Vəndam qəsəbəsi ərazisində meyvə-tərəvəz bazarı

Yolkənarı ticarət: əgər iki gün ərzində qapağı şişmədisə...

316
(Yenilənib 09:41 29.11.2017)
Satılan tərəvəz və şorabaların keyfiyyəti isə satıcıların öz vicdanına qalıb

İlham Əhmədov, Sputnik Azərbaycan

BAKI, 29 noyabr — Sputnik. Azərbaycanın hər bölgəsinin özünəməxsus tərəvəz və meyvə növləri mövcuddur. Şimal-qərb bölgəsi də bundan xali deyil. İqlim şəraitinə uyğun olaraq burada elə tərəvəzlər becərilir ki, həmin tərəvəzlər olmadan süfrəyə yemək qoyulmur. Bölgə sakinləri isə iyun-iyul aylarını mövsümü meyvə-tərəvəzdən qış aylarına hazırlıq görməyə həsr edirlər.

Sputnik Azərbaycan-ın bölgə müxbiri xəbər verir ki, tərəvəzlər əsasən Qəbələnin Vəndam, Nohurqışlaq, Çuxur Qəbələ və Nic kəndlərində becərilir. İyun-iyul aylarından etibarən, becərilən tərəvəz qış aylarına hazırlıq məqsədi ilə tutularaq konserv halına salınır və qış aylarında süfrənin bəzəyinə çevrilir. Satıcı Telli bibi deyir ki, bəzən gün ərzində iki yüz balon şoraba, kompot və digər məhsulları konservləşdirir.

Yəqin çoxları Vəndam qəsəbəsi ərazisindən keçəndə "Vedrə bazarı" adı ilə tanınan, müxtəlif meyvə və tərəvəz məhsullarının satıldığı piştaxtalara diqqət yetirib. Burada istənilən meyvə və tərəvəzin konserv halına salınmış formasını görmək, almaq mümkündür.

  • Vəndam qəsəbəsi ərazisində meyvə-tərəvəz bazarı
    Vəndam qəsəbəsi ərazisində meyvə-tərəvəz bazarı
    © Sputnik / Ilham Ahmadov
  • Vəndam qəsəbəsi ərazisində meyvə-tərəvəz bazarı
    Vəndam qəsəbəsi ərazisində meyvə-tərəvəz bazarı
    © Sputnik / Ilham Ahmadov
  • Vəndam qəsəbəsi ərazisində meyvə-tərəvəz bazarı
    Vəndam qəsəbəsi ərazisində meyvə-tərəvəz bazarı
    © Sputnik / Ilham Ahmadov
  • Vəndam qəsəbəsi ərazisində meyvə-tərəvəz bazarı
    Vəndam qəsəbəsi ərazisində meyvə-tərəvəz bazarı
    © Sputnik / Ilham Ahmadov
  • Vəndam qəsəbəsi ərazisində meyvə-tərəvəz bazarı
    Vəndam qəsəbəsi ərazisində meyvə-tərəvəz bazarı
    © Sputnik / Ilham Ahmadov
  • Vəndam qəsəbəsi ərazisində meyvə-tərəvəz bazarı
    Vəndam qəsəbəsi ərazisində meyvə-tərəvəz bazarı
    © Sputnik / Ilham Ahmadov
  • Vəndam qəsəbəsi ərazisində meyvə-tərəvəz bazarı
    Vəndam qəsəbəsi ərazisində meyvə-tərəvəz bazarı
    © Sputnik / Ilham Ahmadov
1 / 7
© Sputnik / Ilham Ahmadov
Vəndam qəsəbəsi ərazisində meyvə-tərəvəz bazarı

Yolkənarı "banka bazarlarının" olması həm yerli və xarici turistlərin diqqətini çəkir, həm də gecəsini gündüzünə qatıb çalışan insanların dolanışıq mənbəyinə çevrilib. Satışlara gəldikdə, hərənin öz müştərisi var. Elə əsas alveri də xüsusi müştərilər edirlər.

