Qaz sayğacı və smart-kart

Diqqət: Qaz tarifinin hesablanması ilə bağlı açıqlama verildi - VİDEO

1271
(Yenilənib 18:26 11.01.2018)
Dekabr ayının sonu və yanvar ayının ilk günləri bayram və istirahət günlərinə təsadüf etdiyindən bu proses yanvar ayının ilk həftəsində tamamlanıb

BAKI, 11 yanvar — Sputnik. Ötən ilin dekabr ayında "Azəriqaz" İstehsalat Birliyi 2017-ci ildə verilən 1700 kubmetr limitinin dekabr ayının sonundan sıfırlanacağı və yanvar ayından bu il üçün yeni limitin hesablanmasına başlanılacağı barədə məlumat vermişdi. Lakin bəzi "Smart İTRON" elektron qaz sayğaclarından istifadə edən abonentlər yanvar ayında ödəniş etdikdə qazın tarifinin 20 qəpikdən hesablandığını, mexaniki sayğaclardan istifadə edən abonentlər isə ötən ilin dekabr ayının qaz sərfini bu ilin yanvarında qeydə alındığını iddia ediblər.

Sputnik Azərbaycan Report-a istinadən xəbər verir ki, "Azəriqaz"ın İctimaiyyətlə əlaqələr şöbəsinin rəhbəri İbrahim Kərbalayev bu məsələlərə aydınlıq gətirib.

O bildirib ki, verilmiş limiti keçən bəzi "Smart İTRON" qaz sayğacının istifadəçiləri 2018-ci ilin əvvəlində sayğaca ödəniş etdiklərini, lakin 20 qəpik tarifi ilə hesablandığını bildirərək, quruma müraciət ediblər. Onun sözlərinə görə, belə məlumatlar daxil olanda qurumun əməkdaşları baza məlumatlarına baxaraq aydınlaşdırıb ki, həmin abonentlər ötən ilin dekabr ayında smart kartına pul yükləyib, lakin kartı 2018-ci ilin ilk günlərində sayğaca daxil edəndə bu proses baş verib: "Məlumat verilmişdi ki, "Smart İTRON" məişət sayğaclarından istifadə edən abonentlər üçün 2018-ci ilin yanvar ayının 1-dən etibarən smart karta edilən ilk ödəniş tarixindən yeni il üçün limitin verilməsinə başlanılacaq".

Mexaniki qaz sayğacları ilə bağlı isə "Azəriqaz" rəsmisi qeyd edib ki, 2017-ci ilin dekabr ayından etibarən bu sayğacların üzərində göstəricilərin oxunması və bildirişlərin istehlakçılara paylanması üçün işlərə başlanılıb: "Limit günlük, həftəlik, aylıq deyil, illik verilir. Ona görə də dekabr ayının sonu və yanvar ayının ilk günləri bayram və istirahət günlərinə təsadüf etdiyindən bu proses yanvar ayının ilk həftəsində tamamlanıb".

Qurumun rəsmisi qeyd edib ki, mexaniki qaz sayğacının göstəricisi ilə abonentlərə təqdim olunan bildiriş arasında qaz sərfiyyatı ilə bağlı göstərilən rəqəmdə hər hansı mübahisəli məsələ olarsa, yaxud da fərq yaranarsa, abonentlər bununla bağlı yaşadıqları rayon üzrə yerli qaz xidmət sahəsinə, o cümlədən Regional Qaz İstismar İdarələrinə müraciət edə bilərlər. Müraciət dərhal araşdırılaraq məlumat verilir.

1271
Teqlər:
İbrahim Kərbalayev, "Azəriqaz" İstehsalat Birliyi, abonent, qaz sayğacı, açıqlama
Əlaqədar
Qaz sayğacınızı "Azəriqaz"dan qoruyun, yoxsa məhkəməlik ola bilərsiz
"Azəriqaz" qaz kəsilmələrinə aydınlıq gətirdi
Bu qəsəbədə qaz böhranı yaşanır və "Azəriqaz" xəbərsizdir...
"Azəriqaz" sayğaclarda balansın artırılmasına limit tətbiq edib
"Azəriqaz"la "Akkord" niyə ötür-ötür oyunu oynayır?

Xırdalanda partlamış evin dağıntıları altından qadın meyiti çıxarılıb

71
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

71
Xırdalanda partlayış yerində

Xırdalanda dağıntılar altından xilas edilənlərin sayı artır

22
Görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib.

BAKI, 25 yanvar — Sputnik. Abşeron rayonu, Xırdalan şəhəri, 27-ci məhəllə adlanan ərazidə yerləşən və partlayış nəticəsində uçqun baş vermiş ikimərtəbəli fərdi yaşayış evində Fövqəladə Hallar Nazirliyinin qəza-xilasetmə qüvvələri tərəfindən axtarış-xilasetmə əməliyyatı davam etdirilir.

APA xəbər verir ki, görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib. Bununla da xilasedicilər tərəfindən xilas edilmiş vətəndaşların sayı 6-ya çatıb.

Axtarış-xilasetmə əməliyyatı davam edir. Əlavə məlumat veriləcək.

22