Nəsimi rayonu Keykab Səfərəliyeva küçəsi 25 ünvanında yerləşən yaşayış binası

Mənzil alanlar da çaşqınlıq içində, satanlar da: bu vəziyyətdə etməli?

347
(Yenilənib 17:52 17.11.2017)
İpoteka krediti ilə ev almaq istəyən vətəndaşlar üçün də xeyli çətinliklər yaranıb

İradə Cəlil, Sputnik Azərbaycan

BAKI, 17 noyabr — Sputnik. Paytaxtda irimiqyaslı tikinti-söküntü işlərinə başlanmasının tikinti bazarında inflyasiyaya səbəb olacağı ehtimalını artırır. Mütəxəssislərin fikrincə, yeni tikililərə tələbatın az olması, evlərin qiymətinin aşağı düşməsinə və tikinti şirkətlərinin iflası ilə nəticələnə bilər. Tikinti bazarında təklif tələbdən çox olduğu zaman itirən yenə şirkətlər olacaq. Bu səbəbdən də, şirkət rəhbərləri tələbə uyğun hərəkət etməlidir.

Tikinti eksperti Elnur Fərzəliyevin Sputnik Azərbaycan-a danışdığına görə, paytaxtda aparılan söküntü işləri daşınmaz əmlak bazarında ev qıtlığına səbəb olmaqla yanaşı, qiymət artımına da səbəb olub. Ekspert bildirir ki, qiymət artımı əsasən sökülmə ehtimalı olmayan 9 və daha hündür mərtəbəli binalarda müşahidə olunur.

"Bununla yanaşı, ipoteka krediti ilə ev almaq istəyən vətəndaşlar üçün də xeyli çətinliklər yaranıb. Səbəb beşmərtəbəli binalara, xüsusən də sökülmə ehtimalı olan ərazilərdəki evlərə bankların ipoteka krediti verməməsindədir" — Fərzəliyev qeyd edir.

Yenə plana düşmüsünüz
© Karikatura
Yenə plana düşmüsünüz

O bildirir ki, aparılan söküntü işləri alıcıların və satıcıların caşqınlıgına səbəb olub: "Alıcılar söküntü olan ərazilərdən ev almağa üstünlük versələr də, tərəddüd edirlər. Çünki nə vaxt söküləcək, kim sökəcək, nə vaxt tikiləcək və sair bu kimi suallar alıcıları narahat edir. Lakin söküləcək binalardan ev almağın üstünlükləri də çoxdur. Pilot layihəyə düşən hər bir mənzilə yerində tikiləcək binalardan təmirli, daha geniş kvadratla yeni mənzil verilir və əlavə olaraq bina tikilib tam təhvil verilənə qədər hər ay kirayə pulu ödənilir".

Müsahibimizin sözlərinə görə, əslində söküntü işləri qəzalı olan, istismar müddətini başa vurmuş və şəhər arxitekturasına xələl gətirə bilən binalardan başlanılmalı idi: "Amma bəzi yerlərdə qəzalı olmayan binalar da sökülür. Şəhərin bir çox ərazilərində artıq xeyli söküntü işləri aparılıb və tikintiyə başlanılıb. Hətta Nərimanov rayonu Heydər Əliyev prospektində bir neçə il əvvəl sökülmüş bəzi binaların əvəzinə yeni binalar tikilərək sakinlərə təhvil verilib".

Ekspert bildirir ki, çox zaman pilot layihələrin inşasını aparan bəzi tikinti şirkətləri tələb olunan səbəblərdən sökülməli olan binaların əvəzinə, həyəti geniş olan və qəzalı vəziyyətdə olmayan binaların sökülməsinə üstünlük verir: "Səbəb isə bir bina əvəzinə bir neçə bina tikib sataraq, daha çox gəlir əldə etməkdir. Şəhər ətrafında və mərkəzdə tam qəzalı vəziyyətdə olan yataqxana tipli, məcburi köçkünlərin məskunlaşdıqları xeyli bina var. Həmin binalar və orada yaşayan sakinlər hər an təhlükə ilə üz- üzə qalırlar".

