Pul və qandal

Kredit borcuna görə həbs: imkanı olmayanla, olub ödəməyəni necə ayırd edəcəklər?

1353
(Yenilənib 11:55 20.11.2017)
Vəkil: "Mülki işlərə görə heç kim məsuliyyətə cəlb oluna bilməz"

Xudabaxşiyeva Təranə, Sputnik Azərbaycan

BAKI, 20 noyabr — Sputnik. Bu gün Azərbaycan vətəndaşlarının əksəriyyətinin banka kredit borcu var və problemli kreditlərin həcmi durmadan artır. Vətəndaşlar devalvasiyalardan öncə 0.78 AZN kursu ilə götürdükləri dollar kreditini, bu gün 1.70 AZN kursu (ən yaxşı halda) ilə ödəməkdə çətinlik çəkirlər.

Çünki vətəndaşların gəliri də manatla ifadə olunur və onlar dollarla ifadədə iki dəfədən də çox yoxsullaşıblar. Bu da öz növbəsində vətəndaşlar üçün maddi problemlərin yaranmasına səbəb olur. Təbii ki, bank, kredit borcunu ödəyə bilməyənləri məhkəməyə verir və bəzən vətəndaşların borcu bilərəkdən ödəmədikləri sübut edildikdə, onlara cinayət işi açılır və hətta azadlıqdan məhrum edilirlər.

Yaranmış vəziyyəti nəzərə alan Milli Məclisin deputatları, kredit borcunu ödəməyənlərin cəzasının yüngülləşdirilməsi ilə bağlı qanuna dəyişikliyi müzakirə edirlər. Belə ki, qanuna edilən dəyişikliyə əsasən, bu xətaya görə azadlığın məhdudlaşdırılması tətbiq ediləcək.

Azadlığı məhdudlaşdırılan şəxslər qoluna taxılan elektron qolbaqla izlənəcək. Eyni zamanda, kredit borcunun bilərəkdən ödənilməməsinə görə nəzərdə tutulan 3 il müddətinə həbs cəzasının 2 ilə endirilməsi təklif edilir.

Sputnik Azərbaycan-a açıqlama verən bank və maliyyə məsələləri üzrə ekspert Əkrəm Həsənov deyir ki, banklar öncə bu dəyişikliyin mətbuatda özlərinə uyğun şərh edilməsinə çalışırdı: "Onlar iddia edirdilər ki, bu dəyişikliklər kredit borcunu ödəyə bilməyən bütün şəxslərə şamil olunacaq. Amma sonradan aydın oldu ki, bu, pulu olub kredit borcunu qəsdən qaytarmayanlara aiddir. Pulunun olmaması səbəbindən borcu qaytara bilməyənlər isə heç bir məsuliyyətə cəlb olunmur".

"Qəsdən, o deməkdir ki, vətəndaşın maddi imkanı olsa da, o, borcunu ödəməkdən imtina edir. Yəni, pulu, borcu ödəyə biləcək hər hansı əlavə əmlakı varsa, bu zaman borcu verməkdən yayındığı üçün həbs oluna bilər. Amma öncə məhkəmədə sübut olunmalıdır ki, həmin vətəndaşın pulu var, özü qəsdən borcu ödəməkdən boyun qaçırır" – deyə ekspert əlavə edib.

Ə. Həsənov bildirir ki, həbs cəzası həmin vətəndaşı borcu qaytarmaqdan azad etmir: "Əksinə, həm borcu qaytarmağa məcbur edilir, həm də 1-3 il müddətinə azadlıqdan məhrum olunur. İndi isə cəza 1 il yüngülləşdirilir. Amma 1 il azalma elə də ciddi bir nəticə deyil. Düşünürəm ki, heç bir fərq etməyəcək".

Ekspert borcu qəsdən verməyənlərin cəzalanmasının tərəfdarıdır: "Nəzərə alaq ki, borcu verməyənlərin əksəriyyəti imkanlı adamlardır və biznes sahibləridir. Onların banka borcu var, amma qaytarmırlar. Belə hallar da ölkənin iqtisadi sistemini faktiki olaraq çökdürür".

Vəkil Adəm Məmmədov isə, Sputnik Azərbaycan-a deyir ki, Avropa İnsan Hüquqları Konvensiyasında qəbul olunmuş qərara əsasən, mülki işlərə görə heç kim məsuliyyətə cəlb oluna bilməz: "Bir sözlə, borca görə heç kim tutula bilməz. Bank kredit verməsin. Bank kredit verdiyi şəxsin ödəmə qüvvəsini dərindən araşdırmadan borc verir və nəticədə də belə olur. Mən düşünürəm ki, borca görə vətəndaş məsuliyyətə cəlb olunmamalıdır".

1353
Teqlər:
Adəm Məmmədov, kredit borcu, AZN, problemli kredit, Sputnik Azərbaycan, vətəndaş, Əkrəm Həsənov, ekspert, Azərbaycan, bank, qanun, azadlıqdan məhrum etmə, manat, dollar
Əlaqədar
Sahibkarlara xoş xəbər: kredit problemləriniz həll olunacaq
Bayramov: “Şərtlərin ağırlaşdırılması kredit alanların sayına təsir göstərib”
Milli Məсlisdə kredit problemi: "Bu məsələni birdəfəlik həll etmək lazımdır"
Kredit borcu olanlara şad xəbər
Kreditlərlə bağlı ümid yaranmışdı, lakin...
Banklar problemli kreditləri silmək məcburiyyəti ilə üz-üzə
Kredit ödənişlərimiz nə yerdədir?
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

6
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

6
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

25
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

25
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN