Ağstafa rayonu ərazisində Kür çayı üzərindən körpü

Memarı inşa etdiyi körpünün altına qoyub üstündən qatar keçiriblər Azərbaycanda

12020
(Yenilənib 14:19 28.11.2017)
Azərbaycanın ən ağır günlərinə şahid olan 120 illik yadigar

İlham Mustafa, Sputnik Azərbaycan

BAKI, 28 noyabr — Sputnik. Kür çayı Ağstafa rayonunu iki hissəyə bölür. Bir hissədə şəhər mərkəzi və əksər kəndlər, digəri hissədə isə ucsuz-bucaqsız Ceyrançöl düzü və 10-adək yaşayış məntəqəsi yerləşir.

Bu əraziləri, artıq 120 ildir ki, yalnız bir körpü birləşdirir. Qazaxdan Tovuzadək 100 km-dən artıq məsafədə yeganə olan bu körpünün bir əhəmiyyəti də Gürcüstana – Sadaxlı gömrük postuna gedən avtomobil yolunun üzərindən keçməsidir.

Tarixi mənbələrə görə, sözügedən körpü 1897-ci ildə inşa olunub. XIX əsrin 80-ci illərində Bakı-Tiflis dəmir yolu xətti çəkilərkən Kürün hər iki sahilini birləşdirmək üçün körpüyə ehtiyac duyulur. Nəticədə, biri dəmiryolu olmaqla iki körpü inşa edilir.

  • Ağstafa rayonu ərazisində Kür çayı üzərindən körpü
    Ağstafa rayonu ərazisində Kür çayı üzərindən körpü
    © Sputnik / Ilham Mustafa
  • Ağstafa rayonu ərazisində Kür çayı üzərindən körpü
    Ağstafa rayonu ərazisində Kür çayı üzərindən körpü
    © Sputnik / Ilham Mustafa
  • Ağstafa rayonu ərazisində Kür çayı üzərindən körpü
    Ağstafa rayonu ərazisində Kür çayı üzərindən körpü
    © Sputnik / Ilham Mustafa
  • Ağstafa rayonu ərazisində Kür çayı üzərindən körpü
    Ağstafa rayonu ərazisində Kür çayı üzərindən körpü
    © Sputnik / Ilham Mustafa
  • Ağstafa rayonu ərazisində Kür çayı üzərindən körpü
    Ağstafa rayonu ərazisində Kür çayı üzərindən körpü
    © Sputnik / Ilham Mustafa
  • Ağstafa rayonu ərazisində Kür çayı üzərindən körpü
    Ağstafa rayonu ərazisində Kür çayı üzərindən körpü
    © Sputnik / Ilham Mustafa
1 / 6
© Sputnik / Ilham Mustafa
Ağstafa rayonu ərazisində Kür çayı üzərindən körpü

Poylu körpüləri tikildiyi gündən bir neçə böyük siyasi prosesə, müxtəlif ordularin şərqdən qərbə, qərbdən şərqə hücumlarına şahidlik edib. Azərbaycanda 28 aprel istilasından istifadə edən gürcü qoşunları 1920-ci ildə məhz bu körpülərdən istifadə edərək torpaqlarımıza hücum edib. Bu hadisədən az sonra Qırmızı Ordu elə bu körpülərin üzərindən keçərək Gürcüstanı işğalı edib.

Poylu qəsəbə sakinləri Sovet hakimiyyəti illərində bu körpülərin Leninin adını daşımasının da sonuncu hadisə ilə bağlı olduğunu söyləyirlər. Belə ki, Qırmızı Ordunun Tiflisə yürüşünün qarşısını almaq üçün gürcü menşevikləri körpüləri dağıdırlar.

Lakin ideoloji təbliğatın təsirindən cuşa gəlmiş 1200 könüllünün dörd gün fasiləsiz işləməsi nəticəsində körpü bərpa edilir. İnşaatçılar məqsədlərinə çatdıqdan sonra körpüyə Leninin adını vermək haqqında qərar qəbul edirlər və Peterburqa teleqram göndərirlər.

