Milli Məclis

Əhalinin iki ciddi problemi Milli Məclisin gündəmində

558
(Yenilənib 15:15 22.11.2017)
Fuad Muradov: "Azəristiliktəchizat" işini görə bilmirsə, özəlləşdirilməlidir"

BAKI, 22 noyabr — Sputnik. Bəzi tələbələr təhsil haqqını ödəməkdə çətinlik çəkirlər. Tələbələrdən parlamentin Gənclər və idman komitəsinə daxil olan müraciətlərin əksəriyyəti onların təhsil haqlarını ödəyə bilməməsi ilə əlaqədardır.

Sputnik Azərbaycan xəbər verir ki, bunu Milli Məclisin Gənclər və idman komitəsinin sədri Fuad Muradov parlamentdə büdcə müzakirəsi zamanı deyib. Tələbələrin təhsil haqqı ilə bağlı problemlərinin həlli üçün ölkəmizdə Maarifçi-Tələbə Kredit Fondunun fəaliyyətini vurğulayan millət vəkili, Fondun dövlət büdcəsindən maliyyələşməsini təklif edib.

O, həmçinin ölkəmizdə "Azəristiliktəchizat" ASC-nin fəaliyyətindən narazılığını bildirib. Məsələ ilə əlaqədar Baş nazirə müraciət edən deputat Xətai rayonunda müxtəlif kombinat və zavodların yataqxanalarında istilik sisteminin olmadığını diqqətə çatdırıb.

"Azəriqaz" İstehsalat Birliyi və "Azəristiliktəchizat" ASC arasında problem var. "Azəristiliktəchizat"in "Azəriqaz"a borcu var və bu, istiliklə təminatda çətinlik yaradır. "Azəristiliktəchizat" işini görə bilmirsə, özəlləşdirilməlidir" — millət vəkili vurğulayıb.

558
Teqlər:
"Azəriqaz" İstehsalat Birliyi, "Azəristiliktəchizat" ASC, Fuad Muradov, Milli Məclis, Gənclər və idman komitəsi, təhsil haqqı, tələbə
Əlaqədar
İlin ən gənc tələbəsinin arzusu
Hansı tələbələrə maaş veriləcək?
Yeddi yüz bal toplamış tələbələr mükafatlandırılıb
Nazirlik tələbələrə vaxt verdi: Gecikməyin
Dieqo Armando Maradona

Maradonanın həkimi ittihamlara cavab verdi

15
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

15
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

16
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

16
Teqlər:
Fransa, final, müsabiqə, Polşa, Uşaq Avroviziyası, uşaqlar