Şıx qəsəbəsindəki istirahət mərkəzində tikilməkdə olan binada baş vermiş uçqun

Bakıda uçqun: fəhlə torpaq altında qaldı

75
(Yenilənib 22:10 17.11.2017)
Hadisə Zığ yolu yaxınlığında qazıntı işləri aparılan ərazidə baş verib

BAKI, 17 noyabr — Sputnik. Bakının Zığ qəsəbəsində torpaq uçqunu olub.

Sputnik Azərbaycan FHN-ə istinadən xəbər verir ki, nazirliyin Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhərinin Suraxanı rayonunda Zığ yolu yaxınlığında qazıntı işləri aparılan ərazidə yaranan torpaq uçqunu nəticəsində orada fəhlə işləyən 1995-ci il təvəllüdlü Bağırzadə Əmirəhməd Vidadi oğlu torpaq altında qalıb.

Xüsusi Riskli Xilasetmə Xidmətinin xilasediciləri dərhal hadisə yerinə cəlb olunub. İlkin olaraq əməliyyat şəraiti qiymətləndirilib. Mürəkkəb şəraiti (hər an yenidən torpaq uçqunu olma təhlükəsi var) nəzərə alaraq, əraziyə Dövlət Yanğından Mühafizə Xidmətininin yanğınsöndürən-xilasedicilərindən ibarət əlavə xilasetmə dəstəsinin cəlb olunması qərara alınıb.

Report” xəbər verir ki, torpaq uçqunu altında qalmış fəhlə sağ qalıb.

Qeyd edək ki, hadisə Zığ yolu yaxınlığında qazıntı işləri aparılan ərazidə baş verib.

75
Teqlər:
xilas, fəhlə, Böhran Vəziyyətlərində İdarəetmə Mərkəzi, FHN, torpaq uçqunları, Zığ qəsəbəsi
Əlaqədar
Şıx qəsəbəsində tikilən istirahət mərkəzindəki uçqunun pərdəarxası
Bakıdakı uçqunla bağlı cinayət işi açıldı
İcra Hakimiyyəti başçısının müavini uçquna münasibət bildirib
Bakıda uçqun: ölən və yaralananlar var
Hərbi qulluqçumuz qar uçqununun altında qalıb
Müdafiə naziri zabit heyətinin ixtisasartırma və təkmilləşdirmə kurslarının gedişi ilə maraqlanıb

Azərbaycan hərbçiləri ən yeni nəsil texnikanın istifadəsini öyrənirlər

7
(Yenilənib 13:19 30.07.2021)
Kurslara cəlb olunan gənc zabitlər Vətən müharibəsində iştirak etmiş, döyüş təcrübəsinə malik hərbi qulluqçulardır.

BAKI, 30 iyul — Sputnik. Müdafiə naziri general-polkovnik Zakir Həsənov və nazirliyin digər rəhbər heyəti zabit heyətinin ixtisasartırma və təkmilləşdirmə kurslarının gedişi ilə maraqlanmaq üçün ümumqoşun poliqonlarından birinə gəliblər.

Bu barədə Sputnik Azərbaycan-a Müdafiə Nazirliyindən məlumat verilib.

Müdafiə nazirinə məruzə olunub ki, təhsil prosesi çərçivəsində ən yeni nəsil texnikanın istifadəsi üzrə keçirilən dərslərə xüsusi diqqət yetirilir. Bildirilib ki, kurslar zamanı hərbi qulluqçular qoşunların silahlanmasında olan müasir döyüş vasitələrinin taktiki-texniki xüsusiyyətlərini və istifadə qaydalarını öyrənirlər.

  • Müdafiə naziri zabit heyətinin ixtisasartırma və təkmilləşdirmə kurslarının gedişi ilə maraqlanıb
    © AR Ministry of Defence
  • Müdafiə naziri zabit heyətinin ixtisasartırma və təkmilləşdirmə kurslarının gedişi ilə maraqlanıb
    © AR Ministry of Defence
  • Müdafiə naziri zabit heyətinin ixtisasartırma və təkmilləşdirmə kurslarının gedişi ilə maraqlanıb
    © AR Ministry of Defence
1 / 3
© AR Ministry of Defence
Müdafiə naziri zabit heyətinin ixtisasartırma və təkmilləşdirmə kurslarının gedişi ilə maraqlanıb

Eyni zamanda hərbi qulluqçular silah və hərbi texnikanın digər müasir nümunələrini də öyrənir, taktikada və döyüş hazırlığının digər fənlərində öz vərdişlərini təkmilləşdirirlər. Qeyd edilib ki, kurslara cəlb olunan gənc zabitlər Vətən müharibəsində iştirak etmiş, döyüş təcrübəsinə malik hərbi qulluqçulardır.

