Yanacaqdoldurma məntəqəsi

Bahalaşma sırası "Aİ-92" dizeldə?

2527
(Yenilənib 15:44 18.11.2017)
İqtisadçılar yanacağın digər növlərində də qiymət artımını istisna etmirlər

BAKI, 18 noyabr — Sputnik. Bu gün səhərdən etibarən Azərbaycanda "Aİ-95" premium və "Aİ-98" super markalı benzinin qiymətində artım baş verib. Hazırda xaricdən idxal edilən "Aİ-95" premium markalı benzinin yeni qiyməti 1,25 AZN, "Aİ-98" super markalı benzinin qiyməti 1,50 AZN təşkil edir.

Yanacaqdoldurma məntəqəsi
© Sputnik / Maksim Blinov

Sputnik Azərbaycan xəbər verir ki, qiymət artımı bu benzin növününü xaricdən gətirilməsi iulə izah edilir. Artıq bu gündən bütün yanacaqdoldurma məntəqələrində qiymət cədvəli də dəyişib.

İqtisadçı-ekspert Natiq Cəfərlinin Sputnik Azərbaycan-a şərhinə görə, bu qiymət artımı ticarət, kənd təsərrüfatı, daşımalara ciddi təsir göstərməyəcək: "Azərbaycanda "Aİ-95" ("Premium") və "Aİ-98" ("Super") markalı benzinin bahalaşması birbaşa digər sahələrdə qiymət artımına səbəb olmayacaq. Çünki, logistika, nəqliyyat, kənd təsərrüfatı, o cümlədən istehsal sahələrində istifadə olunan daşımalarda "Aİ-95" və "Aİ-98" markalı benzinlərdən istifadə edilmir".

Benzin qiymətləri
© Sputnik / Irade JELIL
Benzin qiymətləri

O deyib ki, neft dünya bazarında yenidən 50 dollara düşəndən sonra, "Aİ-95" bizdə ucuzlaşmalıdır: "Məntiqlə "Aİ-95" markalı benzində qiymət artımı digər sahələrdə (nəqliyyat, ticarət, aqrar sahə) qiymət artımına səbəb olmamalıdır, amma bizdə olacaq. "Aİ-95" markalı benzini ölkəyə kim istəsə, gətirə, hansı qiymətə istəsə, sata bilər".

"Lakin bizdə bu, təktərəfli işləyir — ancaq SOCAR gətirir, amma istədiyi qiymətə satır. SOCAR-ın borcu artıqca benzin və dizelin, dövlətin borcu artıqca kommunal xidmətlərin qiyməti atacaq" — mütəxəssis bildirib.

Cəfərli əlavə edib ki, "Aİ-92" markalı benzinin, sonra isə dizelin qiymətində də dəyişiklik olarsa, o zaman bu hadisə ticarət, kənd təsərrüfatı, daşımalara ciddi təsir göstərə bilər.

Öz növbəsində iqtisadçı-ekspert Samir Əliyevin fikrincə isə, "Premium" benzinin bahalaşması o deməkdir ki, "Aİ-92"nin də bahalaşması gözlənilir.

Daha bir iqtisadçı-ekspert İlham Şaban da dizelin qiymətinin artacağını düşünür.

2527
Teqlər:
"Aİ-98" super, "Aİ-95" premium, marka, baha, İqtisadçı-ekspert, Natiq Cəfərli, benzin, yanacaq, qiymət
Mövzu:
Bəzi yanacaq növlərinin qiymətinin bahalaşması (6)
Əlaqədar
Özbəkistan 90-cı illərə qayıdır: benzin qıtlığı yaranıb
Neft ölkəsində benzinin qiyməti rekord həddə qalxdı
Azərbaycanda benzin yenidən bahalaşacaq?
Benzinin qiyməti 1.40 manat olacaq
Vəzifəli şəxsdən benzin açıqlaması
Benzinin qiyməti yenə qalxdı
Təqaüdçü qadın, arxiv şəkli

Pensiyaçıların həsrətlə gözlədiyi xəbər gəldi - artımların vaxt veriləcəyi açıqlandı

50
(Yenilənib 13:57 20.01.2021)
Pensiyaların 2021-ci ilin 1 yanvar tarixinə olan məbləği həmin göstəriciyə uyğun şəkildə və cari ilin əvvəlindən indeksləşdirilərək artırılacaq.

Zülfiyyə Quluyeva, Sputnik Azərbaycan

BAKI, 20 yanvar — Sputnik. Bu ildən əmək pensiyalarının orta məbləği 338 manat, yaşa görə pensiyaların məbləği isə 370 manat olacaq. 2021-ci ilin yanvar ayı üzrə pensiyalar ödənilsə də, pensiyalara artım hesablanmayıb. Sputnik Azərbaycan pensiyaların artımının nə vaxtdan ödəniləcəyini araşdırıb.

Əmək və Əhalinin Sosial Müdafiəsi Nazirliyindən Sputnik Azərbaycan-a bildirilib ki, Dövlət Statistika Komitəsindən orta aylıq nominal əmək haqqına dair məlumatlar nazirliyə göndərildikdən və Prezidentin müvafiq sərəncamından sonra pensiyalar yanvar ayının artımı daxil olmaqla ödəniləcək. Nazirlik bu məsələdə icraedici funksiya daşıyır.

Dövlət Statistika Komitəsindən Sputnik Azərbaycan-ın sorğusuna verilən cavabda isə bildirilir ki, 2020-ci il üzrə istehlak qiymətləri indeksinə dair məlumatlar Əmək və Əhalinin Sosial Müdafiəsi Nazirliyinə artıq göndərilib:

"Orta aylıq nominal əmək haqqına dair məlumatlar isə Dövlət Statistika Komitəsinin Statistik işlər proqramına uyğun olaraq cari ilin fevral ayının ilk ongünlüyündə təqdim ediləcək".

Qeyd edək ki, "Əmək pensiyaları haqqında" Qanunda əmək pensiyalarının ildə bir dəfə ölkə üzrə orta aylıq nominal əməkhaqqının illik artım tempinə uyğun olaraq indeksləşdirilməsi nəzərdə tutulur. Cari il üçün pensiyaların indeksləşdirilərək artırılması da Dövlət Statistika Komitəsindən Əmək və Əhalinin Sosial Müdafiəsi Nazirliyinə təqdim olunacaq rəsmi məlumatda 2020-ci il üzrə ölkəmizdə orta aylıq nominal əməkhaqqının artım tempi göstəricisi əsasında həyata keçiriləcək. Pensiyaların 2021-ci ilin 1 yanvar tarixinə olan məbləği həmin göstəriciyə uyğun şəkildə və cari ilin əvvəlindən indeksləşdirilərək artırılacaq.

50
Məktəblərin birində, arxiv şəkli

Bu şagirdlərin summativ qiymətləndirilməsi aparılmayacaq

26
(Yenilənib 12:52 20.01.2021)
II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır.

BAKI, 20 yanvar — Sputnik. Birinci sinif şagirdlərinin summativ qiymətləndirilməsi aparılmayacaq.

Sputnik Azərbaycan-ın məlumatına görə bu, Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır. Qiymətləndirmə 100 ballıq şkala ilə ölçülür.

26
Teqlər:
Azərbaycan Təhsil Nazirliyi, Təhsil Nazirliyi
Qazaxıstan bayrağı, arxiv şəkli

Qazaxıstandan Azərbaycana qardaş dəstəyi

0
(Yenilənib 15:02 20.01.2021)
20 Yanvar faciəsinin 31-ci ildönümü ilə əlaqədar Qazaxıstan səfirliyi Azərbaycan xalqına dərin hüznlə başsağlığı verib.

BAKI, 20 yanvar — Sputnik. 20 Yanvar faciəsinin 31-ci ildönümü ilə əlaqədar Qazaxıstan səfirliyi Azərbaycan xalqına dərin hüznlə başsağlığı verib. Sputnik Azərbaycan xəbər verir ki, bu barədə məlumat Qazaxıstan səfirliyinin "Facebook" səhifəsində yerləşdirilib.

"20 Yanvar faciəsinin 31-ci ildönümü ilə əlaqədar Qazaxıstan səfirliyi Azərbaycan xalqına dərin hüznlə başsağlığı verir və azadlıq naminə həlak olmuş günahsız qurbanların əziz xatirəsini ehtiramla yad edir", - deyə məlumatda bildirilib.

0