Satılan tərəvəz və şorabaların keyfiyyəti isə satıcıların öz vicdanına qalıb. Heç bir zəmanət və keyfiyyət sertifikatının olmadığı bu məhsullardan istifadə etmək kimilər üçünsə adi olsa da, bəziləri buna son dərəcə ehtiyatla yanaşırlar.

Ekspertlər bu yolla hazırlanmış məhsulların istifadəsinin təhlükəli olduğunu vurğulayır və zəhərlənmə riskinin olduqca yüksək olduğunu bildirirlər. Əslində, məhsulu hazırlayanlar da, satanlar da müvafiq quruma müraciət etməli, qeydiyyata durmalı və bu tip məhsulların istehsalı üçün sertifikat almalıdırlar.

Satıcıların sözlərinə görə, əgər hazırlanmış məhsulun qapağı üç gün müddətində şişmədisə, iki il müddətinə ondan qorxmadan istifadə etmək olar. Həm də hazırlanan məhsullar sirkə ilə hazırlandığından, zəhərlənmə riski minimuma enir.

Biz "Vedrə bazarı"nda olan zaman alver edən Bakı sakini ilə qarşılaşdıq. Bazara xanımı ilə gələn müştəri Sputnik Azərbaycan-a deyir ki, yol kənarından alınan məhsuldan zəhərlənmə, hətta ölüm halının olması barədə dəfələrlə eşidiblər.

Lakin Qəbələ bazarından müxtəlif şoraba və digər məhsullardan alıblar və heç bir neqativ halla qarşılaşmayıblar. Onun sözlərinə görə, burada əsas məsuliyyət məhsulu hazırlayan insanın üzərinə düşür və onlar güman edirlər ki, məhsullar gigiyenik qaydalara əməl olunaraq hazırlanır.

Görünən odur ki, hələlik nə alıcılar, nə də satıcılar risklə üzləşəyib. Biz sözlə, alan razı, satan razı. Lakin bunlara baxmayaraq, aidiyyatı qurumlar məhsulların hazırlanması və satışını nəzarətə götürsə, heç kim həmin məhsulları almaqdan çəkinməz.

316
Teqlər:
banka bazarı, Vəndam kəndi, alan, satan, "Vedrə bazarı", satıcı, tərəvəz, Qəbələ, meyvə, alıcı, bölgə, Azərbaycan, məhsul
Əlaqədar
Azərbaycanda neft erasının yeni mərhələsi və dünya neft bazarındakı vəziyyət
Qurbanlıq bazarından reportaj: nəzarətçi yoxdur, həkim xəstələnib, qiymətlər...
Məktəb bazarlığında olan valideynlər üçün "yol xəritəsi": nə, harda, neçəyə...
Bazar ertəsi hava necə olacaq: qızmar isti, yoxsa..?
Чаглар Сеюнджю

Söyüncü: Türkiyə oyunçuları pley-off mərhələsinə çıxmaq üçün çüzi şansa ümid edirlər

3
(Yenilənib 20:04 19.06.2021)
Türkiyə millisi qrupda ilk iki yerdən birini tutmaq şansını itirib, lakin yenə də Avropa çümpionatının 1/8 mərhələsində oynamağa ümidi var

 

Türkiyə millisinin futbolçuları, şansları az olmasına rəğmən Avropa çümpionatının pley-off mərhələsinə çıxmağa ümid edirlər. Beə bir açıqlama ilə komandanın müdafiəçisi Çağlar Söyüncü çıxış edib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Belə bir bir vəziyyətə düşdüyümüz və azarkeşləri məyus etdiyimiz üçün çox üzülürük. Lakin qarşıda son oyun var. Əlbəttə, biz 3 xal toplamış komandaların ən yaxşısı olmaq və mübarizəni davam etdirmək istərdik. Amma bizə bu da bəs etməsə belə, heç olmasa turniri yaxşı bitirmək istərdik. Bütün komanda anlayır ki, sabah bizim sonuncu şansımızdır, hətta ehtimal az olsa belə. Hamımız məyusuq, lakin hamımız bu şansı gözləyirik", - deyə Söyüncü mətbuat konfransında deyib.

