Oğurlanmış atlar, arxiv şəkli

Masallıda qəribə oğurluq: Yarış atları oğurlandı

67
(Yenilənib 09:59 09.01.2018)
Atların bağlandığı iplərin kəsilməsi onların oğurlandığını göstərir

Rahim Zakiroğlu, Sputnik Azərbaycan

BAKI, 8 yanvar — Sputnik. Masallıda kənd sakinlərinin atları oğurlanıb. Sputnik Azərbaycan-ın bölgə müxbirinin əldə etdiyi məlumata görə, oğurluq hadisəsi rayonun Xırmandalı kəndi ərazisində baş verib.

Belə ki, kənd sakinləri Anar Qurbanov və Rafael Əsədova məxsus iki at oğurlanıb. Hər iki şəxs atları otlamaq üçün ərazidə olan otlaq sahəsinə aparıblar. Atların başqa əraziyə keçməməsi və qonşuların torpaq sahəsinə ziyan vurmaması üçün onları bağlayıblar. Axşam saatlarında otlağa gələn at yiyələri atların orda olmadıqlarını görüblər.

R.Əsədov və A.Qurbanov atların qaçmadığını, məhz oğurlandıqlarını bildirirlər. Atların bağlandığı iplərin kəsilməsi onların oğurlandığını göstərir.

Qeyd edək ki, oğurlanan hər iki at Masallıda keçirilən at yarışlarında iştirak edib.

Oğurluqla bağlı Masallı Rayon Polis Şöbəsinə müraciət edilib.

67
Teqlər:
polis şöbəsi, at, oğurluq, Masallı, yarış
Əlaqədar
Türkiyədə vəhşi atlar şəhərə basqın edib - VİDEO
Dilbaz atları Qazax rayonunun simvollarından biridir
Atların başını kəsdiyi yerdə yaxalandı
Qarabağ atlarının tarixi şöhrəti özünə qaytarılır
İlham Əliyevin İƏT-in Elm və Texnologiya üzrə ikinci Zirvə toplantısında videoformatda çıxışı təqdim olunub

Əliyev İƏT-ə səsləndi - Sizi görmək istərdik

7
Bu gün İslam Əməkdaşlıq Təşkilatının Elm və Texnologiya üzrə onlayn formatda ikinci Zirvə toplantısı keçirilib. Tədbirdə Azərbaycan Prezidentinin videoformatda çıxışı təqdim edilib.

BAKI, 16 iyun — Sputnik. İyunun 16-da İslam Əməkdaşlıq Təşkilatının Elm və Texnologiya üzrə onlayn formatda ikinci Zirvə toplantısı keçirilib. Sputnik Azərbaycan xəbər verir ki, tədbirdə Azərbaycan Respublikasının Prezidenti İlham Əliyevin videoformatda çıxışı təqdim edilib.

Prezident İlham Əliyev bildirib ki, bugünkü Zirvə toplantısının mövzusu elm və texnologiya olduğundan, vurğulamaq istərdim ki, ölkəmizin elmi və texnoloji potensialının gücləndirilməsi bizim başlıca prioritetlərimiz sırasındadır.

Dövlət başçısı bildirib ki, Azərbaycan beynəlxalq kosmik klubun üzvüdür:

"Bu gün bizim ikisi telekommunikasiya, biri isə Yer səthinin müşahidəsi üçün istifadə olunan üç peykimiz var. Azərbaycan 2023-cü ildə Beynəlxalq Astronavtika Konqresinə ev sahibliyi edəcək ölkə seçilib. Bu, beynəlxalq kosmik icma tərəfindən Azərbaycanın bu sahədə nailiyyətlərinin tanınmasının təzahürüdür. Bu yaxınlarda Azərbaycanın növbəti onillik üçün sosial-iqtisadi inkişafına dair müəyyən etdiyim beş milli prioritet sırasında rəqabətli insan kapitalı və müasir innovasiyalar məkanının yaradılması da yer alır".

Prezident İlham Əliyev vurğulayıb ki, hökumət innovasiyaların və startap ekosistemlərinin inkişafı ilə bağlı əməli addımlar atır: "Azərbaycan Ümumdünya İqtisadi Forumu ilə Dördüncü Sənaye İnqilabı Mərkəzləri Şəbəkəsinin Afiləedilmiş Azərbaycan Mərkəzinin yaradılması ilə bağlı saziş imzalayıb. Mən işğaldan azad olunmuş bütün əraziləri yaşıl enerji zonası elan etmişəm. Biz bərpa və yenidənqurma işlərində ən müasir və innovativ texnologiyalardan istifadə edəcəyik. "Ağıllı şəhər" və "ağıllı kənd" konsepsiyaları tətbiq olunacaq. Biz qardaş İƏT dövlətlərindən olan şirkətlərin Azərbaycanın işğaldan azad edilmiş ərazilərində yenidənqurma prosesində iştirakını görmək istərdik".