"Bu binalarda elektrik xətləri qeyri-standart çəkilib, sanitar qovşaqları qəzalı və demək olar ki, istismar müddətini tam başa vurmuş binalardır. Bu tip binalarda qısaqapanma nəticəsində baş verən yanğınlara dəfələrlə şahid olmuşuq. Düşünürəm ki, ilk olaraq bu binaları sökmək daha məqsədə uyğun olardı" — Fərzəliyev vurğulayır.

Onun iddiasına görə, sökülən bütün ərazilərin yerində yenidən tikinti işləri aparmaq mənzil bazarının süqutuna gətirib çıxara, eyni zamanda da tikinti şirkətlərinin iflası ilə nəticələnə bilər: "Təklif tələbi dəfələrlə üstələsə, bu, mənzillərin qiymətlərinin xeyli ucuzlaşmasına gətirib çıxarar. Yəni, bugünkü gündə hər bir alıcı üçün 5 mənzil seçimi varsa, sökülən ərazilərin tamamı tikildikdən sonra hər bir alıcı qarşısında onlarla mənzil seçimi olması ilə nəticələnəcək".

"Bu da mənzillərin qiymətlərində ucuzlaşma ilə müşahidə olunacaq. Belə bir vəziyyət yaranarsa, tikinti şirkətləri də iflasa uğraya bilər. Tikinti şirkətlərinin iflası isə tikilməkdə olan mənzillərin yarımçıq vəziyyətdə qalması ilə də nəticələnə bilər" — mütəxəssis qeyd edir.

İqtisadçı Samir Əliyev də Sputnik Azərbaycan-a deyir ki, söküntü baş verirsə, bu proses təbii olaraq mənzil bazarına təsir göstərir: "Söküntülər zamanı insanlara müəyyən qədər pul verilir və bu da bazarda alıcı kütləsinin artması deməkdir. Alıcı kütləsi tələbat artımı, tələbat artımı isə qiymətin bahalaşması deməkdir".

Mütəxəssisin sözlərinə görə, söküntün miqyası mənzil bazarına təsir göstərə bilər: "Bir-iki binanın sökülməsi mənzil bazarına təsir edə bilməz. Söküntünün miqyası böyükdürsə, bu, mənzil bazarına təsir göstərir. Söküntülər eyni zamanda tikinti bazarına da təsir göstərir. Yəni bu sahədə bahalaşma müşahidə edilə bilər".

Ekspert bildirir ki, söküntü müəyyən sahələrə təsir edə bilər, amma ölkədə inflyasiya yarada bilməz.

347
Teqlər:
Elnur Fərzəliyev, alan, satan, ipoteka, Sputnik Azərbaycan, tikinti, söküntü, bina, mənzil, ekspert, Samir Əliyev, iqtisadçı, kredit, inflyasiya, paytaxt, ev
Əlaqədar
Bakıda evlərin eyvanları sökülür
Bakıda qalmaqal: Hökumətin "sökmə" dediyini sökən peyda olub
Bakıda nəhəng söküntü qərarı: icra başçılarına təlimat verilib
"Bahalı mənzil, hələ o binanın keyfiyyətli olması demək deyil"
Bu peşə sahiblərinə də pulsuz mənzillər verildi

Azərbaycanın mülki əhalisi hədəfdə: Ermənistan ordusunun atdığı mərmi Ağdamda evi dağıtdı

0
Ermənistanın Silahlı Qüvvələrinin bu gün törətdiyi təxribat nəticəsində Azərbaycanda bir ailənin 5 üzvü isə həlak olub. Mülki əhalinin atəşə tutulması nəticəsində 19 dinc sakin yaralanıb

BAKI, 28 sentyabr - Sputnik. Ermənilər Azərbaycanın mülki əhalisini hədəfə almaqda davam edirlər.

