Azərbaycan Respublikasının Təhsil Nazirliyi

Təhsil Nazirliyi işçi axtarır

633
(Yenilənib 18:36 10.01.2018)
Müsahibəyə dair ətraflı məlumat almaq üçün Azərbaycan Respublikasının Təhsil Nazirliyinin İnsan resursları şöbəsinə müraciət etmək olar

BAKI, 10 yanvar — Sputnik. Təhsil Nazirliyi vakant iş yeri üçün müsahibə keçiriləcəyini elan edib.

Müsahibədə inzibati vəzifədə qulluq keçən və ixtisas dərəcəsinə malik olan Azərbaycan Respublikası Təhsil Nazirliyinin dövlət qulluqçuları iştirak edə bilərlər.

Təhsil Nazirliyinin mətbuat xidmətindən Sputnik Azərbaycan-a verilən məlumata görə, müsahibədə iştirak etmək üçün aşağıdakı sənədlər təqdim edilməlidir:

∙ ərizənin surəti

∙ əmək kitabçasının surəti 

∙ ali təhsil haqqında diplomun surəti (xarici dövlətlərin ali təhsil müəssisələrində təhsil almış şəxslərin ali təhsil haqqında sənədi müvafiq şəhadətnamənin surəti ilə birlikdə) və ya müvafiq ixtisas üzrə yenidənhazırlanma təhsilindən keçmə haqqında müvafiq sənədin surəti (ali təhsil haqqında sənədin surəti ilə birlikdə)

∙ kadr uçotunun şəxsi vərəqəsinin surəti (bütün bölmələr üzrə məlumatlar tam olmalı və hazırkı dövrü əks etdirməlidir)

∙ bir ədəd ağ fonda rəngli foto şəkil

∙ son bir ildə intizam tənbehi tədbirinin tətbiq edilməməsi barədə arayış

Müsahibədə iştirak etmək üçün ərizələrin qəbulu (10 yanvar 2018-ci il tarixindən 25 yanvar 2018-ci il, saat 18:00-dək) Azərbaycan Respublikası Təhsil Nazirliyində aparılır. Ərizələr şəxsən (bazar ertəsi-cümə günləri saat 09:00-dan 13:00-dək və 14:00-dan 18:00-dək), yaxud poçt vasitəsilə təqdim edilə bilər. 

Müsahibə zamanı müsahibədə iştirak edən dövlət qulluqçusunun bilik səviyyəsi, peşə hazırlığı, ümumi dünyagörüşü, barəsində müsahibə elan edilən vəzifə üçün zəruri olan şəxsi keyfiyyətləri yoxlanılmaqla müvafiq vəzifəyə uyğunluğu müəyyən edilir. Müsahibədə ixtisas dərəcəsi, attestasiyanın nəticələri, müvafiq vəzifənin tələblərinə uyğun olaraq təkrar hazırlıq keçməsi və ixtisasın artırılması da nəzərə alınır.

Vəzifə: İnformasiya şöbəsi, İcraya nəzarət və statistika sektoru, sektor müdiri

Ştat vahidinin sayı: 1

İş yerinin ünvanı: Bakı şəhəri, Nərimanov rayonu, Xətai prospekti 49

İnzibati vəzifənin təsnifatı: 5-ci təsnifat

Vəzifə maaşı: 620 manat 

Qulluq funksiyaları: Nazirlik daxili və tabe qurumlardan toplanılan statistik məlumatlar əsasında elektron bazalar yaradır və həmin məlumatların nazirliyin struktur bölmələrinin fəaliyyətində istifadəsini təmin edir, toplanmış məlumatları təhlil edir və müxtəlif hesabatlar hazırlayır, əmr, sərəncam və digər xidməti sənədlərin icrasına nəzarəti təmin edir, vətəndaşları qəbul edir, hüquqi və fiziki şəxslərin şifahi və yazılı müraciətlərinin müəyyən olunmuş müddətlərdə cavablandırılmasını təmin edir, sektor əməkdaşlarının fəaliyyətini istiqamətləndirir, onlara tapşırılan işlərin vaxtında yerinə yetirilməsinə nəzarət edir; sektorun əməkdaşlarının həvəsləndirilməsi, onlara ixtisas dərəcələrinin verilməsi, fəaliyyətinin qiymətləndirilməsi, intizam tənbeh tədbirlərinin tətbiq olunması, habelə onların vəzifədən kənarlaşdırılması ilə bağlı rəhbərliyinə təkliflər verir; əməkdaşların peşəkarlıq səviyyəsinin yüksəldilməsi məqsədilə tədbirlər görür.

