Güləşçilər

Güləşçilərimiz beynəlxalq yarışa yollanır

19
(Yenilənib 20:28 16.11.2017)
Yarışlar 18-19 noyabr tarixlərində keçiriləcək

BAKI, 17 noyabr — Sputnik. 18-19 noyabr 2017-ci il tarixdə Rusiya Federasiyasının Vladiqafqaz şəhərində sərbəst güləş üzrə "Alans" beynəlxalq turniri keçiriləcək.

Güləş Federasiyasının mətbuat xidmətindən Sputnik Azərbaycan-a verilən məlumata görə, baş məşqçi Firdovsi Umudov və məşqçi Rövşən Hacıyevin rəhbərliyi altında turnirdə yığma komandamızın 8 üzvü mübarizə aparacaq. Heyətdə Əfqan Xaşalov, Georgi Edişeraşvili (hər ikisi 57 kq), Ağahüseyn Mustafayev (65 kq), Məhəmməd Müslümov, Ruslan Dibirhacıyev (hər ikisi 70 kq), Aleksandr Qostiyev (86 kq), Şərif Şərifov və Aslanbek Alborov (hər ikisi 97 kq) yer alıb.

I-S kateqoriyalı hakim Hicran Şərifov Dünya Güləş Birliyi tərəfindən hakim-instruktor təyin edilib və turnirin gedişinə nəzarət edəcək. Görüşlərin idarə edilməsində isə ölkəmizi beynəlxalq dərəcəli hakim Zaur Şərifov təmsil edəcək.

Turnirin proqramına əsasən, noyabrın 18-də 57, 65, 74 və 97 kq çəkidə, noyabrın 19-da isə 61, 70, 86 və 125 kq çəkidə pəhləvanlar arasında qaliblər müəyyənləşəcək.

19
Teqlər:
Rusiya Federasiyası, Dünya Güləş Birliyi, hakim Hicran Şərifov, baş məşqçi Firdovsi Umudov, "Alans" beynəlxalq turniri, sərbəst güləş
Əlaqədar
Güləşçilərimiz beynəlxalq turnirdə öz qüvvələrini sınayacaqlar
Qalib güləşçilərimiz vətənə dönüblər
Sərbəst güləş yığmamız bu mötəbər yarışda iştirak edəcək
Sərbəst güləşçilərimizin uğurlu çıxışı
İki qızıl medal güləşçilərdən gəldi