Həbsxana pəncərəsi

Anası yaşında qadını zorladı, indi öz anasından imdad diləyir

498
(Yenilənib 10:06 21.12.2017)
Yaşlı qadını qarət edən və zorlayan İmişli sakinləri 149-cu maddənin onlara şamil edilməsini istəmirlər

BAKI, 20 dekabr — Sputnik. Ağır cinayətlərdə günahlandırılan İmişli rayon sakinləri Xalid İbrahimov və Asim Cəfərov onların üzərindən AR Cinayət Məcəlləsinin 149-cu maddəsini (zorlama) götürməyi tələb ediblər.

Zorlama faktı
© Sputnik / Murad Orujov

Bu barədə Sputnik Azərbaycan-a İmişli rayonunun hüquq-mühafizə orqanlarından məlumat verilib.

Belə ki, dekabrın 19-da müvəqqəti saxlama təcridxanasında İbrahimov və Cəfərov özlərinə ülgüclə xəsarət yetiriblər. Polis onların özlərinə ciddi xəsarət yetirmələrinə mane olub. Əvvəllər dəfələrlə məhkum olmuş İbrahimov özünə daha ciddi xəsarət yetirib. Ona sol qolunun said hissəsinin və ön qarının kəsilmiş, daxilə nüfuz etməyən yarası diaqnozu ilə cərrahiyə tikişi qoyulub. Cəfərova isə sol qolun kəsilmiş xəsarətləri ilə tibbi yardım göstərilib.

Həkimlər onların yaralarının ciddi olmadığını qeyd ediblər. Hər iki şəxs tibbi yardım alandan sonra təcridxanaya qaytarılıb.

Məhkumlar ittiham olunduqları maddələrə etiraz əlaməti olaraq özlərinə xəsarət yetiriblər.

İmişli rayon prokurorluğu saxlanılmış şəxslərə qarşı AR Cinayət Məcəlləsinin 181-ci (quldurluq), 149-cu (zorlama) və 150-ci (seksual xarakterli zorakılıq hərəkətləri etmə) maddələri ilə cinayət işi açıb.

Onlar beş ay bundan əvvəl saxlanılıblar. İbrahimov və Cəfərov 59 yaşlı qadına öz mənzilində hücum etməkdə günahlandırılırlar. Saxlanılan şəxslər öz qurbanlarını qarət etməklə yanaşı onu bir neçə dəfə zorlayıblar.

"Qadını zorlayanda qəhrəman idilər. Bəs "döyüşçü ruhu" hara gedib? Onların üzərindən maddəni götürmək alınmayacaq. Məhkəmə-tibbi ekspertizası hadisə yerinə baxış keçirib. Zərərçəkmişin üzərindən saxlanılan şəxslərin sperma izləri tapılıb. Odur ki, boşuna cəhd edirlər. Onlar sadəcə, zorlama maddəsi ilə həbs olunanları həbsxanada nə gözlədiyini bilirlər. Bunu əvvəllər dəfələrlə həbsə düşmüş İbrahimov xüsusilə bilir. Yeri gəlmişkən, cinayətin təşkilatçısı o olub. Məhz o, gənc ortağını zorlamaya cəlb edib" – deyə hüquq-mühafizə orqanlarındakı mənbə bildirib.

Cəfərov dekabrın 19-da anası ilə görüş tələb edib. Ağlayaraq yalvarıb ki, onu həbsdən qurtarsınlar, yoxsa orada onu zorlayacaqlar.

Ötən gün İmişli rayon Prokurorluğunda istintaq başa çatıb. Cinayət işi məhkəməyə göndərilib.

Qeyd edək ki, adıçəkilən şəxslər kimsəsiz, yaşlı qadının evinə daxil olaraq onu zorlamaqda və evdən oğurluq etməkdə təqsirləndirilirlər. İyulun 28-də İmişli şəhəri, Şıxlinski küçəsindəki evdə tək yaşayan, ailə həyatı qurmayan yaşlı qadının evinə daxil olan 3 nəfər maskalı şəxs qadının əl-qolunu bağlayaraq onu zorlayıblar.

Evə daxil olan şəxslər mənzildən 1000 manat pul və qızılı-zinət əşyaları oğurlayaraq qaçıblar. Hadisə ilə bağlı cinayət işi açılıb. Bir qədər əvvəl həyata keçirilən əməliyyat-axtarış tədbirləri nəticəsində İmişli rayon sakinləri — 1990-cı il təvəllüdlü İbrahimov Xalid Mehdi oğlu, 1992-ci il təvəllüdlü Cəfərov Asim Şakir oğlu və 1980-ci il təvəllüdlü Fərzəliyev Eyvaz Nadir oğlu polis tərəfindən saxlanılıb.

