BAKI, 20 dekabr — Sputnik. Fövqəladə Hallar Nazirliyi bayram öncəsi əhaliyə mürciət edib.
Sputnik Azərbaycan xəbər verir ki, nazirlik yeni il bayramında əhalini təhülkəsizliyə riayət etməyə çağırıb: "Yeni il bayramında yanğın təhlükəsizliyinə riayət edin. Bunun üçün küknar ağacı yerə möhkəm bərkidilməli, ağacların budaqları tavana toxunmamalı, işıqlandırmada yaxşı vəziyyətdə olan və standarta uyğun elektrik qurğu və cihazlardan istifadə edilməlidir. Ağac tez alışan oyuncaqlarla bəzədilməməli, qapalı məkanda atəşfəşanlıq edilməməlidir. Unutmayın, qaydalara riayət etməmək həyatınız üçün təhlükədir. Təhlükə zamanı 112-yə zəng edin".