Qeyd edək ki, müsahibəyə dair ətraflı məlumat almaq üçün Azərbaycan Respublikasının Təhsil Nazirliyinin İnsan resursları şöbəsinə müraciət edə bilərsiniz.

633
Əlaqədar
Təhsil almaq üçün xaricə üz tutanlar bunun sonrasını da düşünsünlər
Dəyişiklik: Təhsil Nazirliyinə yeni səlahiyyətlər verildi
Ali təhsil ocağı yetim haqqını yeyib
"Ali təhsil heç də həmişə həyatda özümüzü tapmağa kömək etmir"
Axşam yeməyi, arxiv şəkli

Axşamlar ət yeməyin, yoxsa...

1
Axşam yeməyi üçün ən yaxşı seçim bitki qidaları, quş əti, dəniz məhsulları, kəsmik və az yağlı pendir ola bilər.

BAKI, 15 avqust — Sputnik. Ət yeməklərinin həzm edilməsi üçün uzun zaman tələb olunduğuna və bədənin gecə normal istirahət etməsinə imkan vermədiyinə görə, axşam qida rasionundan çxarılmalıdır.

Sputnik Azərbaycan Rusiya mətbuatına istinadla xəbər verir ki, bu barədə dietoloq Natalya Kruqlova danışıb.

Ekspertin sözlərinə görə, donuz, mal, qoyun əti 4-5 saata həzm edilir.

Dietoloq həmçinin bildirib ki, yatmamışdan əvvəl yüksək kalorili yeməklər, bişmiş şirniyyatlar yemək olmaz.

Artıq çəkili şəxslərə axşamlar bulqur şorbası, makaron və kartof yemək tövsiyə edilmir. Turşuya və duza qoyulmuş tərəvəzlər yemək üçün heç kimə faydalı deyil.

Axşam yeməyi üçün ən yaxşı seçim bitki qidaları, quş əti, dəniz məhsulları, kəsmik və az yağlı pendir ola bilər. Yatmazdan öncə aclıq hiss edirsinizsə, bir stəkan az yağlı kefir için.

1
Bakıda tibbi maskada olan insanlar, arxiv şəkli

Gələcəyin məsuliyyətsiz insanı ailədə formalaşır, çünki ata sözündə durmur...

9
Elə gələcəyin məsuliyyətsiz insanı da ailədə formalaşır, ata sözündə durmur, ana diqqət yetirmir və artıq uşaq belə davranışı özü üçün nümunə kimi qəbul edir.

“Məsuliyyətli ol, evdə qal” ifadəsini günümüzdə eşitməyən kimsə tapılmaz yəqin. Koronavirus pandemiyası ilə əlaqədar bu çağırışlar aktuallaşıb. Televiziya kanallarında, radio efirində, nəqliyyatda tez-tez səsləndirilən bu ifadə artıq bir növ adiləşib. Məsuliyyətlə bağlı xeyli plakat hazırlanıb, internetdə həştəq yaradılıb. Sosial mediada isə dəqiqəbaşı insanlar bir-birini məsuliyyətli olmağa çağırırlar.

Yəni, bu qədər məsuliyyətsizik?

“Məsuliyyətli ol, sosial məsafə gözlə”, “Məsuliyyətli ol, maskadan istifadə et” kimi ifadələr, #məsuliyyətli, #məsuliyyətliol #mesuliyyetli #mesuliyyetliol həştəqləri də gündəmi zəbt edib. Niyə məsuliyyətdən bu qədər danışırıq? Yəni bu qədər məsuliyyətsizik? Yoxsa məsuliyyətli olmaq ağır bir yükdür?

Əslində məsuliyyət anlayışına yanaşma insanlarda müxtəlifdir. Bir millətin, cəmiyyətin məsuliyyətsiz kimi qəbul etdiyi vəziyyət digər xalqlarda tam normal sayıla bilər. Deyək, əgər Almaniya və Finlandiyada kiminsə görüşə gecikməsi qəbuledilməz hal kimi qəbul edilirsə, Şərq mentallığında hansısa işi görəndə tələsikliyə yol vermək doğru sayılmır. Ərəb ölkələrində bu gün görüş təyin edib sabah gəlmək də olur. Şərq insanı bunu belə izah edir, əgər nəsə olmalıdırsa, bu baş verəcək, çünki hər şey Allahın əlindədir. Olacağa da çarə yoxdur.

