Həbsxana divarında tikanlı məftillər, arxiv şəkli

Azərbaycanda dustaqlar kütləvi şəkildə azadlığa buraxılacaq

1144
(Yenilənib 10:15 27.12.2017)
"Dələduzluq" və "Mənimsəmə" maddələri ilə məhkum olmuş və cəzasının 2/3-dən çoxunu çəkmiş şəxslərə komanda verilib ki, təcili surətdə azadlığa çıxmaq üçün məhkəmələrə ərizə ilə müraciət etsinlər

BAKI, 26 dekabr — Sputnik. “Ola bilsin ki, müəyyən kateqoriyalı məhkumlar 2018-ci ili evdə qarşıladılar. "Dələduzluq" və "Mənimsəmə" maddələri ilə məhkum olmuş və cəzasının 2/3-dən çoxunu çəkmiş şəxslərə komanda verilib ki, təcili surətdə azadlığa çıxmaq üçün məhkəmələrə ərizə ilə müraciət etsinlər. Və məhkəmələr artıq bu istiqamətdə işə başlayıb”.

AR Ədliyyə Nazirliyi yanında Penitensiar Xidmətin ictimaiyyətlə əlaqələr şöbəsinin rəhbəri Mehman Sadıxov Sputnik Azərbaycan-a bildirib ki, bu tədbirlərin görülməsi cəzaçəkmə müəssisələrini əhəmiyyətli dərəcədə boşaldacaq.

Bu tədbirlər Azərbaycan Respublikası Prezidenti İlham Əliyevin təşəbbüsü ilə cinayət qanunvericiliyinə edilən son əlavələrin həyata keçirilməsi çərçivəsində görülür.

Prezidentin "Penitensiar sahədə fəaliyyətin təkmilləşdirilməsi, cəza siyasətinin humanistləşdirilməsi və cəmiyyətdən təcridetmə ilə əlaqədar olmayan alternativ cəza və prosessual məcburiyyət tədbirlərinin tətbiqinin genişləndirilməsi barədə" sərəncamından sonra sözügedən tədbirlər start götürüb.

"Sözügedən prosedur şəxsi işi AR Cinayət Məcəlləsinə edilən dəyişikliyə uyğun gələn bütün məhkumlara aiddir və onların işi baxılmaq üçün növbə ilə məhkəməyə göndərilir. Bununla əlaqədar olaraq cəzasının əsas hissəsini çəkmiş məhkumlar artıq yaxın günlərdə azadlığa çıxmaq imkanı əldə edəcəklər. "Dələduzluq" maddəsi ilə həbs olunanların sayı çoxdur. Bu tədbirlər nəticəsində həbsxanalar nəzəçarpacaq dərəcədə yükdən azad olacaq. Bilirsiz ki, cəzasının üçdə iki hissəsini çəkmiş və azadlığa erkən çıxmağı arzulayan məhkumlar maddi zərərin əvəzini ödəməlidirlər. Səhv etmirəmsə, sözügedən məbləğ dövlətə ödəniləcək" – deyə Sadıxov bildirib.

Hakim çəkici
© AP Photo

Dəymiş zərərə görə təzminatın ödənilməsi sayəsində məhkumların cəzaçəkmə müddəti qısaldılacaq, həmçinin erkən azadlığa buraxılma institutu qüvvəyə minəcək, eləcə də onların məntəqə tipli cəzaçəkmə müəssisəsinə köçürülməsi məsələsi reallaşacaq.

"Həqiqətən də cəzaların humanistləşdirilməsi prezident tərəfindən atılmış çox ciddi addımdır. O da diqqətəlayiqdir ki, azadlıqların məhdudlaşdırılması kimi cəza növü qanunvericiliyə qaytarılıb. Əvvəllər Azərbaycanda şərti cəza almış məhkumlar üçün məntəqə tipli cəzaçəkmə müəssisələri fəaliyyət göstərirdi. Amma onlar 2011-ci ildə ləğv edildi. Əvəzində Probasiya Xidməti yaradılıb. Nə qədər az məhbus olsa, Azərbaycan üçün bir o qədər yaxşıdır" – deyə bölmə rəisi bildirib.

