Sputnik Azərbaycan-ın aksiyasının iştirakçısı

Mən “Şaxta Baba” olacağam: Sputnik Azərbaycan-ın yardım kampaniyası başa çatdı

47
(Yenilənib 10:16 29.12.2017)
Xeyirxah insanlar sayəsində Sputnik Azərbaycan-ın həyata keçirdiyi #YolkaXeyirxahlıqAğacı xeyriyyə aksiyası çərçivəsində onkoloji xəstə uşaqların bayram arzuları yerinə yetirildi

BAKI, 28 dekabr — Sputnik. Sputnik Azərbaycan informasiya agentliyi və radiosunun həyata keçirdiyi #YolkaXeyirxahlıqAğacı xeyriyyə aksiyası çərçivəsində onkoloji xəstəliklərdən əziyyət çəkən uşaqların arzu etdikləri Yeni il hədiyyələri vaxtından əvvəl toplanıb.

#YolkaXeyirxahlıqAğacı xeyriyyə aksiyası üçün alınmış hədiyyələrdən bəziləri
© Sputnik / Murad Orujov
#YolkaXeyirxahlıqAğacı xeyriyyə aksiyası üçün alınmış hədiyyələrdən bəziləri

Layihə çərçivəsində Milli Onkologiya Mərkəzinin Uşaq Klinikasında müalicə alan 2 yaşdan 18 yaşadək olan 49 uşaq üçün hədiyyə toplanıb. Onlar öz yeni il arzularını Sputnik Azərbaycan-ın xüsusi açıqcalarına yazıblar. Həmin açıqcalar isə Sputnik Azərbaycan-ın "Əli və Nino" kitab dükanında (Park Bulvar TM, birinci mərtəbə) və "Bon Appetit" şirniyyat mağazasında (Bülbül prospekti, 36/38, "Nizami" Kino Mərkəzinin yanı) qurduğu Yeni İl yolkasını bəzəyib.

Aksiyanın vaxtından əvvəl başa çatmasının səbəbi isə Azərbaycanda çox sayda xeyirxah insanın olmasıdır. Məhz onlar uşaqların yeni il arzularını yerinə yetirməyi öz üzərilərinə götürüblər. Uşaqların arzuları isə fərqli olub. Onlardan kimi Şaxta Babadan gəlincik, kimi oyuncaq uşaq mətbəxi, kimi maşın, kimi velosiped, kimi də vertolyot, "PlayStation" və ya skuter istəyib.

Əvvəlcə hədiyyələrin toplanması üçün aksiyanı dekabrın 29-dək keçirmək, ayın 30-da isə onları Onkologiya Mərkəzindəki sahiblərinə çatdırmaq nəzərdə tutulmuşdu. Lakin “Şaxta Baba” olmaq istəyən insanlar nəinki bu aksiyaya dəstək verdilər, həm də kifayət qədər operativ iştirak etdilər. Aksiya ilk gündən sürət yığdı və demək olar ki, bir neçə saata "Əli və Nino-2" dükanında başa çatdı. Dekabrın 26-da isə artıq bütün hədiyyələr Sputnik Azərbaycan-ın redaksiyasına gətirilmişdi.

Bu gün xeyriyyə aksiyası başa çatıb. Sputnik Azərbaycan-ın bir neçə əməkdaşının iştirakı ilə hədiyyələr Onkologiya Mərkəzinin pasienti olan uşaqlara təqdim edildi. Bunun necə baş verdiyi ilə dekabrın 29-da Sputnik Azərbaycan-da tanış ola bilərsiz.

Hələlik biz sizə #YolkaXeyirxahlıqAğacı xeyriyyə aksiyasına dəstək verənlər haqqında qısa məlumatı təqdim edirik.

"Əli və Nino-2" kitab dükanında yerləşdirilmiş yolkanı bəzəyən 20-dən çox açıqcada öz əksini tapan arzuları yerinə yetirməyi RANTUR T.A. turizm şirkəti öz üzərinə götürüb.

