Вино, фото из архива

"Cəfərov içmişdi?" sualı açıq qalır...

551
(Yenilənib 10:16 21.12.2017)
Baş toksikoloq qaraciyər, dalaq və böyrəyində problemləri olan, eləcə də bədəninin müqaviməti az olan adamları ucuz spirtdən uzaq durmağa çağırır

BAKI, 18 dekabr — Sputnik. 2017-ci ilin əvvəlindən etibarən Azərbaycan Səhiyyə Nazirliyi Klinik Tibbi Mərkəzinin (KTM) Toksikologiya şöbəsinə güclü alkoqol intoksikasiyasının əlamətləri ilə 86 nəfər daxil olub. Bu barədə Sputnik Azərbaycan-a baş toksikoloq Azər Maqsudov məlumat verib.

Stəkanda süd
© Sputnik / Aleksandr Kryazhev

Onun sözlərinə görə, burada söhbət yalnız keyfiyyətsiz alkoqol qəbulu nəticəsində ağır vəziyyətə düşən pasientlərdən gedir. Adətən bahalı spirtli içkilərin qəbulu ilə əlaqədar belə faktlar qeydə alınmır.

Eyni zamanda Respublika Toksikologiya Mərkəzinə hər gün alkoqoldan zəhərlənmə əlamətləri ilə 5-ə yaxın adam daxil olur. Əsasən spirtli içkinin qəbulundan sonra küçədə yatma və donma ehtimalı olan evsiz-eşiksiz adamları gətirirlər. Onlar özlərinə gələndən sonra xəstəxananı tərk etmək istəmirlər. Nəticədə bu, bütün şöbə üçün başağrısına çevrilir ki, bu da artıq tamam başqa mövzunun söhbətidir.

Toksikoloqlar artıq Yeni il bayramına hazırlaşırlar. Maqsudov özünün çoxillik təcrübəsindən çıxış edərək deyir ki, hər il dekabrın 30-dan başlayaraq yanvarın 10-na qədər toksikologiya şöbəsinə davamlı olaraq alkoqoldan zəhərlənən adamları gətirirlər. Buna səbəb keyfiyyətsiz spirt və bədənin buna qarşı müqavimət gücünün olmamasıdır. Məlumdur ki, hər adam yarım litrdən çox araq içə bilmir.

Alkoqol
Роман Денисов/РИА Новости

Yeni il hər bir ailənin faciəsinə səbəb ola bilər. Ona görə də içkiləri seçərkən ehtiyatlı olmaq lazımdır.

Maqsudov gündə 150-200 qramdan artıq spirtli içki içməyi məsləhət görmür. Artıq doza ölümcül nəticələrə gətirib çıxara bilər. Xüsusilə də qaraciyərində, dalaq və böyrəyində problem olan adamlar üçün.

Belə hesab olunur ki, Azərbaycanda keyfiyyətsiz və xalq arasında deyildiyi kimi "yanmış" alkoqol yoxdur. Amma bu, sadəcə ümumi qəbul olunmuş fikirdir. Xəstəxanalara tez-tez ucuz spirtli içki həvəskarları gətirilir. Misal üçün, ötən həftənin dördüncü günü xəstəxanaya koma vəziyyətinə düşmüş Tovuz rayon Cəlilli kənd sakini, 1965-ci il təvəllüdlü Cəfərov Xaqani Kavış oğlu gətirilib.

Kişi alkoqolun qəbulundan sonra huşunu itirib. Həkimlər onun vəziyyətini ağır olaraq qiymətləndirirlər.

Bununla yanaşı, AR Səhiyyə Nazirliyi yanında Gigiyena və Epidemiologiya Mərkəzindən verilən məlumata görə, sahibkarlar 2020-ci ilə qədər yoxlamadan azad olunduqları üçün içkidən zəhərlənmə faktının araşdırılması üçün heç bir yoxlama aparılmır.

Təcili tibbi yardım, arxiv şəkli
© Sputnik / Murad Orujov

Nəticədə, hələ də bu suallar açıq qalır: "Cəfərov nə içmişdi?" və "Digər zərərçəkənlər ola bilərmi?"