Xatırladaq ki, prezident İlham Əliyev 10 fevral 2017-ci ildə "Penitensiar sahədə fəaliyyətin təkmilləşdirilməsi, cəza siyasətinin humanistləşdirilməsi və cəmiyyətdən təcridetmə ilə əlaqədar olmayan alternativ cəza və prosessual məcburiyyət tədbirlərinin tətbiqinin genişləndirilməsi barədə" sərəncam imzalayıb.

Sözügedən sənəddə prezident qeyd edib ki, dövlət idarəçilik sisteminin müasirləşdirilməsi və məhkəmə-hüquq islahatları sahəsində həyata keçirilən tədbirlər penitensiar xidmətin və bütövlükdə cəzaların icrası ilə bağlı fəaliyyətin müasir dövrün tələblərinə uyğun qurulmasını və səmərəli idarəetmənin təşkilini zəruri edir.

İlham Əliyev
© Official website of President of Azerbaijan Republic

Cəzaların icrası sahəsində həyata keçirilən islahatlara baxmayaraq, son zamanlar aparılmış təhlillər göstərir ki, məntəqə tipli cəzaçəkmə müəssisələrinin normal fəaliyyəti təmin olunmur, ictimai işlər cəzasının icrası prosesində çətinliklər yaranır, cəzanı icra edən orqan və müəssisələrdə müasir informasiya-kommunikasiya texnologiyalarının imkanlarından kifayət qədər istifadə edilmir. İbtidai istintaq və məhkəmə icraatı zamanı böyük ictimai təhlükə törətməyən və az ağır, o cümlədən iqtisadi fəaliyyət sahəsində cinayətlərə görə həbs qətimkan tədbirinin geniş tətbiq edilməsi, habelə həmin cinayətlərə görə azadlıqdan məhrum etmənin dinamikasının artması məhkumların sayının çoxalmasına və penitensiar müəssisələrin yüklənməsinə səbəb olur.

Odur ki, prezident penitensiar müəssisələrin fəaliyyətinin təkmilləşdirilməsi, maddi-texniki bazasının gücləndirilməsi, cəzanı icra edən orqan və müəssisələrdə mövcud olan nöqsanların aradan qaldırılması, cinayət təqibi və cəzaların icrası sahəsində korrupsiyanı istisna edən şəraitin tam təmin olunması, müasir texnoloji vasitələrin tətbiq edilməsi və cəza siyasətinin humanistləşdirilməsi məqsədilə bir sıra tədbirlərin görülməsinə qərar verib.

1144
Teqlər:
dustaq, azadlıq, Ədliyyə Nazirliyi, Penitensiar xidmət, cinayət məcəlləsi, müraciət, məhkəmə
Əlaqədar
Cinayət törədib, azadlıqda gəzə biləcəyik – Məcəlləyə dəyişiklik
Tərifli Avropa ədaləti: Baş separatçı azadlıqda
"Lotu Quli"nin azadlıqda ilk görüntüsü yayıldı
Bəzi cinayətlərə görə azadlıqdan məhrumetmə cəzasının hədləri aşağı salınıb
Rus çempionu döyərək öldürən həmyerlimiz azadlıqdaymış

Xırdalanda partlamış evin dağıntıları altından qadın meyiti çıxarılıb

44
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

44
Xırdalanda partlayış yerində

Xırdalanda dağıntılar altından xilas edilənlərin sayı artır

20
Görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib.

BAKI, 25 yanvar — Sputnik. Abşeron rayonu, Xırdalan şəhəri, 27-ci məhəllə adlanan ərazidə yerləşən və partlayış nəticəsində uçqun baş vermiş ikimərtəbəli fərdi yaşayış evində Fövqəladə Hallar Nazirliyinin qəza-xilasetmə qüvvələri tərəfindən axtarış-xilasetmə əməliyyatı davam etdirilir.

APA xəbər verir ki, görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib. Bununla da xilasedicilər tərəfindən xilas edilmiş vətəndaşların sayı 6-ya çatıb.

Axtarış-xilasetmə əməliyyatı davam edir. Əlavə məlumat veriləcək.

20