Yolka Xeyirxahlıq Ağacı xeyriyyə aksiyası

"Şaxta babalar" o məsumların çağırışına cavab verdilər, siz qoşulun...

94
(Yenilənib 09:58 21.12.2017)
Onkoloji Mərkəzdə müalicə alan uşaqlar öz Yeni İl arzularını açıqcalara yazıblar, Sputnik Azərbaycan onları yolkadan asıb, xeyirxah insanlar isə onları çox intizarda qoymayıb

BAKI, 20 dekabr — Sputnik. Sputnik Azərbaycan informasiya agentliyi və radiosunun həyata keçirdiyi #YolkaXeyirxahlıqAğacı xeyriyyə aksiyası sürətlə hədəfinə çatmaqdadır.

Artıq Milli Onkologiya Mərkəzinin Uşaq Klinikasında müalicə alan uşaqların Yeni İl arzularının böyük bir hissəsi həyata keçib. Digər hədiyyələr isə Sputnik Azərbaycan-ın redaksiyasına daxil olmaqdadır.

Sözügedən layihədə Onkologiya Mərkəzinin pasienti olan 18 yaşadək 49 uşaq iştirak edib.

Onlar öz Yeni İl arzularını Sputnik Azərbaycan-ın hazırladığı xüsusi açıqcalara yazaraq "Şaxta Baba"ya göndəriblər. Həmin açıqcalar Sputnik Azərbaycan-ın "Əli və Nino" kitab dükanı (Park Bulvar TM, birinci mərtəbə) və “Bon Appetit” şirniyyat mağazasında (Bülbül prospekti, 36/38, "Nizami" Kino Mərkəzinin yanı) qurduğu Yeni İl yolkasını bəzəyib.

Baxmayaraq ki, sözügedən aksiyaya cəmi bir neçə gün əvvəl — dekabrın 15-də start verilib, artıq o, "Əli və Nino —2" mağazasında uğurla yekunlaşıb. Belə fantastik nəticə Azərbaycanın turizm xidmətləri göstərən “Rantur T.A.” şirkəti sayəsində əldə edilib. Balaca pasientlərin arzularının böyük bir hissəsini həmin şirkət yerinə yetirib.

Beləliklə, dekabrın 20-dək 49 açıqca-mesajdan sadəcə 11-i imzalanmamış qalıb.

Aşağıda uşaqların artıq yerinə yetmiş arzularını təqdim edirik. Açıqca şəklinin üzərinə basmaqla siz özəl Şaxta Babanın adını biləcəksiz.

Xeyriyyə aksiyası davam edir. İstənilən arzu edən şəxs Bon Appetit şirniyyat mağazasına (Bülbül prospekti, 36/38, "Nizami" Kino Mərkəzinin yanı) gedərək yolkadakı açıqcanı götürə və uşaqların arzusunu yerinə yetirə bilər.

94
Teqlər:
Milli Onkologiya Mərkəzinin Uşaq Klinikası, xeyriyyə aksiyası, YolkaXeyirxahlıqAğacı, açıqca, oyuncaq, Şaxta Baba
Əlaqədar
Şaxta Baba və Qar Qızsız qalacaq Bakı yolkaları...
O məşhur şəxs evinizə Şaxta Baba kimi gələcək
Bakı Metropoliteni: Bura işə düzəlmək üçün Şaxta Babaya müraciət edin...
Şaxta Babadan inanılmaz riyakarlıq - min illik yalan faş oldu
Xəbərdarlıq gəldi: "Uşaqlarınızı şaxta babalardan uzaq tutun!"
 Müslüm Maqomayev, arxiv şəkli

Ukraynada Maqomayevin xatirəsinə həsr edilmiş III Beynəlxalq vokal müsabiqəsi keçiriləcək

1
(Yenilənib 19:33 30.11.2020)
Müsabiqə iştirakçıları iki seçim turunda Müslüm Maqomayevin akademik (opera) və estrada repertuarına daxil olan mahnılar ifa edəcəklər

BAKI, 30 noyabr — Sputnik. Dekabrın 1-dən 4-dək Ukraynanın kurort paytaxtı sayılan Truskavetsdə Vokalçıların Müslüm Maqomayevin xatirəsinə həsr edilmiş III Beynəlxalq müsabiqəsi keçiriləcək.

