Silence show

"Sarı gəlin"in sədaları altında belə qeyri-adi rəqs heç olmamışdı

95
(Yenilənib 11:13 12.01.2018)
Qeyri-adi adı olan Azərbaycan kollektivi rəqsin səviyyəsini yeni pilləyə qaldırmaq istəyir

BAKI, 11 yanvar — Sputnik. SILENCE ("Sükut") rəqs şousu bu günlərdə Azərbaycanın xalq mahnısı "Sarı gəlin"in sədaları altında ifa etdiyi teatrallaşdırılmış debüt klipini təqdim edib.

Bu kollektivin fəaliyyəti ilə bağlı Sputnik Azərbaycan-a xoreoqraf Fariz Musayev ətraflı məlumat verib.

Onun sözlərinə görə, layihə bir neçə ay bundan əvvəl doğulub. Buna baxmayaraq, qısa müddətdə sosial şəbəkələrdə məşhurlaşıb. Başlanğıcda şounun heyətinə beş nəfər daxil olub: Fariz Musayev, Fərman Lazımov, Ramil Məmmədli, Aytən Musayeva və Əsmər Əsmər. Sonra onlara Zülfiyə Qazıyeva, Zəffər Kərimov və Nərminə Aslanova qoşulub.

Musayevin sözlərinə görə, uzun müddət bu cür layihəni necə qurmaq barədə fikirləşiblər. Onlar bunu yüksək səviyyədə etmək istəyiblər ki, gələcəkdə xaricdə də təqdim etsinlər.

"Komandamızın fərqli cəhəti odur ki, biz artıq ölkəmizdə gördüyümüz standart rəqs şousu göstərmirik, rəqslərin və aktyor ustalığının hesabına tamaşaçılara həyat realizmi və teatr şousu təqdim etməyə çalışırıq. Məqsədimiz insanları təəccübləndirmək və valeh etməkdir" – deyə Musayev bildirib.

Kollektivin ifa etdiyi rəqs janrı çox qeyri-adidir. Ona görə də onların konkret hansı stildə rəqs etdiyini demək mümkün deyil. Musayev hesab edir ki, onlar hər stildə rəqs edirlər: Breykinq, kontemp, voq, dənsholl, hip-hop, step və s. Onun sözlərinə görə, istənilən rəqs teatral, gözəl və aydın olmalıdır. Ən əsası isə onu tamaşaçılara düzgün şəkildə çatdırmaqdır.

Kollektiv musiqi seçimində də fərqlənir, çox spesifik zövqü var. Musayev qeyd edib ki, onlar tamaşadan asılı olaraq əksərən embient (elektron musiqi stili) və klassik janrdakı kompozisiyaları seçirlər.

"Azərbaycanda dünya səhnəsində öz ustalıq məharətini dəfələrlə nümayiş etdirmiş güclü rəqqaslar az deyil, amma belə komandalar azdır. Bizim sahədə rəqabət çox azdır. Hamı əsasən məlum stildə rəqs edir. Biz istərdik ki, XXI əsrin əvvəllərində olduğu kimi, rəqabət mühiti olsun" – deyə Musayev bildirib.

Onun sözlərinə görə, rəqs sahəsində yaxşı hesab oluna biləcək kollektivlər var. Onlardan Bigga Boo, Nero, Alarm, Crazy Eyes, JamSS, Challenge Soul və Caspian Flava-nın adları çəkilə bilər.

Musayev şaddır ki, onların ideya müəllifi Fərman Lazımov olan debüt videosu tamaşaçılar tərəfindən müsbət qarşılanıb. Onların bu çarxı hazırlamaqda məqsədi Azərbaycan musiqisinin gözəlliyi fonunda rəqsin gözəlliyini müxtəlif istiqamətlərdə göstərməkdir. Onlar seçim edərkən "Sarı gəlin" mahnısı üzərində dayanmaqla göstərmək istəyiblər ki, müasir gənclik öz ölkəsinin keçmişinə hörmət bəsləyir və bunu gələcək naminə edir.

Kollektivin bu səviyyədə dayanmaq fikri yoxdur. Niyyəti rəqsin səviyyəsini yeni pilləyə qaldırmağı davam etdirmək və öz məharətini bütün dünyaya göstərməkdir.

Musayev hazırda xaricə qastrol səfərinə hazırlaşdıqlarını bildirib. SILENCE layihəsinin qalan planlarını isə xoreoqraf hələlik sirr saxlayıb.