Qərb düşüncə tərzində, oradan gələn biznes modellərdə işçinin mütləq və mütləq məsuliyyətli, dəqiq və nizam-intizamlı olması mühüm şərtdir. İşə gecikmək, rəhbərliyin tapşırığını yerinə yetirməmək, layihəni vaxtında təhvil verməmək işdən qovulmaq üçün ciddi əsas sayılır. Amma bütün Avropa ölkələrində yaşayan insanlar da eyni dərəcədə məsuliyyətli deyil. İspan nahardan sonra 2 saat yatmağı sevir, alman isə bunu məsuliyyətsizlik kimi qəbul edir. İtalyanlar bir qədər tənbəldirlər, elə bil Avropa yox, hansısa Şərq ölkəsini xatırladırlar. Dövlət qurumlarında da işə yanaşmada bir növ etinasızlıq duyulur.

Gələcəyin məsuliyyətsiz insanı da ailədə formalaşır

Məsuliyyət bir tərəfdən nizam-intizama riayət etmək, digər tərəfdən qanunu gözləmək, yükünü daşıdığın insanların problemlərini də özününkü kimi qəbul etməkdir. Hər bir ata-ana ilk növbədə ailədə bir nümunə olmalıdır. Əgər ata uşaqlarına bazar günü gəzinti söz veribsə, deməli, mütləq yerinə yetirməlidir. Sözündə durmasa, bir müddət sonra ailədəki nüfuzunu itirə bilər. “Uşağa söz vermə” ifadəsi Azərbaycanda çox populyardır, çünki ailənin kiçik üzvü bizə inanır, dediyimizi həqiqət kimi qəbul edir. Söz verdinsə, yerinə yetirməlisən.

Elə gələcəyin məsuliyyətsiz insanı da ailədə formalaşır, ata sözündə durmur, ana diqqət yetirmir və artıq uşaq belə davranışı özü üçün nümunə kimi qəbul edir. Qadın və kişinin də məsuliyyət anlayışı fərqlidir. Kişi məsuliyyət dedikdə daha çox işə vaxtı-vaxtında gedib gəlməyi, evin bazarlığını, təminatını, təmir işlərini və digər məsələləri düşünür. Məsuliyyətli olmaq, yəni müəyyən öhdəlikləri yerinə yetirmək deməkdir. Qadın isə məsuliyyəti başqa anlayır, üzərinə məsuliyyət və ya yük götürmək deyəndə, daha çox sevgi, qayğı göstərmək kimi qəbul edir.

Amma məsuliyyətsizliyin də onlarla təzahürünə rast gəlinir. Məsələn, həyat yoldaşından ayrılmış kişilər çox zaman aliment ödəməyi sevmirlər. Hələ dünənəcən övladının ən kiçik arzusunu yerinə yetirməyə hazır olan şəxs bu gün ən cüzi məbləği ödəməkdən belə yayınır. Qadın uşağını böyütmək, ayağa qaldırmaq üçün istənilən ağır işə getməkdən, onun bunun qapısında xadimə, qabyuyan işləməkdən çəkinməz. Amma ailəsindən ayrılan kişi aylarla iş tapmadığını, ağır durumda olduğunu əsas gətirərək uşağına görə pul ödəməkdən qaçar.

Məsuliyyətsizlik bəzən özünü qorxulu statistikada göstərir

Məsuliyyətsizliyin bariz nümunələrinə hər gün rast gəlirik. “Koroğlu” metro stansiyası ətrafında yerləşən, Bakı Nəqliyyat Agentliyinə məxsus Nəqliyyat Mübadilə Mərkəzindən hər gün minlərlə insan yararlanır. Eyni mənzərəni də hər səhər müşahidə edirik. Kart balansını doldurmaq üçün onlarla sərnişinin növbəyə düzüldüyünü. Gündə ən azı 10-15 dəqiqə zaman itirməlisən. Özü də bir gün belə boş aparata rast gəlmək mümkün deyil. Növbə bu gün də var, sabah da.