 Maqomayev bioqrafik serialından səhnə
© Photo : Первый канал/ Mediaslovo / АМЕДИА/ 2020

Sputnik Azərbaycan xəbər verir ki, bu unikal müsabiqədə həm opera, həm də estrada musiqisini eyni dərəcədə uğurla ifa edən vokalçılar aşkar ediləcək, onlar Ukraynanın və dünyanın musiqi ictimaiyyətinə təqdim olunacaqlar. Müsabiqə iştirakçıları iki seçim turunda Müslüm Maqomayevin akademik (opera) və estrada repertuarına daxil olan mahnılar ifa edəcəklər. Onun repertuarına daxil olan "Mən göyə baxıram" adlı Ukrayna xalq mahnısı müsabiqədə hökmən ifa edilməlidir.

Müsabiqəyə 16-40 yaşlarında, musiqi üzrə ixtisas təhsili almış peşəkar müğənnilərlə bərabər, musiqi təmayüllü ali məktəblərin və kolleclərin tələbələri də qoşula bilərlər.

İştirakçılar ilkin mərhələdə qiyabi seçimdən keçiblər. Bu mərhələdə ən çox bal toplayanlar final seçiminə dəvət olunublar.

Vokalçıların Müslüm Maqomayevin xatirəsinə həsr edilmiş Beynəlxalq Müsabiqənin mövcud olduğu illərdə bu yarışda Ukrayna, Moldova, Niderland, ABŞ, Özbəkistan, Litva və Qazaxıstandan olan vokalçılar iştirak ediblər.

Bu il iştirakçıların peşəkar səviyyəsi çox yüksəkdir: xaricdə kontrakt üzrə işləyən gənc opera müğənniləri koronavirus karantini səbəbindən Ukraynaya qayıdıblar və onlar da bu müsabiqədə iştirak edəcəklər. On beş nəfər finalçı arasında "Ölkənin səsi" teleşousunun iştirakçıları və populyar aktyorlar da var.

Epidemiyaya qarşı mübarizə tələblərinə uyğun olaraq, müsabiqə qarışıq formatda keçiriləcək: ifaçılar, münsiflər heyətinin üzvləri və prodüserlər seçim turlarında canlı iştirak edəcəklər, tamaşaçılar isə müsabiqəyə onlayn rejimdə qoşula biləcəklər. Seçim turları və qala-konsert müsabiqənin rəsmi internet səhifəsində nümayiş etdiriləcək. Efirin texniki təminatı "Truskavets-onlayn" saytına həvalə edilib.

Müsabiqənin təşkilatçıları Müslüm Maqomayev adına Azərbaycan Mədəniyyət Mərkəzi və Truskavets Şəhər Şurasıdır. Tədbir Azərbaycanın Ukraynadakı səfirliyinin, Azərbaycan Respublikasının Diasporla İş üzrə Dövlət Komitəsinin dəstəyi ilə keçirilir. AzərTac bu müsabiqənin media-tərəfdaşıdır.

1
Teqlər:
Ukrayna, vokal, müsabiqə, Müslüm Maqomayev
Снежные каникулы в солнечном Азербайджане

Şahdağ Turizm Kompleksi bu mövsüm işləyəcək? - Rəsmi açıqlama

9
(Yenilənib 19:51 30.11.2020)
Hər il saysız-hesabsız turisti özünə cəlb edən Şahdağ Turizm Kompleksi ilə bağlı istirahət həvəskarlarını düşündürən suala cavab verildi.

Zülfiyyə Quluyeva, Sputnik Azərbaycan

BAKI, 30 noyabr — Sputnik. Şahdağ Turizm Kompleksi qış mövsümü fəaliyyət göstərəcək. Bu barədə Sputnik Azərbaycan-a Şahdağ Turizm Mərkəzindən məlumat verilib. Mərkəzdən sorğumuza cavabda bildirilib ki, kompleks qış mövsümündə fəaliyyət  göstərəcək. Ancaq Şahdağ Turizm Mərkəzində hansı növ xidmətlərin göstəriləcəyi barədə ictimaiyyətə əlavə məlumat veriləcək.

Qeyd edək ki, Şahdağ Turizm Mərkəzi Qusar rayonu ərazisində fəaliyyət göstərir. Bu kompleksdə qış turizminə maraq böyükdür. Hər mövsüm xeyli sayda turist Şahdağ Turizm Kompleksinə axışır.

2019-cu ilin dekabr ayının 31-dən 2020-ci ilin yanvar ayının 3-dək turizm mərkəzi 17 mindən çox qonaq qarşılayıb. 2020-ci ildə Yeni il bayram tətili ilə əlaqədar “Şahdağ” Turizm Mərkəzinə gündə təxminən 4300 turist gəlib.

9
Teqlər:
Şahdağ Qış-Yay Turizm Kompleksi, turizm