Quba rayonu ərazisində itkin düşmüş alpinistlərin axtarışları ilə bağlı əməliyyat

Hərbçidən itkin düşmüş alpinistlərlə bağlı ilginc açıqlama

2956
(Yenilənib 14:49 03.01.2018)
Keçmiş hərbçi: İtkin düşən alpinistlərin axtarışları düzgün aparılmır

BAKI, 3 yanvar – Sputnik. İtkin düşən alpinistlərin axtarışları düzgün aparılmır.

Bunu Sputnik Azərbaycan-a adının açıqlanmasını istəməyən keçmiş hərbçi deyib. 

Onun sözlərinə görə, alpinistlərin itkin düşdüyü ərazidə ən yüksək zirvə Şahdağ zirvəsidir. Qeyd olunan ərazidə əsas iki yol var. Amma alpinistlər üçün 4 əlavə çətin yol da var. Həmin ərazilərdə azı 20-30 metr qar olur. Buna görə də itkin düşənləri tapmaq çətinləşir.

Hərbçinin sözlərinə görə, hazırda istifadə olunan axtarış forması düzgün seçilməyib: 

“Əvvəlcə itlər və siqnalverici cihazlar vasitəsilə onların olduğu ərazi tapılmalı, sonra oyuqlar qazılmalı, dəmirlərlə qar deşilməlidir. Yoxsa, o boyda böyük ərazini hazırkı metodlarla axtarmaq olmaz”.

Hərbçi deyir ki, əgər alpinistlər qar uçqununa düşüblərsə, onların yaşamaq şansları yoxdur:

“Çünki qar uçqununa düşdükdə, qar durduğun yerdə üstünə tökülmür. Qar hansısa bir məsafədən səni qoparıb qayalara çırpa-çırpa hansısa  bir məsafəyə gətirir”.

Müsahibimizin fikrincə, alpinistlər həmin ərazilərə getməmişdən əvvəl hava şəraitini nəzərə almalı idilər. Həmçinin onları həmin əraziyə buraxan şəxslər də məsuliyyət daşıyır:

“Onların itkin düşdüyü ərazi qoruqdur. Ora Şahdağ qoruğu adlanır. Əslində qoruğa nəzarət olmalıdır. Ora heç bir alpinist lisenziyası olmadan və hava şəraiti imkan vermədiyi halda buraxılmamalıdır. Çünki  bu ərazidə ölüm halları çox olub. Nəzarət olsaydı, təcrübəsiz insanlar ora buraxılmazdı. Təəssüf ki, bizdə buna da nəzarət yoxdur”. 

Hərbçi xarici təcrübəyə istinad edərək deyib: “Mən İsveçrədə olanda orada qoruğa lisenziya olmadan alpinistlər və ya təcrübəsiz şəxslər buraxılmırdı. Sözügedən əraziyə Ekologiya və Təbii Sərvətlər Nazirliyi nəzarət edir. Laza kəndində isə sərhəd qoşunlarının məntəqəsi var”.

Onun sözlərinə görə, bu kimi halların qarşısının alınması üçün ən azından alpinistlərə əvvəlcədən xəbərdarlıq edilməlidir. Necə ki, balıqçılara dənizə çıxmazdan əvvəl, sürücülərə yollara çıxanda dənizdə, yollarda gözlənilən hava şəraiti barədə xəbərdarlıq edilir. 

Müsahibimiz onu da qeyd edib ki, həmin ərazidə itkin düşmək gülüncdür. Çünki orada hərəkət etmək çətindir. Əgər ərazidə alpinizm üçün marşurut varsa, onlar o marşurutun üzərində olmalıdır.

“Qar uçqununu anladıq. Amma tapılmalı idilər. İtlər tapmalı idi. Orada vəhşi heyvanlar da yoxdur ki,  alpinistlərin onlar tərəfindən parçalanma ehtimalı olsun. Təkcə bir ümid qalır. Həmin ərazidə “Komsomol” adlanan bir aşırım var. Həmin aşırımdan Dağıstana 30 dəqiqəlik məsafədə keçid var. Bəlkə Dağıstana keçiblər, gözləyirlər, hava düzəlsin qayıtsınlar. Amma bu, bir ehtimaldır” – deyə Sputnik Azərbaycan-ın həmsöhbəti bildirib. 

