Kifayət Hüseynova

"Ali təhsil heç həmişə həyatda özümüzü tapmağa kömək etmir"

396
(Yenilənib 22:56 02.12.2017)
Gənc qız kişi peşəsi seçsə də, əmindir ki, öz işini heç də əks cinsin nümayəndələrindən pis bacarmır

Səbinə Əsədova, Sputnik Azərbaycan

BAKI, 1 dekabr — Sputnik. Sputnik Azərbaycan ənənəvi olaraq kişi peşəsi hesab edilən peşələrlə məşğul olan qadınlardan bəhs edən "Qadın işi deyil" rubrikasını davam etdirir.

Azərbaycan qadınları öz məharətləri ilə hər kəsi heyrətləndirməyə qadirdirlər. Və elə bir peşə yoxdur ki, qadınlarımız onun öhdəsindən gələ bilməsin.

Misal üçün, qaynaqçılıq. Ola bilsin, ilk baxışdan bu, sizə təəccüblü görünəcək. Kişi obrazına daha çox uyğun gələn bu peşəni qadın zərifliyinə heç cür yaraşdıra bilməyəcəksiz. Amma yanıldığınızı anlamaq üçün bizim qəhrəmanla yaxından tanış olmanız lazımdır.

Bu, Kifayət Hüseynovadır. Baxmayaraq ki, bir çoxları onun seçimini anlayışla qarşılamır, amma o, özü öz işindən razıdır. Kifayət qaynaqçı olmaq qərarına birdən-birə gəlməyib. Uşaqlıqdan o, qaynaqçı işləyən dayısını müşahidə edirmiş. Tədricən özündə bu işə bir bağlılıq hiss etməyə başlayıb. Odur ki, IX sinfi bitirəndən sonra o, AR Təhsil Nazirliyi və ASAN xidmətin birgə həyata keçirdiyi ASAN peşə layihəsi barədə eşidən kimi, dərhal sənədlərini toplayıb ora verib. 

Evdə qızlarının bu seçiminə birmənalı yanaşmayıblar. Amma onu anlayışla qarşılayıblar və icazə veriblər.

Bu həyatda hər şey işıq və qaranlıqdan, başqa sözlə, müsbət və mənfidən ibarətdir. Peşə seçimi edərkən yaxşı düşünmək, bütün nüansları götür-qoy etmək lazımdır ki, sonra peşman olmayasan.

Odur ki, Kifayət dayısının yolu ilə getmək və öz işinin gözəl ustası olmaq qərarına gəlib. Bu yaxşıdır, amma o, qadın deyil, məhz kişi işi olan bu peşənin öhdəsindən hər zaman necə lazımdırsa, eləcə də gələ bilirmi? Bu işdə heç də hər şey həmişə rəvan və yaxşı getmir, üstəlik qazanc da azdır.

Amma qəti əminik ki, Kifayətin döyüşkən ruhu ona hər şeyi təbəssümlə və müəyyən qədər müsbət qəbul etməyə yardım göstərir. O, hesab edir ki, həmişə özünə iş tapa bilir. Ona görə yox ki, qızdır deyə ona güzəştə gedirlər, ona görə ki, Kifayət öz işinin ustasıdır, güclü cinsdən olan həmkarlarından heç nə ilə geri qalmır. Kifayət hesab edir ki, gələcəkdə bir kişi sənəti hesab olunan qaynaq işinə qadınların marağı heç də kişilərin marağından az olmayacaq.

Onun bütün həmyaşıdları ali məktəblərə daxil olmağa hazırlaşırlar. Amma Kifayət əmindir ki, ali təhsil heç də həmişə bizə həyatda özümüzü tapmağa kömək etmir. Kim bilir, bəlkə sabah bu uşaqlardan hansısa ondan işə götürülməyi xahiş edəcək?! 

"Bu gün praktiki olaraq hamı ali təhsil almağa çalışır, amma mən istəmirəm" — deyir Kifayət.

Qız fikirləşir ki, elə ən yaxşısı öz sənəti ilə məşğul olmasıdır. Kifayətin fikrincə, bu sənət ona gələcəkdə öz şəxsi işini qurmağa kömək edəcək. Vacib deyil sən kimsən və nə işlə məşğulsan, əsas odur ki, insan öz işini sevərək görsün. Fikirlər maddidir.

"Ona görə də mən həmişə ancaq yaxşı şeylər barədə düşünürəm. Əminəm ki, mənim gələcəkdə çox yaxşı işim olacaq və heç də başqalarından az qazanmayacam" — o, deyir.

Əfsanəvi Stiv Cobs demişkən, başqalarının sizin haqqınızda nə danışması önəmli deyil. Bütün bunları təbəssümlə qarşılayın və öz işinizi görməyə davam edin.

396
Teqlər:
Asan Xidmət, Kifayət Hüseynova, Azərbaycan
Əlaqədar
Kişi sənəti ilə məşğul olan qadın: "Bu bıçaqla..."
Xüsusi təyinatlı gözəldən Zakir Həsənova böyük jest
Nə qədər yalançı kübar qadınları oynamaq olar?!
"Razboy"a görə 7 il həbs alan qadın: "Ailəmdən xəbərim yoxdur"

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

16
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

16
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

7
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

7