qalxma və enmə sxemləri Azərbaycanın hava məkanından istifadəni nəzərdə tutmur", - deyə bildirilib.

Bir müddət əvvəl mətbuatda və sosial şəbəkələrdə Qafan hava limanının ərazisinin sərhəd demarkasiyası razılaşmaları çərçivəsində Azərbaycana veriləcəyi barədə məlumatlar yer almışdı.  Daha sonra Ermənistan bu xəbərlərə təkzib verdi.

22
Teqlər:
təmir, Ermənistan, Azərbaycan, aeroport, Qafan rayonu

Müxalifətdən Paşinyana ultimatum: "Getməsən..."

8
(Yenilənib 18:40 05.12.2020)
Şənbə günü on minlərlə etirazçı Yerevanın mərkəzinə toplaşaraq baş nazirin istefasını tələb edib. Mitinqdən sonra etirazçılar Paşinyanın hökumət malikanəsinə yönəliblər

BAKI, 5 dekabr - Sputnik. Ermənistanın baş naziri Nikol Paşinyanın malikanəsinin qarşısına toplaşan etirazçılar onun gələn çərşənbə axşamınadək istefa verməsini tələb ediblər. 

Sputnik Azərbaycan bu barədə RİA Novosti-yə istinadən məlumat verir.

"Çərşənbə axşamı saat 12:00-dək istefa verməsinə görə Paşinyana vaxt veririk. Əgər o bunu etməsə, bütün ölkədə itaətsizlik aksiyaları başlanacaq. Əgər o, çərşənbə axşamınadək getməsə, biz özümüz onu çıxaracağıq", - müxalif "Daşnaksütun" partiyasının nümayəndəsi İşxan Saqatelyan deyib.

Qeyd edək ki, şənbə günü on minlərlə etirazçı Yerevanın mərkəzinə toplaşaraq baş nazirin istefasını tələb edib. Mitinqdən sonra etirazçılar Paşinyanın hökumət malikanəsinə yönəliblər. Hazırda etiraz aksiyası bitmiş elan edib.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb, kəndlərin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüb.

2020-ci il noyabrın 10-da Azərbaycan, Rusiya və Ermənistan liderlərinin Qarabağ üzrə üçtərəfli bəyanatı imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) isə Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.
Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

8
Teqlər:
istefa, Nikol Paşinyan, mitinq, etiraz aksiyası, Yerevan, Ermənistan