Keçirilmiş məhkəmə tibbi ekspertizanın nəticələrinə əsasən, yaşlı qadının həmin şəxslər tərəfindən zorlandığı təsdiqini tapıb. Saxlanılan şəxslər ilkin ifadələrində qadını zorladıqlarını etiraf ediblər.

498
Teqlər:
imdad, zorlama, qarət, İmişli rayonu, Cinayət Məcəlləsi, qadın
Əlaqədar
Ər-arvad-sevgili cinayətinin təfərrüatı üzə çıxdı
Azərbaycanlı aktyor ağır cinayət törədib
Narkotikə görə ələ keçdi, başqa cinayəti də üzə çıxdı
Ağır cinayətin üstü isti izlərlə açıldı
Salyandakı dəhşətli cinayətlə bağlı yeni məqam: başdaşına...
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

4
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

4
Teqlər:
psixoloji yardım, sosial, reabilitasiya, əziyyət, müharibə, uşaqlar
Tərəvəz piştaxtası, arxiv şəkli

COVID-19 xəstələrini tez sağalda bilən qidalar

27
(Yenilənib 22:58 27.11.2020)
Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaları qəbulunu ehtiva edir

BAKI, 27 noyabr — Sputnik. Britaniya alimləri COVID-19-un müalicəsini sürətləndirən məhsulları müəyyən ediblər. Sputnik Azərbaycan xarici mətbuata istinadla xəbər verir ki, qidaların immuniteti gücləndirməsini öyrənən araşdırmaçı Emma Derbşir və Con Delanj qida və qida əlavələrini təhlil ediblər. Araşdırmanın məqsədi COVID-19-dan sonra immuniteti bərpa edən və immuntetə yardım edən qidaları müəyyən etmək olub.

Müəlliflər tibbi qidalanmanın 65 yaşdan yuxarı insanların immunitet sisteminə təsirinə xüsusi diqqət yetiriblər.

İmmunitet sisteminin dörd komponenti var: T-limfositlər, B hüceyrələri, komplement sistemi və faqositlər. Belə ki, bu komponentlər daxil olan virus və bakteriyalara qarşı bir maneə rolunu oynayaraq vücudu infeksiyadan qoruyur.

İmmunitet anadangəlmə və adaptiv olur.

Ancaq hər iki immunitet funksiyası yaşla azalır. "İmmunitet yaşlanması"nın səbəblərindən biri də qida çatışmazlığıdır. Yaşlı insanlar bunu xüsusi immunitet qidası ilə doldurmalıdırlar. Bu, müəlliflərə görə, COVID-19 kimi ağır infeksiyalardan sonra reabilitasiya dövründə xüsusilə vacibdir.

"Zəif pəhriz, protein-enerji çatışmazlığı, vitaminlər və minerallar kimi mikroelement çatışmazlıqları suboptimal immunitet funksiyasına kömək etdiyinə dair kifayət qədər dəlil var. Bəzi pəhriz komponentləri - meyvələr, vitaminlər, antioksidantlar, minerallar və probiotiklər müqaviməti artırmağa kömək edir, tənəffüs viruslarına və xəstəliklərinə qarşı müqavimətdə əhəmiyyətli bir rol oynayır", - deyə tədqiqat müəllifləri yazırlar.

Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaların qəbulunu ehtiva edir.

C vitamini, tənəffüs sistemi epitelisinin baryer funksiyasını gücləndirir, bu da patogenlərin inkişafını məhdudlaşdırır və alt tənəffüs yollarına enmələrinə maneə törədir.

Tədqiqatçıların fikrincə, bu, sətəlcəmin qarşısını alır. D vitamini güclü bir immunitet tənzimləyicisidir. Bəzi immun hüceyrələrin - B və T limfositlərin, makrofaqların və monositlərin səthində D vitamini reseptorları var, buna görə də bütün tənəffüs xəstəliklərində qoruyucu rol oynayır.

Müəlliflər C vitamini ilə zəngin brokkoli, qara qarağat, zənginləşdirilmiş səhər yeməyi və portağal; sink baxımından zəngin konservləşdirilmiş xərçəng, konservləşdirilmiş lobya və qaynadılmış yumurta və gündə 50 mikroqrama qədər D vitamini əlavələri qəbul etməyi məsləhət görürlər.

Tədqiqatın nəticələri göstərir ki, belə bir pəhriz saxlamaq reabilitasiya müddətini qısaldır və COVID-19-dan sağalmanı sürətləndirir.

27
Teqlər:
immunitet, vitamin, xəstəlik, xəstə, qida, Koronavirus, epidemiya, COVID-19
Mövzu:
Dünyanı cənginə almış bəla