95
Teqlər:
"SILENCE" şou qrupu, "Sarı gəlin", rəqs, layihə
Əlaqədar
Azərbaycanlı Moskvada rok-n-roll rəqs edib
Ceyhun: "Sən supersən! Rəqslər"in iştirakçısı olmaq artıq qələbədir
Qələbənin bir addımlığında: Azərbaycanlı "Sən supersən! Rəqslər"də 4-cü yeri tutdu
“Sən Supersən! Rəqslər”in səhnəsində azərbaycanlı performansı
İlkin və Sevinc Moskva səhnəsində “Bulaq” rəqsini ifa etdilər
Azərbaycanın Birinci vitse-prezident Mehriban Əliyeva, arxiv şəkli

Mehriban Əliyeva Ermənistanın müharibə cinayətlərinə üsyan etdi

49
(Yenilənib 23:55 27.10.2020)
"Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?"

BAKI, 27 oktyabr - Sputnik. "Bu gün Ermənistan silahlı qüvvələri döyüş əməliyyatları zonasından kənarda yerləşən Bərdə şəhərini raket atəşinə məruz qoyaraq humanitar atəşkəs rejiminin şərtlərini növbəti dəfə kobud şəkildə pozublar. “Smerç” qurğusundan buraxılmış kasetli raketlərlə atəş nəticəsində dörd mülki şəxs, o cümlədən yeddi yaşlı qız həlak olub. Dördü uşaq olmaqla on dörd nəfər ciddi xəsarət alıb".

Sputnik Azərbaycan bildirir ki, bu barədə Azərbaycanın Birinci vitse-prezidenti Mehriban Əliyeva sosial şəbəkədəki heabında yazıb.

Посмотреть эту публикацию в Instagram

Публикация от Mehriban Aliyeva (@firstvicepresidentazerbaijan)

"Silahlı münaqişələr zamanı mülki şəxslərin qətlə yetirilməsi 1949-cu il Cenevrə Konvensiyalarının və bütövlükdə beynəlxalq humanitar hüquq normalarının ən kobud şəkildə pozulması deməkdir.
Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?
Həlak olanların doğmalarına və yaxınlarına dərin hüznlə başsağlığı verirəm, yaralananların tezliklə sağalmalarını arzulayıram.
Biz öz torpağımızı təcavüzkarlardan azad edəcəyik və bu cinayətlərə son qoyacağıq.
Uca Tanrı Vətənimizi qorusun!" - paylaşımda deyilir.

49
Teqlər:
Atəşkəsin pozulması, ölənlər və yaralılar, dinc sakinlər, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
Bərdədə erməni təxribatından ölənlərdən biri 7 yaşlı uşaqdır - FOTO
XİN: Ermənistan münaqişənin siyasi həllində maraqlı deyil
Hikmət Hacıyev: "Bərdəyə "Smerç"dən kasetli bomba atılıb"
Ermənilərin Bərdəni atəşə tutması nəticəsində ölənlərin sayı artdı
Sami Yusuf, arxiv çəkli

Azərbaycan əsilli müğənnidən növbəti dəstək

40
(Yenilənib 22:40 27.10.2020)
Müğənni özünün "Instagram" səhifəsində video paylaşaraq "Azərbaycan I love you. Yaşasın Azərbaycan!" deyib

BAKI, 27 oktyabr — Sputnik. Azərbaycan əsilli dünyaca məşhur müğənni və bəstəkar Sami Yusuf cəbhə xəttində həyata keçirilən əks-hücumlarla əlaqədar Azərbaycan Ordusuna növbəti dəfə dəstəyini ifadə edib. Sputnik Azərbaycan xəbər verir ki, müğənni özünün "Instagram" səhifəsində video paylaşaraq "Azərbaycan I love you. Yaşasın Azərbaycan!" deyib.

Qeyd edək ki, Azərbaycan əsilli dünyaca məşhur müğənni və bəstəkar Sami Yusuf cəbhə xəttində həyata keçirilən əks-hücumlarla əlaqədar dəfələrlə Azərbaycan Ordusuna dəstəyini ifadə edib: "Davamlı uğurlarınız, firavanlığınız və torpağınızın və suverenliyinizin qorunması üçün dua edirəm".

40
Mövzu:
Azərbaycan və Ermənistan arasında müharibə
Əlaqədar
Türkiyəli sənətçilər Qarabağda müharibəyə görə toylarını təxirə saldılar
Biz Qarabağda oyanmaq istəyirik - VİDEO
Sinan Akçıldan daha bir dəstək - "Daim yaşa, Azərbaycan" adlı mahnı bəstələyib
Rəzalət davam edir - Türk sənətkarları Qarabağda "öldürürlər"
İbrahim Tatlısəsdən kövrək addım: "Ölənədək yanındayıq, AZƏRBAYCAN!"