Bakıda Yeni il

Daha bir il tarixə qovuşdu: 2017 yaddaşımızda necə qaldı?

281
(Yenilənib 16:42 02.01.2018)
Xəyal Məmmədxanlı: "Benzinin qiymətinin qalxması bu ili yaddaqalan elədi"

BAKI, 29 dekabr — Sputnik. 2017-ci il artıq tarixə qovuşub. Amma yola saldığımız ildə dünyada, o cümlədən Azərbaycanda baş verən hadisələr insanların yaddaşından uzun müddət silinməyəcək.

Sputnik Azərbaycan sosial şəbəkə istifadəçiləri arasında sorğu aparıb və onlara "2017-ci il nələrlə yadda qaldı, həyatınızda nələr dəyişdi, nələr dəyişmədi" sualını ünvanlanıb.

Xoruz ili Azərbaycana nə vəd edir?
© Sputnik / / Elnur Salayev

Aldığımız cavablar müxtəlifliyi ilə yanaşı maraqlı olub.

Xəyal Məmmədxanlı: "Benzinin qiymətinin qalxması bu ili yaddaqalan elədi"

Bəxtiyar Hacıyev: "Nə dəyişməli idi ki? Köhnə hamam, köhnə tas. Əsas odur, əmin-amanlıqdır, ölüm-itim yoxdur".

Aygün İlqarqızı: "2016-cı ildən qalan planlarım var idi, saxlamışdım 2017-ci ilə, heç birini reallaşdıra bilmədim. İndi də saxladım 2018-ci ilə".

Leyla Abdullayeva: "2017-ci ildə pulun və adamın olmadan da imtahan verməklə dövlət müəssisələrinə işə qəbul olmağın mümkün olduğunu gördük. Benzinin qiyməti qalxdı, rayona işləyən taksilər də gediş haqqını qaldırdılar. Əvvəllər rayon içi gediş haqqı 1 manat idisə, indi 2 manatdır".

Rumiyyə Miraslan: "2017-ci ildə ən yaddaqalan hadisə vergilər nazirinin "dəfni" və təhsilimizin "başsız qalması" oldu".

Aysel Aslan: "Bu il məzun oldum. Heç bir ictimai fəaliyyətim olmadı. Çox gənc kimi monoton yaşamağa davam edirik"

Azər Kərimov: "Dolma nəhayət ki, bizim oldu. Əvəzində məktəblilər üçün nəzərdə tutulan tarix kitablarında "böyük Ermənistan" gördük.

Səriyyə Mansurova: "İli necə qarşılamağına bağlıdır. Mən ili pozitiv qarşılayıb, pozitiv yola salmağa çalışıram. 2017-ci il də maraqlı tamaşalar və tədbirlərlə yaddaqalan oldu. Hazırladığım Novruz şənlikləri uğurlu alındı. Qazancım isə valideynlərin təşəkkürləri və uşaqların uğurlu çıxışları oldu".

Nazim Valehov: "Ən maraqlı il oldu mənim üçün. Benzinin qiyməti qalxdı, ərzaq qiymətləri bahalaşdı. 2017-ci il də ancaq pis il kimi yadımda qaldı".

Səbinə Səmədova: "Bol idman oyunları ilə yadda qaldı. İslam Həmrəyliyi, sonra Formula, daha sonra voleybol üzrə çempionat bu ili maraqlı etdi".

Samir Həmidov: "Hər şeyin bahalaşması ilə yadda qaldı. Yaddaşda heç də uğurlu il kimi qalmayacaq".

Fuad Heydərov: " Bu xoruz ili həm müsbət, həm mənfi xatirələr ilə yadda qaldı. Bahalaşma mənfi, işimlə bağlı qazandığım uğurlara görə uğurlu oldu".

281
Teqlər:
Xoruz ili, yaddaş, sorğu, sual, sosial şəbəkə
Əlaqədar
Sorğu: Şəkililər Şaxta babadan nə gözləyir?
Yaşı 18-dən yuxarı olan 1,2 min nəfər sorğuya çəkildi: əhali narahatdır
İctimai rəyin yeni ünvanı – Milli Sorğu Mərkəzi
Bakı parkında sorğu: əhilləşdirdiklərimizə görə cavabdehikmi?
Azərbaycan Avroparlamentin 3 üzvü barəsində İnterpola sorğu göndərib
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

7
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

7

Təhsil şöbəsinin müdiri iki gündür xəstəxanadadır

40
Qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib.

Musa Muradlı, Sputnik Azərbaycan

BAKI, 11 avqust - Sputnik. Tərtər RTŞ-nin müdiri Yaşar Məhərrəmov iki gün öncə kəskin ürək çatışmazlığı ilə bağlı xəstəxanaya yerləşdirilib. Sputnik Azərbaycan-ın əldə etdiyi məlumata görə, Yaşar Məhərrəmovun sağlamlıq durumu hazırda kafidir.

Onu da qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib. Ona qədər Tərtər rayon Sarıcalı kənd orta məktəbində direktor işləyib.

Rayon sakinlərinin bildirdiyinə görə, Yaşar Məhərrəmov fəaliyyətə başlayandan sonra Tərtər rayon təhsilində rüşvət kimi neqativ hallar aradan qaldırılıb.

40