Burada ikitərəfli məsuliyyətsizliyin şahidi oluruq. Əgər aparatların önündə bu qədər insan toplanırsa, deməli onların kartında pul yoxdur, zamanında balansı doldurmayıb növbədə gözləyirlər. İnsan var, heç vaxt belə aparatın önündə növbə gözləməz, hər gün işə gedib gələr deyə 5-10 manat yükləyər. İnsan da var, daim kartını itirdiyindən elə 1-2 manatla kifayətlənər, nəticədə tez-tez növbədə gözləməli olar.

Digər tərəfdən əgər kimsə növbə gözləyirsə, deməli ya aparatın sayı kifayət qədər deyil, ya da məsələni başqa cür həll etmək lazımdır. Hələ iki il öncə BNA-nın İdarə Heyətinin sədri Vüsal Kərimli mətbuata açıqlamasında marşrutların kart sisteminə tam keçidindən sonra kartda balansı onlayn qaydada artırmağın mümkün olacağına söz vermişdi. Kart sistemi tam bərqərar olmasa da, hər halda artıq bazarın böyük bir hissəsində tətbiq olunub. Amma onlayn ödəmə hələ də yoxdur. Özü də bu məsələnin həlli elə də çətin deyil. Sadəcə virtual onlayn sistem qurulur, kartın nömrəsi həmin sistemdə qeydiyyata düşür, daha sonra isə virtual məkanda həmin qeydiyyat nömrəsinə pul yükləməklə problemin rahat yolu tapılır. Belə sistem artıq bir neçə kabel TV-də qurulub. Kart aparata daxil edilir, məbləğ sistemə ödənilən kimi kanalların nümayişi bərpa olur.

Yol qaydalarına münasibətdə aşkarlanan məsuliyyətsizlik bəzən özünü qorxulu statistikada göstərir. “Xətai” metro stansiyası önündəki piyada keçidində reallaşan monitorinq orta hesabla dəqiqədə 4 qanun pozuntusunu üzə çıxarıb. 12 saata 2963 dəfə qayda pozulub. Özü də yolu keçmək üçün keçiddə cəmi 40 saniyə gözləmək lazımdır. Hansısa çətin bir yer də deyil. Həyatla belə oyun oynamaq olarmı?

Məsuliyyət hissini həştəqlə formalaşdırmaq çətin məsələdir

Azərbaycan reallığında hər addımbaşı məsuliyyətsizlə qarşılaşırıq, nə pandemiya vəziyyəti dəyişə bilib, nə də başqa hər hansı bir faktor. ABŞ-də avtomobilin hansı yerinə əyləşsən, o dəqiqə təhlükəsizlik kəməri taxmalısan, amma bizim sürücülər elə bil bu kəməri taxmamağı özlərinə fəxr bilirlər. Eləsi var sükanı verir azyaşlı uşağın əlinə, o da maşını ora bura qaçırdır, aparıb divara da çırpa bilər. Yolu kəsib bir-biri ilə söhbət edən sürücüləri azmı görmüşük?

Bəs qrafiki dəqiq gözləyən marşrutları niyə barmaqla saymaq olar? Sükan arxasında telefonla danışan, siqaret çəkən, başqa marşrutla bəhsəbəhsə girən sürücünün məsuliyyəti niyə axsayır?

Məsuliyyət hissini həştəq və ya sosial mediadakı şuarlarla formalaşdırmaq çətin məsələdir. Bu prosesə hələ körpəlikdən başlamaq gərəkdir. Məsuliyyətli olmağı valideyn nümayiş etməlidir, nümunə olmalıdır. Məktəbdə müəllim deməlidir. Qapısını döyüb müraciət etdiyimiz qurumlardan məsuliyyətli yanaşma görməliyik. Yeni qaydalar bizim təlim-tərbiyə sistemində öz layiqli yerini tutmalıdır.

Cəmiyyətin hər bir qatında məsuliyyətli insanları, məmurları, iş adamlarını, xidmət sektorunda çalışanları yetişdirməliyik. Biri olub, digəri olmasa, xeyri yoxdur. Bəlkə də gün gələr, biz də hər bir hərəkətin məsuliyyətini üzərinə götürməyə hazır olan bir topluma çevrilərik.

9