Əli qandallanmış adam, arxiv şəkli

Millət vəkili: "Belə addım atmasaydıq, məsuliyyətdən yayına bilərdilər"

408
(Yenilənib 15:41 11.12.2017)
Vüsal Hüseynov: "Yeni tətbiqetmə məhkumun yerinin müəyyən edilməsini asanlaşdıracaq"

Xalid Məmmədov, Sputnik Azərbaycan

BAKI, 11 dekabr — Sputnik. Milli Məclisin dekabrın 1-də keçirilən plenar iclasında Cəzaların İcrası Məcəlləsinin 178-ci maddəsinə (cəzadan şərti olaraq vaxtından əvvəl azad edilmiş şəxslərə nəzarət), 182-ci maddəsinə (şərti məhkum edilmiş şəxslərin məsuliyyəti) dəyişikliklər səsə qoyularaq qəbul edilib.

Sputnik Azərbaycan-ın məlumatına görə, dəyişikliyə əsasən, 178.7-ci maddədə "Otuz" sözü "On" sözü ilə əvəz edilib və "edilməyən" sözündən sonra "və ya elektron nəzarət vasitəsini gəzdirməkdən imtina edən, işlək vəziyyətdə saxlanılması üçün ona xidmət göstərməyən, elektron nəzarət vasitəsini zədələyən və ya digər üsulla yararsız vəziyyətə salan" sözləri əlavə olunub.

Mövcud maddədə deyilir ki, otuz gündən artıq müddətdə olduğu yer müəyyən edilməyən şəxs ona həvalə edilmiş vəzifələri yerinə yetirməkdən qərəzli boyun qaçırmış hesab edilir.

Təklif olunan variantda isə deyilir ki, on gündən artıq müddətdə olduğu yer müəyyən edilməyən və ya elektron nəzarət vasitəsini gəzdirməkdən imtina edən, onun işinə işlək vəziyyətdə saxlanılması üçün xidmət göstərməyən, elektron nəzarət vasitəsini zədələyən və ya digər üsulla yararsız vəziyyətə salan şəxs ona həvalə edilmiş vəzifələri yerinə yetirməkdən qərəzli boyun qaçırmış hesab edilir.

Digər dəyişiklik həmin məcəllənin 182-ci maddəsinə (şərti məhkum edilmiş şəxslərin məsuliyyəti) edilib. Dəyişikliyə əsasən, 182.5-ci maddədə "Otuz" sözü "On" sözü ilə əvəz edilib və "edilməyən" sözündən sonra "və ya elektron nəzarət vasitəsini gəzdirməkdən imtina edən, həmin vasitənin işlək vəziyyətdə saxlanılması üçün ona xidmət etməyən, elektron nəzarət vasitəsini zədələyən və ya digər üsulla yararsız vəziyyətə salan" sözləri əlavə olunub.

Həbsxana
© Sputnik / Aleksey Filippov

Mövcud mətndə deyilir ki, otuz gündən artıq müddətdə olduğu yer müəyyən edilməyən məhkum ona həvalə edilmiş vəzifələri yerinə yetirməkdən qərəzli boyun qaçırmış hesab edilir.

Təklif olunan variantda isə deyilir ki, on gündən artıq müddətdə olduğu yer müəyyən edilməyən və ya elektron nəzarət vasitəsini gəzdirməkdən imtina edən, həmin vasitənin işlək vəziyyətdə saxlanılması üçün ona xidmət etməyən, elektron nəzarət vasitəsini zədələyən və ya digər üsulla yararsız vəziyyətə salan məhkum ona həvalə edilmiş vəzifələri yerinə yetirməkdən qərəzli boyun qaçırmış hesab edilir.

Məsələ ilə bağlı Milli Məclisin Hüquq siyasəti və dövlət quruculuğu komitəsinin üzvü Vüsal Hüseynov Sputnik Azərbaycan-a açıqlamasında deyib ki, bu dəyişikliklərə Cinayət Məcəlləsinə və Cəzaların İcrası Məcəlləsinə edilən digər dəyişikliklərlə paralel baxmaq lazımdır: "Dəyişikliklərə əsasən, şərti məhkum edilmiş və cəzadan şərti olaraq vaxtından əvvəl azad edilmiş şəxslərə məhkəmənin qərarı ilə elektron nəzarət vasitələri tətbiq edilə bilər".