RANTUR T.A. turizm şirkətinin əməkdaşları
© Sputnik / Murad Orujov
RANTUR T.A. turizm şirkətinin əməkdaşları

“Mercedes-Benz” avtomobil brendinin Azərbaycandakı nümayəndəliyi 6 açıqcanın sahibini sevindirib. O hədiyyələri uşaqlara “Mercedes-Benz”-in Azərbaycandakı baş nümayəndəliyi “Autocapital-Azerbaijan”, həmçinin “Mercedes-Benz”-in ölkəmizdəki rəsmi dileri “Autostar Kaukasus GmbH Azerbaijan” şirkəti və "Abşeron" Avtomobil Mərkəzi alıb. Ən bahalı hədiyyələrdən bir olan “PlayStation”-ı 11 yaşlı Nicat Hüseynliyə “Autostar Kaukasus GmbH Azerbaijan” şirkəti hədiyyə edib.

Mercedes-Benz avtomobil brendinin Azərbaycandakı nümayəndələri
© Sputnik / Murad Orujov
Mercedes-Benz avtomobil brendinin Azərbaycandakı nümayəndələri

“Mercedes-Benz” avtomobil brendinin Azərbaycan nümayəndəliyi aksiyada iştirak etmək arzusunu dərhal ifadə edərək elə ilk gündəcə altı pasientin “Bon Appetit”-dəki yolkada yerləşdirilən açıqcada əksini tapan arzusunu yerinə yetirib.

Aralarında 10 yaşlı Fəridin arzuladığı LEGO-maşının, üç yaşlı Muradın istədiyi skuterin və 17 yaşlı Hüseynin xəyalı olan böyük tankın olduğu səkkiz hədiyyəni isə “Baku Crystal Hall” alıb. Bununla yanaşı, sözügedən kompleksin nümayəndələri Hüseynə gözlənilməz sürpriz edərək ona tankla yanaşı bütöv bir hərbi dəst hədiyyə edib.

Aksiyada sözügedən şirkətlərlə yanaşı müğənnilər, deputatlar, dövlət qurumlarının mətbuat xidmətləri və sadə vətəndaşlar da iştirak edib. Sadə vətəndaş öz xeyirxahlığı ilə bizi və hədiyyə etdiyi uşağı müsbət mənada heyrətləndirib. Açıqcada öz xeyirxahından böyük Şaxta Baba istəyən dörd yaşlı Əli Əsgərlinin arzusunu İrina adlı qız yerinə yetirib. O, Əliyə əlavə olaraq şirniyyatlar da göndərib və açıqcanın özünə aid hissəsində bu sözləri yazıb:

Balaca Əlinin Yeni il arzuları yazılmış açıqca
© Sputnik / Murad Orujov
Balaca Əlinin Yeni il arzuları yazılmış açıqca

"Əzizim Əli! Sənin Yeni ilini təbrik edirəm! Mən bilirəm ki, sən çox ağıllı və mehribansan. Çox əminəm ki, sən tezliklə sağalacaqsan və biz səninlə Yolkanın yanında qarşılaşacağıq. Sənin hədiyyəni sənə vermək istəyirəm. Səni gözləyəcəm!"

Biz burada "Əli və Nino-2" kitab mağazasının və “Bon Appetit” şirniyyat dükanının əməkdaşlarının əməyini qeyd etməyə bilmərik. Bu dükanların gənc əməkdaşları aksiyaya çox ciddi yanaşdılar. Onlar yolkaların qurulması və bəzədilməsində bizə kömək etdilər, uşaqların arzuladığı hədiyyələrin gətirildiyi barədə dərhal hesabat verdilər, hətta özləri də hədiyyə aldılar. Sputnik Azərbaycan-ın yayımladığı açıqcalarda qeyd olunan adlar arasında onların adlarına da rast gəlmək mümkündür.