Bu qəbildən olan zəhərlənmələrə görə təkcə istehsalçılar deyil, elə istehlakçılar özləri də günahkardır. Maqsudovun sözlərinə görə, elə hallar olur ki, bəzən apteklərdən xaricə istifadə üçün nəzərdə tutulan texniki tibbi spirt alırlar və onu içirlər. O, daha ucuz başa gəlir və iyi də oxşardır. 2017-ci ildə metil spirtindən zəhərlənən iki kişi xəstəxanaya yerləşdirilib. Xoşbəxtlikdən onların səhhətində ağırlaşma baş verməyib.

"Onlardan hansınınsa tanışı laboratoriyada işləyirmiş və onlara bir flakon spirt verib. Sən demə, metil spirti imiş. Kişilər sərxoş olublar və spirti qarışıq salıblar. Xoşbəxtlikdən alkoqol ölümcül zəhərli metanol əleyhinə zərdab olub. Ona görə də onlar həkimə gələnə qədər özləri özlərini xilas ediblər" – deyə toksikoloq bildirib.

551
Teqlər:
baş toksikoloq Azər Maqsudov, Klinik Tibbi Mərkəzin (KTM) Toksikologiya şöbəsi, alkoqol, Səhiyyə Nazirliyi, zəhərlənmə, keyfiyyət
Əlaqədar
Spirtli içkilərin yeni fəsadları aşkarlanıb
Spirtli içkidən zəhərləndi
Spirtli içki və siqaretlərlə bağlı mühüm xəbər
Siqaret və spirtli içkilər bahalaşıb
Azərbaycanda ən çox spirtli içki bu rayonda içilir

Dmanisidəki hadisəni etnik qruplar arasında münaqişəyə çevirmək cəhdləri təəssüf doğurur

4
(Yenilənib 00:01 18.05.2021)
Ombudsman Səbinə Əliyeva vəziyyətin daha da gərginləşməsinin qarşısını almaq üçün gürcüstanlı həmkarını bu məsələni nəzarətdə saxlamağa çağırıb.

BAKI, 17 may - Sputnik. Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Gürcüstanın Dmanisi rayonunda azərbaycanlı sahibkara məxsus mağazanın qarşısında həmin şəxsə, eləcə də digər azərbaycanlı gənclərə hücum edilməsi nəticəsində baş vermiş kütləvi dava ilə bağlı Gürcüstanın Xalq Müdafiəçisi Nino Lomcariyaya müraciət edib.

Sputnik Azərbaycan-ın məlumatına görə, Azərbaycan Ombudsmanı hadisəni etnik qruplar arasında münaqişəyə çevirmək cəhdlərinin təəssüf və narahatlıq doğurduğunu bildirib. Azərbaycan və Gürcüstanın strateji tərəfdaş olduğunu qeyd edən Ombudsman müvafiq orqanlar tərəfindən məsələnin araşdırılması üçün zəruri tədbirlər görüləcəyinə inamını ifadə edib.

Ombudsman Səbinə Əliyeva vəziyyətin daha da gərginləşməsinin qarşısını almaq üçün gürcüstanlı həmkarını bu məsələni nəzarətdə saxlamağa çağırıb.

Qeyd edək ki, 16 may 2021-ci il tarixində, saat 17.00 radələrində Gürcüstanın Dmanisi rayonunun "9 aprel" küçəsində bir qrup şəxsin azərbaycanlı sahibkar Qəşəm Şamilova məxsus mağazanın qarşısına gələrək, ona, eləcə də mağazanın qarşısındakı azərbaycanlı gənclərə hücum etmələri nəticəsində kütləvi dava baş verib. Hadisə zamanı bir neçə nəfər ciddi xəsarət alıb. İnsident iştirakçılarından 8 nəfəri Gürcüstanın hüquq mühafizə orqanları tərəfindən saxlanılıb.

Məsələni bir neçə qurum nəzarətdə saxlayır.

