Bakı-Sumqayıt yolu

Ödənişli yol gözləyənlərin nəzərinə: "Azəravtoyol" deyir ki...

222
(Yenilənib 14:11 15.11.2017)
Yolun ödənişli olması təklif kimi verilib, amma hələ necə olacağı məlum deyil

İradə Cəlil, Sputnik Azərbaycan

BAKI, 15 noyabr — Sputnik. Azərbaycanda "Avtomobil yolları haqqında" qanuna dəyişiklik edilməsi barədə layihə hazırlanıb. Qanun layihəsinin 19-1-ci maddəsinin birinci hissəsində "yerli və respublika əhəmiyyətli avtomobil yollarında" sözlərinin "müvafiq icra hakimiyyəti orqanının müəyyən etdiyi avtomagistrallarda" sözləri ilə əvəz edilməsi təklif olunur.

Başqa sözlə, hazırda qüvvədə olan qanuna görə, avtomobil yolları şəbəkəsinin müasirləşdirilməsi və genişləndirilməsi, yol təsərrüfatının inkişaf etdirilməsi, investisiyaların cəlb olunması, müasir standartlara cavab verən avtomobil yollarının tikilməsi, avtomobil yolları istifadəçilərinə yüksək xidmət göstərilməsi, yollarda yüksək sürət rejiminin və təhlükəsizliyin təmin olunması məqsədi ilə yerli və respublika əhəmiyyətli avtomobil yollarında, həmçinin ümumi istifadədə olan bələdiyyə və özəl avtomobil yollarında ödənişli avtomobil yolları yaradıla bilər.

Qanuna dəyişikliklər təsdiq olunsa, hazırda qüvvədə olan qanuna görə avtomobil yolları şəbəkəsinin müasirləşdirilməsi və genişləndirilməsi, yol təsərrüfatının inkişaf etdirilməsi, investisiyaların cəlb olunması, müasir standartlara cavab verən avtomobil yollarının tikilməsi, avtomobil yolları istifadəçilərinə yüksək xidmət göstərilməsi, yollarda yüksək sürət rejiminin və təhlükəsizliyin təmin olunması məqsədi ilə müvafiq icra hakimiyyəti orqanının müəyyən etdiyi avtomagistrallarda, həmçinin ümumi istifadədə olan bələdiyyə və özəl avtomobil yollarında ödənişli avtomobil yolları yaradıla bilər.

Qeyd edək ki, "Avtomobil yolları haqqında" qanuna dəyişikliklər edilməsi barədə layihə ödənişli avtomobil yolları yaradıla bilən yolların dairəsini (müvafiq icra hakimiyyəti orqanının müəyyən etdiyi avtomagistrallar, ümumi istifadədə olan bələdiyyə və özəl avtomobil yolları) dəqiqləşdirmək, habelə ödənişli yolların yaradılması ilə bağlı zəruri məsələləri tənzimləmək məqsədi ilə hazırlanıb.

Ödənişli avtomobil yollarının yaradılması ilə bağlı digər hüquqi və təşkilati məsələlər (avtomagistraldan ödənişli yol kimi istifadə qaydası, hər bir nəqliyyat vasitəsinin gedişi üçün ödənişin məbləği, avtomagistraldan ödənişli yol kimi istifadə edilməsi barədə məlumatın forması, bu istifadənin dayandırılması və xitam verilməsi qaydası və halları) qanun qüvvəyə mindikdən sonra müvafiq icra hakimiyyəti orqanı tərəfindən təsdiq ediləcək.

"Azəravtoyol" ASC nin mətbuat xidmətinin rəhbəri Anar Nəcəfli Sputnik Azərbaycan-a bildirir ki, ödənişli yolların çəkilməsi barədə hələ konkret plan və məlumat yoxdur: "Yəni belə yolların haradan çəkiləcəyi hələ məlum deyil. Bu, sadəcə bir təklifdir və qəbul edilib-edilməyəcəyi sual altındadır. Yeni Bakı-Ələt-Astara yolu tikilir. Bu yol yeni yoldur. Yolun ödənişli olması təklif kimi verilib, amma hələ necə olacağı məlum deyil".

Dairə
Karikatura
Dairə

Nəcəflinin sözlərinə görə, dünyanın hər yerində ödənişli yollar var: "Bu məsələ Milli Məclisdə də müzakirə edilir. Ancaq Azərbaycanda ödənişli yollar yoxdur. Hələ bu barədə təkliflər var, müzakirələr var. Təcrübə olmadığına görə, beynəlxalq təcrübəyə əsaslanaraq hər hansı bir işi görmək olar. Bu, uzun zaman tələb edəcək bir işdir".

ASC sözçüsünün dediyinə əsasən, hazırkı dönəmdə hansısa yolun ödənişli olması üçün gərək yeni, alternativ yol çəkilsin: "Çünki ödənişli yola paralel mütləq ödənişiz yol da olmalıdır. Bu yol ödənişli yolun asfalt beton örtüyünə malik bir yol olmaldır ki, insanlar rahat hərəkət edə bilsin".

Həmsöhbətimiz bildirir ki, bu ödənşli yollar qısa yollara şamil edilməyəcək: "Yəni, əhali Bakı-Sumqayıt yolunun ödənişli yol olmasını təklif etsə belə, bu, mümkün olmayacaq. Ödənişli yol elə yol olmalıdır ki, yaşayış məntəqələrindən keçməsin və yola əlavə daxil olmalar olmasın ki, sürücü qısa vaxtda mənzil başına çata bilsin. Çünki belə olmasa heç bir sürücü ödəniş edib, həmin yoldan keçmək istəməz".