Bu körpülərin digər bilinməyənləri barədə Sputnik Azərbaycan-a Poylu qəsəbə sakini Tahir İbrahimov məlumat verir. Uşaqlığını, Poylu stansiyasının canlı tarixi hesab edilən Vasya dayının söhbətlərini dinləməklə keçirdiyini deyən qəsəbə sakini maraqlı tarixçə danışır.

"Vasya dayı deyirdi ki, 20-ci illərin axırlarında dəmiryolu körpüsü tam qəzalı vəziyyətə düşür. Onu təmir etmək üçün Moskvadan bir yəhudi memar göndərirlər. Bolşeviklər, primitiv vəziyyətdə olan dəmiryolu körpüsünü az müddətə davamlı hala gətirən memara, işi təhvil almaq üçün ağır şərt qoyurlar" — İbrahimov bildirir.

"Şərtə əsasən, neft dolu sisternlər daşıyan qatar körpünün üzərindən keçərkən memar, arvadı və 3 övladı körpünün altda dayanmalı olurlar. Sınaq olduğundan, normadan bir qədər də artıq yüklənən qatarlar körpüdən keçir. Ağır sınaqdan qəzasız ötüşdükdən sonra körpü təhvil götürülür" — o, əlavə edir.

Gədəbəy rayonundakı Qanlı körpü
© Sputnik / Ilham Mustafa

Tahir İbrahimov həmin təmirdən sonra dəmiryol körpüsünün bir də 1997-ci ildə əsaslı təmir edildiyini deyir. Bu istiqamətdə artan tələbat nəzərə alınaraq 2008-2014-cü illərdə Kür çayı üzərindən ikinci dəmir yolu körpüsü inşa edilir.

Avtomobil körpüsünə gəlincə isə, 120 il ərzində bu körpü axan sulara, daşan sellərə sinə gərərək əsaslı təmirə ehtiyacı olmadan günümüzədək gələ bilib. Ötən əsrin 90-cı illərində Ceyrançöl ərazisindən vulkan külü yataqlarının istismarıyla əlaqədar mütəmadi olaraq ağır tonnajlı yük avtomobillərini üzərindən keçməsi belə, heç bir qaynaq istifadə edilməyən, yalnız pərçimləmə yolu ilə birləşdirilən körpünün dözümlülüyünə xələl gətirə bilməyib.

Bu yolun əhəmiyyəti nəzərə alınaraq Azərbaycan Hökuməti ilə Asiya İnkişaf Bankı arasında bağlanmış sazişə əsasən, Kür çayı üzərində daha geniş avtomobil körpüsü tikilərək bu günlərdə istifadəyə verilib. 120 yaşlı körpünün isə tarixi əhəmiyyəti nəzərə alınaraq abidə kimi saxlanması nəzərdə tutulub.

12020
Teqlər:
Poylu qəsəbəsi, Qırmızı Ordu, Ağstafa rayonu, memar, dəmir yolu, gürcü, sovet, qoşun, körpü, Kür çayı, Azərbaycan, şəhər
Əlaqədar
Tarixi körpünün indiki halı
Bu körpü dünya rekordu vurdu
Maşını körpünün üstündə geri döndərmək istədi, həyatını itirdi
"Sınıq Körpü"dən keçmək istərkən yaxalandılar
Paytaxtda "sirat körpüləri": camaatın canına qorxu düşüb
İstanbul körpüsü bayrağımızın rəngləri ilə işıqlanıb
Чаглар Сеюнджю

Söyüncü: Türkiyə oyunçuları pley-off mərhələsinə çıxmaq üçün çüzi şansa ümid edirlər

4
(Yenilənib 20:04 19.06.2021)
Türkiyə millisi qrupda ilk iki yerdən birini tutmaq şansını itirib, lakin yenə də Avropa çümpionatının 1/8 mərhələsində oynamağa ümidi var

 

Türkiyə millisinin futbolçuları, şansları az olmasına rəğmən Avropa çümpionatının pley-off mərhələsinə çıxmağa ümid edirlər. Beə bir açıqlama ilə komandanın müdafiəçisi Çağlar Söyüncü çıxış edib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Belə bir bir vəziyyətə düşdüyümüz və azarkeşləri məyus etdiyimiz üçün çox üzülürük. Lakin qarşıda son oyun var. Əlbəttə, biz 3 xal toplamış komandaların ən yaxşısı olmaq və mübarizəni davam etdirmək istərdik. Amma bizə bu da bəs etməsə belə, heç olmasa turniri yaxşı bitirmək istərdik. Bütün komanda anlayır ki, sabah bizim sonuncu şansımızdır, hətta ehtimal az olsa belə. Hamımız məyusuq, lakin hamımız bu şansı gözləyirik", - deyə Söyüncü mətbuat konfransında deyib.

4
Şenol Günəş, arxiv şəkli

Günəş Türkiyə millisinin AVRO-2020-də uğursuz çıxışına görə üzr istəyib

4
Baş məşqçi bildirib ki, Avropa çempionatının açılış oyununda İtaliya komandasına böyük hesabla məğlubiyyət türk futbolçularına pis təsir edib.

 

Futbol üzrə Türkiyə millisinin baş məşqçisi Şenol Günəş komandasının Avropa çempionatndakı çıxışına görə üzr istəyib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Biz komanda daxilində fəlsəfəni dəyişməli, ona qalib ruhunu aşılamalıyıq. İlk iki oyunda bizdə bu qətiyyən hiss olunmurdu. Mən bizə qarşı deyilən bütün tənqidlərə hörmətlə yanaşıram, oyunçularımız da özlərindən narazıdırlar. Həyatda hər zaman istədiyiniz kimi olmur. Əminəm ki, futbolçularımız bu vəziyyətdən çıxacaq və yeni oyuna hazır olacaqlar. Biz bura yaxşılardan biri olmaq üçün gəldik, lakin bunu edə bilmədik. Sözsüz ki, biz məyusuq və bizə azarkeşlik etmiş hər bir kəsdən üzr istəyirik", – deyə Günəş mətbuat konfransında bildirib.

Xatıqladaq ki, ilk turda Türkiyə millisi İtaliya komandasına (0:3), ikinci turda isə Uels komandasına məğlub olub (0:2).

"Romadakı ilk oyunun pis təəssüratları bizə çox təsir etdi. Biz həm oyunda,həm də nəticədə özümüzə inamı itirdik. Meydanda gördüklərimiz bizi həvəsdən saldı. Uels yığması ilə oyunun birinci hissəsində də eyni şey oldu. Biz iki oyundan sonra belə bir vəziyyətə düşəcəyimizi təsəvvürümüzə də gətirməzdik. Biz Türkiyədə insanların bizə nə qədər etimad etdiyini bilirik, lakin onların gözləntilərini doğrulda bilmədik", - deyə baş məşqçi bildirib.

4
Здание Министерства иностранных дел Азербайджанской Республики в Баку

Azərbaycanın xarici siyasət idarəsi Ermənistana cavab verdi

12
Azərbaycan humanizm prinsiplərindən çıxış edərək bu günədək saxlanılan ermənilərin bir hissəsini Ermənistana təhvil verib.

BAKI, 19 iyun - Sputnik. "Ermənistan Xarici İşlər Nazirliyi 2021-ci il 18 iyun tarixli bəyanatında ölkəmizi 44 günlük müharibə zamanı Ermənistan tərəfindən Azərbaycan ərazisində qanunsuz şəkildə döyüşən, müharibə cinayətləri, terror aktları törətməkdə, muzdlu kimi döyüşməkdə təqsirləndirilən şəxsləri mühakimə etməkdə ittiham edir. Ermənistan XİN-in bəyanatında “hərbi əsirlər” və “mülki şəxslər” kimi göstərilən şəxslər hərbi əməliyyatlar zamanı və əməliyyatların dayandırılması ilə bağlı üçtərəfli Bəyanat imzalandıqdan sonra Azərbaycan ərazisində qəsdən adamöldürmə, işgəncə, terrorçuluq və digər cinayətlərin törədilməsində təqsirləndirilən şəxslərdir. Əlbəttə, Azərbaycanın həm beynəlxalq hüquq, o cümlədən 1949-cu il Cenevrə konvensiyaları, muzdluların cəlb edilməsi, istifadəsi, maliyyələşdirilməsi və təliminə qarşı beynəlxalq Konvensiya, həm də yerli qanunvericiliyə əsasən bu şəxsləri məsuliyyətə cəlb etməyə həm hüququ, həm də beynəlxalq öhdəliyi var".

Sputnik Azərbaycan xəbər verir ki, bu fikirlər Azərbaycan Xarici İşlər Nazirliyinin Mətbuat xidməti idarəsinin Ermənistan XİN-in müvafiq bəyanatına dair şərhində yer alıb.

"Hazırda Azərbaycan tərəfində saxlanılan və istintaqa cəlb olunan ermənilərə gəldikdə, Ermənistan XİN-ə xatırladırıq ki, bu şəxslərdən bir qrupu 2020-ci il 10 noyabr tarixli üçtərəfli Bəyanat imzalandıqdan sonra Azərbaycan ərazisinə daxil olan terrorçu qrupun üzvləridir və bu qrupun təxribatçı fəaliyyəti nəticəsində Azərbaycanın 4 hərbi qulluqçusu öldürülüb, bir mülki şəxs isə ağır yaralanıb. İttiham olunan erməni əsilli Livan vətəndaşı əcnəbi muzdlu qismində pul qarşılığında 44 günlük müharibə zamanı azərbaycanlı hərbçi və mülki şəxslərə qarşı döyüşlərdə iştirak edib. Digər iki erməni vətəndaşı isə hələ Birinci Qarabağ müharibəsi zamanı azərbaycanlı mülki şəxslərə və hərbçilərə işgəncə verməkdə ittiham olunan şəxslərdir.

Vurğulamaq istərdik ki, Azərbaycanda saxlanılan ermənilərin yerinin gizli saxlanılması ilə bağlı deyilən fikirlər tamamilə yalandır. Rəsmi açıqlamalarda artıq bildirildiyi kimi, Azərbaycan bu şəxslərin saxlanılma vəziyyəti ilə bağlı olan bütün tələbləri yerinə yetirib. Hətta Beynəlxalq Qırmızı Xaç Komitəsi, insan hüquqları üzrə müvəkkilin (ombudsman) saxlanılan şəxslərlə mütəmadi görüşləri təşkil edilib və bu şəxslərin səhhəti barədə tibbi sənədlər belə təqdim edilib.

Azərbaycan humanizm prinsiplərindən çıxış edərək bu günədək saxlanılan ermənilərin bir hissəsini Ermənistana təhvil verib.

Bunun qarşılığında isə Ermənistan tərəfinin addımları göz qabağındadır. Yalnız Ağdam üzrə mina xəritələrini Azərbaycana təhvil verən Ermənistan bu ölkənin yüksəksəviyyəli rəsmiləri tərəfindən açıq şəkildə etiraf edildiyi kimi, çoxsaylı mina xəritələrini gizlədir, Azərbaycana verməkdən imtina edir. Hələ Birinci Qarabağ müharibəsində itkin düşən 4 minədək azərbaycanlının taleyi barədə bu günədək heç bir məlumat verilməyib. Ərazilərimiz işğaldan azad olunduqdan sonra Kəlbəcər rayonunun Başlıbel kəndi ərazisində aşkar edilmiş kütləvi məzarlıq Ermənistan tərəfindən törədilən müharibə cinayətlərinin və Ermənistanın itkin düşmüş azərbaycanlılar barədə məlumatı gizlətdiyinin bariz sübutudur.

Ermənistan XİN-i beynəlxalq hüquq pozuntularından danışmağa başlamadan əvvəl Ermənistan Respublikasının 30 ilə yaxın müddət ərzində beynəlxalq hüquq prinsiplərini, xüsusilə də suverenlik və ərazi bütövlüyünə hörmətlə yanaşılması prinsipini tapdaladığını, bir milyonadək azərbaycanlının fundamental hüquqlarının kobud şəkildə pozduğunu göz önünə gətirməlidir"-, məlumatda qeyd olunub.

12