Eləcə də oxuyun:

* Dmanisidə 8 nəfər saxlanıldı, Azərbaycan səfirliyi bəyanat yaydı

* Nazir: "Azərbaycanlılar gürcülərin qardaşlarıdır, qarşıdurmaya imkan verməyəcəyik"

* Gürcüstanda svanlar azərbaycanlılara hücum etdilər, dava düşdü - VİDEO

 

4
Teqlər:
insident, Gürcüstan, Azərbaycan, ombudsman
Xalça Muzeyi

Sabah muzeyə gedin, amma ayaqla yox - əyləncə seçimi var

10
Beynəlxalq Muzeylər Günü Beynəlxalq Muzeylər Şurasının (ICOM) təşəbbüsü ilə 1977-ci ildə xalqlar arasında mədəni mübadilə və əməkdaşlığın inkişafına kömək məqsədilə təsis olunub. Bu il Beynəlxalq Muzeylər Gününün devizi "Muzeylərin gələcəyi: dirçəliş və yeni baxış"dır.

BAKI, 17 may — Sputnik. Azərbaycan Milli Xalça Muzeyi Beynəlxalq Muzeylər Gününü silsilə tədbirlərlə qeyd edəcək. Sputnik Azərbaycan xəbər verir ki, bu münasibətlə mayın 18-də müxtəlif icma nümayəndələri ilə onlayn görüşlər keçiriləcək. Ayrı-ayrı icmalarla əməkdaşlıq əlaqələrini daim inkişaf etdirən Azərbaycan Milli Xalça Muzeyi bu dəfə də müxtəlif sənət sahələri üzrə mütəxəssislər, sənətkarlar arasında ünsiyyət körpüsü yaradacaq. Görüş zamanı Mədəniyyət Nazirliyinin dəstəyi ilə həyata keçirilən "Kreativ Azərbaycan" proqramları ilə bağlı məlumat veriləcək, bu istiqamətdə müxtəlif icmaların fəaliyyəti müzakirə olunacaq. Onların rifahının yüksəldilməsi məqsədilə öz potensiallarını üzə çıxarması, yerli yaradıcı məhsulları və xidmətləri ölkə daxilində, həmçinin xarici bazarlarda tanıtması və s. mövzularda fikir mübadiləsi aparılacaq.

Sağlamlıq imkanları məhdud şəxsləri birləşdirən ictimai təşkilatların rəhbərləri ilə görüş zamanı indiyədək birgə həyata keçirilən uğurlu layihələrdən və gələcək planlardan söhbət açılacaq. Ölkəmizin ilk inklüziv muzeyi kimi Azərbaycan Milli Xalça Muzeyi ilə bu istiqamətdə qarşılıqlı fəaliyyətin genişləndirilməsi məsələlərinə toxunulacaq.

Qarabağ muzeylərinin direktorları ilə onlayn görüş zamanı isə işğaldan azad olunmuş torpaqlarda vaxtilə fəaliyyət göstərmiş muzeylərin mövcud problemləri və onların həlli yolları müzakirə ediləcək. Həmin muzeylərin kolleksiyalarının öz vətəninə qaytarılması məqsədilə Beynəlxalq Muzeylər Şurasının (ICOM) müvafiq komitələri ilə həyata keçirilən danışıqlar, toplanmış yeni məlumatlar ətrafında fikir mübadiləsi aparılacaq.

© Photo : Azerbaijan National Carpet Museum
Afişa

Bununla yanaşı, mayın 18-də, saat 19:00-da muzeylər içərisində ilk dəfə Azərbaycan Milli Xalça Muzeyi "Nə? Harada? Nə zaman?" intellektual oyununu keçirəcək. Azərbaycan dilində baş tutacaq oyunda qeydiyyatdan keçən ilk 20 komanda iştirak edəcək, digər komandalar isə gözləmə siyahısında yer alacaq. Oyun muzeyin "Facebook" səhifəsindən canlı yayımlanacaq.

Qeyd edək ki, iştirakçılara ünvanlanacaq sualların mövzusu incəsənət sahəsini əhatə edəcək, o cümlədən dünya muzeyləri, xalçaçılıq sənəti və Azərbaycan Milli Xalça Muzeyi ilə bağlı olacaq. Qaliblər isə müxtəlif hədiyyələr qazanacaqlar.