Prezident bildirib ki, Ermənistan 30 ilə yaxın idi ki, ölkəmizin təqribən 20 faiz ərazisini işğal altında saxlayırdı. Ermənistan azərbaycanlılara qarşı etnik təmizləmə aparıb. Bir milyondan artıq azərbaycanlı qaçqın və məcburi köçkünə çevrilib. Ermənistan Xocalı soyqırımını törədib. Xocalı soyqırımı 13 ölkə tərəfindən tanınıb.

Dövlət başçısı qeyd edib ki, Ermənistan silahlı qüvvələrinin Azərbaycanın işğal olunmuş ərazilərindən dərhal, tam və qeyd-şərtsiz çıxarılmasını tələb edən BMT Təhlükəsizlik Şurası tərəfindən 1993-cü ildə qəbul edilmiş dörd qətnamə, Qoşulmama Hərəkatının bəyannamələri, İslam Əməkdaşlıq Təşkilatının qətnamələri, ATƏT və digər beynəlxalq təşkilatların müvafiq qərarları münaqişənin həllinin hüquqi bazasını təşkil edirdi:

"Lakin Ermənistan beynəlxalq ictimaiyyətin tələblərinə məhəl qoymayaraq, torpaqlarımızı əbədi olaraq işğal altında saxlamağa cəhd edirdi. Ermənistan 2020-ci ilin iyul, avqust və sentyabr aylarında üç dəfə dövlət sərhədi və keçmiş təmas xətti boyu hərbi təxribatlara əl ataraq günahsız mülki əhalinin qətlə yetirilməsinin və müharibənin alovlanmasının səbəbkarı oldu".

Prezident xatırladıb ki, ötən ilin sentyabr ayında Ermənistanın irimiqyaslı hərbi hücumuna cavab olaraq Azərbaycan əks-hücum əməliyyatına başladı və işğal altında olan ərazilərin böyük hissəsini azad etdi: "44 günlük Vətən müharibəsində tam məğlubiyyətə uğrayan Ermənistan 2020-ci ilin 10 noyabr tarixində kapitulyasiya aktına imza ataraq Azərbaycanın işğal altında olan digər ərazilərindən qoşunlarını çıxarmağa məcbur oldu. Azərbaycan özü BMT Təhlükəsizlik Şurasının 1993-cü ildə qəbul etdiyi qətnamələrinin icrasını təmin etdi. Beləliklə, Azərbaycan 30 illik münaqişəyə son qoydu və hərbi-siyasi yollarla ərazi bütövlüyünü və tarixi ədaləti bərpa etdi. Biz müharibə zamanı İslam Əməkdaşlıq Təşkilatı tərəfindən nümayiş etdirilən qətiyyətli mövqeyi yüksək qiymətləndiririk. İslam Əməkdaşlıq Təşkilatı Azərbaycanı dəstəkləyən bəyanatlarla çıxış edib. Xüsusilə mən müharibənin ilk günlərindən bizə siyasi dəstək ifadə edən Türkiyə, Pakistan və Əfqanıstana minnətdarlığımı bildirmək istəyirəm".

O qeyd edib ki, Azərbaycan İslam Əməkdaşlıq Təşkilatı ailəsinin fəal üzvüdür və həm ikitərəfli əsasda, həm də beynəlxalq təşkilatlar çərçivəsində üzv dövlətlərlə sıx əməkdaşlıq edir.

Dövlət başçısı qeyd edib ki, son bir neçə il ərzində Azərbaycanda İslam Əməkdaşlıq Təşkilatına üzv dövlətlərin xarici işlər, mədəniyyət, turizm, təhsil, əmək və digər nazirləri səviyyəsində 10-a yaxın görüş keçirilib:

"Azərbaycan hər zaman İslam ölkələri arasında həmrəyliyin gücləndirilməsi istiqamətində səylər göstərib. 2017-ci ildə 54 dövlətin iştirakı ilə IV İslam Həmrəyliyi Oyunlarına ev sahibliyi etməyimiz bunun növbəti təzahürü idi. Bununla yanaşı, biz, İslam Əməkdaşlıq Təşkilatına üzv ölkələrin vətəndaşları üçün ölkəmizdə təhsil almaq imkanı verən təqaüd proqramına da başlamışıq".

