Vitrin manekeni

Sevməyə vitrin manekeni alıram, kim satır?

506
(Yenilənib 16:51 27.12.2017)
Sevdiyimiz də, nifrət etdiyimiz də, maraq və macəramız da cansız bir əşyanın içindən üzümüzə baxır

BAKI, 20 dekabr — Sputnik. Müasir şairlər qınaq hədəfinə çevrilib ki, hamısı darıxmaqdan və tənhalıqdan yazır. Eyni irad tez-tez mənim şeirlərimə də bildirilir. Uzun müddət bu haqda düşündüm: niyə mövzularımda darıxmaq və tənhalıq üstünlük təşkil edir?

Məktəbli məktəbdə
© Sputnik / Anton Unitsyn

Bəlkə bir az şablon olacaq, amma həmişə dediyim kimi, həqiqətin şablonu olmur. Həqiqət həmişə həqiqət olaraq qalır. Həqiqət isə odur ki, müasir dövr insanı özü ilə baş-başa qalmağa məcbur və məhkum edib.

Getdikcə dost-tanışların yerini ağ, qara və boz cihazlar tutur. Dərdimiz olanda bu cihazlardan lirik mahnılar dinləyir, filmlər izləyir, bu cihazlara nəsə yazırıq. Bədii dildə desəm, bu cihazlarla danışırıq, dərdləşirik.

Bu cihazlar bizi ailəmizdən, dost-tanışdan, sevgilidən ayırır. Bu cihazlar bizi öz istədiyi kimi idarə edir. Hətta bir gecəlik əyləncələr üçün seçdiyimiz tərəf müqabilləri də öz yerini bu cihazların ekranı arxasındakı porno artistlərinə verir.

Yox. Qətiyyən, yox. Mən texnologiyanın əleyhinə danışmıram. Doğrudan da mən bütün kainatda elmdən daha müqəddəs nəsə tanımıram. Mənim demək istədiyim odur ki, biz texnologiyanı idarə etməyə çalışmırıq, onun bizi idarə etməsinə şərait yaradırıq.

Bütün dövrlərdə şairlər, yazıçılar, rəssamlar, bəstəkarlar dövrün tələblərinə uyğun yaradıcılıq prosesi keçiblər. Məsələn, Ernest Heminqueyin gənclik və yetkinlik dövrləri müvafiq olaraq birinci və ikinci dünya müharibələrinə təsadüf edirdi. Buna görə də onun yaradıcılığında müharibə əsas mövzu olmuşdu. Elə bizim ən üsyankar şairimiz Mikayıl Müşfiqin də kommunizmin təsiri altında yazdığı saysız-hesabsız şeirləri var.

Şəxsən mən bir ədəbiyyat adamı kimi yox, bir fərd kimi təkəm və darıxıram. Nədən yazmalıyam?

Mühit bir insanı anlamağa borclu deyil. Kefli İsgəndərin "mühit məni anlamır" iddiası indiki dövr üçün bir az cəfəng görünür. Çünki müasir insan heç özünü anlaya bilmir.

O qədər təkik ki, bizi qəzəbləndirən şeylərdən hirsimizi çıxa bilmirik. Çünki hər şey monitor arxasındadır. Sevdiyimiz də, nifrət etdiyimiz də, maraq və macəramız da, arzularımız da – hamısı cansız bir əşyanın içindən üzümüzə baxır. Öpmək olmur, oxşamaq olmur, sarılmaq olmur, danlamaq olmur, qışqırmaq olmur, küsmək olmur, atmaq olmur. Beləcə, qalırıq özümüz öz caynağımızda və başlayırıq darıxmağa.

Sual yarana bilər ki, niyə bir insanla duyğularımızı paylaşmırıq, taleyimizi bölüşmürük? Əgər buna ehtiyac duyuruqsa, niyə münasibətlərdən qaçırıq? Səbəb bəsitdir: güvənmirik! Biz bir-birimizə olan etibarımızı da itirmişik.

Bu yaxınlarda bir qərara gəldim ki, vitrin manekeni alım. Hətta bir-iki paltar mağazasından soruşdum, satmadıqlarını dedilər. Niyyətim odur ki, bu vitrin manekenini evin bir küncünə qoyum, sevinəndə sevinc bölüşüm, üzüləndə dərdləşim, hirslənəndə dalaşım, küsüm, sonra barışım. Bəlkə bu əngin qarmqarışıqlığın sıxıntılarından xilas olmağıma kömək etdi.

Qayıdaq əvvəlinci məclisə — şairlərin darıxmaq və tənhalıq mövzusuna. Mövzuların hamısı darıxmaq və tənhalıqdır demək absurddur. Sadə dildə desəm, lap böhtandır. Axı müasir poeziyamızda insan azadlığından, ilahi ya da insani ədalətsizlikdən, ümumbəşəri ayrı-seçkilik problemlərindən, fərdlərin ruhi və mənəvi sarsıntılarından bəhs edən çoxsaylı şeirlər var. Ümumilikdə müasir poeziyamız öz dövrünə və mühitinə kifayət qədər güzgü ola bilir.

Nəysə. Onu deyirdim axı, vitrin manekeni alıram, kim satır?

506
Teqlər:
maneken, tənhalıq, darıxmaq, vitrin, sevgi, nifrət, ədəbiyyat, şair, texnologiya, yazıçı
Əlaqədar
Avtomobildə tək qalan uşaq dəhşətli əməl törətdi
"Sən getdin, tək qaldım. Bir liman, bir də mən"
“Sən tək deyilsən” və “Xoşqədəmlə axtarıram səni” bağlandı
"Hamınıza nifrət edirəm, amma sizsiz də darıxıram!"
Rejissor: “Mənim tamaşalarımda tamaşaçı darıxmır”

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

11
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

11
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

6
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

6