Sputnik Azərbaycan APA-ya istinadən bildirir ki, işğalçı ordunun atdığı mərmilərdən biri Ağdam rayonunun Çəmənli kənd sakini Əsədov Zahid Məhərrəm oğlunun həyətinə düşüb.

Nəticədə Z.Əsədova məxsus ev və "VAZ 2107" markalı avtomobil yararsız hala düşüb.

Qeyd edək ki, Ermənistanın Silahlı Qüvvələrinin bu gün törətdiyi təxribat nəticəsində Azərbaycanda bir ailənin 5 üzvü isə həlak olub. Mülki əhalinin atəşə tutulması nəticəsində 19 dinc sakin yaralanıb. Eyni zamanda onlarla şəxsi mülkiyyətə ziyan dəyib.

0
Teqlər:
erməni təxribatı, mərmi, maşın, ev, dinc sakin, Ağdam, Dağlıq Qarabağ münaqişəsi, Dağlıq Qarabağ
Əlaqədar
Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür
Ermənistan ordusunun öldürdüyü beş nəfərin adları açıqlandı
MN: Ermənistanın Ağdərə istiqamətindəki komandanlığına təslim olmaq təklif edilib
Ermənistan ordusunun mərmiləri Tərtərdə evləri viran etdi - FOTO
Baş Prokurorluq Ermənistan ordusunun yaraladığı əhali barədə məlumat yaydı
ABŞ Dövlət Departamenti

ABŞ da Qarabağa görə dilləndi

21
Dövlət Departamenti ABŞ-ın Dağlıq Qarabağdakı situasiyanı tənzimləməkdə hər iki ölkəyə yardım etməyə hazır olduğunu bildirib.

BAKI, 28 sentyabr - Sputnik. ABŞ Ermənistan və Azərbaycanı Dağlıq Qarabağda atəşi dərhal dayandırmağa çağırıb.

Sputnik Azərbaycan-ın məlumatına görə, ABŞ Dövlət Departamenti Dağlıq Qarabağda eskalasiyadan narahat olduqlarını bildirərək tərəfləri ATƏT-in Minsk qrupu çərçivəsində danışıqlara qayıtmağa dəvət edib.  

Dövlət Departamentinin məlumatında o da bildirilir ki, münaqişədə üçüncü ölkələrin iştirakı regiondakı vəziyyəti daha da gərginləşdirəcək.

ABŞ Yerevan və Bakını Dağlıq Qarabağda vəziyyəti daha da pisləşdirə biləcək hərbi ritorika və əməliyyatlardan çəkinməyə çağırıb.

Dövlət Departamenti ABŞ-ın Dağlıq Qarabağdakı situasiyanı tənzimləməkdə hər iki ölkəyə yardım etməyə hazır olduğunu bildirib.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin mətbuat katibi, polkovnik-leytenant Anar Eyvazov isə açıqlamasında qeyd edib ki, Azərbaycan Ordusunun uğurlu əməliyyatı nəticəsində bir sıra kəndlərimiz azad edilib. A.Eyvazov bildirib ki, hazırkı məlumata görə, Füzuli–Cəbrayıl istiqamətində Qaraxanbəyli, Şərvənj, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı kəndləri azad edilib. Bundan əlavə, Ağdərə rayonu və Murovdağ istiqamətlərində düşmən postları darmadağın edilib, hakim yüksəkliklər nəzarətə götürülüb.

21
Teqlər:
Dövlət Departamenti, ABŞ, Ermənistan, Azərbaycan, cəbhə, erməni təxribatı, Dağlıq Qarabağ münaqişəsi
Əlaqədar
Ermənistan ordusunun öldürdüyü beş nəfərin adları açıqlandı
İtaliya parlamentariləri Ermənistanın təxribatını pislədilər
MN: Ermənistanın Ağdərə istiqamətindəki komandanlığına təslim olmaq təklif edilib
Azərbaycan XİN: Ermənistan rəsmisinin irqçi və şovinist açıqlamasını pisləməyə çağırırıq
Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür