Əsli Muradova və Mübariz Muradov

Şəhid ailəsinin "itkin düşmüş" sənədlərini məhkəmə tapa bilmir

302
(Yenilənib 14:16 19.11.2017)
İcra Hakimiyyəti sənədləri Yevlax Arxiv İdarəsinə göndərdiyini desə də, bu fakt təsdiqini tapmayıb

BAKI, 19 noyabr — Sputnik. Gəncə İnzibati-İqtisadi Məhkəməsində Bərdə rayonu Mustafaağalı kəndində yaşayan şəhid anası Əsli Muradovanın Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) Bərdə rayon şöbəsinə qarşı qaldırdığı iddia üzrə növbəti məhkəmə iclası keçirilib. Əsli Muradovanın ailəsindən Sputnik Azərbaycan-a verilən məlumata görə, bir sıra dövlət qurumlarının məhkəməyə tələb edilən sənədləri təqdim etməməsi səbəbindən proses uzanmalı olub.

Əbdülməcid Axundov
© Foto Ceyran xanım Axundova tərəfindən təqdim edilib

Xatırladaq ki, Ə. Muradovanın oğlu Mübariz Muradov 1995-ci ilin 27 dekabrında ön cəbhədə — Murovdağ bölgəsində həlak olub. Hərbi hissənin verdiyi arayışda M. Mübarizin AR-in müdafiəsində Murovdağ bölgəsində xidməti borcunu yerinə yetirərkən həlak olduğu bildirilib.

Bunun əsasında Mübariz Muradova şəhid, anası Əsli Muradovaya isə şəhid ailəsi statusu verilib. 2007-ci ildə Bərdə rayon Əhalinin Sosial Müdafiəsi Mərkəzi (ƏSMM) tərəfindən Azərbaycan Respublikası Prezidentinin şəhid ailələri üçün təsis etdiyi 100 manat prezident təqaüdü Əsli Muradovaya da təyin edilib. 2008-ci ildə Bərdə rayon ƏSMM anadan oğlunun şəhid olduğunu təsdiq edən arayış təqdim etməsini tələb edib. Bərdə rayon Hərbi Komissarlığına müraciət edən anaya oğlunun hansı şəraitdə öldüyünə dair arayış verilməyib. Sadəcə bildirilib ki, onun oğlunun adı "Qaytarılmaz itkilərin adlı siyahısı"nda yoxdur.

Bundan sonra təqaüdün dayandırıldığını düşünən ana heç yerə müraciət etməyib. 2014-cü ildə anaya məlum olub ki, həmin ilin noyabr ayına qədər onun almalı olduğu təqaüdü başqaları alıb. Bərdə rayon ƏSMM-nin sədri Raquf Məmtiyev isə almadığı pulları dövlət büdcəsinə geri qaytarması üçün (səbəb kimi, Muradovun hansı şəraitdə öldüyünə dair hərbi komissarlıqdan arayışın gətirilməməsi göstərilib) Ə.Muradova ilə bağlı məhkəməyə müraciət edib.

Mehriban Əliyeva
© Official website of President of Azerbaijan Republic

11 noyabr 2016-cı il tarixində Bərdə rayon Məhkəməsi sübutlar əsasında pulların Əsli Muradova tərəfindən alınmadığı, dövlət vəsaitinin mənimsənilməsi kimi cinayət əməlinin törədildiyi, işin araşdırılmaq üçün Respublika Prokurorluğu yanında Korrupsiya qarşı Mübarizə İdarəsinə həvalə olunması barədə qətnamə çıxarıb.

Korrupsiya idarəsində isə məsələnin araşdırılması barədə indiyənə qədər də hər hansı tədbir görülməyib. Əsli Muradova problemin hüquqi yolla həlli üçün DSMF Bərdə rayon şöbəsinə qarşı məhkəmədə iddia qaldırıb. Noyabrın 14-də iş üzrə növbəti məhkəmə iclası keçirilib.

Məlum olub ki, məhkəmənin Bərdə rayon İcra Hakimiyyətinə göndərdiyi sorğuya müsbət cavab verilməyib. Məhkəməyə telefonla bildirilib ki, onlarda 1996-cı ilin qeydiyyat kitabı yoxdur. Hakim bu məzmunda məktub göndərildiyini, lakin hələ məhkəməyə daxil olmadığını bildirib.

İddiaçı tərəfin səlahiyyətli nümayəndəsi Xaqani Məmməd hakim Svetlana İsmayılovanın bundan sonra məhkəməyə sədrliyinə yazılı etiraz təqdim edib. O, hakimi cavabdeh tərəfin maraqlarını müdafiə etməkdə günahlandırıb. Məmməd öz etirazını hakimin iddia predmetindən kənara çıxması, tez-tez fasilələr yaratmaqla məhkəmə vaxtını aylarla uzatması, məhkəməyə göstərilən təzyiqin altında qərar qəbul etməyə meylli olması ilə əsaslandırıb.

"Hakim Svetlana İsmayılova Əsli Muradovaya 1996-cı ildə oğlunun həlak olmağından sonra Bərdə rayon İcra Hakimiyyəti tərəfindən verilən "şəhid ailəsinin vəsiqəsi"nin hüquqi əsaslarını aydınlaşdırmaq məqsədilə Bərdə RİH-nə sorğu göndərmək barədə qaldırdığımız vəsatəti təmin etmək üçün adı çəkilən qurumdan lazımi sənədləri tələb etmək əvəzinə, iddia tələbinə dəxli olmayan dövlət təşkilatlarından sənədlər toplayıb. Burada da məqsəd əsas məsələnin mahiyyətini ört-basdır etməklə Bərdə RİH-nin vermək istəmədiyi sənədlərdən diqqəti yayındırmaq olub. Hakim iclaslarda lazımsız sözlər danışmaqla baş qatır, guya şəhid ailəsinin işinə hərtərəfli diqqət ayırdığını göstərməyə çalışır. Axırda da deyəcək ki, biz uzun araşdırmalardan sonra müəyyən etdik ki, iddia əsassızdır" – deyə Xaqani Məmməd Sputnik Azərbaycan-a bildirib.

Onun sözlərinə görə, Gəncə İnzibati-İqtisadi Məhkəməsinin sədri Natiq Abbasova hakimlə bağlı təqdim olunan etiraz ərizəsi bir saatdan sonra geri qaytarılıb və təmin edilməyib. Bundan sonra hakim Svetlana İsmayılova məhkəmə iclasına sədrliyi davam etdirib. Hakim iclas zalına qayıdarkən Bərdə RİH-nin başçısı Vidadi İsayevin məktubunun da elə bu saatda məhkəməyə yetişdiyini bildirib.

Bərdə RİH-dən daxil olan məktubda 1996-cı ilə aid qeydiyyat kitablarının olmadığı qeyd edilib. Həmin qeydiyyat kitablarının taleyinə isə, ümumiyyətlə aydınlıq gətirilməyib. Baxmayaraq ki, oktyabrın 31-də sözügedən iş üzrə keçirilən məhkəmədə RİH-nin Ümumi Şöbəsinin müdiri İsgəndər İsmayılov sözügedən qeydiyyat kitabının Yevlax Arxiv İdarəsinə təhvil verildiyini və ora müraciət etməyi məsləhət bilib. Yevlax Arxiv İdarəsindən isə onlarda bu barədə sənədin olmadığı bildirib.

Vətəndaş lazım olan sənədləri əldə edə bilmədiyinə görə məhkəmə tərəfindən Bərdə rayon İcra Hakimiyyətinə sorğu verilməsi və sənədlərin məhkəməyə təqdim edilməsi barədə vəsatət qaldırılıb. Təmin edilən vəsatətdən sonra da Bərdə RİH məhkəməyə "yox" cavabı verib. Məhkəmə qarşısında Bərdə rayon İcra hakimiyyətinin 1996-cı il üzrə qeydiyyat kitablarının məhkəməyə gətirilməsi barədə yeni vəsatət qaldırılıb. Göründüyü kimi, Bərdə RİH məhkəmənin bu tələbini də qulaqardına vurub və prosesin vətəndaşın xeyrinə ədalətli qərarla yekunlaşmasına mane olmağa çalışıb.

Xaqani Məmməd məhkəmədə Bərdə RİH-də olmayan qeydiyyat kitablarının təhvil verildiyi yerin dəqiqləşdirilməsi və Əsli Muradovaya pensiya təyin etmək üçün əsas verən sənədlərin məhkəməyə təqdim edilməsi barədə vəsatətlər qaldırıb. Hakim 1-ci vəsatəti təmin etməyərək bu barədə icra başçısının məktubunda qeydiyyat kitablarının olmadığı barədə cavabı əsas gətirib. Xaqani Məmməd bu cavabla qane olmayıb və Bərdə RİH-nin qeydiyyat kitablarını hara təhvil verdiyini göstərməli olduğunu deyib.

İddia predmeti üzrə vəsatətin təmin edilməsinin vacib olduğu hakimin nəzərinə çatdırılsa da, müsbət qərar qəbul edilməyib. Hakim vəsatətləri qismən təmin edərək pensiya təyin etmək üçün əsas verən sənədlərin məhkəməyə təqdim edilməsini vacib sayıb. Məhkəmə iclasının dekabrın 5-də davam etdirilməsi qərara alınıb.

302
Teqlər:
oğul, sənəd, məhkəmə, ailə, şəhid
Əlaqədar
Türkiyə 8 şəhid verdi
Cəbhədə təxribat nəticəsində hərbi qulluqçumuz şəhid olub
Şəhidin heykəlini sökdülər
Millət vəkili Əli Həsənova səsləndi: Şəhid və məcburi köçkün ailəsi küçədə qalıb
Məktəblərin birində, arxiv şəkli

Bu şagirdlərin summativ qiymətləndirilməsi aparılmayacaq

19
(Yenilənib 12:52 20.01.2021)
II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır.

BAKI, 20 yanvar — Sputnik. Birinci sinif şagirdlərinin summativ qiymətləndirilməsi aparılmayacaq.

Sputnik Azərbaycan-ın məlumatına görə bu, Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır. Qiymətləndirmə 100 ballıq şkala ilə ölçülür.

19
Teqlər:
Azərbaycan Təhsil Nazirliyi, Təhsil Nazirliyi
Səhiyyə nazirinin müavini Viktor Qasımov, arxiv şəkli

Peyvənd vurduran nazir müavini hazırkı durumu barədə açıqlama verib

6
(Yenilənib 11:40 20.01.2021)
Səhiyyə nazirinin müavini Viktor Qasımov deyib ki, vaksinasiya prosesi ilə bağlı bütün mərhələlər strategiyada öz əksini tapıb.

BAKI, 20 yanvar — Sputnik. "Azərbaycanda başlayan vaksinasiya prosesi mərhələli şəkildə ölkə üzrə də davam etdiriləcək".

Sputnik Azərbaycan xəbər verir ki, bu barədə jurnalistlərə açıqlamasında səhiyyə nazirinin müavini Viktor Qasımov deyib.

O bildirib ki, ölkədə başlayan vaksinasiya prosesi ilkin mərhələdə tibb işçiləri üzərində aparılır:

"Mən özüm də vaksin vurdurmuşam. Özümü yaxşı hiss edirəm. Ümumiyyətlə, vaksinasiya prosesi ilə bağlı bütün mərhələlər strategiyada öz əksini tapıb".

Qeyd edək ki, səhiyyə naziri Oqtay Şirəliyev də ölkədə vaksinasiyanın başladığı ilk gün - 18 yanvarda koronavirusa qarşı peyvənd etdirib.

6
Şuşa, arxiv şəkli

Şuşada möhtəşəm layihələrə start verildi

0
(Yenilənib 13:49 20.01.2021)
Nazir: "Biz də öz növbəmizdə bu quruculuq işlərinə töhfə verərək dünya ictimaiyyətinə mədəniyyətimizin beşiyi olan Şuşa və Qarabağ ərazisini tanıtmalı, təbliğ etməliyik".