Sonda müdafiə naziri hərbi qulluqçuların tank və piyada döyüş maşınlarında yerinə yetirdikləri təlim tapşırıqlarını və atış məşğələlərini izləyib.

Eləcə də oxuyun:

7
Teqlər:
Zakir Həsənov, məşq, hərbçilər, Müdafiə Nazirliyi
Azərbaycan cüdo yığmasının üzvü İrina Kindzerskaya

Azərbaycan Tokioda ilk medalını qazandı

51
(Yenilənib 14:12 30.07.2021)
Azərbaycan cüdo yığmasının üzvü İrina Kindzerskaya üçüncü yer uğrunda görüşdə rəqibinə ipponla qalib gələrək, Azərbaycan millisinə ilk medalı qazandırıb.

BAKI, 30 iyul — Sputnik. Azərbaycan Tokio Yay Olimpiadasında ilk medalını qazanıb. 

Sputnik Azərbaycan-ın məlumatına görə, Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gələrək, Azərbaycan millisinə ilk medalı qazandırıb.

Kindzerskaya yarışa 1/8 final mərhələsindən qoşulub və Bosniya və Herseqovina idmançısı Larisa Çeriçə qalib gəlib. 1/4 finalda isə idmançımız koreyalı cüdoçu Mijin Xanı məğlub edib.

  • Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gəlib
    © REUTERS / ANNEGRET HILSE
  • Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gəlib
    © REUTERS / ANNEGRET HILSE
  • Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gəlib
    © REUTERS / ANNEGRET HILSE
  • Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gəlib
    © REUTERS / SERGIO PEREZ
1 / 4
© REUTERS / ANNEGRET HILSE
Azərbaycan cüdo yığmasının üzvü İrina Kindzerskaya (78 kq-dan çox) üçüncü yer uğrunda görüşdə çinli Şiyan Xu ilə qarşılaşıb və ipponla qalib gəlib

İdmançımız yarımfinalda Yaponiyanın 21 yaşlı dünya çempionu Akira Sone ilə qarşılaşıb. Təəssüf ki, bu dəfə özü ipponla uduzan Kindzerska qızıl medal şansını əldən verib.

Azərbaycanı təmsil edən digər ağır çəkili idmançı Uşanqi Kokauri (100 kq-dan çox) Olimpiadada çıxışlarını artıq başa vurub. İlk qarşılaşmada polşalı idmançı Matsey Sarnaka qalib gələn Kokauri növbəti mərhələdə dünya reytinqinin lideri Rafael Silvaya məğlub olub.

İrina Kindzerskaya haqqında maraqlı faktlar

1991-ci il iyunun 13-də Ukraynanın Xmelnitsk vilayətinin Kamenets-Podolsk şəhərində anadan olub.

Cüdo ilə 13 yaşından məşğul olmağa başlayıb.

2012-ci ilin London Olimpiadasında 5-ci olub.

Ukrayna milli komandasının 78 kq-dan artıq çəki dərəcəsində üçüncüsü və ən yaşlı idmançısı olub.

2016-cı ildə ailə qurub və hazırda rəsmən Əliyeva soyadını daşıyır.

2017-ci ilin mayında vətəndaşlığını dəyişərək Azərbaycanın cüdo üzrə milli komandasına keçib.

İdmançının hesabında xeyli mükafat var: 2017-ci il dünya çempionatının bürünc, 2019-cu il Avropa birinciliyinin bürünc, 2020-ci il Avropa çempionatının gümüş medalı, Grand Slam, Masters.

Kindzerskayanın uğurları arasında təkcə Olimpiya medalı çatmırdı.

İdmanda kredosu: hər bir qarşılaşmaya elə çıxmaq lazımdır ki, sanki bu final görüşüdür!

22 azərbaycanlı atlet evə qayıdır

Artıq 22 idmançımız Tokio Olimpiya oyunlarında heç bir mükafat əldə etmədən çıxışlarını başa vurub.

Bunlar – taekvondoçular Fəridə Əzizova (67 kq) və Milad Beiqi Harçeqani (80 kq), qılıncoynadan Anna Başta, cüdoçular Kəramət Hüseynov (60 kq), Orxan Səfərov (66 kq), Rüstəm Orucov (73 kq), Murad Fətiyev (81 kq), Məmmədəli Mehdiyev (90 kq), Zelim Kotsoyev (100 kq), Uşanqi Kokauri (100 kq-dan çox) və Aişə Qurbanlı (48 kq), boksçular Tayfur Əliyev (57 kq), Lorenso Sotomayor (69 kq) və Məhəmməd Abdullayev (91 kq-dan çox), üzgüçülər Maksim Şemberov və Məryəm Şeyxəlizadəxangah, gimnastlar İvan Tixonov və Marina Nekrasova, velosipedçi Elçin Əsədov, atıcı Emin Cəfərov və çoxnövçü Rostislav Pevtsov və badmintonçu Edi Reski Dviçayodur.

Azərbaycan Tokio-2020-də

Tokioda Yay Olimpiya Oyunları iyulun 23-dən avqustun 8-nə kimi keçirilir.

Tokio Yay Olimpiadasında ölkəmizi 44 idmançı təmsil edir. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgüçülük və triatlonda - çıxış edirlər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

51
Teqlər:
cüdo, medal, Azərbaycan, Tokio Yay Olimpiya Oyunları
Türkiyədə yanğınlar

Çavuşoğlu Türkiyədəki yanğınlar barədə: "Saxlanılan şübhəlilər var"

0
(Yenilənib 14:09 30.07.2021)
Türkiyəli nazirlər ölkədə baş verən fəlakətlə bağlı son durumu açıqlayıblar. Mövlud Çavuşoğlu qeyd edib ki, sabahdan zərərçəkmişlərə kompensasiya ödəniləcək.

BAKI, 30 iyul — Sputnik. "Türkiyədə yanğınların 57-si nəzarət altına alınıb". Sputnik Azərbaycan xəbər verir ki, bunu Türkiyənin kənd təsərrüfatı və meşə naziri Bəkir Pakdemirli bu gün keçirilən brifinq zamanı bildirib.

Nazir qeyd edib ki, 3 təyyarə, 9 PUA, 1 pilotsuz vertolyot, 1 su çəni, 38 vertolyot, 680 yanğınsöndürən maşın, 55 texnika və 4 min personal hazırda yanğınla mübarizəni davam etdirir. Pakdemirli qeyd edir ki, indiyə qədər yanğın nəticəsində dörd nəfər həyatını itirib: "Antalyada 3, Muğlada 1 vətəndaşımız həyatını itirib".

Türkiyənin xarici işlər naziri Mövlud Çavuşoğlu isə bir yandan yanğınsöndürmə işlərinin davam etdiyini, digər tərəfdən isə zərərin qiymətləndirilməsinin həyata keçirildiyini bildirib: "Zərəri qiymətləndirilən vətəndaşlara sabahdan etibarən ödənişlərin həyata keçirilməsinə başlanılacaq. Yanğınları kim törətdi? Vətəndaşların da, bizim də şübhələrimiz var. Bütün qurumlarımız həssas bir iş aparır. Saxlanılan şübhəlilər var".

Türkiyədə meşə yanğınları

Qeyd edək ki, Türkiyədə, Antalyanın Manavqat rayonunda Yeniköy məhəlləsinin yaxınlığındakı meşədə yanğın olub. İyulun 28-dən başlayan yanğın Manavqat rayonunun mərkəzinə qədər yayılıb, bəzi yaşayış məntəqələri və iş yerləri yanaraq yararsız hala düşüb. Ümumilikdə Türkiyənin Antalya əyalətində başlayan meşə yanğınları nəticəsində 4 nəfər həlak olub, 183 nəfər isə xəsarət alıb. Yanğının söndürülməsinə 100-dən çox texnika, o cümlədən 2 təyyarə və 15 helikopter cəlb edilib.

Azərbaycandan dəstək 

Cümə günü, iyulun 30-da Azərbaycan Respublikasının Prezidenti İlham Əliyev Türkiyədəki dəhşətli yanğınlarda insanların həlak olması ilə bağlı türkiyəli həmkarı Rəcəb Tayyib Ərdoğana başsağlığı verib. O, Azərbaycan hökuməti və xalqının hər zaman olduğu kimi bu gün də qardaş Türkiyə xalqı ilə həmrəy olduğunu vurğulayıb.

Azərbaycanın Xarici işlər naziri Ceyhun Bayramov da meşə yanğınları zamanı həlak olanlarla bağlı Türkiyəyə başsağlığı verib. Bayramov bunu özünün feysbukdakı hesabında yazıb: “Qardaş Türkiyədə meşə yanğınlarının davam etməsi, Antalyada 3 nəfərin həyatını itirməsi bizi çox sarsıtdı. Yanğın nəticəsində dünyasını dəyişənlərə Allahdan rəhmət diləyirik. Bu çətin günlərdə qardaş Türkiyənin yanındayıq, hər cür dəstək göstərməyə hazırıq”.

Azərbaycan Respublikasının Baş naziri Əli Əsədov Türkiyə Respublikasının vitse-prezidenti Fuat Oktaya zəng vurub. Əsədov meşə yanğınları ilə mübarizədə Azərbaycanın Türkiyəyə hər cür yardım göstərməyə və bunun üçün bütün lazımi qüvvələri səfərbər etməyə hazır olduğunu vurğulayıb.

Eləcə də oxuyun:

0
Teqlər:
Mövlud Çavuşoğlu, yanğın, Türkiyə