Sükan arxasında adam

Sürücüləri düşündürən qeyri-müəyyənliyə aydınlıq gətirildi

923
(Yenilənib 17:14 16.11.2017)
Kobud qayda pozan sürücülər bu işarəyə də fikir vermirlər

Təranə Xudabaxşiyeva, Sputnik Azərbaycan

BAKI, 16 noyabr — Sputnik. Avtomobil rahat, eyni zamanda təhlükəli nəqliyyat növlərindən biridir. Hər gün dünyada minlərlə avtomobil qəzası baş verir və hadisə zamanı yüzlərlə, minlərlə insan ölür. Avtomobil qəzasında xəsarət alıb ömürlük şikəst olanlar da az deyil.

Bəzi valideynlər övladlarını qəzadan qorumaq üçün şəxsi avtomobillərinin şüşəsinə "Diqqət, avtomobildə uşaq var" işarəsini yapışdırırlar. Bununla da, digər sürücüləri daha diqqətli olmağa çağırırlar. Sputnik Azərbaycan bu işarələrin qanunla nə dərəcədə əhəmiyyətli olduğunu araşdırıb.

Avtomobildə uşaq var nişanı
© Sputnik / Murad Orujov
"Avtomobildə uşaq var" nişanı

Yol-nəqliyyat eksperti Elməddin Muradlı bildirib ki, bu işarə qanunda nəzərdə tutulmayıb: "Bunlar sadəcə xəbərdarlıq üçün yapışdırılan işarələrdir. Amma belə bir işarə vuran avtomobil sürücüsünə heç bir üstünlük vermir".

E. Muradlı onu da qeyd edib ki, bu işarənin olub-olmamasının heç bir əhəmiyyəti yoxdur: "Kobud qayda pozan sürücülər bu işarəyə də fikir vermirlər".

Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Kamran Əliyev də qeyd edib ki, qanunda bu işarə nəzərdə tutulmayıb: "Tanınma nişanları içində əlilləri və uşaqları daşıyan avtobusları tanıdan işarələr var. Amma şəxsi maşınlarda qeyri-rəsmi işarə qoyulur ki, avtomobildə uşaq daşınır".

"Bunun heç bir üstünlüyü yoxdur. Bu işarə sadəcə digər avtomobil sürücülərini xəbərdar edir ki, maşının yanından keçəndə siqnal verməsin və ya bir az diqqətli olsun. Amma bu işarənin heç bir hüququ əsası yoxdur. Bir sözlə, sırf məlumat xarakterli işarədir" — K. Əliyev vurğulayıb.

923
Teqlər:
işarə, Elməddin Muradlı, qayda, Kamran Əliyev, qanun, qadın, sürücü, uşaq, avtomobil
Əlaqədar
Sürücülərin diqqətinə: Saxta maşın nömrələri satılır
Qusarlı sürücünün cəhdləri nəticə vermədi, yaralı öldü
Sürücülərin nəzərinə: Bunları mütləq bilməlisiz
"Baku Bus"un sürücüsü cərimələnib
Bakıda avtobus sürücüsü sərnişinlərə dəhşət yaşatdı
Əliyev: “Çirkli avtomobilə görə sürücü məsuliyyəti yoxdur”
Polkovnik nöqtəni qoydu: “Nəinki danışan sürücülər, sərnişinlər də cərimələnə bilər”
İnsan qanı dolu paketlər, arxiv şəkli

Xərçəng xəstələrinə ümid işığı: Yeni test sağ qalma şansını artıracaq

6
(Yenilənib 23:32 27.11.2020)
"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

BAKI, 28 noyabr — Sputnik. İngiltərənin Milli Səhiyyə Xidməti qandan 50 növ xərçəngin erkən əlamətlərini aşkar edən bir testi yoxlayacaq.

Sputnik Azərbaycan xarici mətbuata istinadla xəbər verir ki, "Qan Analizi Qalereyası" 165.000 xəstə üzərində test ediləcək. Əvvəlki tədqiqatlar diaqnozu çətin olan bir çox xərçəng növünü -  boyun, yumurtalıq və beyin xərçənglərini müəyyən edə bildiyini göstərmişdi.

Yeni testin effektiv olduğu sübut edilərsə, erkən mərhələlərdə xərçəng diaqnozu üçün geniş istifadə ediləcək. Bu, dördüncü mərhələdə xəstəliyin aşkarlanması halları ilə müqayisədə xəstələrin sağ qalma sürətini beş-on qat artıracaq.

"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

Milli Səhiyyə Xidməti sınaqların 2023-cü ilə qədər bitməsini planlaşdırır. Bu, 2024-2025-ci illərdə yeni qan testinin geniş yayılmasına imkan verəcək.

6
Teqlər:
İngiltərə, ABŞ, qan, test, xərçəng xəstəliyi
Netflix şirkətinin binası, arxiv şəkli

"Oskar" mükafatında yeni rekordçu ola bilər

5
(Yenilənib 23:25 27.11.2020)
Sofi Lorenin iştirak etdiyi "The Life Ahead" və Priyanka Çopranın rol aldığı "The White Tiger" filmlərinin də şansı olduğu vurğulanır

BAKI, 28 noyabr — Sputnik. "Netflix" 2021-ci ildə "Oskar" mükafatının təqdimetmə mərasimində "Ən Yaxşı Film" nominasiyaları üzrə yeni rekordçu ola bilər.

Sputnik Azərbaycan-ın verdiyi məlumata görə, "Netflix"in namizədləri arasında Aaron Sorkinin "The Trial of the Chicago 7" və Devid Finçerin "Mank", Nikol Kidmanın iştirakı ilə "Ma Rainey"s Black Bottom", Meril Stripin oynadığı "The Prom", Spayk Linin "Da 5 Bloods" filmləri və Corc Kluninin genişmiqyaslı "The Midnight Sky" layihəsi yer alıb.

Bundan əlavə, Sofi Lorenin iştirak etdiyi "The Life Ahead" və Priyanka Çopranın rol aldığı "The White Tiger" filmlərinin də şansı olduğu vurğulanıb.

Nəşrin yazdığına görə, əvvəlki rekord MGM ("Metro-Goldwyn-Mayer") kino şirkətinə məxsus olub.

5
Teqlər:
film, rekord, Netflix şirkəti, Oskar mükafatı

İşğaldan azad olunan Kəlbəcər şəhərində Azərbaycan bayrağı qaldırılıb - VİDEO

6
(Yenilənib 09:35 28.11.2020)
Azərbaycanın Kəlbəcər rayonu üçtərəfli bəyanatın şərtlərinə uyğun olaraq, noyabrın 25-də erməni işğalından azad edilib.

BAKI, 28 noyabr - Sputnik. İşğaldan azad olunan Kəlbəcər şəhərində Azərbaycan bayrağı qaldırılıb.

Sputnik Azərbaycan-ın xəbərinə görə, bu barədə Müdafiə Nazirliyi məlumat yayıb. Həmin möhtəşəm kadrları təqdim edirik.

6
Teqlər:
Azərbaycan bayrağı, Müdafiə Nazirliyi, Üçtərəfli bəyanat, Kəlbəcərin azad olunması