"Biz Ermənistanın hərbi təcavüzü ilə bağlı İslam Əməkdaşlıq Təşkilatı tərəfindən Azərbaycanın ədalətli mövqeyinin ardıcıl şəkildə dəstəklənməsini yüksək qiymətləndiririk. İslam Əməkdaşlıq Təşkilatı tərəfindən 1994-cü il Kasablanka Zirvə görüşündən bu günə qədər Ermənistanın Azərbaycana qarşı təcavüzünü pisləyən, ölkəmizin suverenliyi və ərazi bütövlüyünü dəstəkləyən 80-dən artıq qətnamə qəbul edilib. Bu mənada Ermənistan Respublikasının Azərbaycan Respublikasına qarşı təcavüzü ilə bağlı 2016-cı ildə İslam Əməkdaşlıq Təşkilatının Təmas Qrupunun təsis edilməsi xüsusi qeyd edilməlidir. Azərbaycan da öz növbəsində hər zaman İslam Əməkdaşlıq Təşkilatına üzv ölkələri dəstəkləyib, İslam ölkələri arasında daha güclü həmrəyliyin və əməkdaşlığın təmin edilməsi naminə səylər göstərib", - deyə dövlət başçısı bildirib.

Eləcə də oxuyun:

  • İlham Əliyev: Biz əməli-praktiki işlərlə Zəngəzur dəhlizini yaradırıq

  • Prezidentin Füzuli səfəri: Köndələnçay su anbarı əbədi bizim əlimizdə olacaq - YENİLƏNİB

  • Azərbaycan Qarabağı cənnətə çevirəcək - prosesə İslam ölkələri qoşulur

7
Teqlər:
enerji, yaşıl, texnologiya, İƏT, Prezident İlham Əliyev
UEFA prezidenti Aleksander Çeferin, arxiv şəkli

UEFA prezidenti Aleksander Çeferin Bakıdadır

3
(Yenilənib 17:17 16.06.2021)
Çeferin bu gün Bakıda futbol üzrə Türkiyə və Uels yığma komandaları arasında AVRO-2020 çərçivəsində keçiriləcək oyuna tamaşa edəcək.

UEFA prezidenti Aleksandr Çeferin Bakıya təşrif buyurub. AFFA-dan RİA Novosti-yə verilən məlumata görə, Çeferin bu gün Bakıda futbol üzrə Türkiyə və Uels yığma komandaları arasında AVRO-2020 çərçivəsində keçiriləcək oyuna tamaşa edəcək.

Oyun Bakı Olimpiya Stadionunda yerli vaxtla saat 20.00-da başlayacaq.

Bu qarşılaşma Azərbaycan paytaxtında hazırkı Avropa birinciliyi çərçivəsində keçiriləcək ikinci oyun olacaq.

Dörd gün əvvəl Uels və İsveçrə yığmaları arasında Bakıda keçirilən görüş 1:1 hesabı ilə başa çatıb.

Bakıdakı diplomatik mənbənin RİA Novosti-yə verdiyi məlumata görə, oyunda Azərbaycan Prezidenti İlham Əliyev və Türkiyə Prezidenti Rəcəb Tayip Ərdoğanın iştirakı gözlənilir.

3
Enerji məsələləri üzrə ekspert, fəlsəfə doktoru Emin Axundzadə

Ekspert Azərbaycan qaz ixracatındakı artımın səbəblərini açıqlayır

0
(Yenilənib 16:51 16.06.2021)
Energetika üzrə ekspert, beynəlxalq əlaqələr üzrə fəlsəfə doktoru Emin Axundzadə deyir ki, bütün bunlar hasilatın artımı ilə yanaşı ixracın artmasına da səbəb ola bilər
Emin Axundzadə: “Hasilatın ildən-ilə artdığını müşahidə edirik”

Bu ilin yanvar-may aylarında Azərbaycan 1 335 749,12 min ABŞ dolları dəyərində 9 174 562,13 min kubmetr təbii qaz ixrac edib. Bu ilin ilk beş ayı ərzində Azərbaycanın ixrac etdiyi təbii qazın dəyəri 2020-ci ilin müvafiq dövrünün göstəricisi ilə müqayisədə 28,6%, həcmi isə 68% artıb.

Energetika üzrə ekspert, beynəlxalq əlaqələr üzrə fəlsəfə doktoru Emin Axundzadə Sputnik Azərbaycan-a deyir ki, qaz ixracında artımın səbəbi 2020-ci ilin sonunda TAP boru kəmərinin istismara verilməsi və bu çərçivədə Azərbaycan qazının Avropa bazarına nəqlinə başlanmasıdır: “Digər tərəfdən Şahdəniz-2 layihəsi vasitəsilə 2018-ci ilin iyunundan kommersiya məqsədli təbii qazın nəqlinə başlandı. Hazırda bu layihə çərçivəsində hasilatın ildən-ilə artdığını müşahidə edirik. Digər tərəfdən 2020-ci ilin mayından Ümid yatağında iki quyunun qazılmasına başlandı. Bununla həmin yataqda hasilatın 50 faiz artacağı gözlənilir. Bütün bunlar hasilatın artması ilə yanaşı ixracın artması ilə də nəticələnə bilər”.

Emin Axundzadənin geniş şərhinə audiofaylda qulaq asa bilərsiniz

0