"Aydındır ki, həmin şəxslərə elektron nəzarət vasitələrinin tətbiqi onlar üçün elektron nəzarət vasitələrini gəzdirmək, onların işlək vəziyyətdə saxlanılması üçün ona xidmət göstərmək, elektron nəzarət vasitələrini zədələməmək və ya digər üsulla yararsız hala salmamaq kimi vəzifələr yaradır. Cəzaların İcrası Məcəlləsinin 178.7. və 182.5. maddələrinə edilən dəyişikliklər bununla bağlıdır" — deputat bildirib.

"Bundan başqa, Cəzaların İcrası Məcəlləsinin 178.7. və 182.5. maddələrinə edilən dəyişikliklərə əsasən, şərti məhkum edilmiş və cəzadan şərti olaraq vaxtından azad edilmiş şəxslərin olduğu yer bundan sonra 30 gündən artıq müddətdə deyil, 10 gündən artıq müddətdə müəyyən edilmədikdə şəxs ona həvalə edilmiş vəzifələri yerinə yetirməkdən qərəzli boyun qaçırmış hesab ediləcək" — V. Hüseynov əlavə edib.

Onun sözlərinə görə, bu dəyişiklik yeni elektron nəzarət vasitələrinin tətbiqi ilə bağlıdır: "Belə ki, elektron nəzarət vasitələrinin tətbiqi məhkumun yerinin müəyyən edilməsini və nəzarət imkanlarını asanlaşdıracaq. Qanunda əvvəl olan 30 günlük müddət əvvəlki şərtlər daxilində məqbul hesab olunsa da, elektron nəzarət vasitələri tətbiq olunmuş şəxsin yerinin 30 gün müəyyən olunmaması məsuliyyətdən yayınmaq üçün imkanlar yarada bilər. Bu baxımdan 10 günlük daha qısa müddət müəyyən edilib".

Qeyd edək ki, dəyişikliklər "Penitensiar sahədə fəaliyyətin təkmilləşdirilməsi, cəza siyasətinin humanistləşdirilməsi və cəmiyyətdən təcridetmə ilə əlaqədar olmayan alternativ cəza və prosessual məcburiyyət tədbirlərinin tətbiqinin genişləndirilməsi barədə" Azərbaycan prezidentinin 10 fevral 2017-ci il tarixli Sərəncamının icrası ilə əlaqədar təklif edilib.

408
Teqlər:
Cəzaların İcrası Məcəlləsi, Sputnik Azərbaycan, məhkum, Milli Məclis, cəza
Əlaqədar
Azərbaycanda məhkum qadınların sayı kəskin artıb — Səbəb
İsmayılov: “Məhkumluqdan sonra insanların reabilitasiya olunmasında problemlər var”
Rusiyadakı azərbaycanlı məhkumların sayı açıqlandı
Məhkumlarla görüş saatları artırılıb
Narkotik becərən keçmiş məhkum həbs edilib
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

82
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

82
Tibb işçisi Dövlət Gömrük Komitəsinin hospitalında, arxiv şəkli

Azərbaycanda koronavirusla bağlı son statistika açıqlanıb

4
(Yenilənib 23:53 05.08.2020)
Son 4 gün ərzində aktiv xəstələrin sayı 5 229-dan düşərək, hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

BAKI, 5 avqust – Sputnik. Avqustun 5-də Azərbaycanda koronavirusa yeni yoluxma hallarının müəyyənləşdirilməsi ilə əlaqədar 7 883 test aparılıb. Ötən müddət ərzində aparılan testlərin sayı 759 229-a çatıb.

Bu barədə Sputnik Azərbaycan-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

Avqustun 1-də isə aktiv xəstə sayı 5 229-a bərabər idi.

Xəstələrdən 255 nəfəri reanimasiyadadır ki, onlardan da 51-i süni tənəffüs cihazına qoşulub.

Xatırladaq ki, avqustun 5-də Azərbaycanda koronavirus infeksiyasına daha 193 yoluxma faktı qeydə alınıb, 492 nəfər müalicə olunaraq sağalıb və evə buraxılıb.

COVID-19 üçün götürülən analiz nümunələri müsbət çıxmış üç nəfər vəfat edib.

4
Mövzu:
Azərbaycanda koronavirus: son xəbərlər