Gecə növbəsi filmindən kadr

Emin Ağalarovun ehtiraslı öpüş səhnəsi şoka saldı - VİDEO

1322
(Yenilənib 18:13 15.11.2017)
Tamaşaçıların ən çox diqqətini Ağalarovun aktrisalardan biri ilə ehtiraslı öpüşləri cəlb edib

BAKI, 15 noyabr — Sputnik. Sosial şəbəkələrdə məşhur müğənni Emin Ağalarovun çəkildiyi "Gecə növbəsi" Rusiya bədii filminin treyleri təqdim edilib. Sputnik Azərbaycan-ın məlumatına görə, filmin rejissoru Maryus Vaysberq öz facebook səhifəsində filmlə bağlı banneri və videoçarxı yerləşdirib.

Vaysberq "Yüngül əxlaqlı nənə", "Böyük şəhərdə məhəbbət", "8 yeni görüş" kimi filmləri ilə məşhurdur. Yeni film zavoddan işdən qovulmuş və striptizçi işləmək məcburiyyətində qalmış sadə qaynaqçı Maksdan (Vladimir Yaqlıç) bəhs edir. Yeni peşəsini arvadından gizlədərkən o, bir sıra komik və gülünc vəziyyətlərə düşür.

Filmdə əsas rolları Pavel Derevyanko, Sergey Qluşko, Vladimir Yaqlıç, Natalya Bardo, İqor Jijikin, Kseniya Teplova, Valentina Mazunina, Emin Ağalarov, Natalya Boçkaryova və başqaları ifa edir. Tamaşaçıların ən çox diqqətini Ağalarovun aktrisalardan biri ilə ehtiraslı öpüşləri cəlb edib.

Qeyd edək ki, müğənni həmçinin filmin prodüseridir. Komediyanın çəkilişləri Neva şəhərində aparılıb. Filmin premyerası 2018-ci ilin yanvarında baş tutacaq.

Bu film Ağalarovun aktyor kimi debütüdür. Müğənni olaraq Ağalarovun dünyanın məşhur aparıcı şirkətləri Warner Music və Sony ATV Music Publishing tərəfindən lentə alınmış 10 ingilisdilli albomu var.

Ağalarov “World Music Awards”, "Azərbaycandan olan ən yaxşı müğənni", "Qızıl mikrofon", "MUZ TV-nin mükafatı" və digər beynəlxalq mükafatların laureatıdır. O, müxtəlif ölkələrdə konsert proqramları ilə çıxış edir. Ağalarov Qriqori Leps və Sergey Kojevnikovla birlikdə hər il Bakıda keçirilən beynəlxalq "Jara" musiqi festivalının təşkilatçısıdır.

Hazırda müğənni Moskva, Sankt-Peterburq və Bakıda ənənəvi konsertlərinə hazırlaşır.

1322
Teqlər:
debüt, Maryus Vaysberq, öpüş, "Gecə növbəsi", Emin Ağalarov, aktyor
Əlaqədar
Emin Ağalarovun şəxsi həyatı barədə maraqlı görüntülər üzə çıxdı
Araz Ağalarovun biznes ortağı qətlə yetirilib
Emin Ağalarov Trampla bağlı məsələyə münasibət bildirdi
Emin Ağalarov telekanal açır
Məşhur Hollivud ulduzu Robert De Niro Ağalarovların qonağı olub
Xalq artisti Arif Babayev, arxiv şəkli

Xalq artisti koronavirusa yoluxub

0
Gültəkin xanım: "Qanını yoxladılar, pozitiv çıxıb. Mən qripəm, məndə neqativ çıxıb, amma o məndən daha gümrahdır. Müalicəsi evdə davam edir"

Şahpəri Abbasova, Sputnik Azərbaycan

BAKI, 1 dekabr — Sputnik. Azərbaycan Milli Konservatoriyasının "Muğam" kafedrasının müdiri, Xalq artisti Arif Babayev koronavirusa yoluxub.

Bununla bağlı Sputnik Azərbaycan-a məlumat verən Arif Babayevin həyat yoldaşı Gültəkin Babayeva bildirib ki, sənətkarın vəziyyəti stabildir: "Bildiyiniz kimi, Arif Babayev bir müddət öncə insult keçirib. Ona görə də vaxtaşırı Mərkəzi klinik xəstəxanaya müayinəyə gedirik. Qanını yoxladılar, pozitiv çıxıb. Mən qripəm, məndə neqativ çıxıb, amma o məndən daha gümrahdır. Müalicəsi evdə davam edir" .

Məlumat üçün bildirək ki, Arif Babayev XX əsrin ikinci yarısından etibarən Qarabağ xanəndəlik məktəbinin görkəmli nümayəndələrindən biri sayılır. Onun yaradıcılığında "Şur", "Seygah" muğam dəstgahları, "Arazbarı", "Qarabağ şikəstəsi" zərbi muğamları xüsusi yer tutur. Xüsusilə, "Seygah" muğamını Arif Babayev təkrarolunmaz bir üslubda oxuyub. Xanəndə həm də təsnif və xalq mahnılarının ifaçısı kimi çox sevilir.

O, müxtəlif illərdə "Azərbaycan SSR Əməkdar artisti", "Azərbaycan SSR Xalq artisti", "Şöhrət" ordeni, "İstiqlal" ordeni, "Qızıl çinar" beynəlxalq mükafatı və "Şərəf" ordeni ilə təltif olunub.

0
Teqlər:
xalq artisti, Koronavirus, yoluxma, Arif Babayev
Qərənfil

Rusiyada Dövlət Təsviri İncəsənət Muzeyinin prezidenti vəfat edib

1
(Yenilənib 13:10 01.12.2020)
İrina Antonova RSFSR və Rusiyanın nüfuzlu sənət mükafatları ilə təltif edilib. Ömrünün böyük hissəsi A.S.Puşkin adına Dövlət Təsviri İncəsənət Muzeyinə bağlı olub

BAKI, 1 dekabr — Sputnik. Rusiyanın Əməkdar İncəsənət Xadimi, akademik, A.S.Puşkin adına Dövlət Təsviri İncəsənət Muzeyinin Prezidenti İrina Antonova vəfat edib.

Sputnik Azərbaycan xəbər verir ki, 100 yaşlı görkəmli sənətşünasın vəfat xəbərini, Muzeyin direktoru Marina Loşak yayıb.

İrina Antonova RSFSR və Rusiyanın nüfuzlu sənət mükafatları ilə təltif edilib. Ömrünün böyük hissəsi A.S.Puşkin adına Dövlət Təsviri İncəsənət Muzeyinə bağlı olub. 2013-cü ildə Rusiya Dövlət Muzeylərinin baş kuratoru vəzifəsinə təyin edilib. Elə həmin ildən Puşkin Muzeyinin direktoru vəzifəsindən azad edilib və onun üçün təsis edilən Puşkin adına Dövlət Təsviri İncəsənət Muzeyinin Prezidenti vəzifəsini icra etməyə başlayıb.

Mərhum akademik çox sayda orden, medal və mükafatlarla təltif olunub.

1
Teqlər:
Prezident, Rusiya, muzey, təsviri incəsənət, Vəfat