Bakı

Bütöv cəmiyyətə qarşı fırıldaq: haqq tanıyırlar, hüquq

610
(Yenilənib 15:37 22.11.2017)
Mənzil Məcəlləsinə əsasən, tam təmirsiz tikililər mənzil sayılmır, onlar sadəcə tikinti sahəsidir

Təranə Xudabaxşiyeva, Sputnik Azərbaycan

BAKI, 22 noyabr — Sputnik. Bu gün vətəndaşların ən böyük problemlərindən biri mənzil problemidir. Mənzil qiymətlərinin həddindən artıq baha olması bu problemin həllini daha da çətinləşdirir.

Maraqlı məqam odur ki, mənzillər tam təmirsiz şəkildə və çox baha qiymətə satılır. Halbu ki, bir çox ölkələrdə təmirsiz evlərin satışı qadağandır. Sputnik Azərbaycan bunun nə dərəcədə qanuni olmasını ekspertlərdən dəqiqləşdirib.

Bank eksperti Əkrəm Həsənov
© Photo : REPORT
Əkrəm Həsənov

Bank və maliyyə məsələləri üzrə ekspert Əkrəm Həsənov bildirib ki, Azərbaycanın qanunvericilik sisteminin bir nömrəli problemi mülkiyyət hüququdur: "Mülkəyyət hüququnun da daxilində ən böyük problem daşınmaz əmlak amilidir. Bu qanunvericilikdə olan bəzi qanunların heç biri dünya standartlarına uyğun gəlmir".

Onun sözlərinı görə, bəzi MDB ölkələri istisna olmaqla, dünyanın heç bir ölkəsində mənzilin torpaqdan ayrı mülkiyyət hüququ yoxdur: "Bizim vətəndaşın hüququ buradan pozulmağa başlayır. Vətəndaş binadan mənzil alır, amma o binanın tikildiyi torpağın kimə məxsus olduğunu bilmir. Mənzilin "Çıxarış"ı ona öncədən verilmədiyi üçün, bina uçarsa, dağılarsa və ya sona kimi tikilib təhvil verilməzsə, vətəndaş pulunu geri tələb edə bilmir və nəticədə evsiz qalır".

"Aparıcı ölkələrdə bina tikilməyə başlayanda tikinti şirkəti bunu öz pulu ilə deyil, mənzil alanların pulu ilə tikir. Belə olan halda, mənzil sahibləri binanın torpağının sahibi olur, şirkət isə podratçı şirkətə çevrilir" — Həsənov bildirib.

"Bir sözlə, başqa ölkələrdə vətəndaş dövlət tərəfindən öncədən qeydiyyata alınır. Azərbaycandakı kimi sənədsiz mənzilləri bir neçə nəfərə satmırlar. Bizdə qanunda boşluq var və bu qanunlar vətəndaşların xeyrinə deyil. Bəzi şirkətlər də bundan istifadə edir və daha çox pul qazanırlar" – deyə ekspert əlavə edib.

Əmlak eksperti Nüsrət İbrahimov
© Sputnik / Fuad Hasanov
Əmlak eksperti Nüsrət İbrahimov

Həmsöhbətimiz iddia edir ki, tikinti şirkətləri tikintiyə sərf etdiyindən qat-qat çox pul qazanır: "Ona görə də binanı dövlət qeydiyyatına almağa tələsmirlər və təmirsiz evləri dəyərindən baha satırlar. Çünki dövlətə təhvil verilməyən binada təmir işlərinə başlasalar, bu işlərə nəzarət edən dövlər orqanları bina sahiblərini cərimələyə bilər".

Mütəxəssisin dediyinə görə, məhz bu səbəbdən də mənzilləri təmirsiz və çox baha qiymətə satmaq bina sahiblərinə sərf edir: "Nə vaxt ki, onlar "Çıxarış" ilə evləri satırlar, bu zaman da mənzillər real dəyərindən xeyli çox qiymət qoyurlar".

Əmlak məsələləri üzrə ekspert Nüsrət İbrahimov isə deyib ki, Mənzil Məcəlləsinə əsasən, tam təmirsiz tikililər mənzil sayılmır: "Çünki, mənzil yaşayış üçün tam yararlı və bütün kommunal imkanları olan sahədir. Əgər həmin tikili təmirsizdirsə, ona mənzil demək olmaz, bu, sadəcə tikinti sahəsidir".

"Tikinti şirkətlərinin marketinq planları var. Bu plana əsasən, tez və daha çox müştəri cəlb etmək lazımdır. Təbii ki, təmirsiz tikili də daha ucuz başa gəlir. Belə tikilini qismən ucuz qiymətə satırlar, alıcı da qiymətə aldanıb o tikilini alır" — ekspert bildirib.

"Həm də Azərbaycanda alıcıların mənzil təmirinə münasibəti fərqlidir. "Əgər başqası təmir edibsə, deməli keyfiyyətsiz təmir edilib" deyə düşünürlər. Təmirli aldıqları evləri də yenidən təmir edirlər. Bunları nəzərə alaraq tikinti şirkətləri belə layihələrə əl atırlar" – N. İbrahimov vurğulayıb.