47
Teqlər:
xəstə uşaqlar, Milli Onkologiya Mərkəzinin Uşaq Klinikası, xeyriyyə aksiyası, YolkaXeyirxahlıqAğacı, hədiyyə
Əlaqədar
Müsəlman ölkələrində kütləvi aksiyalar başladı, rəhbər xalqı silahlı müqavimətə çağırdı
Bakı sərnişin vağzalında qanvermə aksiyası keçirilib
Deputat: "Rusiyanın bu addımı Azərbaycana qarşı mənfi aksiya kimi qarşılanar"
Allahşükür Paşazadə və Mübariz Qurbanlı qanvermə aksiyasında iştirak ediblər
Azərbaycanda xeyriyyə aksiyası keçirilir

İcazələrlə bağlı vəziyyətə aydınlıq gətirildi İqtisadiyyat Nazirliyi müraciət etdi

22
İcazələrin tənzimlənməsi ilə bağlı yaranan xüsusi hallar üzrə hüquqi və fiziki şəxslər İqtisadiyyat Nazirliyinə müraciət edə bilərlər.

BAKI, 5 iyul – Sputnik. Məlum olduğu kimi, “Xüsusi karantin rejiminin sərtləşdirilməsi ilə bağlı əlavə tədbirlər barədə” Azərbaycan Respublikası Nazirlər Kabinetinin 2020-ci il 19 iyun tarixli 208 nömrəli Qərarı ilə ölkə ərazisində fəaliyyətinə icazə verilmiş iş və xidmət sahələri müəyyən edilib.

Həmin sahələrdə çalışan işçilərin işə çıxması üçün icazələrin verilməsi Nazirlər Kabinetinin müvafiq Qərarı ilə müəyyən edilən və Dövlət Statistika Komitəsinin “İqtisadi fəaliyyət növlərinin təsnifatı”na əsasən fəaliyyəti icazə verilən sahələrə uyğun şəkildə işəgötürənlərin “icazə.e-gov.az” portalına müraciəti əsasında həyata keçirilir. İcazələr həmçinin Nazirlər Kabinetinin 2020-ci il 25 iyun tarixli 220 nömrəli Qərarına əsasən işçi sayına məhdudiyyət tətbiq edilmiş fəaliyyət sahələri üzrə tələblər nəzərə alınmaqla verilir.

İqtisadiyyat Nazirliyindən Sputnik Azərbaycan-a verilən məlumata görə, icazə sistemindən sui-istifadə hallarının qarşısının alınması, vətəndaşlarımızın infeksiyaya yoluxma riskinin azaldılması məqsədilə öncədən bir neçə dəfə xəbərdarlıq edildiyi kimi, Vətəndaşlara Xidmət və Sosial İnnovasiyalar üzrə Dövlət Agentliyi tərəfindən iyulun 5-dən etibarən Nazirlər Kabinetinin 2020-ci il 19 iyun tarixli 208 nömrəli Qərarı ilə fəaliyyətinə icazə verilən sahələrə aid olmayan fiziki şəxslərin, habelə işçi heyətinin məhdud şəkildə işə çıxarılmasına olan tələblərə əsaslanaraq bu həddi keçən qurumlar üzrə icazələrin bir hissəsi ləğv olunub.

İqtisadiyyat Nazirliyi bir daha hüquqi və fiziki şəxslərin nəzərinə çatdırır ki, icazələrin bir hissəsinin ləğv edilməsi ilə əlaqədar fəaliyyətinə icazə verilən sahələrdə çalışan hüquqi və fiziki şəxslər icaze.e-gov.az portalına daxil olmaqla işçi heyətinin qeydiyyatl ilə bağlı məsələləri müəyyən edilmiş qaydalar çərçivəsində yenidən tənzimləməlidirlər. İcazələrin verilməsi zamanı əmək müqaviləsi ilə çalışan işçilərin sayı və təsnifat kodu əsas götürülür. Növbəti həftə ərzində işə çıxacaq əməkdaşlar barədə məlumatlar işəgötürən tərəfindən əvvəlcədən portala daxil olunmalıdır.