BAKI, 20 yanvar — Sputnik. Mədəniyyət Nazirliyi Prezident İlham Əliyevin Şuşada bu il "Xarı bülbül" festivalı və Vaqif poeziya günlərinin keçirilməsi tapşırığı ilə bağlı işlərə başlayıb.

Sputnik Azərbaycan xəbər verir ki, bu barədə mədəniyyət naziri Anar Kərimov Beynəlxalq Türk Mədəniyyəti Təşkilatı (TÜRKSOY), Türkdilli Dövlətlərin Əməkdaşlıq Şurası (TDƏŞ) və Türk Mədəniyyət və İrsi Fondunun nümayəndə heyəti ilə görüşündə deyib.

A.Kərimov nümayəndə heyətlərinin Ağdam və Füzuli rayonlarının işğaldan azad olunan ərazilərinə səfərlərini yüksək dəyərləndirdiyini deyib.

Bildirib ki, Azərbaycanı dəstəkləyən, ona dost olan insanların bu ərazilərə səfəri, xoş niyyəti bizim üçün böyük əhəmiyyət kəsb edir:

"44 günlük Vətən müharibəsi Azərbaycanın Zəfəri ilə başa çatdı və 30 ildən sonra torpaqlarımıza qovuşduq. Müharibə zamanı mən türkdilli dövlətlərin Azərbaycana dəstəyini xüsusi vurğulamaq istəyirəm. Həm cəmiyyət tərəfindən, həm də siyasi aləmdə biz bu böyük dəstəyi hiss etdik. Yəqin məlumatlısınız ki, ICESCO-nun nümayəndə heyəti də bir neçə gün əvvəl Azərbaycana səfərində işğaldan azad olunan ərazilərimizə baş çəkmişdi. Bu ərazilərdə biz yeni layihələr reallaşdırmağı düşünürük və bu proseslərdə türkdilli dövlətlərlə də birgə əməkdaşlıq məsələləri daha sıx şəkildə təşkil olunmalıdır. Bilirsiniz ki, Azərbaycan Prezidenti cənab İlham Əliyev bu il Şuşada "Xarı bülbül" festivalı və Vaqif poeziya günlərinin keçirilməsi ilə bağlı tapşırıq verib və biz artıq bununla bağlı işlərə başlamışıq. Elə ərazilər var ki, minalardan təmizlənməlidir, artıq Füzulidən Şuşaya yol çəkilir, yeni infrastruktur hazırlanır. Biz də öz növbəmizdə bu quruculuq işlərinə töhfə verərək dünya ictimaiyyətinə mədəniyyətimizin beşiyi olan Şuşa və Qarabağ ərazisini tanıtmalı, təbliğ etməliyik".

Nazir daha sonra "Nizami İli" ilə bağlı keçiriləcək tədbirlər haqqında fikirlərini bölüşüb. Bildirib ki, dahi Nizami Gəncəvinin yubileyi Azərbaycanla yanaşı, bir sıra xarici ölkələrdə də qeyd ediləcək: "İnanıram ki, türkdilli dövlətlərin nümayəndələri "Nizami İli" ilə əlaqədar təşkil edilən tədbir və festivallarda yaxından iştirak edərək öz töhfələrini verəcəklər".

Qeyd edək ki, görüşdə TDƏŞ-in Baş katibi Bağdad Amreyev, TÜRKSOY-un Baş katibi Düsen Kaseinov, Türk Mədəniyyəti və İrsi Fondunun prezidenti Günay Əfəndiyeva, TDƏŞ Baş katibinin müavini Qismət Gözəlov, təşkilatın layihə direktorları Fərrux Cumayev, Bobur Taqayev, Azərbaycan Mədəniyyət Nazirliyinin TÜRKSOY-dakı nümayəndəsi Elçin Qafarlı iştirak edib.

0