Əmək haqqı

Yanvardan başlayaraq maaşımızın bu qədəri əlimizdən alınacaq

27675
Üç yüz manat maaşın otuz manatı bizim olmayacaq

BAKI, 28 dekabr — Sputnik. "Azərbaycan Respublikasında 2018-ci il üçün yaşayış minimumu haqqında" və "İşsizlikdən sığorta haqqında" Azərbaycan Respublikasının qanunlarının 01 yanvar 2018-ci il tarixdən etibarən qüvvəyə minməsindən sonra əsas diqqət əmək haqqı məbləğinin hansı həddə artacağı və ya azalacağına yönəlib.

Məlum olduğu kimi, 2018-ci ildə ölkə üzrə yaşayış minimumunun 173 AZN olması Azərbaycan Respublikası Vergi Məcəlləsinin 102-ci maddəsinə əsasən aylıq 2500 AZN-dək məbləğdə əmək haqqı alan işçilərin sırf həmin məbləğ həddində gəlir vergisindən azad olmasına əsas verib.

Buna baxmayaraq, 2017-ci ildə ölkə üzrə yaşayış minimumunun məbləği 155 AZN-dən 173 AZN-ə kimi artsa da, bu artımla yanaşı, 01 yanvar 2018-ci ildən etibarən qüvvəyə minmiş "İşsizlikdən sığorta haqqında" qanunun tələblərinə əsasən işçilərin əmək haqqının 0.5%-i, işəgötürən tərəfindən isə əmək haqqı fondunun 0.5%-i məbləği həddində sığorta haqqı hər təqvim ayı ərzində müvafiq icra hakimiyyəti orqanına ödəniləcək.

Bununla yanaşı, "Sosial sığorta haqqında" qanunun da tələblərinə əsasən hər təqvim ayı ərzində işçinin əmək haqqının 3%-i, əmək haqqı fondunun isə 22% məbləği işəgötürən tərəfindən məcburi dövlət sosial sığorta haqqı kimi ödənilirdi ki, bu məbləğlərin ümumilikdə konkret hansı qaydada hesablanması müəyyən fikir ayrılıqlarına səbəb olurdu.

Bu kimi halları nəzərə alaraq 01 yanvar 2018-ci ildən etibarən əmək haqqı məbləğinin hesablanma qaydasını diqqətinizə çatdırırıq:

İşçinin əmək haqqı üzrə

— Əmək haqqının 3%-i DSMF-nə məcburi dövlət sosial sığorta haqqı kimi;

— Əmək haqqı (yalnız 2500 AZN-dək əmək haqqı) məbləğindən 173 AZN (2018-ci il yaşayış minimumu) çıxılmaqla 14% Vergilər Nazirliyinə gəlir vergisi kimi;

— Əmək haqqından 0.5% DSMF-nə işsizlikdən sığorta haqqı kimi.

Misal 1: 300 AZN əmək haqqı (vergi və digər ödənişlər daxil, loru dildə "yazılan" əmək haqqı, yaxud Gross) alan şəxsdən

1) 300-ün 3%-i, yəni 9 AZN məcburi dövlət sosial sığorta haqqı

2) 300-173=127-nin 14%-i, yəni 17.78 AZN gəlir vergisi

3) 300-ün 0.5%-i, yəni 1.5 AZN işsizlikdən sığorta haqqı

300 AZN əmək haqqının 300-(9+17.78+1.5)=271.72 AZN məbləği şəxsə çatacaq.

Misal 2: 2600 AZN məbləğində əmək haqqı (vergi və digər ödənişlər daxil, loru dildə "yazılan" əmək haqqı, yaxud Gross) alan şəxsdən

1) 2500-ün 3%-i, yəni 78 AZN məcburi dövlət sosial sığorta haqqı

2) 2500-ün 14%-i, yəni 350 AZN, qalan 100 AZN-in 25%-i yəni 25 AZN, ümumilikdə 375 AZN gəlir vergisi

3) 2600-ün 0.5%-i, yəni 13 AZN işsizlikdən sığorta haqqı

2600 AZN əmək haqqının 2600-(78+375+13)=2134 AZN məbləği şəxsə çatacaq.

İşəgötürən tərəfindən isə əlavə olaraq məcburi dövlət sosial sığorta haqqı kimi əmək haqqı fondunun 22%-i, işsizlikdən sığorta haqqı kimi isə 0.5%-i 01 yanvar 2018-ci il tarixdən etibarən ödəniləcək.

Həmçinin qeyd etmək lazımdır ki, bu hesablanma qaydası zamanı vergi güzəştləri, həmkarlar ittifaqlarına ödənilən üzvlük haqqı kimi məbləğlər bütün müəssisələr və şəxslər üçün ümumi olmadığından qeyd olunmayıb.

Şəhriyar Həbilov, Marja

27675
Teqlər:
məcburi dövlət sosial sığorta haqqı, "İşsizlikdən sığorta haqqında", DSMF, yaşayış minimumu, işçi, əmək haqqı, faiz, maaş, Azərbaycan Respublikası, qanun
Əlaqədar
Onların maaşı azaldılıb – 14 faiz
Millət vəkili: "Professional həkimin maaşı 150-160 manatdır"
Bakıda yüz manat maaşa işləyib şam işığında yaşayan ailə var
Kral ailəsi işçi axtarır - maaş 3500 manat
Vitse-prezident maaş böhranını etiraf etdi: "Onları saxlaya bilmirik"

Tərtər atəş altında: poçt binasına xəstəxanaya top mərmiləri düşüb

1
Bundan başqa, Qapanlı kənd sakini Zülfüqar Quliyevin həyətinə mərmi düşüb. Nəticədə 8 baş iribuynuzlu heyvan tələf olub

BAKI, 29 sentyabr — Sputnik. Ermənistan silahlı qüvvələri Azərbaycanın yaşayış məntəqələrini ağır artilleriyadan atəşə tutmaqda davam edir.

Sputnik Azərbaycan APA-ya istinadən bildirir ki, yerli sakinlərin verdikləri məlumata görə, ermənilərin atdığı top mərmisi Tərtər rayonunun Qapanlı kəndində Poçt binasına və kənd xəstəxanasına düşüb.

Bundan başqa, Qapanlı kənd sakini Zülfüqar Quliyevin həyətinə mərmi düşüb. Nəticədə 8 baş iribuynuzlu heyvan tələf olub. Hazırda ermənilər yaşayış məntəqələrini atəşə tutmaqda davam edirlər.

1
Teqlər:
poçt şöbəsi, mərmi, yaşayış evləri, Tərtər, erməni təxribatı, Dağlıq Qarabağ münaqişəsi
Əlaqədar
Mülki əhalimizə atəş açılır: Tərtərdə iki qardaş həlak oldu, 2 nəfər isə yaralandı
Hadrut istiqamətində Ermənistanın komanda müşahidə məntəqəsi darmadağın edilib
Tərtər sakinlərinin narahat gecəsi: yaşayış binaları mərmi atəşləri altında
Füzuli istiqamətində Ermənistan SQ-nin əks-hücum cəhdi dəf edilib
Tərtərdə xalçaçılıq fabrikinə ciddi ziyan dəyib
Sami Yusuf, arxiv şəkli

Sami Yusuf Azərbaycan Ordusuna dəstək verib

9
O, bu paylaşımına "Qarabağ Azərbaycandır" (#KarabakhisAzerbaijan #Azerbaijan) həştəqini də əlavə edib

BAKI, 29 sentyabr — Sputnik. Azərbaycan əsilli dünyaca məşhur müğənni və bəstəkar Sami Yusuf cəbhə xəttində həyata keçirilən əks-hücumlarla əlaqədar Azərbaycan Ordusuna dəstəyini ifadə edib.

Sputnik Azərbaycan xəbər verir ki, sənətçi bununla bağlı "Twitter" səhifəsində paylaşım edib.

"Düşüncələrim və dualarım Azərbaycanladır", - deyə S.Yusuf paylaşımında qeyd edib.

​O, bu paylaşımına "Qarabağ Azərbaycandır" (#KarabakhisAzerbaijan #Azerbaijan) həştəqini əlavə edib.

9
Teqlər:
dəstək, Sami Yusuf, Azərbaycan ordusu, erməni təxribatı, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Rəsmi Bakı: Ermənistanın hərbi təcavüzü nəticəsində 10 mülki şəxs həlak olub
Hüsənli kəndində Ermənistan ordusunun mərmisi yaşayış evini dağıdıb – VİDEO
Ermənistan ordusu İTV-nin avtomobilinə atəş açıb - VİDEO
Ermənistan ordusu Ağdamda yaşayış məntəqəsini atəşə tutub, ev dağılıb
Gecə ərzində gərgin döyüşlər davam edib - video