Bakı şəhəri Qurban Abbasov küçəsində sökülən evlər

Paytaxt sakininin qorxduğu oldu: evi başına uçuruldu - VİDEO

261
(Yenilənib 01:20 17.12.2017)
Qışqırmaması üçün Karina Əliyevanın əlini və ağzını belə bağlayıblar

BAKI, 15 dekabr — Sputnik. Bu gün Bakı şəhəri Səbail rayonu, Qurban Abbasov küçəsi 42 ünvanının sakinləri evlərinin yerində söküntü və tikinti işləri aparan "Dönüş" MMC-dən və Səbail rayon İcra Hakimiyyətindən narazılıqlarını dilə gətirmək üçün etiraz aksiyası keçirmişdilər. Ərazidə yaşayan Karina Əliyeva adlı sakin evinin söküləcəyindən narahat olduğunu dilə gətirərək bildirmişdi ki, evinin başına uçurulacağı qorxusu ilə yaşayır.

Müsahibimiz deyirdi ki, özünü “Dönüş” MMC-nin rəhbəri kimi təqdim edən Əli Həsənov sakinlərin heç bir istəyini nəzərə almır, onlara “burada rəhbər mənəm, torpaq mənimdir” deyir.

Bir neçə saat əvvəl Karina Əliyeva evdə ola-ola evi başına uçurulub. Bu barədə Sputnik Azərbaycan-a K.Əliyevanın qonşuları məlumat verib: “Əvvəlcə traktorla vurub evin qapısını, damını dağıtdılar. Karina xanımın əşyaları hələ evdə idi. Sonra da yük taksisi çağırıb əşyalarını daşıdılar. Ərazidə şirkətin nümayəndələri və polislər var. Bizi yaxın getməyə qoymurlar. Dərdimizi hər zaman polisə deyirdik, indi kimə deyək, bilmirik”. Sakinlərdən biri bildirib ki, MMC nümayəndələri qışqırmaması üçün Karina Əliyevanın əlini və ağzını belə bağlayıblar.

Sakinlər K.Əliyevanın evindən əşyaların fəhlələr tərəfindən daşınmasını əks etdirən videoya çəkiblər.

261
Teqlər:
Karina Əliyeva, "Dönüş" MMC, Səbail Rayon İcra Hakimiyyəti, söküntü, polis, ev
Əlaqədar
“AMAY Abdulla”nın bitməyən tikinti qalmaqalı və ya milyonlar necə mənimsənilib
Tikinti şirkətləri barəsində cinayət işi qaldırılıb
Tikinti qalmaqalında qəribə dönüş: 14 mərtəbəli yaşayış binası yerinə 3 mərtəbəli bağça
Dələduzluq etmiş tikinti biznesmeni cəzadan kənarda qalmaq istəyir
Ölkədə tikinti qaydalarına dəyişiklik təsdiqlənib
Azərpoçtun binası, arxiv şəkli

"Azərpoçt"a yeni baş direktor təyin olundu

5
Nazir Rəşad Nəbiyevin əmri ilə, bir müddət öncə "Azərpoçt" MMC-nin Baş direktoru Emin Ramiq oğlu Əfəndiyev tutduğu vəzifədən azad olunub.

BAKI, 2 mart — Sputnik. Nəqliyyat, Rabitə və Yüksək Texnologiyalar Nazirliyinə məxsus "Azərpoçt" MMC-yə yeni baş direktor təyin edilib. Sputnik Azərbaycan-ın məlumatına görə, xəbər verir ki, nazir Rəşad Nəbiyevin əmri ilə, bu vəzifəyə Əfqan Cəlilov təyinat alıb. Qeyd edək ki, o, bu vaxta qədər baş direktorun müavini vəzifəsində çalışıb.

Xatırladaq ki, Rəşad Nəbiyevin əmri ilə, bir müddət öncə "Azərpoçt" MMC-nin Baş direktoru Emin Ramiq oğlu Əfəndiyev tutduğu vəzifədən azad olunub.

5
Azərbaycanda koronavirus infeksiyasına qarşı vaksinasiya

"Qocalar Evi"nin peyvəndlənən sakinlərinin sayı açıqlandı

4
(Yenilənib 17:12 02.03.2021)
"Hələlik 60 nəfər vaksinasiya olunmayıb. Yaşlılar arasında bəziləri vaksinasiyadan imtina ediblər" - Murad Həşimov.

Nigar İsgəndərova, Sputnik Azərbaycan

BAKI, 2 mart — Sputnik. Sosial Xidmətlər Agentliyinin “Qocalar evi” kimi tanınan Ahıl Şəxslər üçün Sosial Xidmət Müəssisəsinin habelə Həssas əhali qruplarından olan şəxslər üçün Sığınacaq və Sosial Reabilitasiya Müəssisəsinin sakinlərinin COVID-19 infeksiyasına qarşı vaksinasiyası işləri aparılır. Bu barədə agentliyin mətbuat katibi Murad Həşimov Sputnik Azərbaycan-a açıqlamasında deyib. O bildirib ki, hazırda ahıllar evində yaşayan sakinlərin sayı 195-dir ki, hələlik onlardan 37 nəfəri peyvənd olunub. Yataq xəstəsi olan 98 nəfərə isə müəssisənin özündə peyvənd vurulacaq".

"Hələlik ki, 60 nəfər vaksinasiya olunmayıb. Yaşlılar arasında bəziləri vaksinasiyadan imtina ediblər".

Qeyd edək ki, peyvəndləmə işləri sakinlərin sağlamlıq və fiziki vəziyyətlərindən asılı olaraq iki istiqamətdə aparılır: müəssisəni tərk etmək imkanı olan şəxslər tibb müəssisələrinə aparılaraq peyvənd olunurlar. Digərləri üçün isə tibb işçiləri müəssisəyə dəvət edilir, sakinlərin peyvəndlənməsini yerində həyata keçirirlər.

4
Hərbçi

Qarabağda xidmət edən hərbçilərin maaşına 100 faiz əlavə edilib

3
İşğaldan azad edilmiş və hazırda infrastruktur qurulmayan ərazilərdə hərbi xidmət keçən hərbçilərin vəzifə maaşlarına isə 50 faiz həcmində müddətli əlavələr təyin olunub.

BAKI, 2 mart — Sputnik. "Post-müharibə dövrünün bir sıra təhdidlərini, xidmətin xüsusiyyətlərini, qulluq və sosial-məişət şəraitinin mürəkkəbliyini nəzərə alaraq müdafiə nazirinin müvafiq əmrinə əsasən hərbi qulluqçuların vəzifə maaşlarına müddətli əlavələr müəyyən edilib".

Bu barədə Sputnik Azərbaycan-nın sorğusuna cavab olaraq Müdafiə Nazirliyindən məlumat verilib.

"Əmrə əsasən Azərbaycan Ordusunun Ermənistanla dövlət sərhədində və Azərbaycanın Qarabağ bölgəsində Rusiya Federasiyası sülhməramlı kontingentinin yerləşdirildiyi zonaya bitişik ərazilərdə hərbi xidmət keçən hərbi qulluqçuların vəzifə maaşlarına 100 faiz həcmində müddətli əlavələr təyin edilib.

İşğaldan azad edilmiş və hazırda infrastruktur qurulmayan ərazilərdə hərbi xidmət keçən hərbçilərin vəzifə maaşlarına isə 50 faiz həcmində müddətli əlavələr təyin olunub. Qeyd edək ki, əmr cari ilin yanvar və fevral ayları üçün ödəniləcək pul təminatına da şamil edilir", - məlumatda qeyd olunub.

3