A. Nəcəfli deyir ki, ödənişli yolların 4-7 qəpik olması təklif edilsə də, bu təklif qəbul edilməyib: "Ola bilsin ki, yenidən təkliflər olsun. Amma bu təklif qəbul edilməyib".

222
Teqlər:
ödənişli yol, "Avtomobil yolları haqqında" qanun, alternativ yol, "Azəravtoyol" ASC, Anar Nəcəfli, yol, Azərbaycan
Əlaqədar
Bakıda tıxaclara qarşı yeni yol salınacaq
Bakıda yol polisi kameranı görüb özünü itirdi və...
Yol qəzaları niyə məhz axşamlar baş verir?
Bakıda zəncirvari yol qəzası baş verib, tıxac yaranıb
Yol polisi son günlərin ən aktual probleminə aydınlıq gətirdi - Rəsmi
Pul kisəsi, arxiv şəkli

Bir manat da xərclənməyib - Şahmar Mövsümov bloklanmış kartlar barədə

1
"Biz ehtiyacı olanlara vəsait vermək istəyirik. Bu pul kartda bloklanıbsa, bu, artıq başqa istiqamətlərə istifadə olunacaq"

BAKI, 8 avqust — Sputnik. “190 manatla, xüsusi olaraq, bloklanmış kartlarla bağlı məsələyə cəmiyyət kimi baxmalıyıq”.

Sputnik Azərbaycan bildirir ki, bunu Nazirlər Kabineti yanında Operativ qərargahın brifinqində Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov  deyib.

O bildirib ki, pandemiya dövründə ən ehtiyaclı insanlara yardım etmək nəzərdə tutulub: “Müəyyən seçimlərdən sonra 600 min nəfərə bu ödənişin verilməsi qərara alındı. Biz ehtimal edirdik ki, bu insanlara 190 manat o qədər vacibdir ki, onlar həmin dəqiqə o pulu çıxarıb istifadə edəcəklər. Ancaq bloklanmış kartlardan heç bir manat da xərclənməyib. Söhbət ondan getmir ki, biz mütləq hamıya pul paylamalıyıq. Biz ehtiyacı olanlara vəsait vermək istəyirik. Bu pul kartda bloklanıbsa, bu, artıq başqa istiqamətlərə istifadə olunacaq. Həkimlərin maaşına, daha çox tibbi texnikanın alınmasına və s.”

1
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Prezident 190 manatla bağlı göstəriş verdi
On üç bölgə üzrə 190 manatın verilməsi barədə qərar verildi
Dəqiq rəqəmi heç kim deyə bilmir! Pandemiya on minlərlə insanı işsiz qoyub
Nazirlik 190 manatlıq yardımı qarpız partlatmağa xərcləyənlərə münasibət bildirdi – VİDEO

Toya icazə verəcəklər, amma hər şey sahibkarlardan asılı olacaq

26
(Yenilənib 12:23 08.08.2020)
"Yəqin ki, bu qərar 1 və 2-ci mərhələdə olmasa da, müəyyən dövrdən sonra veriləcək" - İqtisadiyyat nazirinin müavini

BAKI, 8 avqust — Sputnik. “Prezidentin tapşırığı ilə sahibkarlıq subyektlərinə yeni maliyyə yardımın edilməsi ilə bağlı qərar verilib”.

Sputnik Azərbaycan bildirir ki, bunu Nazirlər Kabineti yanında Operativ qərargahın brifinqində İqtisadiyyat nazirinin müavini Rövşən Nəcəf deyib.

O bildirib ki, bununla yanaşı, dövlət mütəmadi olaraq sahibkarlarla görüşür:

“Onların təklifləri dinlənilir. Bizneslərin açılması istiqamətində məsələlər geniş müzakirə edilir. Hazırda hökumətdə biznes fəallığının mərhələli olaraq artırılması istiqamətində müzakirələr aparılır. İlkin olaraq insanların az toplaşdığı biznes subyektlərinin açılması ilə bağlı qərar verilib. Toylarla bağlı - burada adətən çoxlu sayda insan qapalı məkana toplaşır. Yəqin ki, bu qərar 1 və 2-ci mərhələdə olmasa da, müəyyən dövrdən sonra veriləcək. Yenə hər şey epidemioloji vəziyyətdən və sahibkarlıq subyektlərinin qaydalara necə əməl etməsindən asılı olacaq”.

Nazir müavini qeyd edib ki, bu yaxınlarda Prezidentin tapşırığına əsasən, Nazirlər Kabineti ikinci maliyyə paketini təsdiq edib və bu ödənişlərə yaxın zamanlarda başlanılacaq.

Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov isə hökumətin insanlara yardım etməməsi barədə iddialara cavab verərkən rəsmi qeydiyyatdan keçməyin vacib olduğunu vurğulayıb: "Hökumət sahibkara yardım edir ki, o, işçisini işdən azad etməsin, onun əməkhaqqını ödəməyə davam etsin. Əgər hansısa müəssisədə, restoranda, şadlıq evində işləyənlər əməkhaqqı almırlarsa, deməli, onlar qeydiyyatda olmayıblar və rəsmi işçi sayılmayıblar. Pandemiya dövründə dövlət işçilərin işdən çıxarılmasına moratorium qoyub, özəl qurumlara isə tapşırılıb ki, işçiləri çıxarmasınlar, hökumət yardım edəcək".

26
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar