Pullu qadın

Əmək haqlarımız mövcud reallığa uyğunlaşacaq

1153
(Yenilənib 15:46 17.11.2017)
Hazırkı əmək haqqları inflyasiya ilə ayaqlaşa biləcəkmi?

Fuad Əlizadə, Sputnik Azərbaycan

BAKI, 17 noyabr — Sputnik. 2017-ci ilin yanvar-avqust aylarında ölkə iqtisadiyyatında muzdla çalışan işçilərin orta aylıq nominal əmək haqqı 2016-cı ilin müvafiq dövrünə nisbətən 7,4 faiz artıb və sentyabrın əvvəllərində 524,7 manata çatıb.

Azərbaycan Respublikası Dövlət Statistika Komitəsinin (DSK) məlumatına görə, iqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, eləcə də tikinti sahələrində orta aylıq nominal əmək haqqı daha yüksək olub. Muzdla çalışan işçilərin orta aylıq əmək haqqı 2017-ci ilin yanvar-iyul aylarında 2016-cı ilin analoji dövrü ilə müqayisədə 6,9% artaraq 523 manata çatıb.

2017-ci il sentyabrın 1-i vəziyyətinə ölkə iqtisadiyyatında muzdla çalışan işçilərin sayı 1526,3 min nəfər olub ki, onlardan da 875,8 min nəfəri iqtisadiyyatın dövlət sektorunda, 650,5 min nəfəri isə qeyri-dövlət sektorunda fəaliyyət göstərib. Bununla belə, dövlət ölkənin əsas işəgötürəni olaraq qalır. Ölkənin muzdlu işçilərinin 57%-ni dövlət işində çalışanlar təşkil edir.

Muzdla işləyənlərin 21,5 faizi təhsil, 19,0 faizi ticarət; nəqliyyat vasitələrinin təmiri, 12,8 faizi sənaye, 8,6 faizi əhaliyə səhiyyə və sosial xidmətlərin göstərilməsi, 7,5 faizi tikinti, 7,1 faizi dövlət idarəetməsi və müdafiə; sosial təminat, 4,7 faizi nəqliyyat və anbar təsərrüfatı, 3,5 faizi peşə, elmi və texniki fəaliyyət, 3,2 faizi kənd təsərrüfatı, meşə təsərrüfatı və balıqçılıq, 1,5 faizi maliyyə və sığorta fəaliyyəti, 10,6 faizi isə iqtisadiyyatın digər sahələrində məşğul olublar.

Qeyd edək ki, yanvar-avqust aylarının yekunlarına görə, orta aylıq əmək haqqının artım tendensiyası izlənib. Bu ilin yanvar-iyul aylarında artım 6,9%, yanvar-avqust aylarında isə 7,4% olub.

Eyni zamanda, sentyabrın axırlarına inflyasiya həddi də aşağı düşməyə başlayıb. Əvvəlki 14%-lik inflyasiyanı 13,9% izləyib.

İlin sonuna elə də çox vaxt qalmayıb. Əmək haqqlarının artımı ölkədəki inflyasiyanın dinamikasından praktiki olaraq iki dəfə aşağıdır. Lakin bir sıra məmurların açıqlamalarından çıxış edərək, 2017-ci ilin yekunlarına əsasən inflyasiyanın birmənalı olacağını gözləmək mümkündür.

Bununla belə, tamamilə inandırıcıdır ki, əgər inflyasiyanın səviyyəsi yüksəlməsə, bu templə artan əmək haqları onun səviyyəsinə adekvat ola, yaxud yaxınlaşa bilər.

Lakin bu, yalnız o halda mümkündür ki, yola salmaqda olduğumuz ildə qalan aylar ərzində bir sıra dövlət idarələrinin təşəbbüsləri nəticəsində yerli istehsalçıların dəstəyi ilə istehlak bazarında məhsulların və xidmətlərin qiymətləri dəyişməmiş qalsın.

1153
Teqlər:
işçi, əmək haqqı, pul, inflyasiya
Əlaqədar
Cari ilin inflyasiya gözləntiləri ümidverici deyil
İqtisadçı-ekspert: 2017-ci ildə də inflyasiya iki rəqəmli olaraq davam edəcək
"Ötən il inflyasiya tək rəqəmli səviyyədə saxlanılıb"
Bəzi peşələr üzrə əmək haqqı artdı
Əmək haqlarımızın məbləği dəyişib
Əmək haqlarının xərclənməsinə məhdudiyyət qoyulub
Azərbaycan hərbçiləri, arxiv şəkli

Müzəffər Azərbaycan Ordusu Laçında! - VİDEO

81
(Yenilənib 00:21 01.12.2020)
Üçtərəfli bəyanata əsasən Müzəffər Azərbaycan Ordusunun bölmələri dekabrın 1-də Laçın rayonuna daxil olub.

BAKI, 01 dekabr - Sputnik. Azərbaycan Respublikası, Rusiya Federasiyası Prezidentləri və  Ermənistan Respublikası baş nazirinin imzaladığı üçtərəfli bəyanata əsasən, Azərbaycan Ordusunun bölmələri dekabrın 1-də Laçın rayonuna daxil olub.

Sputnik Azərbaycan bildirir ki, məlumatı və müvafiq videonu Azərbaycan Müdafiə Nazirliyi yayıb.

 

81
Teqlər:
Azərbaycan ordusu, Azərbaycan, Qarabağ, Laçın
Dünya Səhiyyə Təşkilatının baş direktoru Tedros Adhanom Qebreyesu, arxiv şəkli

ÜST rəhbərindən çağırış: siyasiləşdirməyin

16
ÜST rəhbərinin sözlərinə görə, ümumdünya təşkilatının bəzi üzvləri araşdırmaları siyasiləşdirməyə çalışırlar

BAKI, 30 noyabr - Sputnik. Ümumdünya Səhiyyə Təşkilatının baş direktoru Tedros Adhanom Gebreyesus koronavirusun mənbəyi haqda araşdırmaları siyasiləşdirməməyə çağırıb. Onun sözlərinə görə, ekspertlər öz rəylərini elmə əsaslanaraq hazırlayacaqlar.

"Bizim mövqeyimiz kifayət qədər dəqiq və sərt idi. Biz virusun mənbəyini tapmaq üçün iş aparırıq, çünki bu, bütün dünyaya xəstəliyin genezisini taparaq gələcək alovlanmaların qarşısını almağa yardım edəcək", - Cenevrədəki mətbuat konfransında Gebreyesus deyib.

O vurğulayıb ki, ÜST virusun mənbəyinin araşdırılmasında FAO (BMT-nin ərzaq və kənd təsərrüfatı təşkilatı) və Ümumdünya Heyvan Sağlığı Təşkilatı ilə birgə işləyir. Bu məsələylə məşğul olan beynəlxalq ekspertlər qrupuna ABŞ, Böyük Britaniya, Cənubi Koreya, Sudan və digər ölkələrin nümayəndələri daxildir. Ancaq buna rəğmən, ÜST rəhbərinin sözlərinə görə, ümumdünya təşkilatının bəzi üzvləri araşdırmaları siyasiləşdirməyə çalışırlar. 

"Ona görə də məsləhət görürük: xahiş edirik, bu məsələni siyasiləşdirməyin. Biz hər şeyi edəcəyik, amma elmə istinadla", - Gebreyesus vurğulayıb.

16
Teqlər:
siyasət, ÜST, araşdırma, mənbə, epidemiya, COVID-19
Mövzu:
Dünyanı cənginə almış bəla