Toyuq əti

Azərbaycanın toyuq yumurta idxal etdiyi ölkələrin adları bilindi

234
(Yenilənib 13:24 06.01.2018)
Bu ölkələrdə və eləcə də Azərbaycanda epizootik vəziyyət normaldır

BAKI, 5 yanvar — Sputnik. Kənd Təsərrüfatı Nazirliyi yanında Dövlət Baytarlıq Nəzarəti Xidməti (DBNX) Rusiyanın Kostroma vilayətində "quş qripi"nin aşkarlanması ilə əlaqədar Azərbaycanın həmin ölkədən quş əti idxalına qadağa qoyulub-qoyulmayacağına aydınlıq gətirib.

Sputnik Azərbaycan trend-ə istinadla bildirir ki, xidmətin mətbuat katibi Yolçu Xanvəlinin sözlərinə görə, ötən ilin mart-aprel aylarında Moskva və Moskva ətrafı vilayətdə "quş qripi" aşkarlandığından Azərbaycan həmin vaxtdan bu ərazidən quş əti və quş əti məhsullarının idxalına müvəqqəti qadağa qoyub.

Y.Xanvəli qeyd edib ki, Azərbaycan Rusiyanın "quş qripi"nin aşkarlandığı Kostroma vilayətindən quş əti və quş əti məhsulları idxal etmir: "Buna görə də bu ərazidən idxala məhdudiyyətin qoyulması barədə hər hansı qərarın verilməsinə ehtiyac yoxdur. Buna baxmayaraq, həmin ərazidəki vəziyyəti diqqətdə saxlayaırıq".

Y.Xanvəli əlavə edib ki, hazırda Azərbaycan quş əti və quş əti məhsullarını Türkiyə, Braziliya və Ukraynadan, damazlıq yumurtaları isə Ukrayna və Türkiyədən idxal edir: "Bu ölkələrdə və eləcə də Azərbaycanda epizootik vəziyyət normaldır".

Qeyd edək ki, Rusiyanın Kostroma vilayətində yayılan "quş qripi" ilə əlaqədar Belarus bu gündən həmin ölkədən toyuq əti idxalına qadağa qoyub.

234
Teqlər:
toyuq, "quş qripi", Kənd Təsərrüfatı Nazirliyi, yumurta, qadağa
Əlaqədar
Bakı zooparkının direktoru quş qripi məsələsinə aydınlıq gətirib
"Quş qripi" müayinələrinin nəticələri açıqlandı
Nazirlik fermalarda quş qripi aşkar edildiyi haqda bəyanat yaydı
"Quş qripi"nə qarşı növbəti yoxlamalara başlanır
Yeni "quş qripi" təhlükəsinə qarşı reydlər başlayır
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

42
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

42
Tibb işçisi Dövlət Gömrük Komitəsinin hospitalında, arxiv şəkli

Azərbaycanda koronavirusla bağlı son statistika açıqlanıb

3
(Yenilənib 23:53 05.08.2020)
Son 4 gün ərzində aktiv xəstələrin sayı 5 229-dan düşərək, hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

BAKI, 5 avqust – Sputnik. Avqustun 5-də Azərbaycanda koronavirusa yeni yoluxma hallarının müəyyənləşdirilməsi ilə əlaqədar 7 883 test aparılıb. Ötən müddət ərzində aparılan testlərin sayı 759 229-a çatıb.

Bu barədə Sputnik Azərbaycan-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

Avqustun 1-də isə aktiv xəstə sayı 5 229-a bərabər idi.

Xəstələrdən 255 nəfəri reanimasiyadadır ki, onlardan da 51-i süni tənəffüs cihazına qoşulub.

Xatırladaq ki, avqustun 5-də Azərbaycanda koronavirus infeksiyasına daha 193 yoluxma faktı qeydə alınıb, 492 nəfər müalicə olunaraq sağalıb və evə buraxılıb.

COVID-19 üçün götürülən analiz nümunələri müsbət çıxmış üç nəfər vəfat edib.

3
Mövzu:
Azərbaycanda koronavirus: son xəbərlər