Odur ki intellektual və yaradıcılıq imkanlarını sınamaq istəyən hər kəsi oyuna qatılmağa dəvət edirik. Bunun üçün aşağıdakı linkdən qeydiyyatdan keçə bilərsiniz: https://form.jotform.com/211223719513448

Silsilə tədbirlərin yekunu olaraq isə saat 21:00-da Azərbaycan Milli Xalça Muzeyində "Muzeylər gecəsi" keçiriləcək. Azərbaycan Milli Xalça Muzeyi və Beynəlxalq Muğam Mərkəzinin birgə təşkilatçılığı ilə baş tutacaq gecədə yeni fəaliyyətə başlayan rok, caz qrupları və ifaçıları maraqlı konsert proqramı ilə çıxış edəcəklər. Sənətdə yeni addımlarını atan istedadlı yaradıcı gənclərə dəstək olmaqla yanaşı, onların pərəstişkarlarının muzeylərə marağının artırılması məqsədilə keçirilən konsertdə "The Etude Band", "Ayna Band", "Diqqət", "Caz Band" qrupları, həmçinin Milan, Mixail Altuxov, Joseph Abbas ifa edəcəklər.

Həm əylənmək, həm də zövqlü musiqi dinləmək istəyirsinizsə, muzeyin "Facebook" səhifəsindən canlı yayımlanacaq konserti izləməyi unutmayın!

Qeyd edək ki, 18 may Beynəlxalq Muzeylər Günü Beynəlxalq Muzeylər Şurasının (ICOM) təşəbbüsü ilə 1977-ci ildə xalqlar arasında mədəni mübadilə və əməkdaşlığın inkişafına kömək məqsədilə təsis olunub. Bu il Beynəlxalq Muzeylər Gününün devizi "Muzeylərin gələcəyi: dirçəliş və yeni baxış"dır.

Eləcə də oxuyun:

* Mərhum kraliçanın alt paltarı hərraca çıxarılacaq

* Londonda azərbaycanlı rəssamın sərgisi açılıb

 

10
Teqlər:
onlayn, tədbir, Xalça Muzeyi
Liberal Demokrat Partiyasının lideri Vladimir Jirinovski

Jirinovski: "Onların üzünə tüpürüb, daşa basacaqlar"

0
Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz!

BAKI, 18 may — Sputnik. Rusiya liberal-demokrat partiyasının (RLDP) sədri rəhbərlik etdiyi təşkilatın "siyasi səhnədə bakirə" olduğunu bəyan edib. Sputnik Azərbaycan Rusiya mediasına istinadən xəbər verir ki, partiya sədri RLDP-nin hələ heç bir partiya ilə siyasi ittifaqa girmədiyini dilə gətirib.

""Yedinaya Rossiya" vətəndaşların qarşısına nə ilə çıxacaq? Onlardan soruşacaqlar: niyə siz heç bir şey etməmisiniz? Axı 20 ildir ki, hökumət partiyasısınız. Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz! Onların heç birinin təklif edəcəyi bir şey yoxdur. Seçicilər onların hamısına yalançı və fırıldaqçı kimi nifrət edirlər", - partiya lideri qeyd edib.

Jirinovski bildirib ki, RLDP isə təmizdir: "Əgər məişət dilində müqayisə aparsaq, RLDP siyasi səhnədə bakirədir. Biz heç kimlə nikaha, siyasi ittifaqa daxil olmamışıq. Bunların hamısı isə elə qurcuxurlar", - deyə Jirinovski bildirib.

Eləcə də oxuyun: 

* Jirinovski Rusiya prezidenti vəzifəsinin adının dəyişdirilməsini təklif edir

* Jirinovskidən xaricdə yaşayan ruslara RF pasportlarının verilməsini sadələşdirmək təklifi

* Köklərə məhdudiyyət qoyun, arıqlar yaşaya bilmirlər

 

0
Teqlər:
partiya, Rusiya, Vladimir Jirinovski