3
Şenol Günəş, arxiv şəkli

Günəş Türkiyə millisinin AVRO-2020-də uğursuz çıxışına görə üzr istəyib

3
Baş məşqçi bildirib ki, Avropa çempionatının açılış oyununda İtaliya komandasına böyük hesabla məğlubiyyət türk futbolçularına pis təsir edib.

 

Futbol üzrə Türkiyə millisinin baş məşqçisi Şenol Günəş komandasının Avropa çempionatndakı çıxışına görə üzr istəyib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Biz komanda daxilində fəlsəfəni dəyişməli, ona qalib ruhunu aşılamalıyıq. İlk iki oyunda bizdə bu qətiyyən hiss olunmurdu. Mən bizə qarşı deyilən bütün tənqidlərə hörmətlə yanaşıram, oyunçularımız da özlərindən narazıdırlar. Həyatda hər zaman istədiyiniz kimi olmur. Əminəm ki, futbolçularımız bu vəziyyətdən çıxacaq və yeni oyuna hazır olacaqlar. Biz bura yaxşılardan biri olmaq üçün gəldik, lakin bunu edə bilmədik. Sözsüz ki, biz məyusuq və bizə azarkeşlik etmiş hər bir kəsdən üzr istəyirik", – deyə Günəş mətbuat konfransında bildirib.

Xatıqladaq ki, ilk turda Türkiyə millisi İtaliya komandasına (0:3), ikinci turda isə Uels komandasına məğlub olub (0:2).

"Romadakı ilk oyunun pis təəssüratları bizə çox təsir etdi. Biz həm oyunda,həm də nəticədə özümüzə inamı itirdik. Meydanda gördüklərimiz bizi həvəsdən saldı. Uels yığması ilə oyunun birinci hissəsində də eyni şey oldu. Biz iki oyundan sonra belə bir vəziyyətə düşəcəyimizi təsəvvürümüzə də gətirməzdik. Biz Türkiyədə insanların bizə nə qədər etimad etdiyini bilirik, lakin onların gözləntilərini doğrulda bilmədik", - deyə baş məşqçi bildirib.

3
Здание Министерства иностранных дел Азербайджанской Республики в Баку

Azərbaycanın xarici siyasət idarəsi Ermənistana cavab verdi

0
Azərbaycan humanizm prinsiplərindən çıxış edərək bu günədək saxlanılan ermənilərin bir hissəsini Ermənistana təhvil verib.

BAKI, 19 iyun - Sputnik. "Ermənistan Xarici İşlər Nazirliyi 2021-ci il 18 iyun tarixli bəyanatında ölkəmizi 44 günlük müharibə zamanı Ermənistan tərəfindən Azərbaycan ərazisində qanunsuz şəkildə döyüşən, müharibə cinayətləri, terror aktları törətməkdə, muzdlu kimi döyüşməkdə təqsirləndirilən şəxsləri mühakimə etməkdə ittiham edir. Ermənistan XİN-in bəyanatında “hərbi əsirlər” və “mülki şəxslər” kimi göstərilən şəxslər hərbi əməliyyatlar zamanı və əməliyyatların dayandırılması ilə bağlı üçtərəfli Bəyanat imzalandıqdan sonra Azərbaycan ərazisində qəsdən adamöldürmə, işgəncə, terrorçuluq və digər cinayətlərin törədilməsində təqsirləndirilən şəxslərdir. Əlbəttə, Azərbaycanın həm beynəlxalq hüquq, o cümlədən 1949-cu il Cenevrə konvensiyaları, muzdluların cəlb edilməsi, istifadəsi, maliyyələşdirilməsi və təliminə qarşı beynəlxalq Konvensiya, həm də yerli qanunvericiliyə əsasən bu şəxsləri məsuliyyətə cəlb etməyə həm hüququ, həm də beynəlxalq öhdəliyi var".