Xatırladaq ki, dekabrın 23-də Quba rayonunun Xınalıq kəndindən Tufandağ istiqamətində yürüşə çıxmış “Gilavar” hava və ekstrim idman klubunun 3 üzvü (Babur Hüseynov, Namin Bünyatzadə və Fəridə Cəbrayılzadə) geri qayıtmayıb və onlarla əlaqə kəsilib. 

Fövqəladə Hallar Nazirliyi tərəfindən təşkil olunan axtarış işlərinə Aviasiya dəstəsinin "Mi-17" markalı helikopteri, Şimal Regional Mərkəzinin axtarış-xilasetmə qrupu, Xüsusi Riskli Xilasetmə Xidmətinin dağ-xilasetmə dəstəsi və xüsusi təlim keçmiş itlər cəlb olunub. Həmçinin, Ekologiya və Təbii Sərvətlər Nazirliyinin əməkdaşları, Azərbaycan Respublikası Ərazilərinin Minalardan Təmizlənməsi üzrə Milli Agentliyin mütəxəssisləri (xüsusi təyinatlı avadanlıqlarla təhciz edilmiş) və peşəkar alpinistlərdən ibarət könüllü dəstə axtarışlarda iştirak edir.

Bayram günləri olması ilə əlaqədar müvafiq nazirliklərin mətbuat xidmətləri ilə əlaqə saxlamaq  mümkün olmadı. Sputnik Azərbaycan olaraq qarşı tərəfin mövqeyini işıqlandırmağa hazırıq.
2956
Mövzu:
Tufandağda itkin düşən alpinistlərin axtarışı (12)
Əlaqədar
Nazirlik itkin alpinistlər barədə yeni məlumat yaydı
İtkin düşmüş alpinistləri axtaran qrup xəbər paylaşıb
İtkin düşən alpinistlərdən ümidverici xəbər - VİDEO
İtkin düşmüş alpinistlərdən xəbər var
İtkin düşmüş alpinistlərin axtarışları ilə bağlı rəsmi məlumat yayıldı
Göranboyda hadisə yerində

Goranboyda gecə qəzası: "Opel" xarab olub yolda qalan maşına çırpılıb - FOTOLAR

16
(Yenilənib 00:04 22.01.2021)
Qəzaya düşmüş Tovuz, Tərtər, Kürdəmir rayonlarının sakinləri Goranboy Rayon Mərkəzi Xəstəxanasına çatdırılıblar.

Rahim Məmmədov, Sputnik Azərbaycan

BAKI, 21 yanvar - Sputnik. Gecə saatlarında Goranboyda yol qəzası baş verib. Hadisə Goran-Naftalan yolunun rayonun Bolusulu kəndindən keçən hissəsində qeydə alınıb.

Sputnik Azərbaycan xəbər verir ki, qəfildən nasazlıq yaranan tinglə yüklü “Vaz 21-011”-in sürücüsü maşını yol kənarında dayandırmalı olub. Sürücü və sərnişinlər minik maşınından düşərək nasazlığı aradan qaldırmağa çalışıb. Bu zaman yolda hərəkətdə olan “Opel” markalı minik avtomobili idarəetmədən çıxaraq nasazlıq yaranan “Vaz”-a çırpılıb. Qəza zamanı 3 nəfər Elçin Qurbanov, Həmid Əsgərzadə və Yadigar Quliyev müxtəlif dərəcəli xəsarət alaraq Goranboy Rayon Mərkəzi Xəstəxanasına çatdırılıb.