Nazirlər Kabinetinin müvafiq qərarları ilə fəaliyyətinə icazə verilməmiş sahələr üzrə sistemə müraciət edilməsi mümkün deyildir. İqtisadiyyat Nazirliyi yanında Dövlət Vergi Xidməti tərəfindən fəaliyyətinə icazə verilən və xüsusi karantin rejiminin tətbiq edildiyi şəhər və rayonlarda uçotda olan və ya təsərrüfat subyekti (obyekti) həmin şəhər və rayonlarda yerləşən vergi ödəyicisinin siyahısı “icazə.e-gov.az” portalına daxil edilməsi üçün real vaxt rejimində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə təqdim edilir. İyulun 5-i 17.00-a olan məlumata görə, artıq “icazə.e-gov.az” portalında 38.348 işəgötürən tərəfindən 453.781 işçi sayına icazə alınıb.

İcazələrin tənzimlənməsi ilə bağlı yaranan xüsusi hallar üzrə hüquqi və fiziki şəxslər İqtisadiyyat Nazirliyinə müraciət edə bilərlər.

İşəgötürən tərəfindən portala daxil edildikdən sonra narıncı zonaya aid olan ərazidə hərəkət etmək icazəsi olan şəxslər işəgötürən tərəfindən verilmiş ezamiyyə vərəqələri əsasında həmin zonanı tərk edə bilərlər.

Nazirlər Kabinetinin 2020-ci il 19 iyun tarixli 208 nömrəli Qərarına əsasən fəaliyyətinə icazə verilmiş sahələrin siyahısı ilə bu link vasitəsilə tanış olmaq mümkündür (qərarın əlavəsi):

https://nk.gov.az/media/files/49339ee08e90baca9ebd88f55a5ba958.pdf

Nazirlər Kabinetinin 2020-ci il 25 iyun tarixli 220 nömrəli Qərarına əsasən işçi sayına məhdudiyyət tətbiq edilmiş fəaliyyət sahələrinin siyahısı ilə bu linklər vasitəsilə tanış olmaq mümkündür:

https://nk.gov.az/az/article/911/print/

https://cabmin.gov.az/media/files/a0d53995ef202836f886389f911971d3.pdf

 

22
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
İdman zalı

Koronavirusla idman zalında “mübarizə” Yevlaxda reyd keçirildi

1
(Yenilənib 18:40 05.07.2020)
Yevlax RPŞ-nin əməkdaşları tərəfindən keçirilən tədbirlər nəticəsində rayon ərazisində yerləşən trenajor zalının xüsusi karantin rejiminin qaydalarına zidd olaraq fəaliyyət göstərdiyi müəyyən olunub.

BAKI, 5 iyul – Sputnik. Yevlax Rayon Polis Şöbəsinin əməkdaşları tərəfindən keçirilən tədbir zamanı rayon ərazisində qanunsuz şəkildə fəaliyyət göstərən trenajor zalı aşkar olunub. 

Sputnik Azərbaycan xəbər verir ki, bu barədə DİN Mətbuat Xidmətinin Bərdə Regional qrupundan məlumat verilib. 

Bildirilir ki, Yevlax RPŞ-nin əməkdaşları tərəfindən keçirilən tədbirlər nəticəsində rayon ərazisində yerləşən trenajor zalının xüsusi karantin rejiminin qaydalarına zidd olaraq fəaliyyət göstərdiyi müəyyən olunub.

Məkana baxış zamanı 14 nəfərin qayda pozuntusuna yol verdiyi aşkar edilib və həmin şəxslər barəsində İnzibati Xətalar Məcəlləsinin müvafiq maddəsi ilə protokollar tərtib edilərək cərimə olunublar.

1