Sputnik Azərbaycan xəbər verir ki, bu fikirlər Azərbaycan Xarici İşlər Nazirliyinin Mətbuat xidməti idarəsinin Ermənistan XİN-in müvafiq bəyanatına dair şərhində yer alıb.

"Hazırda Azərbaycan tərəfində saxlanılan və istintaqa cəlb olunan ermənilərə gəldikdə, Ermənistan XİN-ə xatırladırıq ki, bu şəxslərdən bir qrupu 2020-ci il 10 noyabr tarixli üçtərəfli Bəyanat imzalandıqdan sonra Azərbaycan ərazisinə daxil olan terrorçu qrupun üzvləridir və bu qrupun təxribatçı fəaliyyəti nəticəsində Azərbaycanın 4 hərbi qulluqçusu öldürülüb, bir mülki şəxs isə ağır yaralanıb. İttiham olunan erməni əsilli Livan vətəndaşı əcnəbi muzdlu qismində pul qarşılığında 44 günlük müharibə zamanı azərbaycanlı hərbçi və mülki şəxslərə qarşı döyüşlərdə iştirak edib. Digər iki erməni vətəndaşı isə hələ Birinci Qarabağ müharibəsi zamanı azərbaycanlı mülki şəxslərə və hərbçilərə işgəncə verməkdə ittiham olunan şəxslərdir.

Vurğulamaq istərdik ki, Azərbaycanda saxlanılan ermənilərin yerinin gizli saxlanılması ilə bağlı deyilən fikirlər tamamilə yalandır. Rəsmi açıqlamalarda artıq bildirildiyi kimi, Azərbaycan bu şəxslərin saxlanılma vəziyyəti ilə bağlı olan bütün tələbləri yerinə yetirib. Hətta Beynəlxalq Qırmızı Xaç Komitəsi, insan hüquqları üzrə müvəkkilin (ombudsman) saxlanılan şəxslərlə mütəmadi görüşləri təşkil edilib və bu şəxslərin səhhəti barədə tibbi sənədlər belə təqdim edilib.

Azərbaycan humanizm prinsiplərindən çıxış edərək bu günədək saxlanılan ermənilərin bir hissəsini Ermənistana təhvil verib.

Bunun qarşılığında isə Ermənistan tərəfinin addımları göz qabağındadır. Yalnız Ağdam üzrə mina xəritələrini Azərbaycana təhvil verən Ermənistan bu ölkənin yüksəksəviyyəli rəsmiləri tərəfindən açıq şəkildə etiraf edildiyi kimi, çoxsaylı mina xəritələrini gizlədir, Azərbaycana verməkdən imtina edir. Hələ Birinci Qarabağ müharibəsində itkin düşən 4 minədək azərbaycanlının taleyi barədə bu günədək heç bir məlumat verilməyib. Ərazilərimiz işğaldan azad olunduqdan sonra Kəlbəcər rayonunun Başlıbel kəndi ərazisində aşkar edilmiş kütləvi məzarlıq Ermənistan tərəfindən törədilən müharibə cinayətlərinin və Ermənistanın itkin düşmüş azərbaycanlılar barədə məlumatı gizlətdiyinin bariz sübutudur.

Ermənistan XİN-i beynəlxalq hüquq pozuntularından danışmağa başlamadan əvvəl Ermənistan Respublikasının 30 ilə yaxın müddət ərzində beynəlxalq hüquq prinsiplərini, xüsusilə də suverenlik və ərazi bütövlüyünə hörmətlə yanaşılması prinsipini tapdaladığını, bir milyonadək azərbaycanlının fundamental hüquqlarının kobud şəkildə pozduğunu göz önünə gətirməlidir"-, məlumatda qeyd olunub.

0