  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
1 / 3
© Sputnik / Rahim Mammadov
Göranboyda hadisə yerində

Məlumata görə, “Vaz” markalı minik maşının sürücüsü və sərnişinləri Tərtər rayonundan satış üçün müxtəlif meyvə ağaclarının tinglərini daşıyırmış. Goranboy rayonunun Boluslu kəndi ərazisində avtomobil xarab olduğundan yol kənarında dayanmağa məcbur olub. Qəza da qəfildən, onlar maşını düzəldən zaman baş verib.

Yol-nəqliyyat hadisəsi zamanı avtomobildə olan meyvə ağacları da ətrafa dağılıb. Qeyd edək ki, xəsarət alan şəxslər Tovuz, Tərtər və Kürdəmir rayon sakinləridir. Faktla bağlı araşdırma aparılır.

16
Şəmkirdə vaksinasiya

Şəmkirlilər koronavirusa qarşı vaksinasiyaya "hə" dedilər

14
(Yenilənib 23:53 21.01.2021)
Şəmkirdə COVİD-19 pandemiyasına qarşı vaksinasiyaya başlayıb. Peyvəndləmədən keçən tibb işçiləri özlərini yaxşı hiss etdiklərini bildiriblər.

İlham Mustafayev, Sputnik Azərbaycan

21 yanvar - Sputnik. Şəmkir rayon sakinləri COVID-19-a qarşı peyvəndləməyə cəlb edilib. Rayon mərkəzi xəstəxanasında bunun üçün 4 vaksin otağı yaradılıb.

Sputnik Azərbaycan-ın bölgə müxbiri xəbər verir ki, “Sinovac” vaksini ilkin mərhələdə risk qrupuna daxil olan sakinlərə könüllülük əsasında vurulacaq. Şəmkirdə təlimata uyğun olaraq tibbi müayinədən keçən sakinlər peyvənd edilib. Vaksinin əhəmiyyəti immuniteti gücləndirmək yolu ilə xəstəlikdən qorunmaq, infeksiyanın ötürülməsini məhdudlaşdırmaq, ölüm halının qarşısını almaq və səhiyyə sisteminə düşən yükü azaltmaqdan ibarətdir. Peyvəndin əks təsirinin olmadığını bildirmək üçün tibb işçiləri  vaksinasiyada ön sıralarda olub.

Tibb işçisi Sevda Məmmədova peyvəndləməyə çox müsbət yanaşdığını söyləyib:

 “Mən də bir tibb işçisi olaraq bu günkü vaksinasiyada iştirak etdim və peyvəndi qəbul etdim. Özümü çox yaxşı hiss edirəm. Heç bir narahatçılığım yoxdu”, - deyə bildirib.
  • Şəmkirdə vaksinasiya
    © Sputnik / Ilham Mustafa
  • Şəmkirdə vaksinasiya
    © Sputnik / Ilham Mustafa
  • Şəmkirdə vaksinasiya
    © Sputnik / Ilham Mustafa
1 / 3
© Sputnik / Ilham Mustafa
Şəmkirdə vaksinasiya
.

Koronoviruslu xəstələrin müalicəsi üzrə çalışan həkim Coşqun Yusibov isə peyvəndləmədən sonra tezliklə normal həyata qayıtmağın mümkünlüyünü bildirib:

“Dövlətin yaratdığı imkanlardan ilk istifadə edənlərdən biri də mən oldum. Özümü çox rahat hiss edirəm. Çox yaxşıyam, heç bir kənar reaksiya yoxdur”, –  deyə həkim C. Yusibov əlavə edib.

Şəmkir rayonunda tibbi işçilərinin sayı 2000-dən çoxdur. İlkin mərhələdə rayona 1115 doza vaksin göndərilib. Günədlik olaraq Rayon mərkəzi Xəstəxanasında 150-200 nəfərin peyvənd olunması planlaşdırılır. Tibb işçiləri ilə yanaşı risk qrupuna daxil olan hüquq-mühafizə orqanlarının əməkdaşları əks-epidemik tədbirlərə cəlb olunacaq.

14

Məşhur italyan mafiyasının 50 üzvü həbs edilib - sıralarında partiya sədri var

0
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

0
Teqlər:
mafiya, İtaliya