610
Teqlər:
ölkə, Nüsrət İbrahimov, yaşayış, mülkiyyət, tikinti, Əkrəm Həsənov, bina, mənzil, ekspert, Bakı, Azərbaycan, qanun, ev
Əlaqədar
Mənzil alanlar da çaşqınlıq içində, satanlar da: bu vəziyyətdə nə etməli?
Mənzillərə nə zaman istilik veriləcək? – Vaxt açıqlandı
Bakıda mənzil almağı xəyal etməyənlər, orada imarət sahibi olurlar
"Bahalı mənzil, hələ o binanın keyfiyyətli olması demək deyil"
Bu peşə sahiblərinə də pulsuz mənzillər verildi

İlham Əliyev: Koronavirusa qarşı mübarizədə müsbət dinamika bizi çox sevindirir

4
"Yaxın gələcəkdə modul tipli xəstəxanaların sayı bütövlükdə 16-ya çatdırılacaq və beləliklə, bizim təkcə bu xəstəxanalarda 3200 koronavirus xəstəsi müalicə ala biləcək"

BAKI, 6 avqust — Sputnik. Avqustun 6-da Azərbaycan Respublikasının Prezidenti İlham Əliyev ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda müşavirə keçirib.

AZƏRTAC xəbər verir ki, dövlət başçısı müşavirədə çıxış edib. Prezident İlham Əliyevin çıxışından bəzi məqamları diqqətinizə təqdim edirik:

“Koronavirusa qarşı mübarizə işində müsbət dinamika müşahidə olunur. İyulun 16-dan bu günə qədər bu müsbət dinamika deməyə əsas verir ki, görülmüş bütün tədbirlər vaxtında görülmüş tədbirlərdir. Bu tədbirlər nəticəsində vəziyyət bu günə qədər nəzarət altındadır. İyulun 16-dan bu günə qədər yoluxanların sayı sağalanların sayından xeyli aşağıdır. Bu müsbət dinamika deməyə əsas verir ki, biz koronavirus xəstəliyini bundan sonra da nəzarət altında saxlayacağıq”.

“Bu gün 46 xəstəxana ancaq koronavirus xəstələrinə xidmət göstərir. Onu da bildirməliyəm ki, bu 46 xəstəxananın 41-i son 17 il ərzində tikilib və ya əsaslı şəkildə təmir edilib, müasir avadanlıqlarla təchiz olunub. Əgər biz vaxtında bu addımları atmasaydıq, bu gün çox böyük problemlərlə, faciəvi vəziyyətlə üz-üzə qala bilərdik”.

“Adambaşına düşən testlərin sayına görə bu gün Azərbaycan dünya miqyasında qabaqcıl yerlərdədir”.

“Biz qısa müddət ərzində laboratoriyalarımızın sayını 5 dəfə artırdıq. Yaxın gələcəkdə alınacaq yeni laboratoriyalar imkan verəcək ki, daha da böyük sayda testlər keçirilsin. Biz bütövlükdə laboratoriyaların sayını 45-ə çatdırmalıyıq”.

“Bu günə qədər modul tipli 9 xəstəxana istismara verilmişdir. Onlardan 4-ü bir gün ərzində - iyulun 29-da fəaliyyətə başlayıb. Qobustan, İsmayıllı, Qəbələ və Şəki şəhərlərində mənim iştirakımla bu xəstəxanaların açılışı olmuşdur. Yaxın gələcəkdə modul tipli xəstəxanaların sayı bütövlükdə 16-ya çatdırılacaq və beləliklə, bizim təkcə bu xəstəxanalarda 3200 koronavirus xəstəsi müalicə ala biləcək”.

4

Gənc heykəltaraş bu dəfə polkovnikin xatirəsini əbədiləşdirib

2
Barelyefi ailəsinə təqdim edəcəm. Onlar bəyənərsə, dövlət qurumlarından razılıq olarsa, şəhidimizin yaşadığı binanın önündə qurulacaq.

Şahpəri Abbasova, Sputnik Azərbaycan

BAKI, 6 avqust — Sputnik. Bir müddət öncə şəhidimiz General-mayor Polad Həşimovun büstünü hazırlayan, Azərbaycan Dövlət Rəssamlıq Akademiyasının IV kurs tələbəsi, Təbriz Soltanlı növbəti əsərini yaradıb. O, bu dəfə qəhrəman şəhidimiz polkovnik İlqar Mirzəyevin büstünü əbədiləşdirib.

Gənc heykəltaraşın Sputnik Azərbaycan-a verdiyi məlumata görə, polkovnikin barelyefi 10 günə hazırlanıb: "Tovuz hadisələrindən sonra hər kəs şəhid olan qəhramanlarımız üçün çalışır ki, nəsə etsin. Rəssamlar onların portretlərini hazırladı, musiqiçilər onlardan bəhs edən mahnı bəstələdi və s. Mən də çalışdım ki, dəryada bir damla olum. Ona görə də şəhidimiz polkovnik İlqar Mirzəyevin barelyefini hazırladım. Barelyefin eskiz və gil versiyası 10 günə hazır oldu. İndi gil versiyadadır, tam hazır olduqdan sonra ailəsinə təqdim edəcəm. Hazırda paytaxta gəlirəm, barelyefi ailəsinə təqdim edəcəm. Onlar bəyənərsə, dövlət qurumlarından razılıq olarsa, şəhidimizin yaşadığı binanın önündə qurulacaq".

Qeyd edək ki, heykəltaraş bundan əvvəl Milli qəhrəmanımız Mübariz İbrahimovun, General-mayor Polad Həşimovun barelyefini hazırlayıb. O, bundan başqa, dahi şairlərimiz Mikayıl Müşfiq, Əhməd Cavadın, teatr və kinomuzun əfsanəvi aktyoru Səməndər Rzayevin barelyefini hazırlayıb.

2