Bakıda avtobuslar

Bakının ictimai nəqliyyatında yeni hoqqa çıxarıblar

565
(Yenilənib 18:21 11.01.2018)
Mais Ağayev: "Bu halla üzləşən sərnişinlər dərhal Bakı Nəqliyyat Agentliyinə müraciət etməlidir"

Təranə Xudabaxşiyeva, Sputnik Azərbaycan

BAKI, 11 yanvar — Sputnik. Bakı şəhərində marşrut xətlərində vəziyyətin heç də yaxşı olmadığı hər kəsə məlumdur. Dünya standartlarına cavab verməyən avtobuslar, natəmiz salon və çirkli oturacaqlar, sürücülərin yol hərəkəti qaydalarını tez-tez pozması və sürət həddini aşması sərnişinləri narahat edən problemlərdəndir.

Bu qədər şəraitsiz vəziyyətdə sərnişinlərin əsəblərini tarıma çəkən daha bir məsələ var. Belə ki, gecə 00:00-a kimi işləməli olduqları halda, bəzi marşrut xətti üzrə hərəkət edən avtobusları axşam 21:30-dan sonra tapmaq qeyri-mümkün olur.

Və ya avtobus sürücüsü istədiyi dayanacaqda avtobusu saxlayıb sərnişinləri düşürür: "Düşün, mən planımı vermişəm, çörəkpulumu qazanmışam. Gedirəm evə. Siz isə arxadan gələn avtobusla yolunuza davam edərsiniz. Gediş haqqını verməyi isə unutmayın".

Bu xoşagəlməz hal 35 nömrəli avtobus daşıyıcısında, demək olar, hər gün baş verir. Sərnişinlər etiraz edəndə isə, sürücü kobud şəkildə bildirir ki, "kimə istəyirsiniz, gedin şikayət edin, mən beləyəm".

Bakı Nəqliyyat Agentliyinin (BNA) mətbuat xidmətinin rəhbəri Mais Ağayev Sputnik Azərbaycan-a açıqlamasında bildirib ki, bu problemlərin hər birini həll etmək üçün bütün daşıyıcılar mütləq şəkildə kart sisteminə keçməlidir: "Peşəkar sürücü bazası olmalıdır. Halbuki, bu gün Bakı Nəqliyyat Agentliyi bu sahədə böyük problemlər yaşayır. Bakı şəhərində peşəkar sürücülərə ciddi şəkildə ehtiyac var".

M.Ağayev vurğulayıb ki, belə xoşagəlməz halla üzləşən sərnişinlər dərhal Bakı Nəqliyyat Agentliyinə müraciət etməlidir: "Bu zaman biz də daşıyıcı qarşısında məsələ qaldırırıq ki, onlar da bu barədə tədbir görsünlər".

Qurum rəsmisi qeyd edib ki, avtobus sürücüsü marşrutunu yalnız zəruri hal yaranarsa, dəyişə bilər: "Məsələn, dövlət qurumları tərəfindən qanuni halda yollar məhdudlaşdırılıbsa, bu zaman olar. Tədbir və ya təmir işləri ilə bağlı yol bağlanarsa və ya qəza baş verərsə, məcburi halda bir neçə günlük və ya saatlıq marşrut xətti dəyişə bilər. Amma sürücü öz istədiyi zaman marşrutu dəyişə bilməz".

"Avtobuslar ümumi istifadədə olan nəqliyyat vasitəsidir. Onu idarə edən sürücü də, sərnişin də müəyyən olunmuş ümumi qaydalara mütləq şəkildə riayət etməlidir" — BNA sözçüsü vurğulayıb.

Hüquqşünas Elyar Həsənov də Sputnik Azərbaycan-a şərhində deyib ki, daşıyıcı dövlətin şərtlərinə əməl etməlidir, etməyəndə sərnişinin hüququ, təbii ki, pozulur: "Buna aidiyyatı orqanlar nəzarət etməli və cəzalandırmalıdır. Məhkəmə yolu səmərəli yol deyil. Bu problemlərin həlli müvafiq təşkilatlardadır".

"Qanunvericilik bu məsələləri lazımi şəkildə tənzimləyir. Şərtlərə əməl etməyən daşıyıcı sərnişindaşımadan kənarlaşdırılmalıdır. Avtobusda sərnişin varsa, avtobus marşrutu üzrə son dayanacağa kimi getməlidir. Əks halda, sərnişini ünvana çatdırmadığı üçün qanunu pozmuş olur və heç bir halda sərnişindən gediş haqqı almaq hüququ yoxdur" – deyə hüquqşünas əlavə edib.

565
Teqlər:
Mais Ağayev, hüquqşünas, BNA, ictimai nəqliyyat, Bakı şəhəri, marşrut, Elyar Həsənov, Sputnik Azərbaycan, sərnişin, Bakı Nəqliyyat Agentliyi, dayanacaq, avtobus, sürücü
Əlaqədar
Allahverənov: “İctimai nəqliyyatdakı problemlər ənənəvi xarakter daşıyır”
İctimai nəqliyyatda daha bir yenilik
Azərbaycandan Türkiyəyə gedən sərnişin avtobusu yanıb
Bakıda avtobus qəzası törədib qaçan sürücü həbs olundu
Bakıda baş verən avtobus qəzasının səbəblərinə aydınlıq gətirildi - rəsmi
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

14
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

14
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

7
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

7